Ebrœ̂ 10:33 - Kálar Nzyɛ̌m : Ejwán é Sáá

³³ Ɨ́ jɔʼ yaá, bâʼ bʉ̂r, bé á be lɨ́ elwɨ́ɔɔ le etíblɔɔ ɨ́ kpɛŋlɛm. Bʉ́ʉ́ bʉ̂r bɨ́ɛ, bé á kam ó, bé súʼó ó bʉr o b'á sáŋɔɔ nó bá.

Kálara Zyɛ̌m Edwán é mpʉ̌n

³³ É til molu yaa, baʼ bʉr é l'esama lɨn, bé a be ó lé elwɨɔ le etíilɔ é kpɛŋlɛm. No ó, bʉʉ bʉr bɛɛ, bé a mɛʼle ó, bé fuʼa bʉr o b'a saŋɔ no e.

Ebrœ̂ 10:33 ပူးပေါင်းရင်းမြစ်များ

1 Korɛnt 4:9

Ebě, mbeá wâm, wé ó, Nzyɛ̌m á si tyêl bɨ̌h, bʉr o mílʉ́mlʉ́ bé, ɨ́ tyé bʉ̂r o jálá le ebuú pyaŋɔɔ, baá bé ókpɛl éjʉ̂ téme bʉr bá. Bɨ̌h mû ó, sí tyélɔɔ ɨ́ míh mé bʉ̂r mpʉ bʉ̂r o jálá le esiŋlɔɔ bá, táare e bʉr ó sí yɨ̂, kumo e beéngeles.

Filipi 4:14

Damá jóʼo nó, bɨ̌n bé á si kʉ sâ embɨa lɨ́ enʉa nkɔ̂b ɨ́ mitúú myâm.

Filipi 1:7

Yé jala ó, me pâhlaa lɔ̌b wɨ́n ɨ́ mbi waá, ebě, me lɨ́ ecwɨ́a e bɨ̌n ɨ́ buo buo. Nzyɛ̌m á si cwɨ́a e mɨná gá óbɛ̂h jwɨʼ gwár. Damá jóʼǒ mpʉ mé dí mbʉʼ yɨ́, damá jóʼǒ mpʉ mé dí eboʼlǒ Mbɨambɨa Lɔ́ɔ́ mé Nzyɛ̌m yɨ́, metyɛʼ me mpóm mé Nzyɛ̌m, mé lɨ́ eswɨɨ ɨ́ mɨná gá ó tɨ̂.

Ebrœ̂ 11:36

Bʉ́ʉ́ bʉ̂r, bé á si kam elwɨ́ɔɔ le ebíŋɔɔ ɨ́ lɔ̌b búʼó yɔ́ɔ́. Bâʼ, bé á si káʼɔɔ e mikʉ̂kɔ̌b, tyenɔɔ lɨ́ okómó ɨ́ lɔ̌b búʼó yɔ́ɔ́.

1 Tesalonika 2:14

Bɨ́ɔɔ́ bâm! Okɛ́l bâm! Bʉr ó Mbɛ̌r-Nzyɛ̌m dí ɨ́ sí Yʉ́da bá, bé á si bee mitúú. Bɨ̌n ntémé mû ó lɨ́ esia e mitúú mímpwár myaá. Bɨ̌n le onɔ́ɔ́ mû ó lɨ́ ekʉ́ nwɨɨla ɨ́ pâʼ waá, ebě, bʉr ó kúl bʉ̂r yɨ́n, bɨ́ tíble bɨ́n mpʉ óYúden dí eboó titíble bɨ́ɔɔ́ bɔ́ɔ́ bé á bûʼla Yésʉs bá.

Ebrœ̂ 13:13

Sá tɨ̂ʼ ó mɨ́ná jálá le eduho tʉ́ŋlʉ̌ nkana yaá yɨ́. Mɨná dúhaa gá tɨ̂, tó pyâl nkǒ Krîst dí ɨ́ nkanǎ kʉ̌l yɨ́, mɨná gá le onɔ́ɔ́ nkʉ̂ pyaŋɔɔ̌ jwɨʼ gwár e gwár.

Ebrœ̂ 11:26

Nye á kpɛl ó, bé pyéhee bé e Krîst sɔ́má, laa ó, nye bíʼee okúm ɨ́ sí Egɨ̂ptɛn. Nye á si bee myɛ́na Nzyɛ̌m á komo nye má.

2 Timotɛ 1:8

Nó, ajóʼo bá sôn ɨ́ lɔ̌b mboʼlá mɨ́ná dí eboʼlo, dumo e Tî gá wɨ́ná wɨ́. Ajéʼe mɛ̂m. Ajóʼo sôn ɨ́ lɔ̌b ménkara mé mû kɛ́ʼá e mé má. Go e dúhwó mítúú mi dí edweŋɔɔ mɨ́ná ɨ́ lɔ̌b Mbɨambɨa Lɔ́ɔ mí. Go e dúhwó e nkǔl Nzyɛ̌m dí edwe nyɨ́.

2 Korɛnt 12:10

Sá tɨ̂ʼ ó mé dí e bisʉhʉʉ ɨ́ léme yɨ́, ó me díʼee tyɛʼbol, me lwɨ́ɔɔ, me síaa e mitúú e mindɛ̌l, le ntémé, me tíblɔɔ le esáŋɔɔ míngamla lɨ́ esú mé Krîst. Ebě, ɨ́ jɔʼ mé dí lɨ́ etyɛʼ yɨ́, ɨ́ jɔʼ gwár e gwár yaá ó mé dí e nkul ntémé.

Ebrœ̂ 12:4

Mpʉ bɨ́n dí elwímla e njwɨr ébébe wɨ́n yɨ́, bɨ̌n bé apǎ gwá lwímla e wé mbɨ̂mbɨá. Sá tɨ̂ʼ ó étó é métié lɨ́n, dína apǎ tɔ́ba sí yɨ́.