Ebrœ̂ 10:28 - Kálar Nzyɛ̌m : Ejwán é Sáá

²⁸ Mʉr nyɨnyɛ̂h gbáh métié mé Moyɨ̂z nyá, nye jʉ́ŋɔɔ ó jʉ́ʼóo, ajɨ́ʼɔɔ nyé nkoó. Bé sá nyé nó ó, ɨ́ jɔʼ bʉ̂r obá, nkʉ̂ olɛ̂l, dí esyɛŋa lɨ́ eboʼlo nyé mboʼlá ngwár yɨ́.

Kálara Zyɛ̌m Edwán é mpʉ̌n

²⁸ Mʉr nyiwɛh lé entaa motie mo Moyiz ɨ, bé ejʉ nye ó, jʉ jʉʼo, abe e njwɨʼa-nkoo. Bé esa nye no ó, é jɔʼ bʉr oba, nkʉ olɛl, lé esyɛŋa lé eboʼlo nye mboʼla ngwar ɨ.

Ebrœ̂ 10:28 ပူးပေါင်းရင်းမြစ်များ

Ebrœ̂ 2:2

Mɨná bé lɨ́ egʉ́a gá ó, mpáŋla bééngeles, bé á nze e né nyɨ́, á be ó e nkul. Mʉr nyɨnyɛ̂h á gbah metié, le waá á sâ mé ajóʼo nyá, á si bi myɛ́na mé á jala le ebɨ̌h lé laá má.

2 Korɛnt 13:1

Yé mû ó jɔʼ lɛ̂l mé múo nze gʉ̂ʼ kwá nyɨ́n yɨ́. Yê cɛmá ɨ́ Mekaná mé Nzyɛ̌m ó: Lɔ̌b wɨ́wɛ̂h, wé ójaá tíʼɔɔ ó, njɨ ɨ́ jɔʼ óboʼlo obá, nkʉ̂ olɛ̂l, bé óbe sí lwib ɨ́ mbi ngwár yɨ́.

Yʉanes 8:17

Yê cɛmá ɨ́ metié mɨ́n ó, ɨ́ jɔʼ bʉ̂r obá dí eboʼlǒ sâ gwár yɨ́, mboʼlá waá, wé ó tyeetye.

Mataos 18:16

Nó nyé bé akǎ jóʼo gó nɛ́ɛ: go e nʉ́á mʉ̂r ngwár, nkʉ̂ obá, ebě, Lɔ̌b wɨ́wɛ̂h kʉ́ gwá gʉ́ŋɔɔ ó le oboʼlo obá, nkʉ̂ ntɔ̂ʼ olɛ̂l.

Jacques 2:13

Mʉ̂r bé ajɨ̂ʼ bʉ́ʉ́ bʉ̂r nkoó nó, ɨ́ jɔ̌ʼ Nzyɛ̌m ólwǐb lɔ̌b wé yɨ́, nye ájɨ̂ʼ nyé ntémé nkoó. Sâ gwár, mʉr dí ejɨ̂ʼ bʉ̂r nkoó nyá, nye ábáawǒ sɔ̂ʼ ɨ́ jɔ̌ʼ móhó élab, wé ópyâl yɨ́.

Rôm 9:15

Ebě, nye á lɛ́ɛ e Moyɨ̂z ó: Me ócwɨ́a ó e waá mé kpɛ́l écwɨ́a e né nyá. Me ójɨ̂ʼ nkóó ó e waá nyɨnyɛ̂h mé kpɛ́l éjɨ̂ʼ nkóó nyá.

Ebrœ̂ 12:25

Nó, gwá di gá le ocwóó, ó bɨ̌n sá abene mʉ̂r mû lɨ́ ecɨ̂l bɨ́n nyá. Ɨ́ mimbú mí píhe, bé á si bene ejóʼo mʉr á nze ɨ́ sí yɨ̂ʼ nyá, akpɛl éjóʼo ɨ́ jɔʼ nyé á boo lɛ́ɛ bé sá nyé óntɨh bé yɨ́. Jɔʼ yé á ka pyâl yɨ́, bé ntɔ̂ʼ sáa ékɨ̂ŋ ntɨ́ʼá. Yé á bé akǎ bána. Mʉr á nze ka lwib e mɨná gá nyá, nyɨ́haá, nyé twíí, nye á duho ó kʉ́. Mɨ́ná bé óbene gá lɔ́ɔ́ wé nó, nzê mɨná bé ókɨ̂ŋ gá ntɨ́ʼá tɨ̂ʼ yɨ́ɛ ɛ̌? Nzyɛ̌m pǎ nyɛɛ́ ntɨ̂ʼ bímpám gá bíná ɨ́ lɔ̌b ajóʼo wɔ́ɔ́, á dwɛʼra e mɨná gá bɨɛ!