Ebrœ̂ 1:9 - Kálar Nzyɛ̌m : Ejwán é Sáá

⁹ Gǒ kpɛl ó, sá dí tîtyěl yɨ́, bene yaá dí onzyɛ́h ónzyɛ́h yɨ́. Sɨ́ǎ yaá ó dí ó, Nzyɛ̌m ɛ̌! Nzyɛ̌m gǒ á si lœm go múló mé jwɨ́ɨ, lɨ́ edwe gó nkul jwɨ́ɨ, le elóŋlǒ lémé gô e bisʉhʉʉ, laa bʉ̂r ó njoo yô.

Kálara Zyɛ̌m Edwán é mpʉ̌n

⁹ Go ekpɛl ó, mʉr ndɨ cɨcyel ɨ, nwim waa ndɨ ntɔɔ motie e. Ebe no, Zyɛm ɛ! Zyɛm Sɔŋ go a si lœm go mulo le eloŋlo leme go e bɨsʉhʉ, laa bʉr o nduo yo.»

Ebrœ̂ 1:9 ပူးပေါင်းရင်းမြစ်များ

Galásia 5:22

Sâ gwár, Sísǐm mé Nzyɛ̌m, nyě e byé bísyɛ́ɛla nyé dí esâ ɨ́ mɨná gá bí. Byé ó dí: kpɛ̌l, bisʉhʉʉ, mepyɛbla, bíhwó, njɨ́ʼá nkóó, mpam, edira ménkɛ̌ʼ,

Rôm 15:13

Nó ó, Nzyɛ̌m dí egbâ bʉ̂r mpûʼla ɨ́ miléme nyá, nye tyɛ́bɨɨ bɨ̌n ɨ́ miléme, ó bɨ̌n sóhaa ɨ́ jɔʼ yɨ́yɛ̂h. Nye lóŋlaa bɨ̌n mepyɛbla ɨ́ miléme, ɨ́ nkul búʼó yɨ́n. Nó ó mílémé mín ngá lóno ɨ́ mpûʼla e nkul Sísǐm wé yɨ́.

Lʉkas 4:18

«Bɨ̌h e Sísǐm mé Nzyɛ̌m ó mû. Nzyɛ̌m á lœm me múlo ó, me tôʼ le etúnǒ Mbɨambɨa Lɔ́ɔ́ wé kwá baántéʼenteʼe o bʉ̂r. Nye á lómo me ó, me tôʼ le elɛ́ɛ míkómó ó, mí pɛʼɔɔ. Me lɛ́yɨɨ ntémé baá o dí e ntím bá ó, bé mû ó lɨ́ ebee. Me lɛ́yɨɨ baá o dí ejaʼra e mpêl bá ó, bɨ́ bírɔɔ.

1 Yʉanes 1:3

Sá bɨ́h á bee e míh mɨ́h, jóʼo e megwǎl mɨ́h yɨ́, yé ó bɨ́h dí etúno bɨ́n ntémé yɨ́, mbi dí ó, mɨná nkʉ̂ di gá ɨ́ mpúhlá, mɨná gá óbɛ̂h. Mpúhlá mɨ́ná ngá pûhla gá nyɨ́, óbe ó e Nzyɛ̌m Sɔ́ŋ, bé e Mwân wé, Yésʉs-Krîst.

1 Pyɛr 1:3

Mɨná gúmlaa gá waá dí Nzyɛ̌m mé Tî gá wɨ́ná Yésʉs-Krîst, waá dí Sɔ́ŋ wé nyá. Nyɨ́ buú jɨ̂ʼ mɨ́ná gá nkoó, ntɔ̂ʼ dwe mɨ́ná gá nkul ebyɛ̂l jɔʼ mbá, lɨ́ esú ó, mɨná díʼee gá lwɨ́ŋlá e mpûʼla ɨ́ miléme. Mpûʼla nyaá, nyě duhó ó, ɨ́ nkul pɛhá nyé á pɛh Yésʉs-Krîst ɨ́ soo wɨ́.

Ebrœ̂ 7:26

Nye ó mbi njwɨ́ɨ opara wé á kʉ jala e mɨná gá wɨ́: nye ó mʉr dí tí, waá dí akúnwo e mpɨŋ nyá. Sá mébomo, yé abe ɨ́ nye. Nyé akúnwo bá le osyɛ̂l o mísyóm. Nye ntémé, nye ó mbɨ́ná kʉ́, laǎ jʉ́o le ejwoo le baántɛ́n.

Filipi 2:9

Sá tɨ̂ʼ ó Nzyɛ̌m á bu bɨ̂n nye kʉ́, dwe nyé nkul jwɨ́ɨ ɨ́ bisá bíbyɛ̂h yɨ́.

Éfɛsɔs 1:3

Mɨná gúmlaa gá waá dí Nzyɛ̌m mé Tî gá wɨ́ná, Yésʉs-Krîst, waá dí Sɔ́ŋ wé nyá. Nzyɛ̌m, nyɨ́ sʉ mɨ́ná gá metyɛʼ me mpóm ɨ́ mpúhlá gá nyɨ́ná e Krîst. Nyɨ́ kam ntémé ó, mɨná bíʼee gá mimbi métyɛʼ me mpóm mé Sísǐm mé Nzyɛ̌m mɨ́mɛ̂h me dí eduho ɨ́ jʉ́o kʉ́ má. Nyě sá mɨ́ná gá nó ó,

1 Korɛnt 1:9

Nzyɛ̌m, nye ó mʉr jálá le ebúʼlɔɔ nyá. Nye ó b'á jébe bɨ̌n ó, bɨ̌n tôʼ, tó pûhla e Mwân wé, Yésʉs-Krîst, Tî gá wɨ́ná.

Yʉanes 20:17

Yésʉs, nye e né ó: «Sá akǎ mɛ̂r mê, ebě, me dína apǎ bɨ́nɔɔ ɨ́ jʉ́o kʉ́, tô kwá mé Dâ. Tóʼ, tó lɛ́ɛ bɨ́ɔɔ́ bâm ó, me mû ó lɨ́ ebére, búlǎ nko Sɔ́ŋ wǎm dí yɨ́. Nye ntémé, nye ó sɔ́ŋ wɨ́n. Nye ó Nzyɛ̌m wǎm. Nye ó Nzyɛ̌m wɨ́n ntémé.»

Yʉanes 1:41

Nó ó, mʉr esôʼ André á nyɛɛ to kœb nyá, á be ó mɨ́ɔɔ́ wé, Simon. Nye e né ó: «Bɨ̌h bɨ́ kœ̌b Mesî!» (Njɨ́blɨ́ waá, wé páʼlɔ́ɔ́ ó: “Krîst: Mʉ̌r Nzyɛ̌m á lœm múló mé jwɨ́ɨ nyá.”)

Mɨngwiha 2:15

Yê tyeetye ó, bʉ́ʉ́ bʉ̂r ɨ́ sɔ́má yɨ́n, bé lɨ́ esâ mpʉ̌ Nikolâ dí elɛ̂ʼle yɨ́.

2 Korɛnt 11:31

Waá dí Nzyɛ̌m mé Tî Yésʉs-Krîst, waá dí Sɔ́ŋ wé nyá, nye lɨ́ egʉ́a ó, mé alɛ́ɛ bíbɛr. Nye díʼee e kûm njʉ̌m dǐ e njʉ̌m dǐ.

Rôm 12:9

Kpɛ̌l, yé díʼee abe e mikóo. Nwimɨɨ gá sá yɨ́yɛ̂h dí ɨ́ bébe yɨ́. Kpɛlɨɨ gá sɔ̂ʼ njɨ yaá dí ɨ́ mbɨa yɨ́.

Mɨlʉmlʉ 10:38

Bɨ̌n bé lɨ́ egʉ́a ntémé mpʉ̌ Nzyɛ̌m á lœm Yésʉs, mʉr Nazarɛ̂t, Sísǐm wé, le edwe nyé ánɨ̂nɨ̂n nkul yɨ́. Bɨ̌n bé lɨ́ egʉ́a ntémé mpʉ̌ Yésʉs á tye mésí e mésí, lɨ́ etô le esâ émbɨa, le etiʼ baá bɨ́bɛ̂h bé á jɨjaʼra e mpél mé sɔ́ŋ meleme bá yɨ́, ebě, bé e Nzyɛ̌m ó b'á be.

Mɨlʉmlʉ 4:27

Mpʉ yaá ntémé ó yé á ka sûʼla yɨ́, ebě, yê tyeetye ó, Erôd bé e Pɔ́ŋtus Pilátos, bé á si syɛŋa ɨ́ nkana yɨ̂, bé e bʉr o bíkûl ti e baá ó bé Ɨ́zraɛ̂l. Bɨ́bɛ̂h, bé á si di bʉm, sáŋɔɔ pɨ̂ʼ ó, bé lwímlá ó e syɛ̂l mesâ gǒ, Yésʉs, mʉr dí ti, waá gó á lœm múló mé jwɨ́ɨ nyá.

Yʉanes 3:34

Mʉ̌r Nzyɛ̌m á lómo nyá, lɛ́ɛ́ ó mekǎn mé Nzyɛ̌m, ebě, Nzyɛ̌m, nye lɨ́ edwe nyé Sísǐm wé, ntinɨ̂ e ntinɨ̂.

Ebrœ̂ 2:11

Yésʉs, mʉr dí epubo bʉ̂r nyá, bé e bʉr nyé dí epubo bá, bé e boo nɔ́ɔ́ bɨ́bɛ̂h, bé mû ó bʉr o b'á duhǒ gúmo gwár bá. Sá tɨ̂ʼ ó Yésʉs dí ajóʼo sôn lɨ́ ejébe bé «bɨ́ɔɔ́ bâm» yɨ́.

Yʉanes 10:17

«Sɔ́ŋ wǎm kpɛl mé ó, ebe mé mû lɨ́ edwě twiʼ yâm. Me ódwe yê, ntɔ̂ʼ báʼǎ nʉa yé, yé mû edwán.

Mɨlʉmlʉ 4:26

Ojwɨ́ɨ́ ó sí, bé á si tyɛ̂b ɨ́ tyé dɔ̂m. Minjwɨ́ɨbʉr, myé á sáa pɨʼ ó, bé lwímlaa e Dâ Nzyɛ̌m, bé e Mʉr nyé á lœm múló mé jwɨ́ɨ nyá.”

Ebrœ̂ 2:9

Sá mɨ́ná dí ekʉ́ gwá bee gá yɨ́, yé ó: ɨ́ mâ péh jɔʼ, Nzyɛ̌m á si nyɛɛ sul Yésʉs sí, beéngeles bá laa nyé ɨ́ dúu. Píe tɨ̂, nyɨ́ kǎ dil nyé káráá jwɨ́ɨ ɨ́ lʉ̂, lɨ́ edwe nyé kûm ndu e dúu, ebě, Yésʉs á si sia e mitúú, ntɔ̂ʼ dwe. Ɨ́ mbi waá ó Nzyɛ̌m á cwɨ́a e bʉr bɨ́bɛ̂h yɨ́, lɨ́ esâ ó, Yésʉs dwêʼ lɨ́ esú lɔ́ɔ́.