Ebrœ̂ 10:5 - Kálar Nzyɛ̌m : Ejwán é Sáá

⁵ Ɨ́ tɨ̂, ɨ́ jɔ̌ʼ Krîst á be, nye mû kúno enî ɨ́ sí yɨ̂ʼ yɨ́, nye á lɛ́ɛ e Nzyɛ̌m ó: «Gó agwɨ̂m ó, bé díʼɨɨ go otír, nkʉ̂ dwe gó yʉ́ʉ́ sɔ̂ʼ dí etáa mébyaʼ yɨ́. Go á komlo nyʉ̂l nyǎm ó, nye búraa e mpɨŋ bʉr.

Kálara Zyɛ̌m Edwán é mpʉ̌n

⁵ Ebe no, é jɔʼ Krɨst a be, nye mu kunokuno le eni é si nwaʼ ɛ, nye a lɛɛ e Zyɛm ó: «Go agwɨm ó, bé dweʼ go motwina, nkʉ mɨndwɛa. Go a cye nyʉl wam ó, nye jɛna mobyaʼ mo bʉr.

Ebrœ̂ 10:5 ပူးပေါင်းရင်းမြစ်များ

1 Pyɛr 2:24

Krîst á si bɛb misyóm gá míná, ntɔ̂ʼ dwe e myé ɨ́ kolôs. Nye á sâ nó ó, mɨná nkʉ̂ dwe gá ɨ́ nkǒ páʼ mísyóm, ntɔ̂ʼ tíʼe lɨ́ otîtyěl. Mɨná bé á be gá ó, mimbêl. Mɨná ntɔ̂ʼ kǎ tíʼe gá ɨ́ nkul mepɨ́ɨ́ mé.

Ebrœ̂ 1:6

Jɔ̌ʼ Nzyɛ̌m á tyêl nye ɨ́ dǐ dí ɨ́ buú bwaʼ dúu yɨ́, nye á nze lɛ̂ʼle beéngeles bɨ́bɛ̂h nyǎ. Nye á lɛ́ɛ ó: Beéngeles bɨ́bɛ̂h ɛ̌! Bɨʼɨɨ gá nye mebóó sí lɨ́ edwe nyé kûm.

Ebrœ̂ 10:7

Me nzě lɛ́ɛ e go ó: «Me ó nyâ! Mʉr dí elwibɔɔ ɨ́ lɔ̌b wé ɨ́ mekaná métié mô nyá, me bê! Dâ Nzyɛ̌m ɛ̌, me nzé ó, me sâʼ bigwɨ́má byô!»

Ebrœ̂ 2:14

Bwán nyé dí elwib, dumo e bé bá, bé e bipúno ndu e bidwehé. Jwɨʼ gwár yaá ntémé ó Yésʉs á tíʼe yɨ́. Nye á si dwe lɨ́ esú ó, nye têʼlaa mʉr á bɨbe e nkul eswie nyá. Mʉr waá, nye ó sɔ́ŋ meleme.

Ebrœ̂ 10:10

Ɨ́ gwɨ́má yé yaá ó mɨ́ná bé á pubɔɔ gá jɔʼ gwár lɨ́ esú é bíjɔʼ bíbyɛ̂h yɨ́. Mɨná mû pubɔɔ gá ó, ɨ́ lɔ̌b ndwéá Yésʉs-Krîst á dwe Nzyɛ̌m nyʉ̂l nyé tâŋ ndwéá wɨ́.

Galásia 4:4

Yé ntɔ̂ʼ kǎ pyâl mbɨambɨa jɔ̌ʼ Nzyɛ̌m á boo tyêl yɨ́. Jɔʼ yaá ó Nzyɛ̌m á nze ntɨh Mwân wé, ó nye ntáa nzě byɛ̂l ɨ́ mo nyʉ́ʉ́ mʉ́má. Mwân waá á be ó, ɨ́ mpila métié tʉ́ŋlʉ̌.

2 Yʉanes 1:7

Ebě, bibɨ́bla bí ólɛ̂ʼla, byé mû ó sí buo ɨ́ sí yɨ́yɛ̂h, lɨ́ etô le edímle bʉ̂r. Byé akpɛl ékam ó, Yésʉs-Krîst á nze ɨ́ sí yɨ̂ʼ ó e nyʉ̂l mʉr mpâ. Mʉr kɛ́lá búʼó gá yɨ́ná nyá, nye ó ndímla bʉr le ntɨ̂m e mbɨn mé Yésʉs-Krîst.

Ebrœ̂ 8:3

Njwɨ́ɨ opara nyɨnyɛ̂h, nye tyélá ɨ́ dǐ pára yé ó, nye táŋaa mebyaʼ me bʉ̂r le edwidwě Nzyɛ̌m mindwéá. Nó ntémé ó Yésʉs á be ɨ́ bi ó, nye tôʼ dwě Nzyɛ̌m yʉ́ʉ́ sɔ̂ʼ.

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

Yʉanes 1:14

Lwǐb á be ó sí byɛ̂l mʉ̂r. Nye á si tiʼe páʼ gá nyɨ́ná. Mɨná bé á be ó sí bee gá mentyɛnwa mé, mentyɛnwa mé étíʼé é Mwân mé Nzyɛ̌m. Nye á si duho kwá Sɔ́ŋ wé lwɨ́ŋlá e mpam mé Nzyɛ̌m, le otyeetye.

Lʉkas 1:35

Nó ó éngeles á nze yala e né ó: «Yé óbe ó: Sísǐm mé Nzyɛ̌m ó ngá sulo ɨ́ go. Nzyɛ̌m dí Lʉ́ bísá bíbyɛ̂h nyá, nkul nyé, nye ógbâ gó sí pyóo nyé. Sá tɨ̂ʼ ó mwân ti gó óbyâ nyá, ójwɨrɔɔ “Mwân mé Nzyɛ̌m” yɨ́.

Mataos 11:3

«Nzê go ó mʉr bɨ́h dí ebóno ó, nye ónze nyá ɛ́? Nzê bɨ̌h bónaa mʉr swîh ɛ̌?»

Lʉkas 7:19

lómo bé, bé díʼee Tî Yésʉs ó: “Nzê go ó mʉr bɨ́h dí ebóno ó, nye ónze nyá ɛ́? Nzê bɨ̌h bónaa mʉr swîh ɛ̌?”

Ebrœ̂ 5:7

Jɔ̌ʼ Krîst á títíʼe ɨ́ sí yɨ̂ʼ yɨ́, nye á bɨbe lɨ́ ejɨʼla e mʉr á be e nkul epɛʼ nyé lɨ́ eswie nyá. Nye á si bʉ̂ bitím, jɨ kʉ́kʉ́, Nzyɛ̌m ntɔ̂ʼ jóʼo nyé ntémé ɨ́ lɔ̌b méjóʼǒ Yésʉs á sâ nye má.

Ebrœ̂ 10:8

Sá Krîst á lɛ́ɛ yɨ́, yé á be ó: «Gó agwɨ̂m ó, bé tíʼaa go otír, nkʉ̂ dwe gó yʉ́ʉ́ sɔ̂ʼ, nkʉ̂ dîʼ gó tír ntinɨ̂, nkʉ̂ dwe gó yʉ́ʉ́ sɔ̂ʼ mpʉ mítɔ́ɔ. Go á bé agwɨ̂m byê. Byé á bé abe ɨ́ lémé gô.» Nzyɛ̌m á bé akpɛl míndwéá myaá, damá jóʼo ó, metié nyé á tyêl má, mé á lɛ́ɛ ó, myé sáŋɔɔ.