2 Timotɛ 3:5 - Kálar Nzyɛ̌m : Ejwán é Sáá

⁵ Bé ójaá dwidwě Nzyɛ̌m kûm ó, njɨ ɨ́ bikonó mínum byɔ́ɔ́. Tó kœb ó, bé ópɨpɨr ó, pɨrɨ́ɨ le ekɛ́la nkûl dí ɨ́ búʼó gá yɨ́ná nyɨ́. Bɨ̌n bé ayɨ́ be e ndwáala e mbi bʉ̂r waá.

Kálara Zyɛ̌m Edwán é mpʉ̌n

⁵ Bé ósa jaale, lé ejɨ nyin ó, bɛɛ ó ndɨ edwaabe Zyɛm. To kœb ó, bé ókɛla ó, buʼo ga yina, yé abe e nkul. Cɛra e bʉr onɨ.

2 Timotɛ 3:5 ပူးပေါင်းရင်းမြစ်များ

Títos 1:16

Bé sá ó, go ó, bé ɨ́ kpɛ̌l Nzyɛ̌m. Sâ gwár, bisyɛ́ɛla byɔ́ɔ́, bíɛ yɨ́ɛ lɨ́ elɛ̂ʼle ó, bé akpɛl nyê. Bʉr baá, bé ɨ́ lwaʼwo. Bé asâ méjóʼo. Ɨ́ bisyɛ́ɛla bimpâ bíbyɛ̂h mʉ̂r dí e nkul ebɛ̌m sâ bí, abe e syɛ́ɛla gwár bé dí e nkul ekoʼo ésâ.

1 Timotɛ 5:8

Nyʉ́ʉ́ mʉ̂r bé abaʼle mímbyɛ́l myé, kʉ́ buú be, baá ó mbɛ̌r bʉ̂r wé nɛ́ɛ: nye mʉr tɨ̂, nyɨ́ beně búʼó. Nye ɨ́ bébe, laa hááden.

Mataos 7:15

«Bɨ̌n a báʼ ógwíha o mílɔ̌b o bíbɛr, ebě, bé nzɨ́nzé ɨ́ sɔ́má yɨ́n ó e njwɨr ɨ́ tala tala, nwɨɨla e binteme. Tó kœb ó, ɨ́ milémé myɔ́ɔ́ tʉ́ŋlʉ̌, bé ó mpʉ ónkœœ dí ekpɛl édɛn bínteme bá.

Títos 3:10

Mʉr kpɛ́l ésâ mpɔ́ʼá menkɔ̌m nyá, go e cɨ́l nyé jɔʼ gwár, nkʉ̂ nzɔʼ bá. Píe tɨ̂, bɨ̌n bé ayɨ́ kǎ be e ndwáala e né.

2 Timotɛ 2:16

Syɛ́hláá olɛblɛ̂b o mpyóó ó dí abe e nyɔm ɨ́ búʼó wɨ́. Bʉr o dí egbâ ményʉ́l mɔ́ɔ́ ɨ́ nzɨ̌ nyaá bá, bé sóʼló bʉ̂r ó, bé sâʼ Nzyɛ̌m nkěh.

2 Timotɛ 2:23

Diʼeě e mpaŋ ncɛ́rá e bʉr o dí egœ́a mpʉ bígʉʼlʉgʉ́, nkʉ̂ baá o dí abe lɨ́ enʉa mílɛ́ʼlá bá. Go ɨ́ jala le egʉ́a ó, milɔ̌b myaá, myé jaá byâ sɔ̂ʼ ó njɨ bitɔm.

1 Timotɛ 6:5

Bisyɛ́ɛla byaá, byé duduho ó, lɨ́ ekpaa lé laá. Nyě sɨ́sá bísyɛ́ɛla byaá ó, bé e bʉr o dí e bibol mípahlá, baá o dí agʉ́a ótyeetye bá. Nyě jaá gʉ́a ó, njɨ edwě Nzyɛ̌m kûm, lé ó gúú mbi nzɨ́ esáa bímɔnɨ́.

Éfɛsɔs 4:14

Jɔʼ yaá ó mɨ́ná ngá pʉʼa gá ɨ́ tyé bwá ó ntwǒm ɨ́ nkǒ páʼ búʼó yɨ́. Milɛ́ʼlá míswîh, myé ákǎ ntyeŋ mɨ́ná gâ, nkʉ̂ dímle mɨ́ná gá ɨ́ nzɨ̌ mikóo. Baányâ-mikóo baá, bé gwɨ́m ó, bé mɛ́rɨɨ mɨná gá ɨ́ mpila mépɨʼ yɔ́ɔ́, le ntémé ó, mɨná nʉ́aa gá bidyɛʼ byɔ́ɔ́.

2 Tesalonika 3:6

Bɨ́ɔɔ́ bɨ́h! Okɛ́l bɨ́h! Bɨ̌h bé lɨ́ etɨ́e bɨ́n ɨ́ díé mé Tî Yésʉs-Krîst ó: bɨ̌n syɛ̂hlaa mɨ́ɔɔ́ wɨ́n nyɨnyɛ̂h dí esâ épɨ̂h nyá. Cɛraa gá e né, ebě, nyé anʉa métum bɨ́h á líʼe bɨ̌n e mé má, gbâ ɨ́ nkɔb.

2 Tesalonika 3:14

Mʉ̂r bé asâ bɨ́h mejóʼo ɨ́ jɔʼ bé jóʼó métwɨ́ɨ́ bɨ́h dí etɨ́e bɨ́n ɨ́ mekaná mâʼ má nó, nʉaa gá nye díe. Bɨ̌n bé ayɨ́ be e ndwáala e né. Ɨ́ mbi waá ó nyé ójóʼo sôn yɨ́.

1 Timotɛ 4:7

Gó ajala le edû nzɨ́ bikɨkɛna bi dí elɛ̂ʼle bʉ̂r ó, bé sâʼ Nzyɛ̌m nkěh, byaá ótɔ́má bʉ́bá dí esâ bí. Gbáʼ nkûl lɨ́ ekubla ɨ́ milɔ̌b mé Nzyɛ̌m.

1 Timotɛ 4:8

Ebě, pɨ́ʼá nyʉ̂l wɨ́ɛ, wê mʉr tɨ̂, wé ó e mâ nyɔm. Edwáawǒ Nzyɛ̌m lɨ́ɛ, lé e nyɔm ɨ́ páʼ bísá bíbyɛ̂h, ebě, mʉr dí edwáawǒ Nzyɛ̌m nyá, nyɨ́ bi ménkɛ̌ʼ ɨ́ páʼ twiʼ, yaá báánâ, ti e yaá ngá tô dóló njʉ̌m dǐ e njʉ̌m dǐ yɨ́.