2 Timotɛ 3:8 - Kálar Nzyɛ̌m : Ejwán é Sáá

⁸ Bibɨ́bla bí ólɛ̂ʼla byaá, byé óbe ó e mbǐ syɛ́ɛla gwár e gwár Yánɛs, bé e Yambrɛ̂s á be e wé wɨ́. Bé á si lwímla e Moyɨ̂z. Tó kœb ó, bʉr ónɨ̌, bé ólwímla le otyeetye. Mepɨʼ mɔ́ɔ́, mé ɨ́ lwaʼwo. Ɨ́ páʼ búʼó yɨ́ná, bé abûʼlǎ mpǎŋ búʼó.

Kálara Zyɛ̌m Edwán é mpʉ̌n

⁸ Mɨmpʉmpʉl mɨ oyeʼle myaa, myé óbe ó e bol syɛɛla Yanɛs bé e Yambrɛs, bé a be e ye e. Bé a si ngbaa tɨ mɨlɛa mo Moyiz. To kœb ó, bʉr onɨ, bé etɨ mɨlɛa mɨ ocyecye wé mʉr tɨ. Mopɨʼ mɔɔ, mé ó ontʉlontʉl. é nko paʼ buʼo yina, abe e syɛɛla gwar bé ndɨ e nkul ekoʼo.

2 Timotɛ 3:8 ပူးပေါင်းရင်းမြစ်များ

Mɨngwiha 2:20

Yé e sâ gwár mé dí ebene e bɨ̌n yɨ́. Yé ó: Yezábɛl, waá bɨ́n á bana dûhwo ó, nye díʼee ɨ́ sɔ́má yɨ́n nyá. Sá tɨ̂ʼ ó mé dí ebene bɨ́n yɨ́. Mʉmá nɨ̌ dímlé bɨ́n ó, ɨ́ jɔʼ nyé dí elɛ́ɛ ó, nye ó ngwíha milɔ̌b yɨ́. Nye lɨ́ edwe ósyɛ̂l o mésâ bâm milɛ́ʼlá míkóo, ó bé sâʼ bimolá. Nyě títíné bé ntémé ó, bé dêʼ tír á pa baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá.

1 Timotɛ 6:5

Bisyɛ́ɛla byaá, byé duduho ó, lɨ́ ekpaa lé laá. Nyě sɨ́sá bísyɛ́ɛla byaá ó, bé e bʉr o dí e bibol mípahlá, baá o dí agʉ́a ótyeetye bá. Nyě jaá gʉ́a ó, njɨ edwě Nzyɛ̌m kûm, lé ó gúú mbi nzɨ́ esáa bímɔnɨ́.

Títos 1:16

Bé sá ó, go ó, bé ɨ́ kpɛ̌l Nzyɛ̌m. Sâ gwár, bisyɛ́ɛla byɔ́ɔ́, bíɛ yɨ́ɛ lɨ́ elɛ̂ʼle ó, bé akpɛl nyê. Bʉr baá, bé ɨ́ lwaʼwo. Bé asâ méjóʼo. Ɨ́ bisyɛ́ɛla bimpâ bíbyɛ̂h mʉ̂r dí e nkul ebɛ̌m sâ bí, abe e syɛ́ɛla gwár bé dí e nkul ekoʼo ésâ.

1 Yʉanes 4:1

Bʉr ó kpɛ̌l bâm, ayɨ́ bûʼla gá kám e kám mʉr nyɨnyɛ̂h bɨ́n jóʼó lɨ́ edwe bʉ̂r milɛ́ʼlá nyá. Tááráá ébóblo gá bʉr baá, bɨ̌n nkʉ̂ gʉ́a, nkʉ̂ misísǐm bé dí e myé mí, myé lɨ́ eduho kwá mé Nzyɛ̌m, ebě, ogwíha o mílɔ̌b o bíbɛr, bé mû ó sí buo ɨ́ sí yɨ́yɛ̂h.

2 Pyɛr 2:14

Míh mɔ́ɔ́, mé jaá sáa ó, njɨ bʉbá bé sâʼ medyɛ̂n e bé bá. Bé abá gbala lɨ́ esâ syóm. Bé sɨ́sáá ó, bʉr o dí ɨ́ tyɛʼ bá, bé bílɨɨ ɨ́ bilám byɔ́ɔ́. Bé jaá gbâ lémé ɨ́ dwííí ó, njɨ lɨ́ ejɨ̂ʼ édû bígwɨ́má ményʉ́l mɔ́ɔ́. Nzyɛ̌m, nyɨ́ syɛm bê.

2 Timotɛ 4:15

Gwá di le ocwóó páʼ mʉ̂r waá, ebě, nyɨ́ buú kamle bɨ́h lɨ́ edwe bʉ́ʉ́ bʉ̂r milɛ́ʼlá gá míná. Nye á si bu pɨr mekǎn mɨ́h.

Éfɛsɔs 4:14

Jɔʼ yaá ó mɨ́ná ngá pʉʼa gá ɨ́ tyé bwá ó ntwǒm ɨ́ nkǒ páʼ búʼó yɨ́. Milɛ́ʼlá míswîh, myé ákǎ ntyeŋ mɨ́ná gâ, nkʉ̂ dímle mɨ́ná gá ɨ́ nzɨ̌ mikóo. Baányâ-mikóo baá, bé gwɨ́m ó, bé mɛ́rɨɨ mɨná gá ɨ́ mpila mépɨʼ yɔ́ɔ́, le ntémé ó, mɨná nʉ́aa gá bidyɛʼ byɔ́ɔ́.

1 Timotɛ 4:2

Bé óbe ó baányâ-mikóo, le olɛ́a o bíbɛr. Syóm dí ejwɨ́ɨ bé wɨ́, wé óndɨndáma milémé myɔ́ɔ́ ó, tó pyâl ɨ́ jɔʼ bé óbe, bé mû akǎ tʉ sôn yɨ́.

1 Timotɛ 1:19

ɨ́ nzɨ̌ búʼó yô le mipahlá mí lémé myô mi dí ɨ́ pyɛɛɛ mí. Bʉ́ʉ́ bʉ̂r bɨ́ɛ, bé á be ó sí kâr éjwɨ́ɨ mílémé myɔ́ɔ́, búʼó yɔ́ɔ́, yé ntɔ̂ʼ ndáma, nwɨɨla e sitíma dí elʉ́ŋa ɨ́ medíbé, dîm yɨ́.

Rôm 16:18

Mimbi mi bʉ̂r myaá, ntʉ Tî gá wɨ́ná Krîst bé dí eséa. Bé jaá séǎ syɛ́ɛ́ ó, njɨ lɨ́ esú é mímo myɔ́ɔ́. Bé lɨ́ edímle bʉ̂r o dína apǎ gʉ́a ébɛ̂ʼ páʼ émbɨa le ebébe bá, e nzɨ̌ lwǐb mépɨʼ ti e meswɨ̂ʼlʉ.

Mɨngwiha 2:6

Damá jóʼo nó, bɨ̌n bé e nkam lɨ́ ebene bísyɛ́ɛla bi bʉ̂r o dí edû Nikolâ bá. Mɛm ntémé, me lɨ́ ebene byê.

1 Yʉanes 2:18

Bwán bâm, esúʼlá é sí yɨ̂ʼ mû ó ɨ́ nérénére. Bɨ̌n bé á si boo jóʼo ó, Ntɨ̂m e mbɨn mé Krîst, nye ɨ́ jala le enze. Ɨ́ báánâ, ontɨ̂m le obɨn mé Krîst, bé mû ó, sí buo. Nó ó mɨ́ná dí egʉ́a gá ó, yɨ́ kumo lɨ́ esúʼlá é sí yɨ̂ʼ yɨ́.

Títos 1:10

Ɨ́ sɔ́má óYúden o dí ebúʼla bá, yé e bʉr ɨ́ buo buo o dí egbɔba le otyɛ̂b bé ésôʼ bɔ́ɔ́ bá. Bilwǐb byɔ́ɔ́, byé ó dwêh, bé yɨ́ɛ lɨ́ ekʉ́ bánǎ kʉ́a bʉ́ʉ́ bʉ̂r.

Rôm 1:28

Bʉr baá, bé á bé abee ó, yé jala ɨ́ páʼ wɔ́ɔ́ ó, bé kámaa Nzyɛ̌m. Nó ó Nzyɛ̌m á nzoo ka bîr bé ó, bé díʼee e pɨʼ ontúl óntúl yɨ́. Nyě bír bé ó, bé sâʼ bisyɛ́ɛla bí ésɔ́m bi dí ajala e bé bí.

Mɨlʉmlʉ 15:24

Bɨ̌h cɛmá bɨ́n ó, ebe bɨ̂h jóʼó ó, bʉ́ʉ́ bʉ̂r, bé á si duho ɨ́ sɔ́má yɨ́h, tô kwá nyɨ́n. Mekǎn mɔ́ɔ́, mê nzě tɨ̂l bɨ́n mekʉ̌ sí. Abe ó, bɨ̌h bé á si lómo bé ó, bé sâʼ nó.