Ebrœ̂ 10:27 - Kálar Nzyɛ̌m : Ejwán é Sáá

²⁷ Mʉr dí egbah métié nó nyá, yé jaá kǎ lîʼ nyé ó, njɨ ejóʼo bʉ́á le ebóno ébeě mbi mébě Nzyɛ̌m ódwe nyé wɨ́. Nyé otô ɨ́ bɨ́ siʼe dí ɨ́ díʼa díʼa, yaá ngá dîʼ bʉ̂r o dí egbɔba e Nzyɛ̌m bá yɨ́.

Kálara Zyɛ̌m Edwán é mpʉ̌n

²⁷ Mʉr lé entaa motie no e, yé eka liʼ nye ó, njɨ ejoʼo bʉa, le ebono ebee mbi mobe Zyɛm ódwe nye e. Nye óto é Bɨ-siʼe ndɨ é diʼa diʼa, yé ódiʼ bʉr o dɔm mo Zyɛm ɨ.

Ebrœ̂ 10:27 ပူးပေါင်းရင်းမြစ်များ

Ebrœ̂ 2:3

Mɨná gá bɨɛ bé á be ó sí ntɨhɔɔ̌ lɔ́ɔ́ twiʼ dí elaa mpáŋla bééngeles bé á túno nyɨ́. Mʉr á nyɛɛ lɛ́ɛ lɔ́ɔ waá nyá, á be ó Tî Yésʉs mʉr tɨ̂. Ntémé, bʉr o b'á jóʼo nye bá ó b'á lɛ́ɛ mɨná gá ó, wé ó lɔ́ɔ dí e nkul wɨ́. Á nó, mɨ́ná ópyêh wé nó, mɨná bé okǎ swab gá nkoó?

Mɨngwiha 20:15

Bʉr o b'á be abe e míe micɛmá ɨ́ mekaná mé twiʼ bá, bé ntémé, bé á si guhɔɔ ɨ́ bɨ́ siʼe yaá.

Ebrœ̂ 12:25

Nó, gwá di gá le ocwóó, ó bɨ̌n sá abene mʉ̂r mû lɨ́ ecɨ̂l bɨ́n nyá. Ɨ́ mimbú mí píhe, bé á si bene ejóʼo mʉr á nze ɨ́ sí yɨ̂ʼ nyá, akpɛl éjóʼo ɨ́ jɔʼ nyé á boo lɛ́ɛ bé sá nyé óntɨh bé yɨ́. Jɔʼ yé á ka pyâl yɨ́, bé ntɔ̂ʼ sáa ékɨ̂ŋ ntɨ́ʼá. Yé á bé akǎ bána. Mʉr á nze ka lwib e mɨná gá nyá, nyɨ́haá, nyé twíí, nye á duho ó kʉ́. Mɨ́ná bé óbene gá lɔ́ɔ́ wé nó, nzê mɨná bé ókɨ̂ŋ gá ntɨ́ʼá tɨ̂ʼ yɨ́ɛ ɛ̌? Nzyɛ̌m pǎ nyɛɛ́ ntɨ̂ʼ bímpám gá bíná ɨ́ lɔ̌b ajóʼo wɔ́ɔ́, á dwɛʼra e mɨná gá bɨɛ!

Ebrœ̂ 9:27

Sâ Nzyɛ̌m á komo lɨ́ esú é mʉ̂r nyɨnyɛ̂h yɨ́, yé ó, nye dwêʼ jɔʼ gwár. Píe tɨ̂, mʉr waá ótô kwá mé Nzyɛ̌m, ó nye tôʼ pahlɔɔ.

Mataos 13:50

Bé oguho bíbɨ́bla bi bʉ̂r ɨ́ duró lé ólûl. Gʉ̂ʼ ó bé ngá jóno le epûʼlo médye yɨ́.»

Mataos 8:29

Bé ntɔ̂ʼ táare ébʉ̂ bítím. Bé e Yésʉs ó: «Gǒ sáá yé e bɨ̌h, Mwân mé Nzyɛ̌m? Gǒ nzě dwe bɨ́h bintɨ́ʼá ó, jɔʼ apǎ pyâl ɨ́?»

Jacques 5:3

Gʉ̂l ndu e mɔnɨ́ yɨ́n, yɨ́ bǐl myámnkɛ̂l. Myámnkɛ̂l waá, wé óboʼlo mébébe mɨ́n. Wé ntémé, wé ódîʼ bɨ́n mpʉ̌ siʼe, ebě, bɨ̌n bé á si komo okúm ɨ́ melú mé épíhé mâ.

Ebrœ̂ 12:29

Ebě, Nzyɛ̌m gá wɨ́ná, nye ó mpʉ̌ siʼe dí ɨ́ buú dúo yɨ́.

Mataos 25:41

«Píe tɨ̂, nye ólɛ́ɛ e baá o dí nye ɨ́ páʼ mbó émyɛ̌l ó: “Pʉʼaa gá gúmó mé dí yɨ́, bʉr ó Nzyɛ̌m á boo syɛm bá. Tóʼ gá ɨ́ siʼe dí edúǒ kɔ́m ti e kɔ́m yɨ́, siʼě Nzyɛ̌m á boo tira lɨ́ esú mé sɔ́ŋ meleme, bé e beéngeles bé yɨ́.

Mataos 13:42

Nyé oguho bé ɨ́ duró lé ólûl, gúmó bé ójóno le epûʼlo médye yɨ́.

Mataos 3:12

Nyě e pyɛba ɨ́ mebô. Nyɨ́ gwámle ébɛhɛɛ lé, lwâl mpúmó. Nye ókomo mílɔ́lá ɨ́ nkuna. Sâ gwár, nye ódîʼ mpʉ́n ɨ́ siʼe dí adímedime yɨ́.»

Mataos 3:10

Num nzwɨ́ɨ, wé mû ó ɨ́ cǎr lɨ́ etíʼe míkaalé bílɨ́ nko ménzuʼ. Nye ócwɛ̌l lɨ́ yɨ́yɛ̂h dí agúmo mímpǎŋ mi mpúmó yɨ́, guho yé lɨ́ ebéʼé é siʼe.

Lʉkas 23:30

Jɔʼ yaá ó bʉ̂r ngá lɛ́ɛ le mecwɨ́ʼ ménɨ́nɨ́ɨ́ ó: “Dumaa gá bɨ̌h ɨ́ menyʉ̂l.” Bé ólɛ́ɛ le maá métwáʼwó ó: “Solɨɨ gá bɨ̌h.”

Lʉkas 21:26

Ekɛ̂n, lé óbuú swɨɨ bʉ́rʉ̂m ɨ́ menyʉ̂l, bé ntɔ̂ʼ puro mpâl lɨ́ epahlě sá ngá syɛ́ɛ ɨ́ sí yɨ̂ʼ yɨ́, ebě, bisá bí nkûl bi dí ɨ́ jʉ́o kʉ́ bí, byé ókubla.

Lʉkas 19:27

Nó ontɨ̂m le obɨn bâm bé á bene ó, me díʼee njwɨ́ɨ wɔ́ɔ́ bá, ntáʼ gá me e bǎ kâ. Bɨ̌n e jʉ́ bé wâʼ ɨ́ míh mâm.”»

Lʉkas 16:24

Nye ntɔ̂ʼ bʉ̂ édwê. Nye ó: “Dâ Abraham ɔ́, jɨ́ʼɨ́ɨ́ mé nkoó ɔ̌! Lómláá mé Lazare, nye dúbaa odumo ó diné yé ɨ́ medíbé, nye e nzé dwě jɨ́m yâm metala ɔ̌, ebě, me lɨ́ ebuú jaʼra e siʼe ɨ́ minjʉl mî.”

Yʉanes 5:29

Bé opah ɨ́ mesoo. Baá bé á sâ embɨa bá, bé ópah, bǐ twǐʼ njʉ̌m dǐ. Baá bé á sâ ebébe bá, bɨ́ɛ ntémé ópah; bé otíʼɔɔ mílɔ̌b.»