Ebrœ̂ 10:35 - Kálar Nzyɛ̌m : Ejwán é Sáá

³⁵ Mʉ̌r sá amyǎh búʼó dí elɛ́ɛ nyé ó, nye óbɛ̌m sîhle kwá mé Nzyɛ̌m yɨ́. Búʼó yaá, yé óbe nyé ó e myɛ́na ménɨ́nɨ́ɨ́.

Kálara Zyɛ̌m Edwán é mpʉ̌n

³⁵ Ebe no, mʉr beʼ l'acyɛʼ nyʉl. É jɔʼ bɨn ndɨ etʉm monyʉl ɨ, yé óbe bɨn e myɛna monɨnɨ.

Ebrœ̂ 10:35 ပူးပေါင်းရင်းမြစ်များ

1 Korɛnt 15:58

Bɨ́ɔɔ́ le okɛ́l bâm mé dí ekpɛl bá, tyɛ́bɨ́ɨ́ gá mekʉ̌ sí ɨ́ sɨ́ŋ. Kʉ́ buú séa gá syɛ́ɛ́ mé Tî Yésʉs ɨ́ jɔʼ yɨ́yɛ̂h. Gʉ́ŋáá gá ó, syɛ́ɛ́ bɨ́n dí eséa Tî Yésʉs yɨ́, yé ákóʼó dwě ntuʼ.

Ebrœ̂ 3:6

Tó kœb ó, Krîst nyɨɛ á si tyélɔɔ ɨ́ dǐ Mwân á jala le edǐ lʉ́ mbɛ̌r bʉ̂r waá nyá. Mbɛ̌r bʉ̂r waá, wé gúmó ntémé ó e né. Mɨ́ná bé ódi gá e mpûʼla ɨ́ miléme, le ekʉ́ gʉ́ǎ sá mɨ́ná dí ebúʼla gá yɨ́, abáawǒ sɔ̂ʼ nó, lɛ́ɛ́, mɨná gá ó dí bʉ̂r ó mbɛ̌r bʉ̂r wé waá.

Lʉkas 14:14

Gó sá nó wá, go óbi métyɛʼ me mpóm, ebě, bé abe e nkul ebwóolo gó embɨa lô. Embɨa laá, lé óbwóolɔɔ gó ó, ɨ́ móhó ótîtyěl o bʉ̂r, bé ópah wɨ́.»

Ebrœ̂ 11:26

Nye á kpɛl ó, bé pyéhee bé e Krîst sɔ́má, laa ó, nye bíʼee okúm ɨ́ sí Egɨ̂ptɛn. Nye á si bee myɛ́na Nzyɛ̌m á komo nye má.

Mataos 5:12

Sohaa gâ, mɛɛlaa gâ, ebě, myɛ́na ménɨ́nɨ́ɨ́ le embɨa, mé lɨ́ ebóno bɨ́n ɨ́ jʉ́o kʉ́, ebě, bé á tîtible ogwíha o mílɔ̌b bé á nyɛɛ pyâl e bɨ̌n bá ó mpʉ́nʉ̌.»

Ebrœ̂ 4:14

Mɨná gá bé e ánɨ̂nɨ̂n njwɨ́ɨ opara: Yésʉs, Mwân mé Nzyɛ̌m. Nye á si ntaa jʉ́o, le ejwoo le baántɛ́n, tó di ɨ́ jʉ́o kʉ́. Nó, mɨná tôʼ gá dóló le ekǎm búʼó gá yɨ́ná.

Ebrœ̂ 3:14

Sá dí tɨ̂ʼ yɨ́, yé ó: mɨ́ná ódi gá ɨ́ bidǐ gá bíná, apʉʼa tɨ̂, tó pyâl ɨ́ mesíé nó, go ó, mɨná gá be ó bʉr ó njoo mé Krîst ó tɨ̂ʼ yɨ́.

Mataos 10:32

«Nó mʉ̂r sí tɨ̂ʼ bɨr yé, gbân mé témé bʉr nó, me ntémé ógbân nyé ɨ́ míh mé Sɔ́ŋ wǎm dí ɨ́ jʉ́o kʉ́ nyá.

Mataos 10:42

Mě lɛ́ɛ́ bɨ́n lɨ́ otyeetye ó, ɨ́ sɔ́má ómpʉ́n bâm bɨ́bɛ̂h, mʉ̂r ódwe waá dí ɨ́ buú twâʼwo tɨ̂ʼ nyá, damá bě bélé médíbé métálá gwár e gwár, ebe mʉ̂r waá dí mpʉ́n wǎm nó, nye óbǐ mpǎŋ myɛ́na.»

Ebrœ̂ 2:2

Mɨná bé lɨ́ egʉ́a gá ó, mpáŋla bééngeles, bé á nze e né nyɨ́, á be ó e nkul. Mʉr nyɨnyɛ̂h á gbah metié, le waá á sâ mé ajóʼo nyá, á si bi myɛ́na mé á jala le ebɨ̌h lé laá má.

Éfɛsɔs 3:12

Ɨ́ mpúhlá gá nyɨ́ná e Krîst, ɨ́ jɔʼ mɨ́ná dyéʼ gá koo e né yɨ́, mɨná bé lɨ́ epyâl gá kwá mé Nzyɛ̌m, abáawǒ sɔ̂ʼ, abe ntémé e yʉ́ʉ́ sá ngá ntɨ̂ʼ yɨ́.

Ebrœ̂ 10:19

Bɨ́ɔɔ́ bɨ́h le okɛ́l bɨ́h! Mɨná mû ó sí nʉa gá pîm ɨ́ búʼó lɨ́ eswɨɨ e métié mé Yésʉs mé á swɨɨ sí lɨ́. Nó, mɨná sîhlaa gá, tó pyâl ɨ́ ntɔ́ɔ dí ɨ́ buú buǒ tí nyɨ́.

2 Yʉanes 1:8

Bɨ̌n e báʼ gá bɨ̌n bʉr o tɨ̂. Abîr gá ó, bɨ̌n dímlaa sá mɨ́ná bé á boo séa gá lɨ́ esú lé yɨ́. Sáŋáá gá ó, bɨ̌n bíʼee myɛ́na maá ɨ́ ntʉʉʉ́.