Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Timotɛ 3:3 - Kálar Nzyɛ̌m : Ejwán é Sáá

3 Bé óbe ó e cére. Bé óbuú sâ nzyéé ɨ́ jɔʼ bé dí e milɔ̌b yɨ́. Bé óswêʼ míé mé bʉ́ʉ́ bʉ̂r. Bé ágʉ́a émâr míléme. Bé óbe ó bʉr o méngʉ́ná. Bé óbene bísâ bi dí ɨ́ mbɨa bí.

အခန်းကိုကြည့်ပါ။ ကော်ပီ

Kálara Zyɛ̌m Edwán é mpʉ̌n

3 Bé óbe ó e cere é mɨleme. Bé óbul sa zyee é jɔʼ bé e bʉʉ bʉr ndɨ e mɨlɔb ɨ. Bé óbe ó baanya-movoʼ. Bé aŋa gʉa egba monyʉl mɔɔ modile. Bé óbe ó bʉr o monyan, bʉr o ndɨ ebene bɨsa bɨ embɨa ɛ.

အခန်းကိုကြည့်ပါ။ ကော်ပီ




2 Timotɛ 3:3
31 ပူးပေါင်းရင်းမြစ်များ  

Bé á lɛ́ɛ bɨ̌n ó, mbi wɨ̂: «Ɨ́ melú mé ósûʼla má, yé óbe ó e bʉr ó kpêʼle ngá dû mpʉ bígwɨ́má byɔ́ɔ́ dí etíne bé yɨ́ bá. Bigwɨ́má byɔ́ɔ́, byé kʉ́ lɛ̂ʼle ó, bé lɨ́ ejéʼě Nzyɛ̌m.»


Bé ó bigʉʼlʉgʉ́. Bé adira ménkɛ̌ʼ mɔ́ɔ́. Bé e cére ɨ́ miléme. Bé abe e njɨ́ʼá nkóó.


«Mɨ́ɔɔ́ óbɛ́ma mɨ́ɔɔ́ ó, bé jʉ́ʼoo nye. Sɔ́ŋ óbɛ́ma mwân. Bwân, bé ógbɔba le obyɛ́l bɔ́ɔ́, jʉ̂ bê.


Míh mɔ́ɔ́, mé jaá sáa ó, njɨ bʉbá bé sâʼ medyɛ̂n e bé bá. Bé abá gbala lɨ́ esâ syóm. Bé sɨ́sáá ó, bʉr o dí ɨ́ tyɛʼ bá, bé bílɨɨ ɨ́ bilám byɔ́ɔ́. Bé jaá gbâ lémé ɨ́ dwííí ó, njɨ lɨ́ ejɨ̂ʼ édû bígwɨ́má ményʉ́l mɔ́ɔ́. Nzyɛ̌m, nyɨ́ syɛm bê.


Bʉbá bɔ́ɔ́ ntémé, bé ɨ́ jala le edwe ményʉ́l mɔ́ɔ́ medile, abe lɨ́ eswêʼ míé mé bʉ́ʉ́ bʉ̂r. Bé ajala le ede ményoʼ, sahle. Bé ɨ́ jala le ebe ó, bʉr o bé ébûʼlɔɔ ɨ́ mipáʼ mímyɛ̂h.


Sísǐm mé Nzyɛ̌m ntɔ̂ʼ tô e Yésʉs ɨ́ lʉá. Nye á tô e né gʉ̂ʼ ó, sɔ́ŋ meleme tó bóblo nyê.


Me nzě bee ó, mʉmá waá á be ó, ɨ́ mpur metié. Nye á be ɨ́ buú bɛble métié me bʉ̂r o mé Nzyɛ̌m, baá bé á bʉboʼlo lɔ̌b dí edumo e Yésʉs wɨ́ bá. Mbeá mé á bee nye yɨ́, me nzě kǎ buú kâm.


ebě, bé á si kʉ jʉ̂ bʉr o gó á twâr bá, bé le ogwíha o mílɔ̌b bô. Metié mɔ́ɔ́, mɨ́ buú swɨɨ sí. Nó ntémé ó gó á lɛ́ɛ ojʉ̂l o bʉ̂r baá ó, bé bɛ́blaa metié yɨ́. Sá dí ejala e bé yɨ́ ó nɨ̌!»


Mʉr nyɨnyɛ̂h á be atwɛlɔɔ mpɔɔ́ nyaá nyá, á bé abe e nkul ekǎ bwâm, nkʉ̂ bɛ́ma yʉ́ʉ́ sɔ̂ʼ pátele. Mpɔɔ́ nyaá, nye ó bikaŋá métɔ́ɔ. Nye lɨ́ elɛ̂ʼle díé é tír esôʼ.


Tír waá á be ó sí dweʼɔɔ nkûl egúmlǒ ngúl wé ɨ́ kpɛʼkpɛ̂ʼ mveʼle yaá, ó yé lwíbɨɨ. Ndu e ntémé ó, yé jʉ́ʼoo bʉr bɨ́bɛ̂h á be adwe nye kûm bá.


Bʉr baá, bê ɨ́ jɔʼ yɨ́yɛ̂h ó, lɨ́ elwib ɨ́ bébe bébe dumo e Nzyɛ̌m. Bê ɨ́ jɔʼ yɨ́yɛ̂h ó, lɨ́ etítíne nkɔ̂b nyé dwídwé bé nyɨ́. Bé jaá dû ó, njɨ bigwɨ́má byɔ́ɔ́. Bé lɨ́ elwib bílwǐb bí jáálé. Bé lɨ́ edwáawo bʉ̂r mempǒm, bɨ́ɛ lɨ́ egʉ́a ó, bé e nkul edira wɔ́ɔ́ nyɔm tɨ̂.


Sá ésôʼ, gwá gʉ́a gá sɨ̂: ɨ́ melú mé ósûʼla má, yé óbe ó e bʉr o ngá kpɛl étíʼě mpʉ bígwɨ́má byɔ́ɔ́ dí etíne bé yɨ́ bá. Bé óbe ó bʉr ó pyêh,


Tó kœb ó, bɨ̌n bé á si sâ baántéʼenteʼe o bʉ̂r baá bisá bí ésɔ́m! Ntʉ ókúm ó bʉ̂r ónɨ̌ ó dí esâ bɨ́n mpêl ɛ̌? Ntʉ bé dí etó pur bɨ́n ɨ́ mempáh mílɔ̌b ɛ́?


Lɛ́yɨ́ɨ́ mísile mi bʉ́bá jwɨʼ gwár ó, bé dúʼoo mbǐ kʉ̌ tyen dí ejala e mʉr dí edwáawǒ Nzyɛ̌m nyá. Bé sá aswêʼ míé mé bʉ́ʉ́ bʉ̂r. Bé ayɨ́ lɔ̂ʼwa ɨ́ ndéá ményoʼ, nkʉ̂ di bítúʼǎ bi tɨ̂. Bé dwêʼ bʉr mimpaŋ mélɨ́,


Nyě mbɨa ó, di mʉ̂r dí egʉ́a énʉa ójwóo nyá. Lémé wé, wé dúʼoo sɔ̂ʼ njɨ embɨa. Nye dwêʼ nyʉ̂l nyé medile. Nye díʼee tîtyěl, e léme ɨ́ sɔ́ɔ́ɔ́ ɨ́ mîh mé Nzyɛ̌m. Nye gʉ́ŋaa emâr léme.


Nó ó, baá o dí epyêh métwɨ́ɨ́ mâʼ ɨ́ lɔ̌b nɨ̌ bá, bé apyêh mʉ̂r. Bé pyéh ó Nzyɛ̌m, waá dí entɨh bɨ́n Sísǐm wé nyá.


Bɨ́n bé abe e nkul edil ményʉ́l mɨ́n ɨ́ biti nó, bɨ̌n e bâ. Ebâ, lé ɨ́ mbɨa, laa édi e bigwɨ́má.


Nyʉ́ʉ́ sá abene nyʉ́ʉ́, alaa ó, bɨ̌n bé á si boo ntaa minkâl ó, bɨ̌n bé ákǎ syɛŋa ɨ́ jɔʼ bɨ́n dí ejɨʼla e Nzyɛ̌m yɨ́. Píe tɨ̂, bɨ̌n e tó e twiʼ ébá yɨ́n dóló. Bɨ́n bé asâ nó wá, bɨ̌n bé ámû jaá duma ɨ́ mebʉ́blá mé Sátan, mpʉ bɨ́n dí agʉ́a émâr míléme yɨ́.


Yésʉs, nye e bé ó: «Ntʉ mɛ̂m mʉr tɨ̂ʼ á twâr bɨ̌n kám le obá ɛ́? Damá jóʼo nó, nyʉ́ʉ́ mʉ̂r ɨ́ sɔ́má yɨ́n, nyě le eleme.»


OFarizyɛ̂n, bé á be ó lɨ́ ejóʼo mílɔ̌b myaá mímyɛ̂h, ntɔ̂ʼ táare épya nyê, ebě, bé á be ɨ́ buú kpɛ̌l mɔnɨ́, ntaa sʉ́ŋa.


Nye nzě lɛ́ɛ le ompʉ́n bé ó: «Waá sá bɨ́n mejóʼo nyá, nyɨ́ jóʼo mê. Waá ntémé béné bɨ́n nyá, nyɨ́ bene ntémé me. Ntémé, waá béné mé nyá, nyɨ́ bene mʉ̂r á ntɨh me nyá.»


Bé kɛʼ bé ó, bé ópɛʼ bé lɨ́ otúʼǎ, dil bé ɨ́ dǐ ónzyɛh o bʉ̂r. Tó kœb ó, bé bʉr o tɨ̂ʼ, bé ó mpǎŋ bitúʼǎ, lɨ́ edû métum me dí etyen mʉ̂r lɨ́ eswie má, ebě, sá yɨ́yɛ̂h dí ejwɨ́ɨ mʉ̂r yɨ́, mʉr waá, nye ó túʼǎ sâ yaá.


Bé lɨ́ eswâhle bísyɛ́ɛla bíbyɛ̂h bi dí egbah métié bí. Byé ó dí: jélé, gwɨ́má bísá byé onkán, ebébe é léme, nzwíí, ntaa sʉ́ŋa, ejwɨ́ɨ́ é bʉ̂r, gwɨ́má égœ́a e bʉr, mikóo, sɛ́á mépɨʼ mé ébébe, mesyɛ́ɛla.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ