2 Timotɛ 4:1 - Kálar Nzyɛ̌m : Ejwán é Sáá

¹ Me lɨ́ edî gó ɨ́ hwɨ́m ɨ́ míh mé Nzyɛ̌m Sɔ́ŋ, bé e Yésʉs-Krîst: (Yésʉs waá ó múo nzě tíʼe míkublakúbla le odwe milɔ̌b nyá.) Myúú mímboʼlá mimbá, myé ó: nzéá nyé óbáʼǎ nze wɨ́, le Mpóʼo nyé ójwɨ́ɨ nyɨ́. Mě tyél gó etié ó, ɨ́ míé mé óboʼlo onâ baá ó:

Kálara Zyɛ̌m Edwán é mpʉ̌n

^1-2 Me entɛŋ go mɨnkɛla é mih mo Zyɛm bé e Yesʉs-Krɨst waa óze tiʼe mɨkubla le odwè mɨlɔb ó, go lɛŋɨ Mbɨambɨa Lɔɔ. Nye óbula ze, ntɔʼ cyel jwɨ̀ʼa ye. Leme, wé diʼe go é ntɨɨɨŋ ó, go lɛɛ ó njɨ lɔɔ waa é bɨjɔʼ lé ejala ɛ, ndwe e byaa ndɨ ajala e we e. Láŋa bʉr bɨbaa é lɔb mobebe mɔɔ. Bâma e bʉr. Gbaʼ be nkul é monyʉl. Saʼ no e bihbe, ndwe e sikʉlʉ mpa.

2 Timotɛ 4:1 ပူးပေါင်းရင်းမြစ်များ

Mɨlʉmlʉ 10:42

Nye á si lɛ́ɛ e bɨ̌h ó, bɨ̌h tôʼ le etúnǒ Mbɨambɨa Lɔ́ɔ́ wé, ó: Yésʉs ó dí mʉ̌r Nzyɛ̌m á tyêl ɨ́ dǐ tîʼ milɔ̌b, waá ngá tíʼe míkublakúbla le odwe milɔ̌b nyá.

2 Timotɛ 4:8

Yé jaá kǎ lîʼ mé ó, njɨ ebǐ káráá dí komá lɨ́ esú lâm yɨ́. Káráá yaá ó dí elɛ̂ʼle ó, mɨ́ bi nkâm ɨ́ míh mé Nzyɛ̌m. Tî Yésʉs, mʉr dí etíʼe mílɔ̌b lɨ́ otîtyěl nyá, ódwe mé yǎ lɨ́ elú lé épíhe. Nye ádwe yɨ́ɛ njɨ me e me. Káráá yaá, yé ódweŋɔɔ ntémé ó, bʉr bɨ́bɛ̂h o dí ekpɛl ébee nyé lɨ́ ebáʼǎ nze bá.

1 Timotɛ 5:21

Mě lɛ́ɛ́ gó ɨ́ míh mé Nzyɛ̌m, le Yésʉs-Krîst, bé e mitwárá bééngeles ó, go bâʼlaa metwɨ́ɨ́ mâ. Gǒ sá asâ ménkɔ̌m ɨ́ jɔʼ gó tíʼé lɔ̌b yɨ́. Akʉ́a nyʉ́ʉ́ mʉ̂r ɨ́ nkɔb.

2 Timotɛ 2:14

Símsáá bʉ̂r milɔ̌b mî: go e gbá bé mpéné ɨ́ míh mé Nzyɛ̌m ó, bé ayɨ́ kǎ gœ́a njɨ ɨ́ lɔ̌b mékǎn. Megô maá, mé abe e nyɔm. Mé ámû ndáma bʉ̂r o dí ejóʼo mégô maá bá miléme.

Mataos 16:27

Ebě, Mwân mé Mʉr múo nzě pyâl ɨ́ mentyɛnwa me Sɔ́ŋ wé, bé e bééngeles bé. Jɔʼ yaá ó nyé ngá tíʼe bʉ̂r milɔ̌b, dû mpʉ bísyɛ́ɛla byɔ́ɔ́, byé á be yɨ́.

Títos 2:13

Mɨná bé ótíʼe nó ó, lɨ́ ebóno mʉ̂r dí egbâ mɨ́ná mpûʼla ɨ́ miléme, waá dí esʉ mɨ́ná metyɛʼ me mpóm nyá. Nye ó Nzyɛ̌m nɨ́nɨ́ɨ́: Tiʼbʉr gá wɨ́ná Yésʉs-Krîst, waá ngá báʼǎ lɛ̂ʼle nyé mʉr tɨ̂ʼ e kûm ɨ́ buo buo nyá.

1 Pyɛr 5:4

Ɨ́ jɔʼ «Mbɔ̂ʼlʉ bintemě nɨ́nɨ́ɨ́» ngá báʼǎ nze yɨ́, nye ótoŋlo bɨ́n ɨ́ syɛ́ɛ́ yɨ́n yaá, lɨ́ ebôr bɨ́n bikáráá bi dí ɨ́ buo kûm bí. Byé ódidi ɨ́ ntyɛ̌n ntɨ̂ ntyɛ̌n ó, mentyɛnwa me tɨ̂ʼ adímedime, tó kumo ɨ́ twǐʼ njʉ̌m dǐ.

1 Yʉanes 2:28

Nó ó, bwán bâm, diʼee gá ɨ́ mpúhlá e Krîst, mbi dí ó, jɔʼ nyé óbáʼǎ nyɨ̂n yɨ́, mɨná nkʉ̂ nʉa gá pîm ɨ́ búʼó. Mɨná nkʉ̂ be gá asɔ́ma ɨ́ míh mé, ɨ́ jɔʼ nyé óbáʼǎ nze yɨ́.

1 Pyɛr 4:5

Bé ókar mílɔ̌b myɔ́ɔ́ ɨ́ mpǒm mé Nzyɛ̌m. Nye mû ó ɨ́ cǎr ó, nye tíʼaa mikublakúbla le odwe milɔ̌b.

1 Pyɛr 1:7

Ndyɛ́ʼwá bɨ́n dí edyɛ̂ʼwo e Nzyɛ̌m wɨ́, wê bɨ̌n ó, ɨ́ buo ódimé, laǎ gʉ̂l. Gʉ̂l pǎ nyɛɛ́ gbáŋɔɔ ɨ́ duró lé ólûl, ó yé gwâ nyɨ̂n tyeetye ó, yé ó yaá mpâ, yɨ́ɛ yé ó sá dí ó, yé ódîm yɨ́, á dwɛʼra e búʼó gá yɨ́ná! Yé ógbáŋɔɔ ɨ́ duró, bʉr nkʉ̂ gʉ́a bee ó, yé ó búʼó mpâ. Nó bʉ̂r, bé ógúmlǒ Nzyɛ̌m, le edwe nyé kûm ɨ́ jɔ̌ʼ Yésʉs-Krîst óbáʼǎ nze yɨ́.

2 Tesalonika 2:8

Jɔʼ yaá ó nyɨ́ɛ, mʉr dí egbah metié mé Nzyɛ̌m nyá, ókǎ nyɨ̂n ɨ́ kpɛŋlɛm yɨ́, Tî Yésʉs, nyé okǎ jʉ̂ nyé e ngúl num wé. Nye óteʼle mʉ̂r waá ó, ɨ́ nzéá nyé ónze wɨ́.

Rôm 2:16

Sá mé dí elwib wâʼ yɨ̂, yé ónyɨ̂n ɨ́ ponó, ɨ́ móhó Nzyɛ̌m ngá tíʼe bʉ̂r milɔ̌b wɨ́. Nye ósâ nó ó, ɨ́ nzɨ̌ mé Yésʉs-Krîst. Bisâ bi dí bʉr baá solá ɨ́ miléme bí, nye ólɛ̂ʼle byé ɨ́ kpɛŋlɛm. Mbɨambɨa Lɔ́ɔ mé dí etúno wɨ́, wé ó nó.

Mɨlʉmlʉ 17:31

Nó nyé á tyêl dʉ́ó nyé ngá tíʼe bʉ̂r ó sí yɨ̂ʼ bɨ́bɛ̂h milɔ̌b myɔ́ɔ́ lɨ́ otîtyěl lɨ́. Nye ntémé, nyɨ́ pɛ̂h mʉ̂r ngá tíʼe mílɔ̌b myɔ́ɔ́ myaá nyá. Nyɨ́ lɛ̂ʼle bʉ̂r bɨ́bɛ̂h jwɨʼ ɨ́ syɛ́ɛla yɨ̂: epɛh nyé, dwih nyé lɨ́ odwe!»

2 Pyɛr 1:11

Nó ntémé ó Nzyɛ̌m ósúʼo bɨ́n e menzɨ̌ mɨ́mɛ̂h lɨ́ esú ó, bɨ̌n níʼee ɨ́ Mpóʼo mé Tî gá wɨ́ná le Tiʼbʉr gá wɨ́ná Yésʉs-Krîst yɨ́. Mpóʼo nyaá, nye ódi ó njʉ̌m dǐ e njʉ̌m dǐ.

Lʉkas 23:42

Nó ó, nye ntɔ̂ʼ lɛ́ɛ e Yésʉs ó: «Yésʉs, mwánǎ, símsáá mé ɨ́ jɔʼ gó ngá tyêl Mpóʼo nyǒ yɨ́!»

Lʉkas 19:15

«Nó nko nyé á tô yɨ́, bʉr o nkɔ́m nyaá nzě tyélɔɔ nyé njwɨ́ɨ. Nye ntɔ̂ʼ báʼǎ nze ɨ́ sí yé, ánta nye. Nó nyé á lɛ́ɛ ó, bé jébaa nye osyɛ̂l o mésá bé, baá nyé á tímle mɔnɨ́ bá. Nye á be ó lɨ́ egwɨ̂m égʉ́ǎ bím mɔnɨ́ yé, yé á byâ yɨ́.

Lʉkas 19:12

Nó nyé á lɛ́ɛ ó: «Yé á be ó e yʉ́ʉ́ mpǎŋ njwɨ́ʼ mʉ̂r. Wé á si mɔa ɨ́ sí yé, tó di ɨ́ sí yé á be ká ká lɨ́ ejaa yɨ́. Nye á tô ó, bé dílɨɨ nye ɨ́ dǐ njwɨ́ɨ. Píe tɨ̂, nyé okǎ búla.

Mɨngwiha 1:7

Paá bee gâ: nye lɨ́ enze ɨ́ dwiné. Bʉr bɨ́bɛ̂h, bé óbee nyê, damá be ó baá bé á lúmo nye ekʉá bá. Bʉr o bíkúl bí sí yɨ̂ʼ bíbyɛ̂h, bé ójɨ médwê le ekâm ékúhó lé. Eee! Amɛn!

2 Pyɛr 1:17

Nzyɛ̌m Sɔ́ŋ á si dwe nye dúu le kûm. Ɨ́ jɔʼ nyé á ntɨh twíí, duho ɨ́ diá kûm nɨ́nɨ́ɨ́ yé yɨ́, nye á lɛ́ɛ ó: «Mwân wǎm mé dí ɨ́ buú kpɛl nyá ó nyâ. Me lɨ́ ekʉ́ mɛɛla e né.»

Kolosi 3:4

Krîst ó dí edwe mɨ́ná gá mpǎŋ twiʼ. Jɔʼ nyé óbáʼǎ nyɨ̂n bʉ̂r ɨ́ mîh ɨ́ kpɛŋlɛm yɨ́, bɨ̌n le onɔ́ɔ́, bé ónyɨ̂n sɔ́má e kûm nyɨnyɛ̂h.

2 Timotɛ 1:10

Mpam nyaá á ka nyɨ̂n ɨ́ kpɛŋlɛm ó, lɨ́ epyál mé Yésʉs-Krîst, Tiʼbʉr gá wɨ́ná. Nyɨ́ teʼle nkûl eswie. Nye á lɛ̂ʼle mɨná ɨ́ nzɨ̌ Mbɨambɨa Lɔ́ɔ ntémé ó, mɨná bi gá twiʼ mpâ, yaá dí njʉ̌m dǐ e njʉ̌m dǐ yɨ́ ó, ɨ́ Krîst.

2 Timotɛ 4:18

Tî gá wɨ́ná ótô le etítíʼ mé nó, ɨ́ jɔʼ yɨ́yɛ̂h bé ólɛ́ɛ ó, bé sá ó me ebébe yɨ́. Nye ósâ ó, me pyálaa ɨ́ Mpóʼo nyé, nyaá dí ɨ́ jʉ́o kʉ́ nyɨ́. Nye dwéŋɔɔ kûm njʉ̌m dǐ e njʉ̌m dǐ. Amɛn.