2 Yʉanes 1:1 - Kálar Nzyɛ̌m : Ejwán é Sáá

¹ Yé ó mɛm, tyɛ̂b esôʼ ɨ́ Mbɛ̌r-Nzyɛ̌m. Me lɨ́ ecɛmǎ dimé mʉ́má Nzyɛ̌m á twâr nyá, bé e bwán bé. Me lɨ́ ekpɛl bɨ́n lɨ́ otyeetye. Ntʉ mé omér dí ekpɛl bɨ́n. Yé ntémé, yé ó bɨ̌h e baá bɨ́bɛ̂h dí egʉ́a ótyeetye bá.

Kálara Zyɛ̌m Edwán é mpʉ̌n

¹ Mɛm, cyɛb efoʼ Mbɛr-Zyɛm ó lé etile bɨn. Me etile ó, tamamʉma Zyɛm a pɛh ɛ, bé e bwan be. Me ekpɛl bɨn é l'ocyecye. Ntʉʼ me ome lé ekpɛl bɨn; yé nteme, yé ó bɨh e bʉr bɨbɛh ndɨ ekpɛl ocyecye e.

2 Yʉanes 1:1 ပူးပေါင်းရင်းမြစ်များ

1 Yʉanes 3:18

Bwán bâm, yé ajala ó, kpɛ̌l gá yɨ́ná, yé nyɨ́nɨɨ njɨ ɨ́ mekǎn mɨ́ná dí elɛ́ɛla gá má. Yé ɨ́ jala le enyɨ̂n ó, ɨ́ bisyɛ́ɛla mɨ́ná dí esâ gá lɨ́ otyeetye bí.

1 Timotɛ 2:4

Nyě kpɛ̌l ó, bʉr bɨ́bɛ̂h níʼee ɨ́ twǐʼ njʉ̌m dǐ, le egʉ́a mílɔ̌b mi dí tyeetye mí.

Yʉanes 8:32

Jɔʼ bɨ́n ngá gʉ́a ótyeetye yɨ́, otyeetye waá, wé ódil bɨ́n ɨ́ tyé ónzyɛh o bʉ̂r.»

2 Yʉanes 1:5

Nó, ɨ́ báánâ, ntʉ édwán lé étié mé dí ecɛma bɨ́n lɨ̂. Yé ó etié e myâ bɨ́n á boo bi, duho ɨ́ menyɛ̌l lɨ́. Dimé mʉ́má nyâ, mě jɨʼlá e bɨ̌n ó, mɨná kpɛ́laa gá páʼ gá nyɨ́ná!

1 Pyɛr 5:1

Me ó lɨ́ sɔ́má ótyɛ̂b bé ésôʼ ɨ́ Mbɛ̌r-Nzyɛ̌m. Me ntémé, me ó mboʼlo á bee mitúú mé Krîst nyá. Me ntémé, me ó mʉr ngá bi nkɔ̂b líʼe ɨ́ mentyɛnwa múo nzě nyɨ̂n ɨ́ kpɛŋlɛm má nyá. Mě cɛmá ɨ́ báánâʼ ó, bʉ́ʉ́ ótyɛ̂b bé ésôʼ ɨ́ Mbɛ̌r-Nzyɛ̌m bɨ́bɛ̂h, lɨ́ epihle bɨ́n egwǎl ó:

2 Yʉanes 1:13

Bwán mé mɨ́ɔɔ́ gǒ, bʉr ó Nzyɛ̌m á twâr bá, bé ntémé bé lɨ́ esoho gô.

1 Yʉanes 2:21

Mé acɛma bɨ́n ebě bɨ̌n bé lɨ́ ejéʼe ótyeetye. Mě cɛmá bɨ́n ó, ebě, bɨ̌n bɨ́ gʉ́a wê. Bɨ̌n ntémé bé lɨ́ egʉ́a ó, sâ bíbɛr, yé abe e nkul eduho lɨ́ otyeetye.

1 Pyɛr 1:2

Nzyɛ̌m Sɔ́ŋ ó b'á twâr bɨ̌n, bʉr o nyé á boo gʉ́a, kʉ́ e sí dína apǎ bě kuhá bá. Píe jɔʼ nyé á twâr bɨ̌n yɨ́, Sísǐm wé nzě pubo bɨ́n. Nye á pubo bɨ̌n ó, lɨ́ emyɛʼ bɨ́n e metié mé Yésʉs-Krîst, lɨ́ esú ó, bɨ̌n sâʼ nye mejóʼo. Metyɛʼ me mpóm mé Nzyɛ̌m le mepyɛbla mé, mé díʼee e bɨ̌n ɨ́ ntʉʉʉ́.

Ebrœ̂ 10:26

Yé bé mɨná bɨ́ gʉ́a gá otyeetye ɨ́ pébébé, mɨná ntɔ̂ʼ kʉ́ gbáa gá ó, mɨná tó gá ó dóló le esâ syóm nó, lɛ́ɛ́, yé abe e mindwéá myé óbɛ̌m pubo mɨ́ná gá e misyóm myaá.

Galásia 5:7

Bɨ̌n bé á nyɛɛ be ó, lɨ́ ekʉ́ swim ɨ́ duo bíjʉ́ʉ́. Nzé á ka kamle bɨ̌n lɨ́ edû ótyeetye?

Galásia 3:1

Bɨ̌n bʉr ó Galásia bé ó bigʉʼlʉgʉ́. Nzé á bana kʉ́a bɨ̌n? Báb, bé á si kʉ gwa lɛ̂ʼle bɨ̌n ɨ́ micɛmá, bɨ̌n nzě bee ɨ́ sʉ́lʉ́lʉ́ mpʉ̌ Yésʉs-Krîst á jʉ́ŋɔɔ ɨ́ kolôs kʉ́ yɨ́.

Galásia 2:14

Mpʉ mé á bee ó, bé á bé akǎ be lɨ́ etye lɨ́ otyeetye mpʉ̌ Mbɨambɨa Lɔ́ɔ dí etɨ́e mɨ́ná gá yɨ́, me nzě lwib e Kefâs, bɨ́bɛ̂h ɨ́ mediá. Me á lɛ́ɛ e né ó: «Gua mʉr dí Yúden nyá, gǒ tiʼé wâʼ ó mpʉ bʉ̂r o bíkúl bíswîh. Mpʉ yé dí nó yɨ́, gǒ kpɛ̌l étíne bʉ̂r bâʼ ó, bɨ́ɛ tíʼaa mpʉ óYúden ɨ́ yé ɛ́?

Galásia 2:5

Sâ gwár, bɨ̌h bé á bé asâ bé mejóʼo, damá jóʼo ó, mâ jɔʼ tîtííǎ. Bɨ̌h bé á bé abîr ó, bé ndámaa Mbɨambɨa Lɔ́ɔ, pɛʼ ótyeetye wé. Bɨ̌h bé á kpɨkpɛl ó, bɨ̌n jóʼaa wé mpʉ wé á boo be yɨ́.

Kolosi 1:5

Búʼó le kpɛ̌l yɨ́n yaá duho ó, ɨ́ mpûʼla dí bɨ̌n ɨ́ miléme, ó bɨ̌n bé óbǐ sá dí bɨ̌n komá ɨ́ jʉ́o kʉ́ yɨ́. Mbɨambɨa Lɔ́ɔ dí le otyeetye wɨ́, wé ó b'á nyɛɛ lɛ̂ʼle bɨ̌n syɛ́ɛla yaá.

Lʉkas 1:3

Nó, dâ, mpʉ mé á byamle lɔ̌b waá lɨ́ esú ó, me gʉ́ŋaa wé ɨ́ pébébé, duho ɨ́ menyɛ̌l yɨ́, nó yé á ka pyâl me jwɨʼ mpâ ó, mɛm ntémé cɛ́maa go wǎ mpʉ bísâ byaá, byé á syɛ́ɛ yɨ́.

Mɨlʉmlʉ 11:30

Nó ntémé ó bé á sâ yɨ́. Bê nzě nʉa míngúlá myaá, tímlɔɔ̌ Banabâs, bé e Saʉ̂l. Bɨ́ɛ ntɔ̂ʼ tóŋɔɔ e myê, tó dweŋɔɔ ótyɛ̂b bé ésôʼ ó Mbɛ̌r-Nzyɛ̌m.

Rôm 16:13

Me lɨ́ esohǒ Rufûs, mʉ̌r Tî Yésʉs á twâr nyá. Me lɨ́ esoho ntémé nyɔ̌ŋ wé, dí me ntémé áyo nyá.

1 Pyɛr 5:13

Mbɛ̌r-Nzyɛ̌m dí ɨ́ Babilɔ̂n, waá Nzyɛ̌m á twâr mpʉ nyé á pa twâr bɨ̌n yɨ́ wɨ́, wé lɨ́ esoho bɨ́n bɨ́bɛ̂h. Mwân wǎm, Marc, nye lɨ́ esoho bɨ́n.

3 Yʉanes 1:1

Yé ó mɛm, tyɛ̂b esôʼ ɨ́ Mbɛ̌r-Nzyɛ̌m. Me lɨ́ esoho gó, Gáywis, mʉr dí ɨ́ buú kpɛlɔɔ nyá. Me lɨ́ ekpɛl gó lɨ́ otyeetye.