Ebrœ̂ 10:26 - Kálar Nzyɛ̌m : Ejwán é Sáá

²⁶ Yé bé mɨná bɨ́ gʉ́a gá otyeetye ɨ́ pébébé, mɨná ntɔ̂ʼ kʉ́ gbáa gá ó, mɨná tó gá ó dóló le esâ syóm nó, lɛ́ɛ́, yé abe e mindwéá myé óbɛ̌m pubo mɨ́ná gá e misyóm myaá.

Kálara Zyɛ̌m Edwán é mpʉ̌n

²⁶ Yé be ó, bɨna bɨ gʉa ocyecye é kpɛhla, bɨna ntɔʼ kʉ gbaa ga ó, bɨna sa ga ó syem nɛʼɛ, lɛɛ ó, yé abe e motwina mé óbɛm pubo bɨna ga é nko paʼ mɨsyem myaa.

Ebrœ̂ 10:26 ပူးပေါင်းရင်းမြစ်များ

Yʉanes 9:41

Yésʉs, nye e bé ó: «Yé bé bɨ̌n bé á bɨbe ó baántím nó, lɛ́ɛ́, bɨ̌n á gwa be ó mbɨ̂mbɨá, syóm akǎ be. Nó mpʉ bɨ́n lɛ́ɛ́ ó, bɨ̌n bé lɨ́ ebee yɨ́, nó yaá ó bɨ́n dína lɨ́ edi e misyóm mín yɨ́.»

Lʉkas 12:47

«Syɛ̂l mesâ mû sí boó gʉ́a bígwɨ́má bí sɔ́ŋ wé, nyɨɛ yɨ́ɛ akomlo nyé mʉr tɨ̂, nkʉ̂ lóŋlo bígwɨ́má byaá nyá, óŋmɛ́hɔɔ míngáhá ɨ́ buo buo.

Jacques 4:17

Nó, waá dí egʉ́ǎ syɛ́ɛla mpâ nyé jálá le esâ, sâ gwár asâ yé nyá, mʉr waá kʉ́ sâ ó syóm.

1 Yʉanes 5:16

Mʉ̂r sí bee mɨ́ɔɔ́ wé lɨ́ esâ syóm, syóm waá, abe waá dí etyen nyé lɨ́ eswie wɨ́ nó, nye jɨ̂ʼlaa e Nzyɛ̌m. Nzyɛ̌m ókʉ́ tíʼ mɨ́ɔɔ́ wé. Yé e nyɔm ó, ɨ́ páʼ mɨ́ɔɔ́ dí sí sâ mbǐ syóm dí abe lɨ́ etyen mʉ̂r lɨ́ eswie wɨ́ nyá. (Sâ gwár, gúú mbǐ syóm, wé yɨ́ɛ ó tɨ̂: waá dí etyen mʉ̂r lɨ́ eswie wɨ́. Mé alɛ́ɛ ó, bɨ̌n jɨ̂ʼlaa e Nzyɛ̌m lɨ́ esú é mbi syɛ̂l misyóm waá.)

2 Tesalonika 2:10

Nye ógbah métié mé Nzyɛ̌m, le esâ bísyɛ́ɛla bi dí édímle bʉ̂r ɨ́ nzɨ̌ mikóo bí. Bisyɛ́ɛla byaá, byé ódímle baá ngá dîm ɨ́ nkɔb bʉr bá. Bé ódîm, ebě, bé á si bene otyeetye. Yé bé bé á be ɨ́ kpɛl wé nó, lɛ́ɛ́, wé á si gwa tíʼ bê.

Yʉanes 13:17

Ɨ́ báánâ, bɨ̌n bɨ́ gʉ́a bísɨ́ǎ byaá. Bɨ́n ósâ byé nó, bɨ̌n bé óbe ó mbɨ̂mbɨá.»

1 Timotɛ 1:13

mɛm yɨ́ɛ mʉr á sɨsâ Nzyɛ̌m nkěh ɨ́ melú mé épíhe nyá. Me á si tíble bʉr bé, le edîʼ mpêl. Damá jóʼǒ mpʉ mé á sâ syɛ́ɛla yaá yɨ́, Nzyɛ̌m á si jɨ̂ʼ me nkoó, nyɨɛ lɨ́ egʉ́a ó, bisyɛ́ɛla mé á sɨsâ bí, byé á jaa tɨtɨ̂ ó, njɨ lɨ́ egʉʼla lâm, le abûʼla wǎm.

1 Timotɛ 2:4

Nyě kpɛ̌l ó, bʉr bɨ́bɛ̂h níʼee ɨ́ twǐʼ njʉ̌m dǐ, le egʉ́a mílɔ̌b mi dí tyeetye mí.