Ebrœ̂ 10:25 - Kálar Nzyɛ̌m : Ejwán é Sáá

²⁵ Adû gá tum bʉ́ʉ́ bʉ̂r mû e né nyɨ́: lɨ́ ekpɛ́ɛ bígwɨ́hlá gá bíná. Gbáʼ gá nkul ɨ́ dwííí lɨ́ esisyɛŋa. Kʉ́ gbáʼ gá nkul ɨ́ miléme páʼ nyɨ́n ɨ́ mpʉ mɨ́ná mû lɨ́ ebee gá dʉ́ó é Tî gá wɨ́ná mû lɨ́ enze yɨ́.

Kálara Zyɛ̌m Edwán é mpʉ̌n

²⁵ Mʉr aliʼe ga obɨɔ ga bɨna é jɔʼ bé lé egwɨhla lé edwe Zyɛm kum ɨ. Bʉʉ bʉr bɛɛ, bé mu ó lé esa no. Laa ó, bɨn saʼ no, fuo gba ga bʉʉ obɨɔ nkul é monyʉl. Saʼ ga no é buobuo, ebe, dobo Da Yesʉs óbula ze e, lé mu ó lé ekunbo, é mpʉ bɨna mu lé ebee ga ɛ.

Ebrœ̂ 10:25 ပူးပေါင်းရင်းမြစ်များ

Mɨlʉmlʉ 2:42

Bé á be lɨ́ ekʉ́ sâ sɨ́n jɔʼ yɨ́yɛ̂h lɨ́ etó jóʼo mílɛ́ʼlá bʉ̂r o mílʉ́mlʉ́ bé á dwidwe bé mí. Bé á didi ntémé ó, nzyɛŋá, bɨ́ɔɔ́ e bɨ́ɔɔ́ tʉ́ŋlʉ̌, le edɨde ntémé gúmo gwár, le ejɨjɨʼla e Nzyɛ̌m.

Mataos 18:20

Ebě, gúmó bʉ̂r obá, nkʉ̂ olɛ̂l, dí esyɛŋa ɨ́ díé lâm yɨ́, mɛm mʉr tɨ̂, me óbe ó tɨ̂, páʼ nyɔ́ɔ́.»

1 Tesalonika 5:11

Nó ó, gbáʼ gá bʉr nkul ɨ́ miléme e metwɨ́ɨ́ ménɨ̌. Sáʼ gá páʼ nyɨ́n ó, misísǐm mín, myé tɔ́maa mpʉ bɨ́n dína le esâ yɨ́.

Ebrœ̂ 3:13

Dyɛ́m bɨ́n dína mûh sɔ́má yɨ́, yé mbɨa ó, bɨ̌n dwîdweelaa melɨ́ páʼ nyɨ́n móhó wɨ́wɛ̂h. Sá tɨ̂ʼ ó mísyóm, myé óbe, alɨl bɨ́n miléme, nkʉ̂ dímle nyʉ́ʉ́ mʉ̂r ɨ́ sɔ́má yɨ́n ɨ́ nzɨ̌ mikóo yɨ́.

Ebrœ̂ 10:24

Mʉr nyɨnyɛ̂h, nye kpɛ́lɨɨ mɨ́ɔɔ́, lɨ́ esâ nyé mpam. Yé ó ngá sâ ó, mɨ́ɔɔ́ waá tôʼ le ekpɛl bʉ̂r oswîh, le ekɛm bê.

1 Tesalonika 4:18

Sá tɨ̂ʼ ó bɨ́n jálá le egbâ bɨ́n bʉr o tɨ̂ʼ nkul ɨ́ miléme, lɨ́ elɛ́a mílɔ̌b mínɨ̌ páʼ nyɨ́n yɨ́.

Mɨlʉmlʉ 2:1

Ɨ́ móhó Paŋtekôt, obûʼla bɨ́bɛ̂h, bé á be ó nzyɛŋá, gúmo gwár.

Mɨlʉmlʉ 20:7

Ádwií gúú móhó sóno ɨ́ bíí kʉ̌ʼ nɛ́ɛ: bɨ̌h nzě syɛŋǎ gúmo gwár lɨ́ epûhla mébô lɨ́ ede. Nó, ɨ́ mɛ́n tɨ̂ʼ ó Pɔ̂l nyɨɛ á be ó, nye ólaa wɨ́. Nó ó nyé á nze dwe bʉr milɛ́ʼlá ɨ́ bea bea, tó pyâl témé pum.

1 Korɛnt 14:3

Tó kœb ó, ngwíha milɔ̌b mé Nzyɛ̌m nyɨɛ, nye ó dí elwib e bʉr o bé e boo nɔ́ɔ́ dí bá. Nye lɨ́ egbâ bé pîm ɨ́ búʼó, le etɨ́e bé, le epóblo bê.

Rôm 12:8

Yé bé nye á dwe gua ó, metwɨ́ɨ́ me dí egbâ bʉ̂r nkul ɨ́ miléme má nó, gbáʼ bé nkul nyaá. Yé bé nye á si dwe gua nkul ekab báántéʼenteʼe o bʉ̂r mebi nó, dwéʼ bé mǎ e lémé gô wɨ́wɛ̂h. Yé bé nye á tyêl gua ó, ɨ́ dǐ tyɛ̂b esôʼ nó, léme díʼee go ɨ́ báná báná ó, go séaa syɛ́ɛ́ yaá mbɨ̂mbɨá. Yé bé nye á dwe gua ó, ndwéá écwɨ́a e bʉ́ʉ́ bʉ̂r nó, lɛ́ʼláá bé mpam nyaá e bisʉhʉʉ.

Filipi 4:5

Mě kpɛl ó, bɨ̌n lɛ̂ʼlaa bʉr bɨ́bɛ̂h mpʉ bɨ́n dí e lémé mpâm yɨ́. Sáʼ gá nó, ebě, Dâ, nye mû ó kúno enze.

2 Pyɛr 3:9

Dâ Nzyɛ̌m, nye ábea le elóŋlo nkɛ́ʼ nyé mpʉ bʉ́ʉ́ bʉ̂r dí ejwɨʼ ó, nye álɨ̌ dira nkɛ́ʼ nyaá yɨ́. Nye ɨ́ buo bíhwó ɨ́ bɨ̌n, ebě, nyé agwɨ̂m ó, nyʉ́ʉ́ mʉ̂r dímɨɨ ɨ́ nkɔb bʉr. Gwɨ́má lémé wé, yé ó, bʉr bɨ́bɛ̂h túmaa mikoo e mebébe mɔ́ɔ́, le edwira míléme.

Jacques 5:8

Júhwáá gâ. Biʼee gá nkul ɨ́ miléme, ebě, Tî gá wɨ́ná mû ó kúno ebáʼǎ nze.

1 Korɛnt 14:23

Bʉ̂r ó Mbɛ̌r-Nzyɛ̌m bɨ́bɛ̂h gwɨ́hlá ɨ́ gúú mbɛ̌r, bê nzě nyɛl élwib bílwǐb báayogoyogo nó, yé ósûʼla nyá? Mʉ̂r dína lɨ́ ejéʼě búʼó gá yɨ́ná nyá, nkʉ̂ hááděn ní mbɛ̌r waá, kœb bɨ́n téme elwib bílwǐb byaá nó, mʉr waá ámû jaá pɨpahlě sɔ̂ʼ ó, njɨ bɨ̌n mû ó lɨ́ ekáa ógʉ̌.

Yʉ̂d 1:19

Bɨ́haá, bé ó dí egbâ mpɔ́ʼá menkɔ̌m páʼ bʉr. Nkul le pɨʼ nyɔ́ɔ́, nye ó njɨ nyaá nyʉ̂l bipúno. Sísǐm mé Nzyɛ̌m, wé apǎ nî bé ɨ́ miléme.

2 Pyɛr 3:14

Bʉr ó kpɛ̌l bâm! Mpʉ mɨ́ná dí ebóno gá móhó waá yɨ́, sáʼ gá sɨ́n lɨ́ edi e mepyɛbla páʼ nyɨ́n, tó pyâl ɨ́ jɔʼ nyé óbáʼǎ nze yɨ́. Sáŋáá gá ó, bɨ̌n díʼee mpʉ nyʉ̂l mé Krîst dí abe e mebar nyɨ́. Diʼee gá abe le ebébe bé óboʼlo bɨ́n e tɨ̂ʼ lɨ́.

1 Pyɛr 4:7

Ɨ́ báánâ, bisá bíbyɛ̂h, byé mû ó kúno ekumo ɨ́ meswéhlɨ́. Dwéʼ gá menyʉ́l mɨ́n medile. Máráá gá miléme, lɨ́ esú ó, bɨ̌n sâʼ minjɨʼla.

2 Pyɛr 3:11

Yé bé bisá bîʼ bíbyɛ̂h, byé ógbahɔɔ nó, wáǎ mbǐ kʉ̌ tyen bɨ́n jálá le edû wɨ́? Yé ó kʉ̌ tyen dí ejala e bʉr o dí tí, baá o dí egúmo e Nzyɛ̌m bá wɨ́.

1 Korɛnt 11:20

Jɔʼ bɨ́n dí egwɨ̂hla yɨ́, edɨ́ɨ́ é méde bɨ́n dí ede lɨ́, lé adwɛ̂ʼ Tî Yésʉs.

1 Korɛnt 3:13

Syɛ́ɛ́ mʉ̂r nyɨnyɛ̂h dí eséa yɨ́, yé ónyɨ̂n ɨ́ ponó ɨ́ dʉ́ó lé étíʼ é mílɔ̌b, ebě, nyɔ̌m sá yɨ́yɛ̂h, wé ónyɨ̂n ɨ́ sʉ́lʉ́lʉ́ ó, ɨ́ móhó waá. Nyɔm tɨ̂, wé nyɨ́nyɨ́n ó, ɨ́ siʼe ngá lɛ̂ʼlě nyɔ̌m syɛ́ɛla mʉ̂r yɨ́. Syɛ́ɛla yé sí dûhwo yɨ́ɛ siʼe yaá nó, lɛ́ɛ́, syɛ́ɛla yaá, yé á kʉ be ó e nyɔm lɨ́ esú mé Nzyɛ̌m.

Mɨlʉmlʉ 16:16

Gúú móhó, bɨ̌h nzě tô gúmó bé á boo sɨsâ minjɨʼla yɨ́, mâ túʼǎ éséhe nzě bɔma e bɨ̌h tɨ̂. Nye á be ó e yamá: kúʼ mpwâm. Yamá yaá, yé ó b'á tɨ̂tɨe nye bisyɛ́ɛla ngá syɛ́ɛ ɨ́ melú ngá nze má bí. Nye á be lɨ́ ebuú nʉa bímɔnɨ́ e nzɨ̌ yamá nɨ̌, bimɔnɨ́ byaá jaá ntɨntaǎ njɨ ɨ́ mebó mé ójwɨ́ɨ́ bé.

Mataos 10:15

Mě lɛ́ɛ́ bɨ́n lɨ́ otyeetye ó, ɨ́ dʉ́ó Nzyɛ̌m ngá tíʼe bʉ̂r milɔ̌b yɨ́, ntɨ́ʼá le mekpaa bʉ̂r o bínkana le mekwár maá ngá bi bí, byé óbe ó, laa byaá mé Sodôm e Gómɔr.»

Yʉanes 12:48

Mʉr nyɨnyɛ̂h dí eso mê, akǎm lɛ́ʼlá wâm nyá, nyě e mʉr ngá tíʼě lɔ̌b wé nyá. Milɛ́ʼlá mé mû sí dwe bɨ́n mî, myé ó ngá tíʼě lɔ̌b wé ɨ́ móhó ésúʼlá é sí yɨ̂.

Ebrœ̂ 10:37

«Ebě, yɨ́ lîʼ njɨ mâ jɔʼ tîtííǎ, mʉr nzê nyá, nyé opyâl; nye ádeʼ.

Ebrœ̂ 13:22

Bɨ́ɔɔ́ bâm! Okɛ́l bâm! Me cɛmá bɨ́n ó, bɨ̌n bíʼee nkul ɨ́ miléme. Me cɛmá ó, mekǎn abuo. Nó ó, mě jɨʼlá e bɨ̌n ó, bɨ̌n dûhwaa mekǎn maá lɨ́ ejóʼo!