Ebrœ̂ 10:11 - Kálar Nzyɛ̌m : Ejwán é Sáá

¹¹ Opara, bé sɨ́séá ó, mimóhó mímyɛ̂h. Bé lɨ́ etyɛ̂b mítîtyěl lɨ́ edîʼ míndwéá ɨ́ ti ti ti, lɨ́ esáa étáa mébyaʼ, damá bě mpʉ míndwéá myɔ́ɔ́ dí abe e nkul esâ ó, Nzyɛ̌m tɨ́ʼee baa ébébe gwár yɨ́.

Kálara Zyɛ̌m Edwán é mpʉ̌n

¹¹ Opara, bé esea ó, dobo lɨlɛh. Bé ecyɛb ocɨcyel lé ediʼ otir tɔɔ motwina ndwe e motwina é tititi, dam be mpʉ mɨndwɛa mɨnɨ ndɨ mbɛh, abe e nkul esa ó, Zyɛm pɛʼɛ baa gwar é bim bɨbaa nye a niʼe é lɔb mɨsyem ɨ.

Ebrœ̂ 10:11 ပူးပေါင်းရင်းမြစ်များ

Ebrœ̂ 10:4

ebě, metié bíntœœ ndu e maá mé óntamakǎ, mé ákóʼó sâ ó, Nzyɛ̌m tɨ́ʼee baa ébébe nyé á pa niʼe mʉr yɨ́.

Ebrœ̂ 5:1

Ebě, bé pɨ́pɛ́h njwɨ́ɨ opara nyɨnyɛ̂h ó, tʉ́ŋlʉ̌ bʉr. Nye tyélá ɨ́ dǐ yaá ó, nye tyɛ́bɨɨ ɨ́ medilá me bʉ̂r ɨ́ páʼ bísâ bi dí edwɛ̂ʼ Nzyɛ̌m bí. Nye ó mʉr dí etɨtáa mébyaʼ mɔ́ɔ́ nyá, le edîʼ Nzyɛ̌m mindwéá.

Ebrœ̂ 7:27

Nyé abě mpʉ bʉ́ʉ́ ójwɨ́ɨ bé ópara, bé á bɨbe yɨ́. Yé abe nyé bi ó, nye díʼɨɨ mindwéá melú mɨ́mɛ̂h lɨ́ etáǎ góo, táare e mebyaʼ mé, kumo e maá me bʉ́ʉ́ bʉ̂r, ebě, nye á jaa dwe Nzyɛ̌m ndwéá ó, njɨ jɔʼ gwár, lɨ́ misyóm gá míná mímyɛ̂h, ɨ́ jɔʼ nyé á dwe twiʼ yé nye mʉr tɨ̂ʼ yɨ́.

Ebrœ̂ 10:1

Metié, mé ó sisîm dí elɛ̂ʼlě mpʉ bísá bí émbɨa, byé ójala le ebe ɨ́ jɔʼ byé ngá pyâl yɨ́ wɨ́. Metié maá, mé adila míkuó bísâ byaá. Opara, bé dwídwé míndwéá mimpwár ó, ɨ́ mbú wɨ́wɛ̂h lɨ́ esú é bʉ̂r o dí egwɨ̂m ó, bé díʼee mbɨ̂mbɨá bá. Sâ gwár, mindwéá myɔ́ɔ́, myé ákóʼó sâ ó, bʉr baá díʼee mbɨ̂mbɨá ɨ́ mipáʼ mímyɛ̂h.

Ebrœ̂ 8:2

Nyě séá syɛ́ɛ́ njwɨ́ɨ opara yé ó, ɨ́ gúmó dí ɨ́ buú buǒ tí yɨ́. Nó ó, nyě séá ó, ɨ́ mbɛ̌r kán mpâ, waá Dâ Nzyɛ̌m mʉr tɨ̂ʼ á sumo wɨ́. Wé abě sumá mébó mé bʉ̂r.

Ebrœ̂ 8:4

Yé bé syɛ́ɛ́ pára yé, yé á jala le eséɔɔ ó, ɨ́ sí yɨ̂ʼ nó, mpa Yésʉs á bé abe pára, ebě, yé le opara oswîh o dí edwě Nzyɛ̌m mindwéá, dû mpʉ métié mé Moyɨ̂z dí etɨ́e yɨ́ bá.