2 Yʉanes 1:5 - Kálar Nzyɛ̌m : Ejwán é Sáá

⁵ Nó, ɨ́ báánâ, ntʉ édwán lé étié mé dí ecɛma bɨ́n lɨ̂. Yé ó etié e myâ bɨ́n á boo bi, duho ɨ́ menyɛ̌l lɨ́. Dimé mʉ́má nyâ, mě jɨʼlá e bɨ̌n ó, mɨná kpɛ́laa gá páʼ gá nyɨ́ná!

Kálara Zyɛ̌m Edwán é mpʉ̌n

⁵ No ó, Mbɨambɨa mbɛa mʉma wi, mé etiile bɨn etie lɨ—ntʉʼ edwan le etie me lé etiile bɨn ɨ; yé ó njʉ̌m etie bɨn bé a bɛa bi, duho é l'etɔɔrʉ ɨ—, bɨna kpɛla ga paʼra ga wina!

2 Yʉanes 1:5 ပူးပေါင်းရင်းမြစ်များ

1 Yʉanes 3:11

Nó ó, lwǐb bɨ́n á boo jóʼo, duho píhe yɨ́, yé ó, mɨná kpɛ́laa gá páʼ gá nyɨ́ná.

1 Tesalonika 4:9

Ɨ́ lɔ̌b wɨ̂, ɨ́ lɔ̌b kpɛ̌l dí páʼ bɨ́ɔɔ́ e bɨ́ɔɔ́ yɨ́, yé abe e sá mé gúm kǎ cɛma bɨ́n, ebě, bɨ̌n bʉr o tɨ̂, bé á si jɨ̂ʼ ekpɛla. Nzyɛ̌m ó b'á lɛ̂ʼle bɨ̌n.

Yʉanes 15:12

Me lɨ́ elíʼe bɨ́n etié ó, kpɛlaa gá páʼ nyɨ́n mpʉ mé á pa kpɛl bɨ̌n yɨ́!

1 Yʉanes 3:23

Etié nyé á tyêl lɨ́ esú gá lɨ́ná lɨ́, lé ó lɨ̂: mɨná dyɛ̂ʼwaa gá e díé é Mwân wé, Yésʉs-Krîst, le ntémé ó, mɨná kpɛ́laa gá páʼ gá nyɨ́ná mpʉ nyé á tɨ́e mɨná gá yɨ́.

1 Yʉanes 4:20

Mʉ̂r lɛ́ɛ́ ó: «Mě kpɛl ó, Nzyɛ̌m,» nyɨɛ yɨ́ɛ lɨ́ enwim mɨ́ɔɔ́ wé nó, nye ó mʉr bibɛr, ebě, mʉr dí apǎ kpɛl mɨ́ɔɔ́ wé, mʉr nyé dí ebee nyá, nyé abe e nkul ekpɛ̌l Nzyɛ̌m, mʉr nyé dí abee nyá.

1 Pyɛr 4:8

Sá ésôʼ, yé jala ó, bɨ̌n kpɛ́laa páʼ nyɨ́n kpɛ̌l ápurapúra, ebě, kpɛ̌l ó dí edímle mébébe ɨ́ buo buo.

2 Pyɛr 1:7

Ɨ́ kʉ̌ tyen mpâ, esó páʼ bɨ́ɔɔ́ e bɨ́ɔɔ́. Lɨ́ esó páʼ bɨ́ɔɔ́ e bɨ́ɔɔ́, kpɛ̌l.

Ebrœ̂ 13:1

Mʉr akâr gá ekpɛla páʼ nyɨ́n, mbǐ kpɛ̌l dí páʼ bɨ́ɔɔ́ e bɨ́ɔɔ́ ɨ́ Krîst wɨ́.

Éfɛsɔs 5:2

Kpɛlaa gâ, mpʉ̌ Krîst á kpɛl mɨná gá yɨ́. Nye á si syɛ́ɛla twiʼ yé lɨ́ esú é bícwiʼ gá bíná. Nye á dwe twiʼ yé ó, nye díʼee mpʉ tír bé dí etíʼě Nzyɛ̌m tâŋ ndwéá nyá. Ndwéá waá, wé e menumó Nzyɛ̌m dí ɨ́ buú kpɛl má.

Galásia 5:22

Sâ gwár, Sísǐm mé Nzyɛ̌m, nyě e byé bísyɛ́ɛla nyé dí esâ ɨ́ mɨná gá bí. Byé ó dí: kpɛ̌l, bisʉhʉʉ, mepyɛbla, bíhwó, njɨ́ʼá nkóó, mpam, edira ménkɛ̌ʼ,

Yʉanes 15:17

Etié mé dí elíʼe bɨ́n e lé lɨ́, lé ó: bɨ̌n kpɛ́laa páʼ nyɨ́n.»

2 Yʉanes 1:1

Yé ó mɛm, tyɛ̂b esôʼ ɨ́ Mbɛ̌r-Nzyɛ̌m. Me lɨ́ ecɛmǎ dimé mʉ́má Nzyɛ̌m á twâr nyá, bé e bwán bé. Me lɨ́ ekpɛl bɨ́n lɨ́ otyeetye. Ntʉ mé omér dí ekpɛl bɨ́n. Yé ntémé, yé ó bɨ̌h e baá bɨ́bɛ̂h dí egʉ́a ótyeetye bá.