Ebrœ̂ 1:4 - Kálar Nzyɛ̌m : Ejwán é Sáá

⁴ Sá tɨ̂ʼ ó Mwân wé mû mbɨ́ná kʉ́, laa bééngeles yɨ́. Sá tɨ̂ʼ ntémé ó Nzyɛ̌m á dwe nye dǐ nɨ́nɨ́ɨ́, yaá dí ɨ́ bwaʼ, laa yaá yɔ́ɔ́ yɨ́. Nye á nʉa dǐ yaá ó, jala e nkɔb nyé.

Kálara Zyɛ̌m Edwán é mpʉ̌n

⁴ Ebe no ó Mwan we mu mbɨna kʉ, laa beengles ɨ. Ebe no nteme ó, Zyɛm a dwe nye bwaʼbwaʼ nkʉŋ, laa waa wɔɔ ɛ.

Ebrœ̂ 1:4 ပူးပေါင်းရင်းမြစ်များ

Éfɛsɔs 1:21

Nzyɛ̌m á dil nye ɨ́ mecwɨ́ɨ́ mé jwɨ́ɨ yaá ó, kʉ́ misísǐm mí édúrʉ́ʉ́ mi dí milʉ̂ mí, le myaá mi dí e nkul jwɨ́ɨ mí, le myaá mi dí e pîm mí, le myaá mi dí e menkul ménɨ́nɨ́ɨ́ mí. Krîst ó dí e díe e dí ɨ́ buú gúmlɔɔ lɨ́. Díe laá ó dí elaa míé mɨ́mɛ̂h bʉ̂r dí ekɛn ɨ́ mpóʼo sí yɨ̂ʼ má, le maá bé ókɛn ɨ́ mpóʼo ngá tyélɔɔ nyɨ́ má.

1 Pyɛr 3:22

Yésʉs waá á si bɨ́nɔɔ ɨ́ jʉ́o kʉ́. Nye mû ó lɨ́ mbó éjʉ́m mé Nzyɛ̌m Sɔ́ŋ, gúmó nyé dí ejwɨ́ɨ bééngeles, le misísǐm mi dí e jwɨ́ɨ le myaá mi dí e nkul mí yɨ́. Byé á si gbáŋɔɔ ɨ́ jwɨ́ɨ́ yé.

Ebrœ̂ 2:9

Sá mɨ́ná dí ekʉ́ gwá bee gá yɨ́, yé ó: ɨ́ mâ péh jɔʼ, Nzyɛ̌m á si nyɛɛ sul Yésʉs sí, beéngeles bá laa nyé ɨ́ dúu. Píe tɨ̂, nyɨ́ kǎ dil nyé káráá jwɨ́ɨ ɨ́ lʉ̂, lɨ́ edwe nyé kûm ndu e dúu, ebě, Yésʉs á si sia e mitúú, ntɔ̂ʼ dwe. Ɨ́ mbi waá ó Nzyɛ̌m á cwɨ́a e bʉr bɨ́bɛ̂h yɨ́, lɨ́ esâ ó, Yésʉs dwêʼ lɨ́ esú lɔ́ɔ́.

2 Tesalonika 1:7

Yé ntémé, yé óbe ó syɛ́ɛla mpâ ɨ́ jɔʼ nyé ódwe mɨ́ná gá óbɛ̂h egbalá píe bintɨ́ʼá bín yɨ́, ebě, mɨná bé ógbala gá ɨ́ jɔ̌ʼ Tî Yésʉs ónyɨ̂n, duho ɨ́ jʉ́o kʉ́ yɨ́. Bé e beéngeles bé, baá o dí ɨ́ lele ménkul bá, bé ópyâl ɨ́ njʉ̌l siʼe tʉ́ŋlʉ̌.

Kolosi 2:10

Bɨ̌n bé á be ó sí dira mínyɔm mímyɛ̂h ɨ́ mpúhlá nyɨ́n e Krîst. Nye ó dí lʉ̂ kʉ́ misísǐm mí édúrʉ́ʉ́ mímyɛ̂h: le myaá mi dí milʉ̂ mí, le myaá mi dí e nkul jwɨ́ɨ mí.

Kolosi 1:18

Mɨ́ná jwɨ́ʼ gá Mbɛ̌r-Nzyɛ̌m e nyʉ̂l mʉr nó, lɛ́ɛ́, Krîst ó dí lʉ̂. Twiʼ dwân, yé á táare ó e nye. Nye ó mʉr esôʼ á pah, duho lɨ́ odwe nyá. Mpʉ nyé dí nó yɨ́, nye ó dí elaǎ sá yɨ́yɛ̂h ɨ́ medile.

Ebrœ̂ 1:9

Gǒ kpɛl ó, sá dí tîtyěl yɨ́, bene yaá dí onzyɛ́h ónzyɛ́h yɨ́. Sɨ́ǎ yaá ó dí ó, Nzyɛ̌m ɛ̌! Nzyɛ̌m gǒ á si lœm go múló mé jwɨ́ɨ, lɨ́ edwe gó nkul jwɨ́ɨ, le elóŋlǒ lémé gô e bisʉhʉʉ, laa bʉ̂r ó njoo yô.

Ebrœ̂ 12:17

Píe tɨ̂, nye nzě kǎ kpɛl ó, sɔ́ŋ syɛ́yɨɨ nye metyéelé, ó nye líʼɨɨ e bilíʼé bí sɔ́ŋ wé. Bɨ̌n bé lɨ́ egʉ́a ó, sɔ́ŋ á si bene esâ syɛ́ɛla yaá. Esô mʉr tɨ̂ʼ á si kʉ jɨ ɨ́ jɨ jɨ jɨ, sâ gwár, nye á bé akǎ be e nkul edwirǎ léme, nkʉ̂ bi métyɛʼ me mpóm maá ɨ́ lɔ̌b myɛ́ɛlé mé maá.