Ebrœ̂ 10:23 - Kálar Nzyɛ̌m : Ejwán é Sáá

²³ Mɨná bôʼlaa gá sá mɨ́ná dí ekam gá yɨ́. Milɔ̌b myaá ó dí egbâ mɨ́ná gá mpûʼla ɨ́ miléme. Mʉ̌r sá apɨ́ŋla, ebě, mʉr á dwe mɨná gá menkɛ̌ʼ ɨ́ buo buo nyá, nye ó mʉr ebúʼlɔɔ.

Kálara Zyɛ̌m Edwán é mpʉ̌n

²³ Bɨna mɛʼla ga sa lé eloŋlo mɨleme ga mina e mbɛla ɛ, abe e l'ocabcab. Mʉr a liʼe bɨna ga e monkɛʼ ɛ, nye nteme, nye ó mʉr ebuʼla.

Ebrœ̂ 10:23 ပူးပေါင်းရင်းမြစ်များ

1 Tesalonika 5:24

Mʉr dí ejébe bɨ́n nyá, nye ó mʉr jálá le ebúʼlɔɔ nyá. Nye ó ngá séǎ syɛ́ɛ́ yaá.

1 Korɛnt 1:9

Nzyɛ̌m, nye ó mʉr jálá le ebúʼlɔɔ nyá. Nye ó b'á jébe bɨ̌n ó, bɨ̌n tôʼ, tó pûhla e Mwân wé, Yésʉs-Krîst, Tî gá wɨ́ná.

2 Tesalonika 3:3

Sâ gwár, Tî Yésʉs, nye ó mʉr jálá le ebúʼlɔɔ nyá. Nye ódwe bɨ́n nkul, le ekamle e bɨ̌n ɨ́ páʼ mé Sátan.

Ebrœ̂ 6:18

Yé e bisá bíbá bi dí abe e nkul ecénɔɔ bí: bisâ byaá, byé ó nkɛ̌ʼ ti e minkál mé Nzyɛ̌m. Mɨná nʉa gá pîm ɨ́ búʼó ó, duho tɨ̂. Nzyɛ̌m, nyé abe e nkul elɛ́ɛ bíbɛr ɨ́ sí, tɔʼ e bá tîtííǎ. Mɨná gá bé ó bʉr o mû sí bîr sá yɨ́yɛ̂h, lɨ́ esú lé édi e mpûʼla ɨ́ milémé gá míná bá. Mpûʼla nyaá, nye ó kwahaá ɨ́ ponó ɨ́ míh gá mɨ́ná.

Títos 1:2

Bé lɨ́ etyɛ̂b mekʉ̌ sí ɨ́ sɨ́ŋ ɨ́ lɔ̌b mpûʼla gá nyɨ́ná nyɨ̂: ó, Nzyɛ̌m ódwe mɨ́ná gá twǐʼ njʉ̌m dǐ. Nzyɛ̌m, mʉr dí alɛ́ɛ bíbɛr nyá, á kɛʼ mɨná gá twiʼ yaá ó, jɔʼ kʉ́ e sí, byé á be apǎ bě kuhá yɨ́.

Ebrœ̂ 3:6

Tó kœb ó, Krîst nyɨɛ á si tyélɔɔ ɨ́ dǐ Mwân á jala le edǐ lʉ́ mbɛ̌r bʉ̂r waá nyá. Mbɛ̌r bʉ̂r waá, wé gúmó ntémé ó e né. Mɨ́ná bé ódi gá e mpûʼla ɨ́ miléme, le ekʉ́ gʉ́ǎ sá mɨ́ná dí ebúʼla gá yɨ́, abáawǒ sɔ̂ʼ nó, lɛ́ɛ́, mɨná gá ó dí bʉ̂r ó mbɛ̌r bʉ̂r wé waá.

1 Korɛnt 10:13

Mebʉ́blá bɨ́n á ntaa má, mé lɨ́ epyâl bɨ́n e bʉr bɨ́bɛ̂h. Tó kœb ó, Nzyɛ̌m, nye ó mʉr jálá le ebúʼlɔɔ nyá. Nye ábîr ó, bɨ̌n bóblɔɔ, tó pyâl ɨ́ jɔʼ bɨ́n ósâ syóm yɨ́. Jɔʼ mébʉ́blá, mé ópipyâl bɨ́n yɨ́, nye ókar bɨ́n nzɨ̌ swîh. Bɨ̌n bé odyɛ̂l tɨ̂, le esyɛ̂hle mísyóm bɨ́n á gwa sâ mí.

Mɨngwiha 3:11

Me mû ó kúno enze. Mɛ́rɨ́ɨ́ gá sá bɨ́n dí e yé yɨ́ ɨ́ kpɨ́ɨ́ɨ́, ebě, nyʉ́ʉ́ mʉ̂r ámû jaá dɛ̂ʼ bɨ́n káráá mé á gwa dwe bɨ̌n tâŋ myɛ́na yɨ́.

Jacques 1:6

Sâ gwár, nye ɨ́ jala le ejɨʼla e Nzyɛ̌m ó, lɨ́ ekʉ́ dyɛ̂ʼwo e né. Nyě sá ó, alíʼa lɨ́ ejaʼ ócwóó waá, ebě, mʉr dí elíʼa lɨ́ ejaʼ míndwéá mé Nzyɛ̌m nyá, nyě nwɨɨlá ó, le obóʼó ó mâŋ pubó dí etíne, tyěn gúmó yɨ́yɛ̂h wɨ́.

Ebrœ̂ 11:11

Ɨ́ lɔ̌b búʼó, Abraham á si dwe Sara ebum, nyé osí laǎ jɔʼ nyé á be ó, nye díʼee sɔ́ŋ mwân yɨ́. Sara ntémé kǔn mʉ́má. Abraham á bě e búʼó ó, Nzyɛ̌m ókʉ́ bánǎ lóŋlo nkɛ́ʼ nyé.

Ebrœ̂ 4:14

Mɨná gá bé e ánɨ̂nɨ̂n njwɨ́ɨ opara: Yésʉs, Mwân mé Nzyɛ̌m. Nye á si ntaa jʉ́o, le ejwoo le baántɛ́n, tó di ɨ́ jʉ́o kʉ́. Nó, mɨná tôʼ gá dóló le ekǎm búʼó gá yɨ́ná.

Ebrœ̂ 3:14

Sá dí tɨ̂ʼ yɨ́, yé ó: mɨ́ná ódi gá ɨ́ bidǐ gá bíná, apʉʼa tɨ̂, tó pyâl ɨ́ mesíé nó, go ó, mɨná gá be ó bʉr ó njoo mé Krîst ó tɨ̂ʼ yɨ́.

2 Korɛnt 9:13

Syɛ́ɛ́ bɨ́n ngá séa yɨ́, yé ólɛ̂ʼle bʉ̂r ó, bɨ̌n bɨ́ sul bɨ́n bʉr o tɨ̂ʼ sí, sâ méjóʼo, táare ɨ́ jɔʼ bɨ́n á kam Mbɨambɨa Lɔ́ɔ́ mé Krîst yɨ́, kumo mûh. Bʉr, bé ódwě Nzyɛ̌m kûm tɨ̂. Bé ódwe nyé kûm ntémé ó, ɨ́ jɔʼ bé óbeě mpʉ bɨ́n ngá súʼo bé e mingúlá mín, kala e bʉr bɨ́bɛ̂h yɨ́.

Ebrœ̂ 3:1

Bɨ́ɔɔ́ bɨ́h le okɛ́l bɨ́h dí egúmo e Nzyɛ̌m bá, mɨná gá ó bé á bi gá nkɔb mpwár: njɨ́blɨ́ Nzyɛ̌m á ntɨh mɨná gá, duho ɨ́ jʉ́o kʉ́ wɨ́. Jwɛ́ʼɛ́ɛ́ gá sɔ̂ʼ njɨ Yésʉs mpʉ nyé dí yɨ́: nye ó mʉr milʉ́mlʉ́ mé Nzyɛ̌m, báʼǎ be ntémé njwɨ́ɨ opara gá wɨ́ná mpʉ mɨ́ná dí ekam gá yɨ́.