Ebrœ̂ 10:19 - Kálar Nzyɛ̌m : Ejwán é Sáá

¹⁹ Bɨ́ɔɔ́ bɨ́h le okɛ́l bɨ́h! Mɨná mû ó sí nʉa gá pîm ɨ́ búʼó lɨ́ eswɨɨ e métié mé Yésʉs mé á swɨɨ sí lɨ́. Nó, mɨná sîhlaa gá, tó pyâl ɨ́ ntɔ́ɔ dí ɨ́ buú buǒ tí nyɨ́.

Kálara Zyɛ̌m Edwán é mpʉ̌n

¹⁹ Ebe no, obɨɔ ga bam aa! Eswɨɨ e motié mo Yesʉs, lɨ sa ó, mɨleme ga mina diʼe mɨlwɨŋla e mbɛla. Bɨna toʼ ga ó, to pyal é l'Odia mo Zyɛm ndɨ e l'ekɛn ɨ, tʉŋlʉ.

Ebrœ̂ 10:19 ပူးပေါင်းရင်းမြစ်များ

Éfɛsɔs 2:18

Krîst ó b'á kar nzɨ̌ ó, bikúl bíbá gá bíná sîhlaa bǎʼ e Nzyɛ̌m Sɔ́ŋ, lɨ́ ecɨɨ e nzɨ̌ mʉr ngwár e ngwár: Sísǐm mé Nzyɛ̌m.

Ebrœ̂ 9:12

Jɔ̌ʼ Yésʉs á nî mpáh Nzyɛ̌m nyaá yɨ́, nye á bé anʉa sʉ́á métié mé óntamakǎ, nkʉ̂ maá bíntœœ. Metié nyé á nʉa, nî e mé má, mé á be ó maá mé nye mʉr tɨ̂. Nye nzě tó nî ɨ́ ntɔ́ɔ á be ɨ́ buú buǒ tí nyɨ́. Nye á nî ó, jɔʼ gwár lɨ́ esú é bíjɔʼ bíbyɛ̂h, ó nye nkʉ̂ táa góo, le edwih mɨ́ná gá ɨ́ mpila ébébe, ó mɨná díʼee gá onzyɛh o bʉ̂r, njʉ̌m dǐ e njʉ̌m dǐ.

Ebrœ̂ 4:16

Nó, mɨná sîhlaa gá bǎʼ e né, tó pyâl pyáláa ɨ́ mecwɨ́ɨ́ mé jwɨ́ɨ́ yé. Mɨná pyálaa gá ɨ́ mpǒm nyé, abáawǒ sɔ̂ʼ, le ebúʼla ó, nyě dǐ ɨ́ mecwɨ́ɨ́ maá ó, lɨ́ esú ó, nye sâʼ bʉr mpam, le ejɨ̂ʼ bé nkoó. Mɨná bi gá mpam nyé ó, ɨ́ jɔʼ mɨ́ná dí ebuú jɨ gá nkɔ̌m nyé yɨ́.

Éfɛsɔs 3:12

Ɨ́ mpúhlá gá nyɨ́ná e Krîst, ɨ́ jɔʼ mɨ́ná dyéʼ gá koo e né yɨ́, mɨná bé lɨ́ epyâl gá kwá mé Nzyɛ̌m, abáawǒ sɔ̂ʼ, abe ntémé e yʉ́ʉ́ sá ngá ntɨ̂ʼ yɨ́.

Rôm 5:2

Yésʉs-Krîst ó b'á kar nzɨ̌ lɨ́ esú ó, mɨná kúmaa gá ɨ́ mpam mé Nzyɛ̌m, le etyɛ̂b mékʉ̌ sí ɨ́ sɨ́ŋ ɨ́ lɔ̌b mpûʼla mɨ́ná dí gá e né nyɨ́. Nyɨ́ lɛ̂ʼle mɨ́ná gá mpam mɨ́ná ngá titiʼe gá e tɨ̂ʼ nyɨ́. Mɨná mû ó lɨ́ enkʉ́na gá ɨ́ lɔ̌b mpûʼla dí mɨná gá ɨ́ miléme, nyaá dí elɛ́ɛ ó, mɨná bé óbee gá Nzyɛ̌m ɨ́ diá kûm yé nyɨ́.

Ebrœ̂ 12:28

Ɨ́ tɨ̂, mɨná lɛ́yɨɨ gá Nzyɛ̌m henárá, ebě, nyɨ́ níŋle mɨ́ná gá ɨ́ mpóʼo nyé dí ejwɨ́ɨ nyɨ́. Mpóʼo nyé, nyé abe e nkul epɨ̂ʼla. Mɨná dwêʼ gá nye kûm, dwáawo nyé, le ejóʼo nyé bʉ́á. Mɨná séaa gá e né mbǐ syɛ́ɛ́ nyé ngá buú kpɛl wɨ́.

1 Yʉanes 4:17

Milémé gá míná, myé ólóno ɨ́ kpɛ̌l yé ɨ́ nzɨ̌ nyaá. Mɨná bé ónʉa gá pîm ɨ́ búʼó ɨ́ móhó étíʼ é mílɔ̌b ntémé, ebě, kʉ̌ tyen mɨ́ná dí edû gá ɨ́ sí yɨ̂ʼ wɨ́, wé nwɨɨla ó e waá wé nye mʉr tɨ̂.

Rôm 8:15

Bɨ̌n e Sísǐm mé Nzyɛ̌m ó mû. Nyé abě mbǐ sísǐm dí e nkul edil bɨ́n ɨ́ dǐ ótúʼǎ, nkʉ̂ waá ngá sâ ó, bɨ̌n báʼa jóʼo bʉ́á wɨ́. Nye ótyêl bɨ́n ɨ́ tyé bwán mé Nzyɛ̌m. Nye ó dí edwe mɨ́ná gá nkul ó, mɨná jébaa gá Nzyɛ̌m kʉ́kʉ́ ó: «Abba, Dâ!»

2 Timotɛ 1:7

Ebě, Sísǐm Nzyɛ̌m á ntɨh mɨná gá wɨ́, wé adwe mɨ́ná gá bʉ́á. Wé ó sísǐm nkûl, sísǐm kpɛ̌l ti e waá bíhwó.

Ebrœ̂ 9:3

Yé á be ó e gúú kán wé á be lɨ́ ela ébê wɨ́. Wɨ́haá kán ébê, wé ó waá mbá pára dí ebɔma e wé ɨ́ jɔʼ nyé ní ɨ́ mpáh Nzyɛ̌m yɨ́ wɨ́. Nko píhe kán ébê waá, yé á bě e ntɔ́ɔ mbá, nyaá bé á jébe ó «ntɔ́ɔ dí ɨ́ buú buǒ tí nyɨ́.»

Ebrœ̂ 7:25

Sá tɨ̂ʼ ntémé ó nyé dí e nkul etíʼ bʉ̂r o ngá sîhlě bǎʼ e Nzyɛ̌m, cɨɨ ɨ́ nzɨ̌ nyé bá. Nyě jaá pɛʼ mébébe mɔ́ɔ́ ó mɨ́mɛ̂h. Mpʉ nyé dí njʉ̌m dǐ e njʉ̌m dǐ yɨ́, nó ntémé ó nyé dí e nkul ejɨʼla e Nzyɛ̌m lɨ́ esú lɔ́ɔ́ ɨ́ jɔʼ yɨ́yɛ̂h yɨ́.

Ebrœ̂ 3:1

Bɨ́ɔɔ́ bɨ́h le okɛ́l bɨ́h dí egúmo e Nzyɛ̌m bá, mɨná gá ó bé á bi gá nkɔb mpwár: njɨ́blɨ́ Nzyɛ̌m á ntɨh mɨná gá, duho ɨ́ jʉ́o kʉ́ wɨ́. Jwɛ́ʼɛ́ɛ́ gá sɔ̂ʼ njɨ Yésʉs mpʉ nyé dí yɨ́: nye ó mʉr milʉ́mlʉ́ mé Nzyɛ̌m, báʼǎ be ntémé njwɨ́ɨ opara gá wɨ́ná mpʉ mɨ́ná dí ekam gá yɨ́.

Ebrœ̂ 3:6

Tó kœb ó, Krîst nyɨɛ á si tyélɔɔ ɨ́ dǐ Mwân á jala le edǐ lʉ́ mbɛ̌r bʉ̂r waá nyá. Mbɛ̌r bʉ̂r waá, wé gúmó ntémé ó e né. Mɨ́ná bé ódi gá e mpûʼla ɨ́ miléme, le ekʉ́ gʉ́ǎ sá mɨ́ná dí ebúʼla gá yɨ́, abáawǒ sɔ̂ʼ nó, lɛ́ɛ́, mɨná gá ó dí bʉ̂r ó mbɛ̌r bʉ̂r wé waá.

Ebrœ̂ 10:18

Jɔʼ bíbaa bí ébébe, byé mû sí láŋɔɔ, epɛʼɔɔ yɨ́, mindwéá mi dí epubo mʉ̂r mí, myé akǎ báʼǎ be.

Ebrœ̂ 10:35

Mʉ̌r sá amyǎh búʼó dí elɛ́ɛ nyé ó, nye óbɛ̌m sîhle kwá mé Nzyɛ̌m yɨ́. Búʼó yaá, yé óbe nyé ó e myɛ́na ménɨ́nɨ́ɨ́.