Ebrœ̂ 10:39 - Kálar Nzyɛ̌m : Ejwán é Sáá

³⁹ Sâ gwár, mɨná gá bɨ́ɛ bé abe bʉ̂r o dí ebwóolo ntúʼó, ntɔ̂ʼ dîm bá. Mɨná gá bé ó bʉr o dí e búʼó bá. Ndumló tɨ̂, wé ó, ebaʼle bícwiʼ gá bíná.

Kálara Zyɛ̌m Edwán é mpʉ̌n

³⁹ Sa gwar, bɨna ga bɛɛ, bé abe bʉr o ndɨ ebuulo ntuʼo, ntɔʼ pɔhba, to dim ɨ. Bɨna ga bé ó bʉr o ndɨ e buʼo, baa bé óbi tiʼ molu mo mpoʼ mɨmɛh ɛ.

Ebrœ̂ 10:39 ပူးပေါင်းရင်းမြစ်များ

1 Yʉanes 5:5

Nzé dí e nkul entaǎ bɨ́blǎ sí yɨ̂? Yé ó njɨ waá dí ebúʼla ó, Yésʉs ó dí Mwân mé Nzyɛ̌m nyá.

1 Pyɛr 1:5

Nzyɛ̌m mû baʼle bícwiʼ bín ó e nkul nyé, ebe bɨ́n dí edyɛ̂ʼwo e né yɨ́. Nyě baʼlé mɨ́ná gá ó, lɨ́ esú lé édwe mɨ́ná gá twǐʼ njʉ̌m dǐ. Twiʼ yaá ó dí ebóno mɨ́ná gá yɨ́. Nye ólɛ̂ʼle bʉ̂r bɨ́bɛ̂h yǎ ó, lɨ́ elú lé ósûʼla lɨ́.

Markus 16:16

Waá ngá dyɛ̂ʼwo e me, ntɔ̂ʼ duŋɔɔ nyá, ótiʼe. Waá ngá be, adyɛ̂ʼwo e me nyá, nyɨ́haá ó ngá dweŋɔɔ bíntɨ́ʼá bi dí ɨ́ buú bébe bí.

1 Yʉanes 5:16

Mʉ̂r sí bee mɨ́ɔɔ́ wé lɨ́ esâ syóm, syóm waá, abe waá dí etyen nyé lɨ́ eswie wɨ́ nó, nye jɨ̂ʼlaa e Nzyɛ̌m. Nzyɛ̌m ókʉ́ tíʼ mɨ́ɔɔ́ wé. Yé e nyɔm ó, ɨ́ páʼ mɨ́ɔɔ́ dí sí sâ mbǐ syóm dí abe lɨ́ etyen mʉ̂r lɨ́ eswie wɨ́ nyá. (Sâ gwár, gúú mbǐ syóm, wé yɨ́ɛ ó tɨ̂: waá dí etyen mʉ̂r lɨ́ eswie wɨ́. Mé alɛ́ɛ ó, bɨ̌n jɨ̂ʼlaa e Nzyɛ̌m lɨ́ esú é mbi syɛ̂l misyóm waá.)

2 Pyɛr 3:7

Lwǐb mé Nzyɛ̌m gwár e gwár yaá ó dí ebaʼlě jʉ́o, le ejwoo le sí. Yé óbaʼle byé ó, tó pyâl ɨ́ móhó étíʼ é mílɔ̌b. Byé odíʼɔɔ. Minjéʼe-Nzyɛ̌m, myé ódwe ɨ́ móhó waá.

Ebrœ̂ 11:1

Búʼó, yé ó sá gó dí ebúʼla ó, yé ósyɛ́ɛ, yɨ́ɛ dína apǎ syɛ́ɛlɨ yɨ́. Búʼó, yé ó sá gó dí egʉ́a ɨ́ léme ó, yé ó tɨ̂, yɨ́ɛ apǎ nyɨ̂n yɨ́.

1 Tesalonika 5:9

Ebě, Nzyɛ̌m á bé atwâr mɨ́ná gá ó, mɨná jâʼraa gá e nkpaa nyé. Nye á twâr mɨná gá ó, mɨná bíʼee gá twiʼ ɨ́ nzɨ̌ Tî gá wɨ́ná Yésʉs-Krîst.

Yʉanes 17:12

Jɔʼ bɨ́h le onɔ́ɔ́ bé á bɨbe yɨ́, me á bɨbaʼle bé ó e nkul díé lô gó á dwe me lɨ́. Me á si kamle e bê. Kâr mʉ̂r ngwár á dîm ɨ́ sɔ́má yɔ́ɔ́, alaa ó, waá á boo be ó, nye ɨ́ jala le edîm nyá. Nye á si dîm lɨ́ esú ó, sá dí cɛmá ɨ́ Mekaná mé Nzyɛ̌m yɨ́, yé díraa.

Yʉanes 6:40

Ebě, Sɔ́ŋ wǎm gwɨ́m ó, bʉr bɨ́bɛ̂h ngá bee Mwân wé, dyɛ̂ʼwo e né bá, bé níʼee ɨ́ twǐʼ njʉ̌m dǐ. Mɛm, me ópɛh bé ɨ́ móhó ésúʼlá é sí yɨ̂.»

Lʉkas 11:26

Wê nzě tó nʉa mísísǐm miswîh, myaá myé á be ɨ́ buú bébe, laa wé mí, nzaangbá. Myé ntɔ̂ʼ búlǎ sɔ́má, nzě diŋɔɔ sí ɨ́ mbɛ̌r waá. Ɨ́ jɔ̌ʼ nɨ̌, ntɨ́ʼá mʉ̂r waá ókǎ sia e yé yɨ́, yé ólaa yaá ésôʼ lɨ́ ebébe.»

2 Tesalonika 2:3

Mʉ̌r sá adímle bɨ́n e nzɨ̌ lwǐb míkóo ɨ́ nyʉ́ʉ́ nzɨ́ e nyʉ́ʉ́, ebě, móhó waá, wé ányɛɛ́ pyâl nó. Bʉr ɨ́ buo buo, bé ónyɛɛ́ gbɔba e Nzyɛ̌m. Mʉr dí egbah métié mé Nzyɛ̌m nyá, nyé okǎ tyɛ̂b ɨ́ teʼwó ɨ́ míh mé bʉ̂r ɨ́ ponó ɨ́ jɔʼ yaá. Nye ó ngá tyɛ̂b ésôʼ e bʉr o ngá dîm kɔ́m ti e kɔ́m bá.

Yʉanes 20:31

Sá mé mû sí cɛma bɨ́n ɨ́ mekaná mâʼ yɨ́, yé ó, bɨ̌n bûʼlaa ó, Yésʉs ó dí Mʉ̌r Nzyɛ̌m á lœm múló mé jwɨ́ɨ nyá, nye ntémé, nye ó Mwân mé Nzyɛ̌m. Bɨ́n sí dyɛ̂ʼwo e né nó, bɨ̌n bé óbǐ twiʼ ɨ́ nzɨ̌ nyé.

Mɨngwiha 17:11

Nó ó tír waá, waá á boo be tɨ̂, waá mû akǎ be nyá nyɨɛ, nye ó njwɨ́ɨ mwom. Bé le ojwɨ́ɨ nzaangbá, bé ó sɔ́má gwár. Nyě tó ó, tó dwě dwêʼ.

Ebrœ̂ 10:26

Yé bé mɨná bɨ́ gʉ́a gá otyeetye ɨ́ pébébé, mɨná ntɔ̂ʼ kʉ́ gbáa gá ó, mɨná tó gá ó dóló le esâ syóm nó, lɛ́ɛ́, yé abe e mindwéá myé óbɛ̌m pubo mɨ́ná gá e misyóm myaá.

1 Timotɛ 6:9

Tó kœb ó, bʉr o b'á tíʼe ɨ́ milémé myɔ́ɔ́ ó, bé óbi bísâ ɨ́ buo buo bá, bé lɨ́ eduma ɨ́ mebʉ́blá. Bé lɨ́ eswam bé bʉr o tɨ̂ʼ enkɔ́máá ɨ́ twíí. Bé lɨ́ emɛ́rɔɔ ɨ́ mpila bígwɨ́má ɨ́ buo buo. Bʉr o dí edû bígwɨ́má byaá bá, bé dú ó, sá dí ajwɨ̂ʼ yɨ́, le yaá dí edulo mítúú ɨ́ nyʉ̂l mʉr yɨ́. Bé e mbi bígwɨ́má dí edímle mʉ̂r, le ejʉ̂ nyé wɨ́.

Yʉanes 5:24

«Mě lɛ́ɛ́ bɨ́n lɨ́ otyeetye ó, mʉr ngá jôʼlǒ lwǐb yâm le edyɛ̂ʼwo e mʉr á ntɨh me nyá, nyɨ́ bǐ twǐʼ njʉ̌m dǐ. Nye ákǎ tíʼɔɔ mílɔ̌b. Nyɨ́ boó duho lɨ́ eswie, ntaa ɨ́ twǐʼ njʉ̌m dǐ.

Mɨngwiha 17:8

Tír gó á bee nyá, á boo be ó tɨ̂, jɔ̌ʼ myâ. Tó kœb ó, nyé akǎ be. Yɨ́ kǎ lîʼ tîtííǎ, nyé opah, duho ɨ́ bɨ́ dí sí ɨ́ kœ́ʼlɛ́ yɨ́. Nyé óduho tɨ̂ʼ nó, nyé odwe. Nzyɛ̌m á si cɛma míé mé bʉ̂r o nyé ngá tíʼ bá, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Sâ gwár, bʉr o míe dí anyɨ̂n ɨ́ mekaná mé twiʼ maá bá, bé óbuú kâm tír waá, ebě, bé óbee ó, nye á be ɨ́ nyɛɛ́ tíʼe, nye nzě dwe. Bé óbee nyé ntémé lɨ́ ebáʼǎ pah.

Ebrœ̂ 10:38

Mʉr wǎm ngá bi nkâm ɨ́ lɔ̌b búʼó yé nyá, óbǐ twǐʼ njʉ̌m dǐ, duho tɨ̂. Yé sí kǎ pyâl ó, nyɨ́ bwóolo ntúʼó nó, lémé wâm, wé l'akǎ bee nyé mbɨ̂mbɨá.»