Ebrœ̂ 10:22 - Kálar Nzyɛ̌m : Ejwán é Sáá

²² nó mɨ́ná jálá le esîhle gá bǎʼ e Nzyɛ̌m, abe e mesónó ɨ́ miléme, e milémé lwɨ́ŋlá e búʼó yɨ́. Milémé gá míná, myé mû ó mipubá. Menyʉ́l gá mɨ́ná mɨ́ɛ, mé mé ó minjwɨá e medíbé me dí ɨ́ ntyɛ́h ntyɛ́h má.

Kálara Zyɛ̌m Edwán é mpʉ̌n

²² no ó bɨna lé ejala le edihle ga kunokuno e nye e, lwɨŋla e mbɛla e buʼo ndɨ eduho é mɨmo si ɨ. Mɨleme ga mina, myé mu ó si pubɔ. Mɨpɛhla mɨleme ga mina, myé abe lé eka nwahle bɨna ga ó, bɨna bé ó e mobe. Monyʉl ga mɨna, mé ó mɨnjwɨ̀a e modibe ndɨ é ncyɛh-ncyɛh ɛ.

Ebrœ̂ 10:22 ပူးပေါင်းရင်းမြစ်များ

Yʉanes 3:5

Yésʉs, nye ó: «Me lɨ́ elɛ́ɛ gó lɨ́ otyeetye ó, mʉ̂r óbe, abyɛ̂l mbyɛ́lá médíbé e waá Sísǐm nó, nyé abe e nkul enî ɨ́ Mpóʼo mé Nzyɛ̌m.

1 Pyɛr 3:21

Medíbé maá, mé mveʼle ó, ndubó dí etíʼ bɨ́n ɨ́ báánâʼ wɨ́. Ndubó gá wɨ́ná, wé atíʼ mɨ́ná gâ ɨ́ lɔ̌b wé dí epɛʼ mɨ́ná gá mebomo. Wé tíʼ mɨ́ná gá ó, ebe wé dí gwɨ́má yɨ́ná ó, Nzyɛ̌m púbaa mɨná gâ, tó kumo ɨ́ milémé gá míná tʉ́ŋlʉ̌, ó mipahlá mi tɨ̂ʼ nkʉ̂ di ɨ́ pyɛɛɛ. Wé pubo mɨ́ná gá miléme myaá ó, ɨ́ nzɨ̌ pahá sóo mé Yésʉs-Krîst.

Éfɛsɔs 5:26

Nye á sâ nó ó, wé nkʉ̂ gúmo e Nzyɛ̌m, nyé osí jwɨɨ wé e medíbé ti e lwǐb yé.

1 Korɛnt 6:11

Nó ntémé ó, bʉ́ʉ́ bʉ̂r ó sɔ́má yɨ́n, bé á be yɨ́! Sâ gwár, bɨ̌n bé á si sohlɔɔ, pubɔɔ, le edweŋɔɔ nkâm ɨ́ míh mé Nzyɛ̌m ɨ́ díé mé Tî Yésʉs-Krîst, cɨɨ e nzɨ̌ Sísǐm mé Nzyɛ̌m gá wɨ́ná.

Ebrœ̂ 7:19

Ebě, metié mé ésôʼ maá, mé á bé abe e nkul epubo syɛ̂l misyóm ɨ́ mipáʼ mímyɛ̂h. Nó ó, mpǎŋ sá dí elaa métié maá yɨ́, yɨ́ pyâl: mpûʼla mɨ́ná mû e nye ɨ́ léme nyɨ́. Nye ó dí esâ ó, mɨná sîhlaa gá bǎʼ e Nzyɛ̌m.

2 Korɛnt 7:1

Nó, bɨ́ɔɔ́ o kpɛ̌l bâm ɛ̌! Mpʉ mɨ́ná gá dí e menkɛ̌ʼ ménɨ̌ yɨ́, mɨná púbaa gá mɨná bʉr o tɨ̂. Mɨná pɛ́ʼɛɛ gá bilœ̌ʼ bi dí ɨ́ mɨná gá ɨ́ menyʉ̂l ti e miléme bí. Mɨná kómlaa gá kʉ̌ tyen gá wɨ́ná, ó wé díʼee sá dí ti yɨ́, ɨ́ ndwááwá mɨ́ná dí edwáawo gá Nzyɛ̌m wɨ́.

Ebrœ̂ 4:16

Nó, mɨná sîhlaa gá bǎʼ e né, tó pyâl pyáláa ɨ́ mecwɨ́ɨ́ mé jwɨ́ɨ́ yé. Mɨná pyálaa gá ɨ́ mpǒm nyé, abáawǒ sɔ̂ʼ, le ebúʼla ó, nyě dǐ ɨ́ mecwɨ́ɨ́ maá ó, lɨ́ esú ó, nye sâʼ bʉr mpam, le ejɨ̂ʼ bé nkoó. Mɨná bi gá mpam nyé ó, ɨ́ jɔʼ mɨ́ná dí ebuú jɨ gá nkɔ̌m nyé yɨ́.

Ebrœ̂ 12:24

Bɨ̌n bé á si nze kwá mé Yésʉs, mesaádɔm á sâ edwán é sáá páʼ gá nyɨ́ná e Nzyɛ̌m nyá. Bɨ̌n bé á si pyâl, cɨɨ ɨ́ nzɨ̌ metié mé nyé á pubo bɨ̌n e mé má. Metié mé maá jaá lwilwib ó, njɨ mekǎn me dí ɨ́ mbɨa má, laa maá Ábɛl nyɨɛ á cɨ má.

Títos 3:5

Nye á tíʼ mɨná gá ó, ɨ́ nzɨ̌ njɨ́ʼá nkóó wé. Nye á bé atíʼ mɨ́ná ɨ́ lɔ̌b bísyɛ́ɛla bimpâ mɨ́ná bé á sâ lɨ́ otîtyěl gá wɨ́ná bí. Nye á tíʼ mɨná ó, ɨ́ pubá nyé á pubo mɨná gá e Sísǐm wé wɨ́. Pubá waá, wé ó b'á dwe mɨná gá mbyɛ́lá dwân, le esâ ó, mɨná díʼee medwán mé bʉ̂r. Nye á si kab mɨná gá Sísǐm wé ɨ́ ntʉʉʉ́ ɨ́ nzɨ̌ mé Yésʉs-Krîst, Tiʼbʉr gá wɨ́ná.

1 Pyɛr 1:2

Nzyɛ̌m Sɔ́ŋ ó b'á twâr bɨ̌n, bʉr o nyé á boo gʉ́a, kʉ́ e sí dína apǎ bě kuhá bá. Píe jɔʼ nyé á twâr bɨ̌n yɨ́, Sísǐm wé nzě pubo bɨ́n. Nye á pubo bɨ̌n ó, lɨ́ emyɛʼ bɨ́n e metié mé Yésʉs-Krîst, lɨ́ esú ó, bɨ̌n sâʼ nye mejóʼo. Metyɛʼ me mpóm mé Nzyɛ̌m le mepyɛbla mé, mé díʼee e bɨ̌n ɨ́ ntʉʉʉ́.

Éfɛsɔs 3:12

Ɨ́ mpúhlá gá nyɨ́ná e Krîst, ɨ́ jɔʼ mɨ́ná dyéʼ gá koo e né yɨ́, mɨná bé lɨ́ epyâl gá kwá mé Nzyɛ̌m, abáawǒ sɔ̂ʼ, abe ntémé e yʉ́ʉ́ sá ngá ntɨ̂ʼ yɨ́.

Jacques 4:8

Síhláá gá bǎʼ e Nzyɛ̌m. Nyé osîhlě nko bɨ́n dí yɨ́. Jwɨyɨɨ gá mebó mɨ́n, bɨ̌n osyɛ̂l o mísyóm. Sohlaa gá milémé mín, bɨ̌n bʉr o dí mekʉ̌ me kwɨ̂h bá.

Ebrœ̂ 9:19

Jɔ̌ʼ Moyɨ̂z á be, nye mû sí láa bʉ̂r o b'Ɨ́zraɛ̂l bɨ́bɛ̂h metié mé Nzyɛ̌m mɨ́mɛ̂h yɨ́, nye á si tíʼe bwá bíntœœ le ontamakǎ, nʉa métié mɔ́ɔ́, nzě pûhla mé e medíbé. Nye nzě sâ ébúhó é bíká bí lɨ́ ésɔp ndu e myě bínteme, mé á dubɔɔ ɨ́ bikaá má, nzě nʉa ébúho laá, dubo lé ɨ́ metié, nzě pupubo mekaná métié maá, ndu e bʉr baá bɨ́bɛ̂h.

Mataos 3:11

Mɛ̌m du bɨ́n ó e medíbé, lɨ́ elɛ̂ʼle ó, bɨ̌n bɨ́ túmo míkoo e misyóm mín, le edwira míléme. Sâ gwár, mʉr dí ebɔma mé píe koo nyá, nyě e jwɨ́ɨ, laa mê. Mɛm, mé abě tyé mʉ̂r dí ó, me pɛ́ʼɛɛ nye osípah ɨ́ mekʉ̌ nyá. Nyɨɛ, nye ódu bɨ́n ó e Sísǐm mé Nzyɛ̌m le siʼe.

Jacques 1:6

Sâ gwár, nye ɨ́ jala le ejɨʼla e Nzyɛ̌m ó, lɨ́ ekʉ́ dyɛ̂ʼwo e né. Nyě sá ó, alíʼa lɨ́ ejaʼ ócwóó waá, ebě, mʉr dí elíʼa lɨ́ ejaʼ míndwéá mé Nzyɛ̌m nyá, nyě nwɨɨlá ó, le obóʼó ó mâŋ pubó dí etíne, tyěn gúmó yɨ́yɛ̂h wɨ́.

Ebrœ̂ 11:28

Ɨ́ búʼó yé ó nyé á komlo nzɔɔ Páska, mimyɛʼ métié ɨ́ meníŋlɨ́ mébê yɨ́. Nye á sâ nó ó, éngeles sá ajʉ̂ médwéʼé mé bwán bɔ́ɔ́.

Ebrœ̂ 10:19

Bɨ́ɔɔ́ bɨ́h le okɛ́l bɨ́h! Mɨná mû ó sí nʉa gá pîm ɨ́ búʼó lɨ́ eswɨɨ e métié mé Yésʉs mé á swɨɨ sí lɨ́. Nó, mɨná sîhlaa gá, tó pyâl ɨ́ ntɔ́ɔ dí ɨ́ buú buǒ tí nyɨ́.

Ebrœ̂ 9:10

Nzyɛ̌m á tíʼe ɨ́ lémé wé ó, bʉr, bé ósɨsâ nyé mbǐ yébé nɨ̌ ó, tó pyâl ɨ́ jɔʼ nyé ókǎ tyêl bʉ̂r metié me dí tîtyěl má yɨ́. Metié le mempéné mé ésôʼ, mé á jaa dwɛ̂ʼ ó, njɨ ɨ́ páʼ nyʉ̂l mʉr. Metié maá, mé á jaa tɨ́e mʉr ó, njɨ mimbi méde le menyoʼ myé á jala ó, nye dêʼ mí, le mimbi míndubó myé á jala ó, nye dúŋɔɔ mí.

1 Timotɛ 4:2

Bé óbe ó baányâ-mikóo, le olɛ́a o bíbɛr. Syóm dí ejwɨ́ɨ bé wɨ́, wé óndɨndáma milémé myɔ́ɔ́ ó, tó pyâl ɨ́ jɔʼ bé óbe, bé mû akǎ tʉ sôn yɨ́.

Mɨngwiha 1:5

Yésʉs-Krîst sʉ́ʼoo bɨ̌n metyɛʼ me mpóm, le egbâ mépyɛbla ɨ́ sɔ́má yɨ́n. Nye ó mboʼlo jálá le ebúʼlɔɔ nyá. Nye ó dí mwâ medwéʼe mé Nzyɛ̌m á pah, duho lɨ́ odwe nyá. Nye ó dí Njwɨ́ɨ mesí mé sí yɨ̂ʼ mɨ́mɛ̂h. Nye lɨ́ ekpɛl mɨ́ná gâ. Nyɨ́ sʉ métié mé sí, ntɔ̂ʼ pɛʼ bibaa bí ébébě Nzyɛ̌m á niʼe ɨ́ lɔ̌b mísyóm gá míná bí, ɨ́ nzɨ̌ ndwéá wé.

Éfɛsɔs 6:5

Bitúʼǎ, bɨ̌n bé ɨ́ jala le esâ ójwɨ́ɨ bɨ́n, baá o dí bʉr ó sí yɨ̂ʼ bá, mejóʼo. Jwááwáá gá bê, le edwe bé dúu. Séáá gá bé e milémé mímyɛ̂h, mpʉ̌ sá lɛ́ɛ́, bɨ̌n séá ó Krîst syɛ́ɛ́.

Mɨlʉmlʉ 8:21

Gó akúnwo e bá nkɔ̂b ɨ́ lɔ̌b wɨ̂, nkʉ̂ gúú pâʼ tɨ̂, ebě, lémé gô, wé abě tîtyěl ɨ́ míh mé Nzyɛ̌m.

Yʉanes 8:9

Jɔʼ bé á jóʼo ekǎn énɨ̌ yɨ́, bê nzě gɔ́na le esɔlwa ngúngwár, líʼɔɔ nyé tɨ̂ʼ nye omér, bé e mʉmá nɨ̌, nyɨɛ náǎ tîtyěl téme ebɛhɛɛ. Otɔ́má bʉ̂r o b'á nyɛɛ sɔlwa esôʼ, ontwǒm bɔma.

Lʉkas 1:1

Théophile, mɨ́ɔɔ́ wǎm! Bisyɛ́ɛla bínɨ́nɨ́ɨ́ Nzyɛ̌m á sâ ɨ́ páʼ gá wɨ́ná bí, byé mû ó sí cɛmɔɔ nzɔ̂ʼ nzɔʼ.

Mɨlʉmlʉ 22:16

Nó ó, gǒ kǎ bóno yé ɨ́ báánâ? Gbɔlwaa sí. Go e dúŋɔɔ, jwɨɔɔ ɨ́ páʼ bísyɛ́ɛla bí ébébe byô, lɨ́ ekɛn díé mé Yésʉs.”»

Ebrœ̂ 6:11

Bɨ̌h gwɨ́m ó, mʉr nyɨnyɛ̂h sâʼ sɨ́n lɨ́ eséǎ syɛ́ɛ́ yaá, tó kumo lɨ́ odumo, akâr. Jɔʼ yaá ó lémé wé ngá lóno ɨ́ mpûʼla yɨ́.

Ebrœ̂ 10:1

Metié, mé ó sisîm dí elɛ̂ʼlě mpʉ bísá bí émbɨa, byé ójala le ebe ɨ́ jɔʼ byé ngá pyâl yɨ́ wɨ́. Metié maá, mé adila míkuó bísâ byaá. Opara, bé dwídwé míndwéá mimpwár ó, ɨ́ mbú wɨ́wɛ̂h lɨ́ esú é bʉ̂r o dí egwɨ̂m ó, bé díʼee mbɨ̂mbɨá bá. Sâ gwár, mindwéá myɔ́ɔ́, myé ákóʼó sâ ó, bʉr baá díʼee mbɨ̂mbɨá ɨ́ mipáʼ mímyɛ̂h.