2 Yʉanes 1:2 - Kálar Nzyɛ̌m : Ejwán é Sáá

² Mě cɛma bɨ́n mekaná mâʼ ó, lɨ́ esú ó, me pâʼlaa otyeetye o dí ɨ́ mɨná gá tʉ́ŋlʉ̌ wɨ́. Wé ódi ɨ́ mɨná gá ó, melú mé mpóʼo mɨ́mɛ̂h.

Kálara Zyɛ̌m Edwán é mpʉ̌n

² Me etile bɨn é l'efu ó, bɨna nkʉʼ di ga e l'ocyecye. Wé ódi é bɨna ga é jɔʼ yiyɛh.

2 Yʉanes 1:2 ပူးပေါင်းရင်းမြစ်များ

1 Yʉanes 2:17

Sí yɨ̂, le bisá bíbyɛ̂h bʉ̂r dí egwɨ̂m tɨ̂ʼ bí, byé lɨlaa ó laŋáa. Nó ó, mʉr dí esâ sá Nzyɛ̌m á tɨ́e yɨ́ nyá, nyě tíʼé ó, njʉ̌m dǐ e njʉ̌m dǐ.

1 Yʉanes 2:14

Osɔ́ŋ, mě cɛmá bɨ́n ó, ebě, bɨ̌n bɨ́ gʉ́a mʉ̂r á boo be, kʉ́ e sí apǎ bě kuhá nyá. Biloʼo, mě cɛmá bɨ́n ó, ebě, bɨ̌n bé e nkul. Lwǐb mé Nzyɛ̌m, yé lɨ́ edi ɨ́ milémé mín. Bɨ̌n ntémé, bɨ̌n bɨ́ ntaǎ Sátan.

1 Yʉanes 1:8

Mɨ́ná lɛ́ɛ́ gá ó, mɨná bé asâ gá misyóm nó, lɛ́ɛ́, mɨná dímlé gá ó, mɨná bʉr o tɨ̂. Otyeetye, wé abe ɨ́ mɨná gâ.

2 Pyɛr 1:12

Bɨ̌n bé lɨ́ eboó gʉ́a ótyeetye dí egʉ́ŋɔɔ ɨ́ jɔʼ yɨ̂ʼ wɨ́. Milɔ̌b mi tɨ̂ʼ ó dí esâ ó, bɨ̌n tyɛ́bɨɨ mekʉ̌ sí ɨ́ sɨ́ŋ, apɨ́ŋla yɨ́. Bɨ̌n damá gʉ́a nó, me ósímsa bɨ́n otyeetye waá ɨ́ jɔʼ yɨ́yɛ̂h.

2 Timotɛ 1:5

Mě sá ntémé ó, sîsimsǎ búʼó yô dí abě mbáʼrá e mikóo yɨ́. Yé ó mbǐ búʼó ngwár e ngwár nyɔ́ŋ mpám gǒ Lɔyîs, bé e nyʉ̌ŋ Eníke, bé á be e yé yɨ́. Me lɨ́ ekʉ́ gʉ́a ɨ́ lémé wâm ó, mbǐ búʼó waá ó dí go ntémé ɨ́ léme wɨ́.

Kolosi 3:16

Kamaa gá ó, lwǐb mé Krîst, yé lóŋlaa milémé mín. Milémé mín, myé díʼee ekʉ̌m lɨ́ esú é lwǐb yé yaá. Jwidweelaa gá páʼ nyɨ́n milɛ́ʼlá mi dí le ocwóó mí. Jwidweelaa gá metwɨ́ɨ́ páʼ nyɨ́n. Jyɛyɨɨ gá meswɨ̂ʼlɨ lɨ́ esú é Nzyɛ̌m, mejéme, ti e bidyɛɛ́ biswîh Sísǐm ngá lɛ̂ʼle bɨ́n bí. Mejéme maá, mé óduho ó, bɨ̌n ɨ́ miléme mi dí edwě Nzyɛ̌m nzyǒo mí.

2 Korɛnt 4:5

Ebě, bɨ̌h bé atúnǒ lɔ́ɔ́ wɨ́h, bɨ̌h bʉr o tɨ̂. Lɔ́ɔ́ bɨ́h dí etúno wɨ́, wé dumo ó e Yésʉs-Krîst, dí Tî gá wɨ́ná nyá. Nó, bɨ̌h bɨɛ ó dí osyɛ̂l o mésá bɨ́n lɨ́ esú mé Yésʉs.

1 Korɛnt 9:23

Mě sá bísyɛ́ɛla byaá bíbyɛ̂h ó, lɨ́ esú lé étúnǒ Mbɨambɨa Lɔ́ɔ. Mě sá nó ntémé ó, me nkʉ̂ bi mémbɨa me tɨ̂, jala e nkɔb líʼe nyǎm.

Yʉanes 15:7

Bɨ́n ódi ɨ́ mpúhlá e me, mekǎn mâm lóŋlo bɨ́n ɨ́ miléme nó, díʼéé gá sá yɨ́yɛ̂h bɨ́n ngá kpɛl yɨ́, yé osyɛ́ɛ kwá nyɨ́n.

Yʉanes 14:16

Me ódî e Sɔ́ŋ wǎm ó, nye ntɨ́hɨɨ bɨ̌n nyʉ́ʉ́ kɔ́mlʉ mpʉ mê. Nye ónzě didi e bɨ̌n njʉ̌m dǐ e njʉ̌m dǐ.