Ebrœ̂ 10:36 - Kálar Nzyɛ̌m : Ejwán é Sáá

³⁶ Sá dí ejɨŋɔɔ ɨ́ páʼ wɨ́n yɨ́, yé ó bíhwó. Bɨ́n ósâ bíhwó nó, bɨ̌n bé ósâ gwɨ́má mé Nzyɛ̌m ɨ́ jɔʼ yaá. Bɨ̌n bé obǐ sá nyé á kɛʼ bɨ̌n yɨ́.

Kálara Zyɛ̌m Edwán é mpʉ̌n

³⁶ Sa lé ejɨŋɔ é nko paʼ win ɨ, yé ó bihbe. ǃBɨn si be e bihbe waa nɛʼɛ, bɨn bé ósa gwɨma mo Zyɛm é jɔʼ yaa. Bɨn bé óbi sa nye a kɛʼ bɨn ɨ.

Ebrœ̂ 10:36 ပူးပေါင်းရင်းမြစ်များ

Ebrœ̂ 12:1

Ɨ́ páʼ gá wɨ́ná, mɨná gá bé ó tʉ́ŋlʉ̌ bʉr baá. Bé lɨ́ ebɔma mɨ́ná gá ɨ́ nká, lɨ́ eboʼlo mílɔ̌b mé Nzyɛ̌m. Nó ó, mɨná líʼaa gá mimbeʼ médile mímyɛ̂h le syóm dí ekwable mɨ́ná gá wɨ́ wɨ́wɛ̂h. Mɨná sâʼ gá bíhwó lɨ́ eswim míkám, tó pyâl ɨ́ súm Nzyɛ̌m á lyáŋle njɨ ésíé é kám yɨ́.

1 Korɛnt 13:7

Kpɛ̌l, yé lɨ́ ebúblǒ sá yɨ́yɛ̂h. Mʉr dí e kpɛ̌l lɨ́ esú é bʉ́ʉ́ bʉ̂r nyá, nyě e nkul ebúʼla bísá byɔ́ɔ́ bíbyɛ̂h. Lémé wé, wé lɨ́ elóno ɨ́ mpûʼla ɨ́ jɔʼ yɨ́yɛ̂h. Nye lɨ́ etô dóló le ekpɛl bʉ̂r ɨ́ jɔʼ yɨ́yɛ̂h.

Lʉkas 21:19

Tiʼɨɨ gá menyʉ́l mɨ́n ɨ́ nzɨ̌ bíhwó nyɨ́n!»

Ebrœ̂ 6:15

Abraham á si dûhwo mpʉ̂n. Sá tɨ̂ʼ ó nyé á bi sâ Nzyɛ̌m á kɛʼ nye yɨ́.

Rôm 2:7

Bâʼ bʉ̂r, bé sáá ó kûm, le dúu le twiʼ dí asíesie yɨ́. Bé lɨ́ edûhwǒ sɔ́ɔlʉ waá e bíhwó, lɨ́ esâ mímpaŋ bísyɛ́ɛla. Bé ó baá Nzyɛ̌m ngá dwě twǐʼ njʉ̌m dǐ bá.

Mɨngwiha 14:12

(Wâʼ ɨ́ gúmó yɨ̂, yé lɛ́ʼlé ó, bʉr o dí egúmo e Nzyɛ̌m bá, yé mbɨa ɨ́ páʼ wɔ́ɔ́ ó, bé díʼee e bíhwó. Bé ɨ́ jala ntémé le ebaʼle métié mé Nzyɛ̌m, le edyêʼ koo e Yésʉs.)

1 Yʉanes 2:17

Sí yɨ̂, le bisá bíbyɛ̂h bʉ̂r dí egwɨ̂m tɨ̂ʼ bí, byé lɨlaa ó laŋáa. Nó ó, mʉr dí esâ sá Nzyɛ̌m á tɨ́e yɨ́ nyá, nyě tíʼé ó, njʉ̌m dǐ e njʉ̌m dǐ.

Galásia 6:9

Mɨná tôʼ dóló le esɨsâ gá bisyɛ́ɛla bimpâ, akâr. Mɨ́ná bé abîr gá bisyɛ́ɛla byaá nó, mɨná bé ódira gá nyɔm tɨ̂, píe mâ jɔʼ.

Mataos 10:22

Bʉr bɨ́bɛ̂h, bé óbene bɨ́n ɨ́ lɔ̌b wâm. Nó waá ngá dûhwo, tó pyâl lɨ́ esíé nyá, nyɨ́haá ó ngá tiʼe.

Kolosi 1:11

Bɨ̌h jɨjɨʼlá e né ntémé ó, nye tyɛ́bɨɨ bɨ̌n ɨ́ miléme, ó bɨ̌n séaa bisyɛ́ɛ́ bí nkûl mimbi mímyɛ̂h e nkul ɨ́ buo buo nyé dí e né nyɨ́. Bɨ̌n sɨ̂sea nó ó e bíhwó, le esia e mitúú, ti e bisʉhʉʉ.

Rôm 8:25

Sá mɨ́ná dína apǎ bee gá yɨ́, mílémé gá míná, myé ólóno ɨ́ mpûʼla ó, mɨná bé óbee gá yé nó, go ó, mɨná bé ɨ́ jala le edûhwo gá mpʉ̂n nyaá e bíhwó.

Ebrœ̂ 9:15

Mpʉ̌ Krîst á sâ nó yɨ́, nye mû ó mesaádɔm dí etyɛ̂b páʼ gá nyɨ́ná e Nzyɛ̌m nyá. Nye á tyɛ̂b nó ó, lɨ́ esâ édwán é sáá páʼ gá nyɨ́ná e Nzyɛ̌m. Saá nyaá, nye tɨ̂ʼ ó, lɨ́ esú é bʉ̂r ó Nzyɛ̌m á jébe bá, ó bé bíʼee twǐʼ njʉ̌m dǐ, jala e nkɔb líʼe nyɔ́ɔ́. Yé ó sá Nzyɛ̌m á kɛʼ bé yɨ́, ebě, Krîst á si dwe, lɨ́ enzě táǎ góo, le edwih mɨ́ná gá ɨ́ mpila ébébe, pɛʼ mɨ́ná gá ɨ́ fá. Mɨná bé á be gá ɨ́ mpila yaá ó, tɨ̂ e bisyɛ́ɛla bí ébébe mɨ́ná bé á sâ gá ɨ́ jɔʼ mɨ́ná bé á be gá ɨ́ saá esôʼ yɨ́.

Kolosi 3:24

Gʉ́ŋáá gá ó, Tî Yésʉs ókʉ́ jána e bɨ̌n tɨ̂. Bɨ̌n bé óbi mémbɨa nyé dí ekomo bʉ̂r bé má. Mé óbe ó nkɔb líʼe nyɨ́n. Mpǎŋ njwɨ́ɨ bɨ́n dí eséa e né nyá ó dí Krîst.

Ebrœ̂ 13:21

Mě jɨʼlá e né ó, nye tyɛ́bɨɨ bɨ̌n ɨ́ miléme, ó bɨ̌n sâʼ syɛ́ɛla nyé dí ebeě mbɨ̂mbɨá yɨ́, mɨná nkʉ̂ lóŋlo gá gwɨ́má yé ɨ́ nzɨ̌ mé Yésʉs-Krîst, dí e kûm njʉ̌m dǐ e njʉ̌m dǐ nyá. Amɛn!

Ebrœ̂ 6:12

Bɨ̌h bé akpɛl ó, bɨ̌n díʼee mipwɨ́pwɨ̂h mí ósyɛ̂l o mésâ. Bɨ̌h jaá gwɨ̂m ó, njɨ bɨ̌n sâʼ mpʉ bʉ́ʉ́ óbûʼla mé Nzyɛ̌m dí eboó sɨsâ yɨ́: bé e búʼó ndu e bíhwó. Bɨ́ɛ ntémé ó ngá nʉǎ sá Nzyɛ̌m á kɛʼ bé yɨ́, jala e nkɔb líʼe nyɔ́ɔ́.

Éfɛsɔs 6:6

Mʉr aséa gá syɛ́ɛ́ njɨ ɨ́ jɔʼ bé dí epála nyé yɨ́. Mʉ̌r sá aséa lɨ́ esú é méswɨ̂ʼlʉ me bʉ̂r. Mpʉ bɨ́n mû osyɛ̂l o mésâ mé Krîst yɨ́, séáá gá bé syɛ́ɛ́, lɨ́ elóŋlǒ gwɨ́má mé Nzyɛ̌m, e milémé mín mímyɛ̂h.

Rôm 12:2

Adû gá metum me bʉ̂r ó myǎ wɨ̂. Yé jala ó, Nzyɛ̌m dwêʼ bɨ̌n bijwɨʼ bidwân, ó nye dwírɨɨ bɨ̌n miléme. Nó ó bɨ́n ngá gʉ́ǎ sá Nzyɛ̌m dí ekpɛl yɨ́. Bɨ̌n bé ogʉ́ǎ sá dí ɨ́ mbɨa yɨ́, sá dí ejala e né yɨ́, ndu e yaá dí ɨ́ pémémé ɨ́ mipáʼ mímyɛ̂h yɨ́.

Mataos 24:13

Sâ gwár, mʉr ngá dûhwo, tó pyâl ɨ́ mesíé nyá, ótiʼe.

Mɨngwiha 13:10

Nzyɛ̌m, nyě lɛ́ɛ́ ó: Yé bé kɛl swîh, kɛl kɛl ó jálá le etô lɨ́ okómó nó, nye óbánǎ tô. Yé bé kɛl swîh, kɛl kɛl ó jálá le ejʉ́ŋɔɔ e pasoŋ nó, nye óbánǎ dwe nó.» (Wâʼ ɨ́ gúmó yɨ̂, yé lɛ́ʼlé ó, yé mbɨa ɨ́ páʼ bʉ̂r o dí egúmo e Nzyɛ̌m bá ó, bé díʼee ntémé e bíhwó. Bé dyéʼee koo e Nzyɛ̌m.)

1 Pyɛr 1:9

Milémé mín, mí bǐ twǐʼ njʉ̌m dǐ. Twiʼ yaá, yé duho ó, ɨ́ búʼó bɨ́n dí ebúʼlǎ Krîst yɨ́.

Ebrœ̂ 6:17

Nzyɛ̌m á tíʼe ɨ́ lémé wé ó, nyě sá ó bʉr gʉ́ŋaa lɨ́ otyeetye ó, nye ábîr mbɨambɨa nkɛ̌ʼ nyé. Nó yaá ó nyé á ntaa minkâl ɨ́ jɔʼ nyé á kɛʼ bʉr membɨa mé yɨ́. Minkál myé myaá ó b'á lɨl nkɛ̌ʼ nyé. Bʉr o jálá le ebi nkɛ́ʼ nyaá bá, bé ogʉ́ǎ tyeetye ó, bé ókʉ́ bi nyê.

Kolosi 4:12

Epafrâs, mʉr á duho kwá nyɨ́n nyá, nye lɨ́ esoho bɨ́n. Nye ó syɛ̂l mesâ mé Krîst. Nye lɨ́ ejɨʼla e Nzyɛ̌m e nkul jɔʼ yɨ́yɛ̂h ɨ́ lɔ̌b wɨ́n ó, bɨ̌n tyɛ́bɨɨ mekʉ̌ sí ɨ́ sɨ́ŋ, bɨ̌n díʼee otɔ́má bʉ̂r ɨ́ mipáʼ mímyɛ̂h, le egʉ́a bísyɛ́ɛla bíbyɛ̂h Nzyɛ̌m dí ekpɛl bí ɨ́ pébébé.

Mɨlʉmlʉ 13:22

Jɔʼ nyé á pɛʼ Saʉ̂l ɨ́ dǐ njwɨ́ɨ Ɨ́zraɛ̂l yɨ́, nye nzě jébě David, tyêl nyé ɨ́ dǐ yaá. Nye á boʼlo ó: “Me á bee ó, David, mwân mé Yesê. Nye ó mbi mʉ̂r mé dí ekpɛl wɨ́. Nye ósâ sá yɨ́yɛ̂h mé dí egwɨ̂m ó, nye sâʼ yɨ́.”

Yʉanes 7:17

Mʉr dí egwɨ̂m ésâ bígwɨ́má mé Nzyɛ̌m nyá, ógʉ́ǎ gúmó lɛ́ʼlá wâm, wé á duho yɨ́: nkʉ̂ wé á duho ó, kwá mé Nzyɛ̌m, nkʉ̂ mě lwǐb ó e nkul nyǎm, mɛm mʉr tɨ̂.

Lʉkas 8:15

Nó bʉ́ʉ́ bʉ̂r, bé ó mpʉ̌ mpeʼ, yé á kur ɨ́ bwǎh métyɛʼ yɨ́. Bé lɨ́ ejóʼǒ lɔ́ɔ́ mé Nzyɛ̌m e mimbɨambɨa míléme. Bé lɨ́ emɛ̂r lɔ́ɔ waá ɨ́ kpɨ́ɨ́ɨ́, le esâ bíhwó, gúmo ntémé mpumó ɨ́ buo buo.»

Mataos 21:31

Ɨ́ bwán óbá baá, waá wáa á sâ gwɨ́má mé sɔ́ŋ nyá?» Bê nzě yala e né ó: «Waá esôʼ.» Yésʉs nzě kǎ lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, onwɨa ó mɔnɨ́ tœ́a le bisadága bi bʉ́bá, bé ó ngá nyɛɛ́ pyâl e bɨ̌n ɨ́ Mpóʼo mé Nzyɛ̌m.

Mataos 12:50

Waá nyɨnyɛ̂h dí esâ gwɨ́má mé Sɔ́ŋ wǎm dí ɨ́ jʉ́o kʉ́ nyá ó dí mɨ́ɔɔ́ wǎm, kɛ́lâm le nyɔ̌ŋ wǎm.»

Mataos 7:21

«Ntʉ mʉ̂r nyɨnyɛ̂h ngá lɛ́ɛ ó: “Dâ ɔ́, Dâ ɔ́!” nyá, ngá nî ɨ́ Mpóʼo mé Dâ Nzyɛ̌m, njɨ waá nyɨnyɛ̂h dí esâ gwɨ́má mé Sɔ́ŋ wǎm dí ɨ́ jʉ́o kʉ́ nyá.

1 Tesalonika 1:3

Ɨ́ minjɨʼla bɨ́h dí ejɨʼla e waá dí Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá mí, bɨ̌h bé lɨ́ esímsǎ syɛ́ɛ́ bɨ́n á séa ɨ́ lɔ̌b búʼó yɨ́n yɨ́. Yé á be ó, ɨ́ kpɛ̌l bɨ́n dí ekpɛ̌l Nzyɛ̌m yɨ́. Bɨ̌h símsá ntémé ó, mitúú bɨ́n á sia e myé ɨ́ nzɨ̌ mpûʼla Tî Yésʉs-Krîst á gbâ bɨ̌n ɨ́ miléme nyɨ́ mí. Bɨ̌h sá nó ó, ɨ́ mpǒm mé Nzyɛ̌m gá wɨ́ná, dí Sɔ́ŋ gá wɨ́ná nyá.

Mɨlʉmlʉ 13:36

Jɔ̌ʼ David á be ɨ́ twiʼ yɨ́, nye ó b'á bu séa Nzyɛ̌m syɛ́ɛ́, lɨ́ edû mítíʼá mí lémé mé Nzyɛ̌m. Nye nzě dwe, nye ntɔ̂ʼ debě bǎʼ e bimpám byé. Múú wé, wé ntɔ̂ʼ bo.

Markus 3:35

Mʉr nyɨnyɛ̂h dí esâ sá Nzyɛ̌m dí ekpɛl yɨ́ nyá ó dí wǎm mɨ́ɔɔ́, wǎm kɛ́l ndu e wǎm nyɔ́ŋ.»

Rôm 12:12

Diʼee gá e bisʉhʉʉ ɨ́ mpûʼlǎ Nzyɛ̌m á gbâ bɨ̌n ɨ́ miléme nyɨ́. Júhwáá gá mitúú bɨ́n dí esia e myé mí. Tirwaa gá syɛ́ɛ́ mínjɨʼla.

Ebrœ̂ 11:39

Nzyɛ̌m á si kam bʉr baá bɨ́bɛ̂h ɨ́ lɔ̌b búʼó yɔ́ɔ́, bɨ́ɛ yɨ́ɛ apǎ bǐ sá nyé á kɛʼ bé yɨ́.