2 Timotɛ 4:7 - Kálar Nzyɛ̌m : Ejwán é Sáá

⁷ Nzwamlá nyǎm á be ó mbɨ̂mbɨá. Mɨ́ swim ɨ́ duo bíjʉ́ʉ́, pyâl lɨ́ odumo. Mɨ́ dyɛ̂ʼwo e Nzyɛ̌m, le esâ mpʉ̌ búʼó yɨ́ná dí elɛ́ɛ yɨ́.

Kálara Zyɛ̌m Edwán é mpʉ̌n

⁷ Mɨ fwɛmla, tɛl mbɨmbɨa. Mɨ sa jwɨʼla mɨkam mokʉ, to pyal é l'odumo. Mɨ jyɛʼ taa buʼo yam boo Zyɛm, kʉ be mpʉ buʼo yina lé elɛɛ ɛ.

2 Timotɛ 4:7 ပူးပေါင်းရင်းမြစ်များ

1 Timotɛ 6:12

Bɨ̌n e bʉr o dí edyɛ̂ʼwo e Nzyɛ̌m bá, lwímláá gá mpǎŋ dɔ̂m. Dɔm laá, lé ó, laá é búʼó. Mɛ́rɨ́ɨ́ gá twǐʼ njʉ̌m dǐ ɨ́ kpɨ́ɨ́ɨ́. Nzyɛ̌m á jébe go ó, go níʼee ɨ́ twǐʼ njʉ̌m dǐ yaá. Yé á be ó, ɨ́ jɔʼ gó á boʼlo mpǎŋ mboʼlá ɨ́ míh mé óbea yɨ́.

Mɨlʉmlʉ 20:24

Mɛm bee yɨ́ɛ ó, twiʼ yâm, yé abe mé dimé sɔ̂ʼ. Nyɔm wâm, wê njɨ ó, me swímɨɨ ɨ́ duo bíjʉ́ʉ́, tó pyâl lɨ́ odumo, le eswâhlě syɛ́ɛ́ Tî Yésʉs á líʼe me e yǎ yɨ́: yé ó, etúnǒ Mbɨambɨa Lɔ́ɔ́ mé Nzyɛ̌m.

Yʉanes 4:34

Yésʉs, nye e bé ó: «Mede mâm, mé ó, me sâʼ gwɨ́má mʉ̂r á ntɨh me nyá, le esîl syɛ́ɛ́ nyé á lɛ́ɛ ó, me ntáa nzě séa yɨ́.

Lʉkas 11:28

Nó ó Yésʉs á yala e né ó: «Metyɛʼ me mpóm, mé buú buo ó e baá o dí ejóʼo mílɔ̌b mé Nzyɛ̌m ndu e l'ebaʼle myé bá.»

Mɨngwiha 3:8

Me lɨ́ egʉ́ǎ sá bɨ́n dí esâ yɨ́. Me lɨ́ egʉ́a ó, bɨ̌n bé e bwá ó nkûl. Damá jóʼo nó, bɨ̌n bé á si baʼle lɔ́ɔ́ wâm. Bɨ̌n bé á bé akɛ́la mê. Jwɛ́ʼɛ́ɛ́ gâ, mɨ́ dib bɨ́n ebê, abe e mʉr dí e nkul ekamle bɨ́n lɨ́ enî tɨ̂.

Mɨngwiha 3:10

Sâ gwár, me á lɛ́ɛ e bɨ̌n bɨɛ ó, bɨ̌n dûhwaa. Bɨ̌n bé á si bana baʼle lɔ́ɔ́ wâm waá. Mpʉ bɨ́n á jóʼo me nó yɨ́, me óbaʼle bɨ́n, ebě, bɨ̌n bé ámû jaá nî ɨ́ bintɨ́ʼá mû lɨ́ epyâl ɨ́ mʉr nyɨnyɛ̂h ɨ́ sí yɨ̂ʼ bí.

Lʉkas 8:15

Nó bʉ́ʉ́ bʉ̂r, bé ó mpʉ̌ mpeʼ, yé á kur ɨ́ bwǎh métyɛʼ yɨ́. Bé lɨ́ ejóʼǒ lɔ́ɔ́ mé Nzyɛ̌m e mimbɨambɨa míléme. Bé lɨ́ emɛ̂r lɔ́ɔ waá ɨ́ kpɨ́ɨ́ɨ́, le esâ bíhwó, gúmo ntémé mpumó ɨ́ buo buo.»

1 Timotɛ 6:20

Nó ó, Timotɛ̂, baʼlaǎ lɛ́ʼlá Nzyɛ̌m á dwe go wɨ́. Go e syɛ́hlé ólɛblɛ̂b o mpyóó, bʉ̂r sɨ̂seʼle ó, «ngwɨ́á» wɨ́.

2 Timotɛ 1:14

Baʼlaǎ lɛ́ʼlá gó á dweŋɔɔ wɨ́ e nzɨ̌ Sísǐm mé Nzyɛ̌m dí edi ɨ́ mɨná nyá.

1 Timotɛ 1:18

Timotɛ̂, mwân wǎm, mě dwé gó metwɨ́ɨ́ mâʼ ó, lɨ́ edû lɛ́á ógwíha o mílɔ̌b dí elɛ́ɛ, dumo e go wɨ́. Gó óbaʼle métwɨ́ɨ́ mâʼ nó, go ólwímlǎ mbɨambɨa dɔm

Yʉanes 17:6

«Go á si twâr bʉ́ʉ́ bʉ̂r ɨ́ sí yɨ̂, dwe mé bǎ. Me nzě sâ ó, bé gʉ́ŋaa go. Bé á boo be ó bʉr bô. Go ó b'á dwe me bǎ. Nó ntémé ó bé á baʼle lwǐb yô yɨ́.

Mɨlʉmlʉ 13:25

Jɔ̌ʼ Yʉánɛs á be téme esîl syɛ́ɛ́ yaá yɨ́, nye nzě lɛ́ɛ ó: “Bɨ̌n pʉgʉ́ jwɨʼ ó, me nzé? Mé abe waá bɨ́n dí ebóno nyá. Nó ó, beyɨɨ gá, mʉr waá ó dí enze píe koo wâm nɨ̌. Mé abě tyé mʉ̂r dí ó, me díʼee nye túʼǎ nyá.”

Galásia 2:2

Me á tô nó ó, ɨ́ pɨʼ Nzyɛ̌m á gwîh me nyɨ́. Jɔʼ mé á pyâl gʉ̂ʼ yɨ́, bɨ̌h le minjwɨ́ʼ mí Mbɛ̌r-Nzyɛ̌m nzě gwɨ̂hla. Me nzě lɛ̂ʼle bé mpʉ mé dí etúno bʉ̂r o bíkûl Mbɨambɨa Lɔ́ɔ yɨ́. Me á bé akpɛl ó, syɛ́ɛ́ mé á be lɨ́ eboó séa yɨ́, yé dwêʼ ntuʼ.

Filipi 1:30

Nó ó, bɨ̌n mû ó lɨ́ elwímla dɔ̂m empwár bɨ́n á bee me lɨ́ elwímla lɨ́. Mpʉ bɨ́n dí egʉ́a yɨ́, me dína ó, lɨ́ etô dóló le elwímla lê.

2 Timotɛ 3:10

Gua mû ó sí kʉ́ gwá beě mpʉ mé dí elɛ̂ʼle yɨ́, bee ntémé kʉ̌ tyen mé dí edû wɨ́. Go á si gʉ́a mitíʼá mí lémé wâm, ti e búʼó yâm. Go lɨ́ egʉ́a ntémé bíhwó nyǎm, kpɛ̌l yâm, ti e mpʉ mé dí esia e mitúú yɨ́.

Mɨngwiha 6:11

Nó nyé á nʉa bidur ɨ́ pumo pumo, bôr bɨ́bɛ̂h, le elɛ́ɛ bé ó, bé gbálaa bá tîtííǎ. Nye ó: «Bónáá gâ. Yé jala ó, bʉ́ʉ́ bʉ̂r ó njoo yɨ́n ti e bɨ́ɔɔ́ bɨ́n, bé páa nyɛɛ́ jʉ́ŋɔɔ ntémé mpʉ bɨ́n. Sá tɨ̂ʼ ó bɨ́n le onɔ́ɔ́, bé ósâ sɔ́má ntinɨ̂ yɨ́.»