3 Yʉanes 1:2 - Kálar Nzyɛ̌m : Ejwán é Sáá

² Mbɨambɨa só kpɛ̌l wǎm, me lɨ́ ejɨʼla e Nzyɛ̌m ó, go bûʼwaa ɨ́ mipáʼ mí twiʼ bípúno e bidwehé, jwɨʼ gwár mpʉ gó dí mbɨ̂mbɨá ɨ́ nkǒ páʼ sísǐm gô yɨ́.

Kálara Zyɛ̌m Edwán é mpʉ̌n

² Mɨɔ kpɛl wam, me ejwɨʼla e Zyɛm ó, go kœʼœ mbɨmbɨa ebò e cyen é nko paʼ tiʼ nyʉl bɨpuno, alɨn syɛl, abɨm ebɔʼ, jwɨʼ gwar mpʉ go lé ekœʼ mpaŋ ebò e cyen é nko paʼ sisim go e.

3 Yʉanes 1:2 ပူးပေါင်းရင်းမြစ်များ

2 Pyɛr 3:18

Tóʼ gá dóló le egwɨ́e ɨ́ mpam mé Tî gá wɨ́ná Yésʉs-Krîst, dí ntémé Tiʼbʉr gá wɨ́ná nyá. Bɨ̌n e gwɨ́é ntémé, ebě, bɨ̌n bɨ́ gʉ́a nyé ɨ́ pébébé. Nye omér ó dí ejala e kûm, táare ɨ́ jɔʼ yɨ̂, tó kumo ɨ́ twǐʼ njʉ̌m dǐ. Amɛn.

1 Pyɛr 4:8

Sá ésôʼ, yé jala ó, bɨ̌n kpɛ́laa páʼ nyɨ́n kpɛ̌l ápurapúra, ebě, kpɛ̌l ó dí edímle mébébe ɨ́ buo buo.

2 Tesalonika 1:3

Bɨ́ɔɔ́ bɨ́h le okɛ́l bɨ́h, bɨ̌h bé ɨ́ jala le edwě Nzyɛ̌m nzyǒo ɨ́ bijɔʼ bíbyɛ̂h ɨ́ lɔ̌b wɨ́n. Yé ɨ́ jala nó, ebě, búʼó bɨ́n dí ebúʼlǎ Krîst yɨ́, yé lɨ́ etô le egwɨ́e. Kpɛ̌l bɨ́n dí ekpɛl bʉ̂r yɨ́, yé bwaʼ ó bwaʼáa.

Filipi 2:4

Mʉr nyɨnyɛ̂h ɨ́ sɔ́má yɨ́n, nyě sá agwɨ̂m sá yé óbe nyé e nyɔm yɨ́. Mʉr nyɨnyɛ̂h ɨ́ sɔ́má yɨ́n, nye tóŋlaa ntémé sá bʉ́ʉ́ bʉ̂r, bé ódirǎ nyɔm e tɨ̂ʼ yɨ́.

Mɨngwiha 2:9

me lɨ́ egʉ́a mítúú mín, le edyêb lɨ́n. Lɨ́ otyeetye, bɨ̌n bé ó, misʉ́sʉ́ mí bʉ̂r. Me lɨ́ egʉ́a ntémé melwɨ́ɨ bʉ̂r dí elwɨ́ɨ bɨ́n má. Baányâ-melwɨ́ɨ baá, bé lɛ́ɛ́ ó, bé ó bʉr ó kúl óYúden. Sâ gwár, bé abe óYúden ompâ. Bé ó bʉr o mpáh minjɨʼla mé Sátan.

Jacques 5:12

Bɨ́ɔɔ́ bâm! Okɛ́l bâm! Kʉ́ buú syɛ̂hle gá entaa mínkâl. Akáale, gbâ díé é jʉ́o ɨ́ minkâl. Agbâ díé é sí ɨ́ minkâl. Lɛ́yɨ́ɨ́ gá jɔʼ yɨ́yɛ̂h ó: «Heʼé!» ɨ́ jɔʼ yé dí «Heʼé!» yɨ́, nkʉ̂ ó: «Eee!» ɨ́ jɔʼ yé dí «Eee!» yɨ́, lɨ́ ekpɛ́ɛ ó, bɨ̌n ámû jaá nʉa mébě ɨ́ tíʼá mílɔ̌b mé Nzyɛ̌m.

Filipi 2:27

Nye á si kʉ bíle! Nye á duho ó ɨ́ ka sóo. Sâ gwár, Nzyɛ̌m á si jɨ̂ʼ nye nkoó. Abe nyé e nye, ndu e mɛm mʉr tɨ̂ʼ ntémé. Nye á tiʼ nye ó, ebě, nye á si kamle e me. Nye á bé akam ó, me báʼa kǎ buú jóʼo ébúʼ, ntaǎ njɨ.

2 Tesalonika 2:13

Bɨ́ɔɔ́ bɨ́h! Okɛ́l bɨ́h! Tî Yésʉs, nye lɨ́ ebuú kpɛl bɨ́n. Yé jala ó, bɨ̌h dwêʼ Nzyɛ̌m nzyǒo ɨ́ bijɔʼ bíbyɛ̂h ɨ́ lɔ̌b wɨ́n, ebě, nyɨ́ twâr bɨ́n, duho ɨ́ menyɛ̌l, ó bɨ̌n tíʼaa njʉ̌m dǐ e njʉ̌m dǐ. Nye mû ó lɨ́ etíʼ bɨ́n e nzɨ̌ Sísǐm mé Nzyɛ̌m wé á pubo bɨ̌n nyá. Bɨ̌n mû ó lɨ́ ebǐ twiʼ mpâ ɨ́ nzɨ̌ búʼó bɨ́n dí ebúʼla ótyeetye yɨ́.

Mataos 9:12

Yésʉs nzě jóʼo tíá nyaá. Nye ntɔ̂ʼ lɛ́ɛ e bé ó: «Bʉr o dí minjɨ̂h bá, bé ajɨ ójomo o bʉ̂r. Mimbêl myé omér ó dí ejɨ bê.

3 Yʉanes 1:1

Yé ó mɛm, tyɛ̂b esôʼ ɨ́ Mbɛ̌r-Nzyɛ̌m. Me lɨ́ esoho gó, Gáywis, mʉr dí ɨ́ buú kpɛlɔɔ nyá. Me lɨ́ ekpɛl gó lɨ́ otyeetye.