Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Yʉanes 1:9 - Kálar Nzyɛ̌m : Ejwán é Sáá

9 Nyʉ́ʉ́ mʉ̂r nyɛɛ́ jɨ̂ʼ lɛ́ʼlá mé Krîst, ɨ́ jɨ̂ʼ jɨ̂ʼ, kǎ líʼě lɛ́ʼlá waá, ntaa, tó púma dóló e gúú swîh nó, nyé atíʼe ɨ́ mpúhlá e Nzyɛ̌m. Waá dí ejɨ̂ʼ lɛ́ʼlá waá, alíʼe wé nyá, nyɨ́haá ó dí ɨ́ mpúhlá e Sɔ́ŋ, ti e Mwân bɨ́bɛ̂h.

အခန်းကိုကြည့်ပါ။ ကော်ပီ

Kálara Zyɛ̌m Edwán é mpʉ̌n

9 Mʉr a be si taare jwɨʼ sikʉlʉ mo Krɨst, é jwɨʼ jwɨʼ, ntɔʼ ka kaŋa e sikʉlʉ yaa, liʼe ye pihe, ntɔʼ bula gʉmla, to le ejwɨʼ bɨsikʉlʉ bɨfih ɨ, bé e Zyɛm, bé aka be é nkɔm mpwar. Waa lé ejwɨʼ sikʉlʉ yaa, akaŋa e ye e, bé e Zyɛm Sɔŋ ndwe e Mwan we bɨbɛh, bé ó é nkɔm mpwar.

အခန်းကိုကြည့်ပါ။ ကော်ပီ




2 Yʉanes 1:9
15 ပူးပေါင်းရင်းမြစ်များ  

Kamaa gá ó, lwǐb mé Krîst, yé lóŋlaa milémé mín. Milémé mín, myé díʼee ekʉ̌m lɨ́ esú é lwǐb yé yaá. Jwidweelaa gá páʼ nyɨ́n milɛ́ʼlá mi dí le ocwóó mí. Jwidweelaa gá metwɨ́ɨ́ páʼ nyɨ́n. Jyɛyɨɨ gá meswɨ̂ʼlɨ lɨ́ esú é Nzyɛ̌m, mejéme, ti e bidyɛɛ́ biswîh Sísǐm ngá lɛ̂ʼle bɨ́n bí. Mejéme maá, mé óduho ó, bɨ̌n ɨ́ miléme mi dí edwě Nzyɛ̌m nzyǒo mí.


Sá bɨ́h á bee e míh mɨ́h, jóʼo e megwǎl mɨ́h yɨ́, yé ó bɨ́h dí etúno bɨ́n ntémé yɨ́, mbi dí ó, mɨná nkʉ̂ di gá ɨ́ mpúhlá, mɨná gá óbɛ̂h. Mpúhlá mɨ́ná ngá pûhla gá nyɨ́, óbe ó e Nzyɛ̌m Sɔ́ŋ, bé e Mwân wé, Yésʉs-Krîst.


Bé á be lɨ́ ekʉ́ sâ sɨ́n jɔʼ yɨ́yɛ̂h lɨ́ etó jóʼo mílɛ́ʼlá bʉ̂r o mílʉ́mlʉ́ bé á dwidwe bé mí. Bé á didi ntémé ó, nzyɛŋá, bɨ́ɔɔ́ e bɨ́ɔɔ́ tʉ́ŋlʉ̌, le edɨde ntémé gúmo gwár, le ejɨjɨʼla e Nzyɛ̌m.


Byé ajala le ejaa mébô ɨ́ páʼ bísá bí ójwɨ́ɨ́ bɔ́ɔ́. Byé ɨ́ jala le elɛ̂ʼle ó, bé e nkul ebúʼla byé ntinɨ̂ e ntinɨ̂. Sá tɨ̂ʼ ó bé óbuú gbâ dúu ɨ́ lɛ́ʼlá mɨ́ná dí edwe bé, dumo e Nzyɛ̌m, Tiʼbʉr gá wɨ́ná wɨ́ yɨ́.


Mʉr dí apûhla e me nyá, ómyahɔɔ̌ kʉ̌l mpʉ̌ lɔ́ɔ́ raisin dí emyahɔɔ yɨ́. Wé lɨ́ eswâh. Bé ntɔ̂ʼ syɛŋ mílɔ́ɔ myaá, guhɔɔ myé lɨ́ ebéʼé é siʼe. Myé ntɔ̂ʼ síe lɨ́ edíʼe.


Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.


ó bʉr bɨ́bɛ̂h, bé dwêʼ Mwân dúu jwɨʼ gwár e gwár e mpʉ bé dí edwe Sɔ́ŋ yǎ yɨ́. Mʉr dí adwe Mwân dúu nyá, nyé adwe ntémé Sɔ́ŋ, mʉr á pa ntɨh nye nyá dúu.


«Sɔ́ŋ wǎm á si dwe me bisá bíbyɛ̂h. Abe e mʉr dí egʉ́a Mwân, pɛ̌ʼ njɨ Nzyɛ̌m Sɔ́ŋ nye omér. Abe e mʉr dí egʉ́ǎ Nzyɛ̌m Sɔ́ŋ, pɛ̌ʼ njɨ Mwân ndu e waá Mwân kpɛ́l élɛ̂ʼle nyá.»


Nó, mɨná gwáʼaa edwe gá milɛ́ʼlá bé dí enyɛɛ́ jɨ̂ʼ ésôʼ, myaá mi dí edumo e Krîst mí. Mɨná dwéelaa gá myaá mi dí esâ ó, mʉr tɔ́maa ɨ́ pɨʼ mí. Bɨ̌h bé ákǎ báʼǎ lɛ̂ʼle bɨ́n milʉ́ mékǎn mâ: etúmǒ koo e bibol bísyɛ́ɛla, edwirǎ léme, edyêʼ koo e Nzyɛ̌m,


Sá dí tɨ̂ʼ yɨ́, yé ó: mɨ́ná ódi gá ɨ́ bidǐ gá bíná, apʉʼa tɨ̂, tó pyâl ɨ́ mesíé nó, go ó, mɨná gá be ó bʉr ó njoo mé Krîst ó tɨ̂ʼ yɨ́.


Sɔ́ŋ wǎm á si dwe me bisá bíbyɛ̂h. Abe e mʉr dí egwá gʉ́a Mwân, pɛ̌ʼ njɨ Nzyɛ̌m Sɔ́ŋ nye omér. Abe e mʉr dí egwá gʉ́ǎ Nzyɛ̌m Sɔ́ŋ, pɛ̌ʼ njɨ Mwân ndu e waá Mwân kpɛ́l élɛ̂ʼle nyá.


Yésʉs nzě lɛ́ɛ le oYúden bé á dyɛ̂ʼwo e né bá ó: «Bɨ́n óbaʼle mékǎn mâm nó, bɨ̌n bé ódi ómpʉ́n bâm lɨ́ otyeetye.


Me á si cɛma Mbɛ̌r-Nzyɛ̌m mekaná. Sâ gwár, Diotrɛ́fes, mʉr dí egwɨ̂m édi njwɨ́ɨ wɨ́n nyá, nyé akpɛl ésâ bɨ́h mejóʼo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ