2 Timotɛ 4:2 - Kálar Nzyɛ̌m : Ejwán é Sáá

² túnáá Mbɨambɨa Lɔ́ɔ. Diʼee ɨ́ cǎr ó, go túnaa wé ɨ́ bijɔʼ bi dí ejala e túnó waá bí, ti e byaá bi dí ajala e wé bí. Dwéʼ bʉ̂r mebě ɨ́ mebébe mɔ́ɔ́. Lɛ́ʼláá bé mebě mɔ́ɔ́. Gbáʼ bé pîm ɨ́ búʼó. Sáʼ nó e bíhwó, ti e milɛ́ʼlá mímpâ.

2 Timotɛ 4:2 ပူးပေါင်းရင်းမြစ်များ

1 Tesalonika 5:14

Bɨ́ɔɔ́ bâm! Okɛ́l bâm! Bɨ̌h jɨʼlá e bɨ̌n ó, bɨ̌n cɨ́lɨɨ bʉr o dí esâ épɨ̂h bá. Póbláá gá baá o dí e bʉ́á ɨ́ miléme bá. Kɛmɨɨ gá baá o dí ɨ́ tyɛʼ bá. Júhwáá gá bʉr bɨ́bɛ̂h.

Títos 2:15

Nó ó gó jálá le elwib e bʉr, le tɨ́e bé yɨ́. Lɛ́ʼláá bʉ̂r mebébe mɔ́ɔ́ e nkul jwɨ́ɨ nyǒ nyɨnyɛ̂h. Mʉ̌r sá apyêh gô.

1 Timotɛ 4:13

Tó pyâl ɨ́ jɔʼ mé ngá nze gʉ̂ʼ kwá nyǒ yɨ́, sáʼ sɨ́n lɨ́ eláa Mékaná mé Nzyɛ̌m ɨ́ kpɛŋlɛm, le egbâ bʉ̂r nkul ɨ́ miléme, le elɛ̂ʼle bê.

Mɨngwiha 3:19

“Mɛm, me lɨ́ edwe mʉ̂r nyɨnyɛ̂h mé dí ekpɛl nyá melɨ́, le esɨ̂ʼ nyé lʉ̂. Nó, sáʼ gá sɨ́n, lɨ́ esú ó bɨ̌n túmaa mikoo e misyóm mín. Bɨ̌n e dwírá míléme.

Títos 1:13

Mʉr tɨ̂ʼ á kʉ boʼlo ó otyeetye. Nó ntémé ó mé dí elɛ́ɛ e go ó, lɛ́ʼláá bé bigwǐh byɔ́ɔ́ e lémé ébɨ̌h. Gó ósɨ̂sa nó wá, bé obǐ mpǎŋ lɛ́ʼlá mɨ́ná dí eboó dwe gá wɨ́.

2 Timotɛ 2:21

Mʉ̂r syɛ́hlé bísyɛ́ɛla bʉ̂r jálá le ebene bí nó, Nzyɛ̌m ópɛ̂h nyé lɨ́ esú é bísyɛ́ɛ́ bí dúu, le etyêl nyé ɨ́ tyé mʉ̂r wé dí tí nyá. Mʉr waá ókʉ́ tíʼě ntinɨ̂ e ntinɨ̂ lɨ́ esú lé émbɨa mé Nzyɛ̌m, lɨ́ edi ɨ́ cǎr ó, nyě séá ó nye syɛ́ɛ́ yɨ́yɛ̂h nyé ótɨ́e nyé yɨ́.

Galásia 6:6

Mʉr di ejɨ̂ʼ mílɔ̌b mé Nzyɛ̌m nyá, nye kábaa bisá bí émbɨa byé bíbyɛ̂h e mʉr dí edwe nyé milɛ́ʼlá nyá.

Rôm 12:12

Diʼee gá e bisʉhʉʉ ɨ́ mpûʼlǎ Nzyɛ̌m á gbâ bɨ̌n ɨ́ miléme nyɨ́. Júhwáá gá mitúú bɨ́n dí esia e myé mí. Tirwaa gá syɛ́ɛ́ mínjɨʼla.

2 Timotɛ 3:10

Gua mû ó sí kʉ́ gwá beě mpʉ mé dí elɛ̂ʼle yɨ́, bee ntémé kʉ̌ tyen mé dí edû wɨ́. Go á si gʉ́a mitíʼá mí lémé wâm, ti e búʼó yâm. Go lɨ́ egʉ́a ntémé bíhwó nyǎm, kpɛ̌l yâm, ti e mpʉ mé dí esia e mitúú yɨ́.

1 Timotɛ 5:20

Baá dí etô le esâ syóm dóló bá, cɨ́lɨ́ɨ́ bé ɨ́ kpɛŋlɛm. Jɔʼ yaá ó bʉ́ʉ́ bʉ̂r ó sɔ́má yaá ngá jóʼo bʉ́á yɨ́.

Kolosi 1:25

Me mû ó syɛ̂l mesâ mé Mbɛ̌r-Nzyɛ̌m. Nzyɛ̌m ó b'á tyêl me ɨ́ dǐ yaá. Nye á tyêl me tɨ̂ʼ ó, me séaa lɨ́ esú lɨ́n, lɨ́ etúnǒ lɔ́ɔ́ wé wɨ́wɛ̂h.

Rôm 10:15

Bʉ̂r bé óbe, antɨhɔɔ nó, mʉr á gwa tô ɨ́ túnó waá nyá, á gwa tô le etúno wé náǎ e nyáa nkûl? Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Á mbɨa lɨ́ ebee bʉ̂r o dí enze le etúnǒ Mbɨambɨa Lɔ́ɔ bá ɛ̌!

Mɨlʉmlʉ 20:7

Ádwií gúú móhó sóno ɨ́ bíí kʉ̌ʼ nɛ́ɛ: bɨ̌h nzě syɛŋǎ gúmo gwár lɨ́ epûhla mébô lɨ́ ede. Nó, ɨ́ mɛ́n tɨ̂ʼ ó Pɔ̂l nyɨɛ á be ó, nye ólaa wɨ́. Nó ó nyé á nze dwe bʉr milɛ́ʼlá ɨ́ bea bea, tó pyâl témé pum.

Mɨlʉmlʉ 16:13

Ɨ́ móhó sábat, bɨ̌h nzě pyâl ɨ́ nkana, nzě tô ɨ́ pɨ̌n díbé, gúmó bɨ́h á jwɨʼ ó, bɨ̌h bé e nkul ekœ̌b súm óYúden bé á gwɨ̂gwɨhla lɨ́ ejɨʼla e Nzyɛ̌m yɨ́. Bɨ̌h ntɔ̂ʼ di tɨ̂ʼ sí, nzě gɔ́na le elwib e bʉbá bé á syɛŋa tɨ̂ʼ bá.

Lʉkas 9:60

Nó nyé á lɛ́ɛ e né ó: «Bírɨ́ɨ́ ódwe, bé dɨ́lɨɨ mimúú myɔ́ɔ́. Gua, tóʼ, tó túnǒ Mbɨambɨa Lɔ́ɔ Mpóʼo mé Nzyɛ̌m.»

Lʉkas 7:4

Bê nzě tô, tó jɨʼla e Yésʉs. Miléme, myé á be bé ɨ́ báná báná ó, nye tíʼɨɨ nye mwân bisyɛ́ɛ́. Bé e Yésʉs ó: «Mʉr bisójǎ nɨ̌ kʉ́ jala ó, go mvólɨɨ nye.

1 Tesalonika 5:20

Apyêh gá milɛ́á mí ógwíha o mílɔ̌b.

Lʉkas 7:23

Metyɛʼ me mpóm, mé díʼee e mʉr bísyɛ́ɛla byâm ngá be, abe ébɔ̌ʼ lé óbɨma nyé ɨ́ léme lɨ́ nyá.»

2 Timotɛ 2:25

Yé jala ó, nye gwâ tɨ́e bʉ̂r o dí edû nyé e megô bá, e njwɨr ɨ́ tala tala. Nyé sá nó wá, Nzyɛ̌m óbɛ̌m dib bé nzɨ̌ ó bé túmaa mikoo e misyóm myɔ́ɔ́, le edwira míléme. Bé ogʉ́a ótyeetye ɨ́ jɔʼ yaá.

Ebrœ̂ 13:22

Bɨ́ɔɔ́ bâm! Okɛ́l bâm! Me cɛmá bɨ́n ó, bɨ̌n bíʼee nkul ɨ́ miléme. Me cɛmá ó, mekǎn abuo. Nó ó, mě jɨʼlá e bɨ̌n ó, bɨ̌n dûhwaa mekǎn maá lɨ́ ejóʼo!

Mɨlʉmlʉ 28:16

Jɔʼ bɨ́h á pyâl Rôm yɨ́, bʉr ó jwɨ́ɨ ntɔ̂ʼ kam ó, Pɔ̂l díʼee yé gúmo nye omér, bé e sója yé á be lɨ́ edwéele nyé yɨ́.

Mɨlʉmlʉ 13:5

Jɔʼ bé á pyâl Salamíni yɨ́, bê nzě lɛ́ɛ óYúden lɔ́ɔ́ mé Nzyɛ̌m ɨ́ mempáh mínjɨʼla mɔ́ɔ́. Yʉánɛs á be ntémé ó, lɨ́ esúʼo bê.

Kolosi 4:3

Jɨʼlaa gá ntémé lɨ́ esú lɨ́h. Nzyɛ̌m díbɨɨ bɨ̌h nzɨ̌ ó, bɨ̌h túnaa Mbɨambɨa Lɔ́ɔ́ wé, ó bɨ̌h pâʼlaa lwǐb ódîm dí edumo e Krîst yɨ́. Me ó kɛ́ʼá ɨ́ mbʉʼ ɨ́ lɔ́ɔ waá mé dí eboó tutúno wɨ́.

1 Tesalonika 1:6

Bɨ̌n ntɔ̂ʼ dû kʉ̌ tyen wɨ́h e boo Tî Yésʉs. Bɨ̌h bé á si bee bɨ̌n lɨ́ ebúʼlǎ Mbɨambɨa Lɔ́ɔ, damá jóʼo ɨ́ mitúú bɨ́n á sia e myé mí. Ɨ́ mitúú tʉ́ŋlʉ̌, bɨ̌n bé á si lóno ɨ́ bisʉhʉʉ̌ Sísǐm mé Nzyɛ̌m wé á ntɨh bɨ̌n bí.