2 Timotɛ 4:18 - Kálar Nzyɛ̌m : Ejwán é Sáá

¹⁸ Tî gá wɨ́ná ótô le etítíʼ mé nó, ɨ́ jɔʼ yɨ́yɛ̂h bé ólɛ́ɛ ó, bé sá ó me ebébe yɨ́. Nye ósâ ó, me pyálaa ɨ́ Mpóʼo nyé, nyaá dí ɨ́ jʉ́o kʉ́ nyɨ́. Nye dwéŋɔɔ kûm njʉ̌m dǐ e njʉ̌m dǐ. Amɛn.

Kálara Zyɛ̌m Edwán é mpʉ̌n

¹⁸ Da Yesʉs óto le esyɛb me é jɔʼ yiyɛh bé ódɨ sa me ebebe e. Nye ósa ó, me pyala é jwɨ̀ʼa ye, yaa ndɨ é jobo kʉ ɨ. Nye dweŋɔ kum njʉmdia e njʉmdia. Amɛn.

2 Timotɛ 4:18 ပူးပေါင်းရင်းမြစ်များ

2 Tesalonika 3:3

Sâ gwár, Tî Yésʉs, nye ó mʉr jálá le ebúʼlɔɔ nyá. Nye ódwe bɨ́n nkul, le ekamle e bɨ̌n ɨ́ páʼ mé Sátan.

Mataos 6:13

Ayɨ́ bîr ó, bɨ̌h níʼee ɨ́ mebʉ́blá. Syɛbɨɨ bɨ́h ɨ́ mebó mé Sátan.”»

1 Pyɛr 1:5

Nzyɛ̌m mû baʼle bícwiʼ bín ó e nkul nyé, ebe bɨ́n dí edyɛ̂ʼwo e né yɨ́. Nyě baʼlé mɨ́ná gá ó, lɨ́ esú lé édwe mɨ́ná gá twǐʼ njʉ̌m dǐ. Twiʼ yaá ó dí ebóno mɨ́ná gá yɨ́. Nye ólɛ̂ʼle bʉ̂r bɨ́bɛ̂h yǎ ó, lɨ́ elú lé ósûʼla lɨ́.

1 Tesalonika 5:23

Nzyɛ̌m waá dí esâ ó, bʉr tíʼaa ɨ́ mepyɛbla nyá, nye mʉr tɨ̂, nye púbaa bɨ̌n ɨ́ mipáʼ mímyɛ̂h. Nye bâʼlaa misísǐm mín, milémé mín, ti e menyʉ́l mɨ́n. Nye bâʼlaa bɨ̌n mbɨ̂mbɨá nó, mɨná díʼee gá abe e mebě, tó pyâl ɨ́ jɔʼ Tî gá wɨ́ná Yésʉs-Krîst óbáʼǎ nze yɨ́.

Ebrœ̂ 13:21

Mě jɨʼlá e né ó, nye tyɛ́bɨɨ bɨ̌n ɨ́ miléme, ó bɨ̌n sâʼ syɛ́ɛla nyé dí ebeě mbɨ̂mbɨá yɨ́, mɨná nkʉ̂ lóŋlo gá gwɨ́má yé ɨ́ nzɨ̌ mé Yésʉs-Krîst, dí e kûm njʉ̌m dǐ e njʉ̌m dǐ nyá. Amɛn!

2 Timotɛ 1:12

Sɨ́ǎ yaá ó mé dí esia e mitúú yɨ́. Damá jóʼǒ mpʉ mé dí ebi mítúú mí tɨ̂ʼ yɨ́, mé ajóʼo bá sôn, ebe mé dí egʉ́a mʉ̂r mé á dyɛ̂ʼwo e né nyá. Mɨ́ bûʼla ntémé ó, nyě e nkul esâ ó, me bâʼlaa lɛ́ʼlá nyé á dwe me wɨ́. Nye óbaʼlě lɛ́ʼlá waá ó, tó pyâl ɨ́ móhó Yésʉs ngá báʼǎ nze wɨ́.

2 Korɛnt 1:10

Nye ó mʉr á pɛʼ bɨ̌h lɨ́ eswie laá tʉ́ŋlʉ̌ nyá. Nye ntémé ó ngá báʼǎ dwih bɨ́h ɨ́ ka sóo. Yé ó nó: milémé míh, mí lóno ɨ́ mpûʼla ó, nye óbánǎ pɛʼ bɨ́h lɨ́ eswie ɨ́ yʉ́ʉ́ jɔʼ swîh,

Rôm 11:36

Yé abe e mʉr, ebě, nye ó b'á komlo bisá bíbyɛ̂h. Byé á kwɨmlɨ ntémé ó, ɨ́ nzɨ̌ nyé. Sá yɨ́yɛ̂h, yê tɨ̂ʼ ó, lɨ́ esú lé. Mɨná gúmlaa gá nye njʉ̌m dǐ e njʉ̌m dǐ. Amɛn.

Mataos 13:43

Nó bʉ̂r o dí tîtyěl ɨ́ míh mé Nzyɛ̌m bá, ngá pǎn mpʉ dʉ́o ɨ́ Mpóʼo mé Sɔ́ŋ wɔ́ɔ́ yɨ́. Mʉr dí e megwǎl mé éjóʼo nyá, nye jóʼaa náǎ!»

Yʉanes 17:15

Mé ajɨʼla ó, go pɛ́ʼɛɛ bé ɨ́ sí yɨ̂. Mě jaá jɨʼla ó, njɨ go kámlaa e bé ɨ́ páʼ mé Bɨ́bla mʉ̂r.

Lʉkas 12:32

«Bɨ̌n bʉr o dí mâ daa e bínteme byâm bá, ayɨ́ kpɛ́ɛ gá sɔ̂ʼ. Sɔ́ŋ wɨ́n, nye lɨ́ ebee émbɨa lɨ́ eníŋle bɨ́n ɨ́ Mpóʼo nyé.

1 Timotɛ 6:16

Njɨ nye omér ó dí abe e nkul edwe. Nyě dǐ ó, ɨ́ myɛ́n tʉ́ŋlʉ̌, mbǐ myɛ́n nyʉ́ʉ́ mʉ̂r dí abe e nkul ekúnwo e tɨ̂ʼ wɨ́. Mʉr ngwár, nyé apǎ bee nyê. Mʉr ntémé, nyé abe e nkul ebee nyê. Kûm, ndu e nkul, byé dwéŋɔɔ nye njʉ̌m dǐ e njʉ̌m dǐ. Amɛn.

1 Korɛnt 10:13

Mebʉ́blá bɨ́n á ntaa má, mé lɨ́ epyâl bɨ́n e bʉr bɨ́bɛ̂h. Tó kœb ó, Nzyɛ̌m, nye ó mʉr jálá le ebúʼlɔɔ nyá. Nye ábîr ó, bɨ̌n bóblɔɔ, tó pyâl ɨ́ jɔʼ bɨ́n ósâ syóm yɨ́. Jɔʼ mébʉ́blá, mé ópipyâl bɨ́n yɨ́, nye ókar bɨ́n nzɨ̌ swîh. Bɨ̌n bé odyɛ̂l tɨ̂, le esyɛ̂hle mísyóm bɨ́n á gwa sâ mí.

1 Pyɛr 5:11

Nkul ti e jwɨ́ɨ, byé dwéŋɔɔ nye njʉ̌m dǐ e njʉ̌m dǐ. Amɛn.

1 Timotɛ 1:17

Nzyɛ̌m dí njwɨ́ɨ melú mé mpóʼo mɨ́mɛ̂h, adwidwe nyá, waá dí anyɨ̂n, waá dí Nzyɛ̌m nye omér nyá, dúu e kûm, byé díʼee e né njʉ̌m dǐ e njʉ̌m dǐ. Amɛn.

Mataos 25:34

Jɔʼ yaá, njwɨ́ɨ ólɛ́ɛ e baá o dí nye ɨ́ mbó éjʉ́m bá ó: “Ntáʼ gâ, bʉr o Sɔ́ŋ wǎm á sʉ metyɛʼ me mpóm bá. Ntaá nzě nî gá ɨ́ sí nyé á boo komlo bɨ̌n, táare ɨ́ jɔʼ kʉ́ e sí, byé á be apǎ bě kuhá yɨ́.

Yʉ̂d 1:1

Yé ó mɛm Yʉ̂d, syɛ̂l mesâ mé Yésʉs-Krîst, mɨ́ɔɔ́ mé Jacques ó dí ecɛma bɨ́n mekaná mâ. Mě cɛmá ó, bɨ̌n bʉr ó Nzyɛ̌m Sɔ́ŋ á kpɛl, baá nyé á jébe le ebaʼle mbɨ̂mbɨá ɨ́ nzɨ̌ mé Yésʉs-Krîst bá.

Galásia 1:5

Kûm díʼee e Nzyɛ̌m njʉ̌m dǐ e njʉ̌m dǐ. Amɛn.

Rôm 16:27

Ɨ́ Nzyɛ̌m nye omér, waá dí Twóó ocwóó nyá, kûm díʼee e né ɨ́ Mwân wé, Yésʉs-Krîst, njʉ̌m dǐ e njʉ̌m dǐ. Amɛn.

Lʉkas 22:29

Mpʉ̌ Dâ á dwe me nkul jwɨ́ɨ ɨ́ páʼ Mpóʼo nyé yɨ́, mɛm ntémé, me mû ó lɨ́ ekab bɨ́n nkul jwɨ́ɨ ɨ́ Mpóʼo mpwár nyaá,

Lʉkas 11:4

Pɛʼɛɛ bíbaa gó á niʼe bɨ̌h ɨ́ lɔ̌b mébébe mɨ́h bí, ebě, bɨ̌h ntémé bé lɨ́ epɛʼ bíbaa bɨ́h dí eniʼe bʉ̂r bɨ́bɛ̂h ɨ́ lɔ̌b ébébe bé dí esâ bɨ́h lɨ́. Ayɨ́ bîr ó, bɨ̌h níʼee ɨ́ mebʉ́blá.”»

Jacques 2:5

Bɨ́ɔɔ́ bâm! Okɛ́l bâm! Bʉr mé dí ekpɛl bá! Jóʼláá gâ: Nzyɛ̌m á si twâr baántéʼenteʼe o bʉ̂r ó sí yɨ̂ʼ lɨ́ esú ó, nye gbâʼ bé buobuo búʼó ɨ́ miléme. Nzyɛ̌m á si kɛʼ bʉr o dí ekpɛl nyé bá ó, nye ódwe bé mimbɨambɨa bísâ ɨ́ Mpóʼo nyé. Ntʉ báántéʼenteʼe o bʉ̂r ó sí yɨ̂ʼ ó ngá lîʼ e bisá nyé á kɛʼ bí ɛ́?

1 Korɛnt 1:21

Nzyɛ̌m á tíʼe ɨ́ páʼ wé ó, bʉr ó sí yɨ̂ʼ gʉ́ŋaa nye ɨ́ nzɨ̌ ocwóó wé nye mʉr tɨ̂. Tó kœb ó, bé á si kâr egʉ́ǎ Nzyɛ̌m e nzɨ̌ nyaá. Bé á ka sáa egʉ́a nyé ó, ɨ́ nzɨ̌ wɔ́ɔ́ ócwóó, bé bʉr o tɨ̂. Sá tɨ̂ʼ ó Nzyɛ̌m á ka bee embɨa ɨ́ páʼ wé ó, nyě tǐʼ ó baá o dí ebúʼlǎ lɔ́ɔ́ wé bá yɨ́. Lɔ́ɔ waá, wé ó sá bʉ́ʉ́ bʉ̂r dí ebeě mpʉ ógʉ̌ yɨ́.

1 Korɛnt 15:50

Bɨ́ɔɔ́ bâm! Okɛ́l bâm! Mě kʉ́ lɛ́ɛ bɨ́n ó, ntʉ̌ sá dí bipúno e metié yɨ́, dí e nkul enʉǎ diá ɨ́ Mpóʼo mé Nzyɛ̌m, jala e nkɔb líʼe nyé. Sá dí edwe, bo yɨ́, yé abe e nkul elîʼ e sá dí edǐ njʉ̌m dǐ e njʉ̌m dǐ yɨ́.

2 Timotɛ 4:1

Me lɨ́ edî gó ɨ́ hwɨ́m ɨ́ míh mé Nzyɛ̌m Sɔ́ŋ, bé e Yésʉs-Krîst: (Yésʉs waá ó múo nzě tíʼe míkublakúbla le odwe milɔ̌b nyá.) Myúú mímboʼlá mimbá, myé ó: nzéá nyé óbáʼǎ nze wɨ́, le Mpóʼo nyé ójwɨ́ɨ nyɨ́. Mě tyél gó etié ó, ɨ́ míé mé óboʼlo onâ baá ó:

Ebrœ̂ 11:16

Sâ gwár, bé á be ó e dwéh édi ɨ́ mpǎŋ mpóʼo, nyaá dí ɨ́ jʉ́o kʉ́ nyɨ́. Sá tɨ̂ʼ ó Nzyɛ̌m dí ajóʼo sôn ɨ́ jɔʼ bé dí egbân nyé yɨ́. Nyɨ́ komlo bé mpǎŋ nkana yaá.

Ebrœ̂ 12:22

Bɨ̌n bɨɛ, bé abe nó. Bɨ̌n mû ó sí sîhle kúnókúno le ecwɨ́ʼ é Síon. Yé ó gúmǒ nkana mé Nzyɛ̌m dí kublakúbla nyá dí yɨ́. Yé ó nkanǎ Yerʉ́zalɛm, yaá dí ɨ́ jʉ́o kʉ́ yɨ́. Beéngeles ɨ́ buo buo, bé ó tɨ̂, abe e tólɔ́ɔ. Bé ɨ́ nzɔɔ sʉhʉʉ.

2 Pyɛr 1:11

Nó ntémé ó Nzyɛ̌m ósúʼo bɨ́n e menzɨ̌ mɨ́mɛ̂h lɨ́ esú ó, bɨ̌n níʼee ɨ́ Mpóʼo mé Tî gá wɨ́ná le Tiʼbʉr gá wɨ́ná Yésʉs-Krîst yɨ́. Mpóʼo nyaá, nye ódi ó njʉ̌m dǐ e njʉ̌m dǐ.

2 Pyɛr 3:18

Tóʼ gá dóló le egwɨ́e ɨ́ mpam mé Tî gá wɨ́ná Yésʉs-Krîst, dí ntémé Tiʼbʉr gá wɨ́ná nyá. Bɨ̌n e gwɨ́é ntémé, ebě, bɨ̌n bɨ́ gʉ́a nyé ɨ́ pébébé. Nye omér ó dí ejala e kûm, táare ɨ́ jɔʼ yɨ̂, tó kumo ɨ́ twǐʼ njʉ̌m dǐ. Amɛn.