2 Timotɛ 4:3 - Kálar Nzyɛ̌m : Ejwán é Sáá

³ Ebě, jɔʼ, yé lɨ́ enze, jɔʼ bʉ̂r, bé ókâr édûhwǒ lɛ́ʼlá mpâ yɨ́. Bé ójaá jʉjóʼo ó, njɨ milɛ́ʼlá mi dí etíne bé ó, bé tôʼ dóló le elóŋlo bígwɨ́má ményʉ́l mɔ́ɔ́ dí eboó kpɛl ésɨsâ bí mí. Bé ógôhlo éntumo lé ólɛ̂ʼla, lé ójaá dwidwe bé bisá mílɛ́ʼlá byaá lɨ́, lɨ́ esú ó, bé nkʉ̂ gʉ́a soho lɨ́ ejʉjóʼo myé ɨ́ ti ti ti.

Kálara Zyɛ̌m Edwán é mpʉ̌n

³ Ebe, jɔʼ, yé eze, é jɔʼ bʉr, bé ópyeh mpaŋ sikʉlʉ bɨna lé ejwɨʼ ga ɛ. Bé ókʉ joʼo-joʼo ó, njɨ bɨsikʉlʉ lé etine be ó, bé toʼ le edu bɨgwɨma bɨ nyʉl bɨpuno wɔɔ. Bé ósyɛŋ esama le oyeʼle, lé ódɨ dwe be njɨ bɨsikʉlʉ byaa ɛ, bé nkʉʼ gʉa soho lé ejoʼo mye.

2 Timotɛ 4:3 ပူးပေါင်းရင်းမြစ်များ

1 Timotɛ 1:10

bʉr o dí elœʼ ményʉ́l mɔ́ɔ́ ɨ́ nzɨ̌ bijoó bá, otɛba o bʉ́rʉ̂m, obɛ́ma o bʉ̂r, baányâ-bibɛr, le oboʼlo o bíbɛr. Nzyɛ̌m á tyêl metié ntémé ó, lɨ́ ekamle bísyɛ́ɛla bíbyɛ̂h bi dí ajala e lɛ́ʼlá mpâ mɨ́ná bé á dweŋɔɔ gá wɨ́ bí.

Galásia 4:16

Mpʉ mé dí elɛ́ɛ bɨ́n otyeetye yɨ́, nzê yɨ́ kǎ sâ ó, bɨ̌n nʉ́aa me mpʉ ntɨ̂m e mbɨn wɨ́n ɛ̌?

Lʉkas 6:26

Nkoó, nye ó e bɨ̌n ɨ́ jɔʼ bʉ̂r dí ebuú sêʼle bɨ́n yɨ́, ebě, bimpám byɔ́ɔ́, byé á sɨ̂seʼle ogwíha o mílɔ̌b o bíbɛr ó nó.»

Yʉanes 8:45

Sâ gwár, mɛ̌m lɛ́ɛ́ bɨ́n ó otyeetye. Nó yaá ó bɨ́n dí abûʼla mé yɨ́.

1 Korɛnt 2:1

Bɨ́ɔɔ́ bâm! Okɛ́l bâm! Ɨ́ jɔʼ mé á nze kwá nyɨ́n lɨ́ enzě pâʼla bɨ́n lwǐb ódîm mé Nzyɛ̌m yɨ́, me á bé alwib e mekǎn mé á be ɨ́ buú kɔbla má, nkʉ̂ e lwǐb ócwóó.

Mɨlʉmlʉ 17:21

(Ebě, bʉr ó Atɛ̂n bɨ́bɛ̂h ndu e l'ojwóo bé á didi tɨ̂ʼ bá, bé á jaa lɨlɛŋ jɔʼ yɔ́ɔ́ ó, njɨ lɨ́ elɛ́ɛla bísá médwán.)

1 Korɛnt 2:4

Lɛ́ʼlá wâm ndu e lwibá mílɔ̌b mé Nzyɛ̌m wâm, byé á bé abe bílwǐb bi dí ɨ́ tɨ́ŋ le ocwóó ó sí yɨ̂ʼ bí. Sá yé á tíne bɨ̌n ó, bɨ̌n bûʼlaa lɛ́ʼlá waá yɨ́, yé á be ó, bisyɛ́ɛlǎ Sísǐm mé Nzyɛ̌m wé á sâ e nkul nyé bí.

Lʉkas 20:19

Olɛ̂ʼla o métié le ojwɨ́ɨ o mpáh Nzyɛ̌m á be ó lɨ́ esáa émɛ̂r Yésʉs ɨ́ jɔʼ yaá, ebě, bé á be ɨ́ gʉ́a ó, nye á lwib ɨ́ nzɨ̌ bikɨkɛna byaá ó, dumo e bê. Sâ gwár, bé á be lɨ́ ekpɛ́ɛ mínzɨnzɨ mi bʉ̂r.

2 Timotɛ 1:13

Gwá baʼle mílɛ́ʼlá mímpâ gó á jóʼo me lɨ́ edwe mí. Myé díʼee go mveʼle, sá gó ótô le ekala bʉ́ʉ́ bʉ̂r yɨ́. Lɨlɛ́ʼláá ɨ́ mbi waá, e búʼó, ti e kpɛ̌l mpʉ mɨ́ná dí ebi byé ɨ́ mpúhlá nyɨ́ná e Yésʉs-Krîst yɨ́.

Yʉ̂d 1:18

Bé á lɛ́ɛ bɨ̌n ó, mbi wɨ̂: «Ɨ́ melú mé ósûʼla má, yé óbe ó e bʉr ó kpêʼle ngá dû mpʉ bígwɨ́má byɔ́ɔ́ dí etíne bé yɨ́ bá. Bigwɨ́má byɔ́ɔ́, byé kʉ́ lɛ̂ʼle ó, bé lɨ́ ejéʼě Nzyɛ̌m.»