Ebrœ̂ 10:29 - Kálar Nzyɛ̌m : Ejwán é Sáá

²⁹ Bʉr pǎ nyɛɛ́ jʉ́ŋɔɔ ɨ́ lɔ̌b ébɨ̌h bé sá métié mé Moyɨ̂z lɨ́, á dwɛʼra e mʉr dí etyéele Mwân mé Nzyɛ̌m sí mebo mé nyá! Nye ókʉ́ jala e bibɨ́bla bíntɨ́ʼá, laa náǎ, ɨ́ lɔ̌b jwɨʼ yé yɨ̂: metié Krîst á pyêl, lɨ́ esâ édwán é sáá e mé má, mé mû nye ó tʉ̂toʼó, nyɨɛ yɨ́ɛ sí pǎ pubɔɔ e tɨ̂! Bɨ̌n jwɨʼ nyá ɨ́ lɔ̌b mʉ̂r á pya Sísǐm mé Nzyɛ̌m wé á nyɛɛ sâ nye mpam wɨ́ nyá? Mʉr tɨ̂ʼ ókǎ sáŋɔɔ nyá ɛ́?

Kálara Zyɛ̌m Edwán é mpʉ̌n

²⁹ Bʉr pa taare jʉŋɔ é lɔb ebɨh bé lé esa motie mo Moyiz ɨ, a dwɛʼra e mʉr lé etíile Mwan mo Zyɛm é mobò me si ɨ? Nye ókʉ jala e bɨbebebebe bɨntɨʼa, laa naa! Mpʉ jwɨʼ ye ndɨ ɨ, yé ó yi: motié Krɨst a pyɛl é l'efu ó, Zyɛm deʼ edwan e mpʉn ɨ, mé mu nye ó tɨtoʼo, nyɛɛ yɛɛ si pa pubɔ e tɨ! Bɨn bé ejwɨʼ é yé, tiibe e mʉr a pyeh nteme Mbɨambɨa Sisim, a bɛa lɛʼle nye ncwɨncwɨa ɛ? Mʉr tɨʼ ósaŋɔ nyá ɛ?

Ebrœ̂ 10:29 ပူးပေါင်းရင်းမြစ်များ

Ebrœ̂ 6:6

Ɨ́ jɔ̌ʼ mbi bʉ̂r baá ká dímlě búʼó yɔ́ɔ́ yɨ́, yé abe e yʉ́ʉ́ sá swîh dí e nkul ekǎ sâ ó, mʉr báʼa túmǒ koo le mebébe mé, le edwirǎ léme. Ebě, bé bʉr o tɨ̂, bɨ́ bomlo Mwân mé Nzyɛ̌m e binzâŋ, bɨ́nɔɔ nyé ɨ́ kolôs kʉ́ ɨ́ jɔʼ mbá, lɨ́ esâ ó, nye búu pyaŋɔɔ ɨ́ kpɛŋlɛm.

Éfɛsɔs 4:30

Mʉr agbâ gá Sísǐm mé Nzyɛ̌m ebúʼ ɨ́ léme. Sísǐm waá, wé ó mpʉ̌ jwɨʼ nyé á gbâ ɨ́ bɨ̌n yɨ́. Nzyɛ̌m á gbâ bɨ̌n jwɨʼ yaá ó, bɨ̌n nkʉ̂ gʉ́a tɨ̂ʼ ó, nye ótáǎ góo, le edwih bɨ́n ɨ́ mpila ébébe, pɛʼ bɨ́n ɨ́ fá.

1 Korɛnt 11:27

Sɨ́ǎ yaá ó dí ó, mʉ̂r sí dě blêr yaá, nkʉ̂ menyoʼ maá mbǐ ndéá dí ajala wɨ́ nó, nye ónʉa mébě, ebě, nyɨ́ sâ syóm ɨ́ nkǒ pâʼ nyʉ̂l le metié me Tî gá wɨ́ná.

Lʉkas 12:10

«Mʉr nyɨnyɛ̂h dí elwib e Mwân mé Mʉr ebébe nyá, baa ébébě Nzyɛ̌m ngá láa tɨ̂ʼ yɨ́, yé óbɛ̌m pɛʼɔɔ. Sâ gwár, mʉr ngá sâ Sísǐm mé Nzyɛ̌m nkěh nyá, baa ébébe yaá, yé ákóʼó pɛʼɔɔ.

Ebrœ̂ 2:3

Mɨná gá bɨɛ bé á be ó sí ntɨhɔɔ̌ lɔ́ɔ́ twiʼ dí elaa mpáŋla bééngeles bé á túno nyɨ́. Mʉr á nyɛɛ lɛ́ɛ lɔ́ɔ waá nyá, á be ó Tî Yésʉs mʉr tɨ̂. Ntémé, bʉr o b'á jóʼo nye bá ó b'á lɛ́ɛ mɨná gá ó, wé ó lɔ́ɔ dí e nkul wɨ́. Á nó, mɨ́ná ópyêh wé nó, mɨná bé okǎ swab gá nkoó?

Mɨlʉmlʉ 7:51

Étiene nzě lɛ́ɛ e bé ó: «Bɨ̌n bɨ́ kǎ buú lele mílʉ̂! Milémé mín, myé ó lwɨ́ŋlá le egʉʼla; megwǎl mɨ́n ntémé mindiblá. Bɨ̌n bé lɨ́ ebeně Sísǐm mé Nzyɛ̌m jɔʼ yɨ́yɛ̂h, kwahaá mpʉ bímpám gá bíná, byé á be lɨ́ esâ yɨ́.

Ebrœ̂ 12:25

Nó, gwá di gá le ocwóó, ó bɨ̌n sá abene mʉ̂r mû lɨ́ ecɨ̂l bɨ́n nyá. Ɨ́ mimbú mí píhe, bé á si bene ejóʼo mʉr á nze ɨ́ sí yɨ̂ʼ nyá, akpɛl éjóʼo ɨ́ jɔʼ nyé á boo lɛ́ɛ bé sá nyé óntɨh bé yɨ́. Jɔʼ yé á ka pyâl yɨ́, bé ntɔ̂ʼ sáa ékɨ̂ŋ ntɨ́ʼá. Yé á bé akǎ bána. Mʉr á nze ka lwib e mɨná gá nyá, nyɨ́haá, nyé twíí, nye á duho ó kʉ́. Mɨ́ná bé óbene gá lɔ́ɔ́ wé nó, nzê mɨná bé ókɨ̂ŋ gá ntɨ́ʼá tɨ̂ʼ yɨ́ɛ ɛ̌? Nzyɛ̌m pǎ nyɛɛ́ ntɨ̂ʼ bímpám gá bíná ɨ́ lɔ̌b ajóʼo wɔ́ɔ́, á dwɛʼra e mɨná gá bɨɛ!

Ebrœ̂ 9:13

Bʉr o b'á pa syel biti bá, bé á ka pubɔɔ ɨ́ páʼ ményʉ̂l ó e metié. Metié bíntœœ ndu e maá mé óntamakǎ, le meswií bwá bíntœœ, pǎ nyɛɛ́ pubo mʉ̂r,

1 Korɛnt 11:29

Mʉ̂r sí dě blêr le menyoʼ maá, nye l'adweʼe nyʉ̂l mé Krîst dí tɨ̂ʼ nyɨ́ nɛ́ɛ: lɛ́ɛ́, Nzyɛ̌m ótíʼe nyé milɔ̌b, dumo e ndéá wé waá.

Ebrœ̂ 6:4

Nó ó, bʉr o b'á nyɛɛ kʉnɔɔ mimbah bá, bé á be lɨ́ enyɛɛ́ bibi míndwéá mi dí eduho ɨ́ jʉ́o kʉ́ mí. Ɨ́ jɔʼ yaá, Sísǐm mé Nzyɛ̌m bé e boo nɔ́ɔ́ ó b'á bɨbe.

Ebrœ̂ 2:11

Yésʉs, mʉr dí epubo bʉ̂r nyá, bé e bʉr nyé dí epubo bá, bé e boo nɔ́ɔ́ bɨ́bɛ̂h, bé mû ó bʉr o b'á duhǒ gúmo gwár bá. Sá tɨ̂ʼ ó Yésʉs dí ajóʼo sôn lɨ́ ejébe bé «bɨ́ɔɔ́ bâm» yɨ́.

Yʉanes 17:19

Me lɨ́ etímle gó twiʼ yâm yɨ́yɛ̂h ó, bé nkʉ̂ be bʉ̂r bô, lɨ́ otyeetye tʉ́ŋlʉ̌.

Mataos 7:6

«Adwe gá ompyê sá dí ti yɨ́. Bé ámû jaá dwira, lʉ̂ le enya bɨ́n. Adwe gá onkʉ̌ mindwê mi dí ɨ́ buo día mí. Bé ámû jaá tyéele myê.»

Ebrœ̂ 13:20

Me lɨ́ ejɨʼla e Nzyɛ̌m, mʉr dí egbâ mɨ́ná gá mepyɛbla ɨ́ miléme, waá á pɛh «Mbɔʼlʉ bintemě nɨ́nɨ́ɨ́», Tî gá wɨ́ná Yésʉs nyá. Ɨ́ tɨ̂ʼ, Nzyɛ̌m á sâ ó, saá ngá dǐ njʉ̌m dǐ e njʉ̌m dǐ nyɨ́, ɨ́ nzɨ̌ metié mé.

Yʉanes 10:36

Nó ó bɨ̌n lɛ́ɛ́ ó, me lɨ́ esâ nyé nkěh ɨ́ yé? Nzê ebe mê gwíh bɨ́n ó, me ó Mwân wé yɨ́ ɛ́? Me ó waá Nzyɛ̌m á pɛ̂h, lómo ɨ́ sí yɨ̂ʼ nyá.

Ebrœ̂ 9:20

Nye á lɛ́ɛ e bé ó: «Mâʼ, mé ó metié mû lɨ́ eswɨɨ, sâ sáá páʼ gá nyɨ́ná le Nzyɛ̌m má.»

1 Korɛnt 15:25

Ebě, yé á jala ó, Krîst díʼee njwɨ́ɨ, tó pyâl ɨ́ jɔʼ nyé óbe, nye mû sí ntaa óntɨ̂m le obɨn bé bɨ́bɛ̂h, gbâ bé sí mebo mé yɨ́.

Rôm 16:20

Nzyɛ̌m, mʉr dí egbâ bʉ̂r mepyɛbla ɨ́ miléme nyá, nye ó waá mû kúno etyéelě Sátan sí ɨ́ mebo mɨ́n nyá. Metyɛʼ me mpóm mé Tî gá wɨ́ná Yésʉs, mé díʼee e bɨ̌n.

Mataos 26:28

Ebě, metié mâm ó mâ, metié mû lɨ́ eswɨɨ lɨ́ esú ó, Nzyɛ̌m tyélɨɨ saá páʼ nyɔ́ɔ́ le bʉr ɨ́ buo buo má. Nyě tyél nyé ó, nye nkʉ̂ pɛʼ bé bibaa bí ébébe byɔ́ɔ́.

1 Korɛnt 15:27

Ebě, yê cɛmá ó: Nzyɛ̌m á si gbâ sá yɨ́yɛ̂h ɨ́ jwɨ́ɨ́ yé, sí mebo mé. Nó yé lɛ́ʼlé mbɨ̂mbɨá ó, Nzyɛ̌m nyɨɛ, mʉr dí egbâ sá yɨ́yɛ̂h ɨ́ jwɨ́ɨ́ mé Krîst yaá nyá, nyé abe tɨ̂ʼ ɨ́ jwɨ́ɨ yaá tʉ́ŋlʉ̌.

Markus 7:2

Nó ó bé á nze bee bʉ́ʉ́ ómpʉ́n bé lɨ́ ede e mebô “e mpir”, ebě, bé á bé ajwɨɨ mé mpʉ métum mé yébé óYúden dí elɛ̂ʼle yɨ́.

1 Korɛnt 6:11

Nó ntémé ó, bʉ́ʉ́ bʉ̂r ó sɔ́má yɨ́n, bé á be yɨ́! Sâ gwár, bɨ̌n bé á si sohlɔɔ, pubɔɔ, le edweŋɔɔ nkâm ɨ́ míh mé Nzyɛ̌m ɨ́ díé mé Tî Yésʉs-Krîst, cɨɨ e nzɨ̌ Sísǐm mé Nzyɛ̌m gá wɨ́ná.

Éfɛsɔs 5:26

Nye á sâ nó ó, wé nkʉ̂ gúmo e Nzyɛ̌m, nyé osí jwɨɨ wé e medíbé ti e lwǐb yé.

Ebrœ̂ 4:14

Mɨná gá bé e ánɨ̂nɨ̂n njwɨ́ɨ opara: Yésʉs, Mwân mé Nzyɛ̌m. Nye á si ntaa jʉ́o, le ejwoo le baántɛ́n, tó di ɨ́ jʉ́o kʉ́. Nó, mɨná tôʼ gá dóló le ekǎm búʼó gá yɨ́ná.

Ebrœ̂ 10:10

Ɨ́ gwɨ́má yé yaá ó mɨ́ná bé á pubɔɔ gá jɔʼ gwár lɨ́ esú é bíjɔʼ bíbyɛ̂h yɨ́. Mɨná mû pubɔɔ gá ó, ɨ́ lɔ̌b ndwéá Yésʉs-Krîst á dwe Nzyɛ̌m nyʉ̂l nyé tâŋ ndwéá wɨ́.

Mɨngwiha 1:5

Yésʉs-Krîst sʉ́ʼoo bɨ̌n metyɛʼ me mpóm, le egbâ mépyɛbla ɨ́ sɔ́má yɨ́n. Nye ó mboʼlo jálá le ebúʼlɔɔ nyá. Nye ó dí mwâ medwéʼe mé Nzyɛ̌m á pah, duho lɨ́ odwe nyá. Nye ó dí Njwɨ́ɨ mesí mé sí yɨ̂ʼ mɨ́mɛ̂h. Nye lɨ́ ekpɛl mɨ́ná gâ. Nyɨ́ sʉ métié mé sí, ntɔ̂ʼ pɛʼ bibaa bí ébébě Nzyɛ̌m á niʼe ɨ́ lɔ̌b mísyóm gá míná bí, ɨ́ nzɨ̌ ndwéá wé.