2 Timotɛ 3:2 - Kálar Nzyɛ̌m : Ejwán é Sáá

² Ɨ́ jɔʼ yaá, bʉr bé ójaá kpɨkpɛl ó, njɨ bé bʉr o tɨ̂. Bé ókpɛ̌l mɔnɨ́, ntaa sʉ́ŋa. Bé óbuú sâ jáálé le enkɛ́ɛ e nyʉ̂l. Bé óbuú sâ nkěh, le esâ ntémé obyɛ̂l bɔ́ɔ́ ebɨ̌h. Bé álɛ́ɛ émbɨa bé dí esáŋɔɔ lɨ́. Bé abe e nkul enʉa mílɔ̌b mé Nzyɛ̌m, gbâ myé ɨ́ nkɔb.

Kálara Zyɛ̌m Edwán é mpʉ̌n

² É til molu yaa, bʉr, bé óbul kpɛl ó, njɨ bé bʉr o tɨ. Bé ókpɛl mɔn laŋle. Bé e jaale ndwe e nkɛa nyʉl. Bé óbul pyeh bʉʉ bʉr. Bé aŋa joʼo obyɛl bɔɔ. Bé ólono embɨa bé lé esaŋɔ ɛ. Bé óbe ó bʉr o ndɨ epyeh Zyɛm ɨ.

2 Timotɛ 3:2 ပူးပေါင်းရင်းမြစ်များ

Filipi 2:21

Ebě, bʉ́ʉ́ bʉ̂r bɨ́ɛ sáá ó, njɨ minyɔm myɔ́ɔ́. Bé ójóʼǒ sá dí edumo e Yésʉs-Krîst yɨ́ nó, bé anʉa yé, gbâ ɨ́ nkɔb.

Yʉ̂d 1:16

Bʉr baá, bê ɨ́ jɔʼ yɨ́yɛ̂h ó, lɨ́ elwib ɨ́ bébe bébe dumo e Nzyɛ̌m. Bê ɨ́ jɔʼ yɨ́yɛ̂h ó, lɨ́ etítíne nkɔ̂b nyé dwídwé bé nyɨ́. Bé jaá dû ó, njɨ bigwɨ́má byɔ́ɔ́. Bé lɨ́ elwib bílwǐb bí jáálé. Bé lɨ́ edwáawo bʉ̂r mempǒm, bɨ́ɛ lɨ́ egʉ́a ó, bé e nkul edira wɔ́ɔ́ nyɔm tɨ̂.

2 Timotɛ 3:4

Bé óbɛ́ma bʉ̂r ó njoo yɔ́ɔ́. Bé ósâ bísyɛ́ɛla bíbyɛ̂h ó, apǎ nyɛɛ́ pahle. Bé óbuú nkɛ́ɛ ményʉ́l mɔ́ɔ́. Bé ójaá kpɛl ó, njɨ bisyɛ́ɛla ményʉ́l mɔ́ɔ́ dí ebuú gwɨ̂m bí, akpɛlɔɔ̌ Nzyɛ̌m.

1 Timotɛ 6:10

Ebě, enkpɔɔ é mɔnɨ́, lé ó etín é bísá bí ébébe bíbyɛ̂h. Tó kœb ó, bʉ́ʉ́ bʉ̂r ó sɔ́má gá yɨ́ná, bé á be ɨ́ nyɛɛ́ bûʼlǎ Nzyɛ̌m, bé ntɔ̂ʼ kǎ lʉ́ŋa ɨ́ bɨ́ bígwɨ́má. Bɨ́ dîm. Bé mû ó sí dyɛ̂l ɨ́ nzɨ̌ swîh. Nó ɨ́ báánâ, bɨ́haá, bé mû ó sí dulo mítúú ɨ́ buo buo ɨ́ menyʉ́l mɔ́ɔ́.

2 Pyɛr 2:18

Bé lwilwib ó e mekǎn mé jáálé, maá me dí dwêh má. Ɨ́ nzɨ̌ bigwɨ́má ményʉ́l mébomo mɔ́ɔ́, bé lɨ́ edulo bʉ̂r o bé alúno syɛb ményʉ́l mɔ́ɔ́ ɨ́ sɔ́má bígʉʼlʉgʉ́ bá.

Jacques 4:6

Damá be nó, Nzyɛ̌m, nye lɨ́ esʉ mɨ́ná gá metyɛʼ me mpóm ɨ́ buo buo. Mekaná mé Nzyɛ̌m, mé lɨ́ elɛ́ɛ ó nó: «Nzyɛ̌m, nye lɨ́ elwímla e bʉr o dí enkɛ́ɛ ményʉ́l mɔ́ɔ́ bá. Baá dí ejɔr ményʉ́l mɔ́ɔ́ bá bɨɛ, nye lɨ́ esʉ bé metyɛʼ me mpóm.»

Kolosi 3:5

Sá dí ɨ́ bɨ̌n, yaá dí eduho ɨ́ sí yɨ̂ʼ yɨ́, jʉ́ʼóó gá yê. Yé ó dí: bimolá, bisyɛ́ɛla bi dí edulo mpîr ɨ́ nyʉ̂l bí, gwɨ́má ékœkœb bʉ́bá, gwɨ́má ésâ bísâ bi dí ɨ́ bébe bí, le nzɔ́ɔ́ bísâ. Ebě, mʉr dí e yé nyá, nye ó jwɨʼ gwár e gwár e waá dí edwě yɨŋayɨ̌ nzyɛ̌m kûm nyá.

1 Pyɛr 5:5

Bɨ̌n biloʼo, yé jala ó, bɨ̌n díʼee ɨ́ jwɨ́ɨ́ ótɔ́má ó bʉ̂r. Bɨ̌n bɨ́bɛ̂h, jɔrɨɨ gá menyʉ́l mɨ́n páʼ nyɨ́n. Diʼee gá bʉr o dí ɨ́ talǎ njwɨr bá, ebě, yê cɛmá ó: «Nzyɛ̌m, nye lɨ́ elwímla e bʉr o dí enkɛ́ɛ ményʉ́l mɔ́ɔ́ bá. Baá dí ɨ́ talǎ njwɨr bá bɨɛ, nye lɨ́ esʉ bé metyɛʼ me mpóm.»

1 Timotɛ 6:4

Nyɨɛ ntémé agʉ́ǎ sɔ̂ʼ. Nyě le ekpaa. Ekpaa laá, lé nyɨ́n ó, ɨ́ jɔʼ nyé dí edo e bʉr, le egœ́a ɨ́ lɔ̌b mílɔ́ɔ yɨ́. Sá dí eduho tɨ̂ʼ yɨ́, yé ó: nzwíí, megô, nkěh e Nzyɛ̌m, tómlá.

Lʉkas 12:15

Nye ó: «Gwá di gá le ocwóó. Syɛ́hláá gá nzɔ́ɔ́ bísâ, mimbi mímyɛ̂h, ebě, twiʼ mʉ̂r, yé aduho ɨ́ bisá mʉ̂r waá dí e byé bí, byé damá buo.»

Mɨngwiha 16:11

Damá jóʼo nó, bé á bé atúmo míkoo e bisyɛ́ɛla bí ébébe byɔ́ɔ́, nkʉ̂ pʉgʉ́ bá dwira míléme. Bé á si tô dóló le elwɨ́ɔɔ̌ Nzyɛ̌m, dí ɨ́ jʉ́o kʉ́ nyá. Bé á sâ nó ó, ɨ́ lɔ̌b mékpaa ndu e mepɨ́ɨ́ mɔ́ɔ́.

2 Pyɛr 2:12

Bibɨ́bla bí ólɛ̂ʼla byaá, byé sɨ́sá sá bé dí agʉ́a yɨ́ nkěh. Byé ó kwahaá mpʉ ótír ó dwǐʼ, lúʼo pɨ̂ʼ. Tó kœb ó, tír jaá byɛ̂l njɨ ó, nye mɛ́rɔɔ. Nyé ojʉ́ŋɔɔ. Jwɨʼ gwár e gwár yaá ó bʉ̂r baá, bé ópɛʼɔɔ médwôʼlʉ yɨ́. Bé ódwe ó, bé dína lɨ́ ekʉ́ sâ bísyɛ́ɛla mélwaʼwo bé á bu kpɛl bí.

2 Pyɛr 2:3

Bibɨ́bla bí ólɛ̂ʼla byaá, byé ókûhlo bíkɨkɛna lɨ́ edû gwɨ́má ébi bísâ. Byé onze le egwâm bɨ́n bisâ. Sâ gwár, boó táarě kɔ́m, Nzyɛ̌m, mʉr pá dí Tîʼ milɔ̌b wɔ́ɔ́ nyá, nye mû ó ɨ́ cǎr lɨ́ edwe byé bintɨ́ʼá ɨ́ milɔ̌b myɔ́ɔ́ nyé á boo tíʼe mí. Mʉr ngá dwe byé bébebébe bintɨ́ʼá waá, jʉ̂ byé nyá, nye ɨ́ doho ɨ́ mpʉ̂n nyɔ́ɔ́.

Jacques 4:16

Sâ gwár, bɨ̌n mû ó lɨ́ esâ énkɛ́ɛ e nyʉ̂l ɨ́ jɔʼ bɨ́n sá jáálé nó yɨ́. Gʉ́ŋáá gá ó, mbǐ nkɛ́á nyʉ̂l wɨ́wɛ̂h, wé ɨ́ bébe.

2 Tesalonika 2:4

Nye ólwímla e sá yɨ́yɛ̂h dí ejébɔɔ ó «Nzyɛ̌m» yɨ́. Nye ólwímla e bisá bíbyɛ̂h bi dí edweŋɔɔ̌ dúu bí. Nye ósûʼlǎ nʉǎ diá kûm ɨ́ mpáh Nzyɛ̌m tʉ́ŋlʉ̌, túno ɨ́ kpɛŋlɛm ó, nye ó Nzyɛ̌m.

Rôm 11:18

Mpʉ yé dí nó yɨ́, apyêh gá milɔ́ɔ́ mí lɨ́ mû sí syɛ́hɔɔ mí. Bɨ́n ódoʼo nó, bɨ̌n agʉ́a gá ó, ntʉ bɨ́n, milɔ́ɔ, dí enkɛ́ɛ míkaalé. Mikaalé míɛ ó dí enkɛ́ɛ mílɔ́ɔ.

Mɨngwiha 16:21

Metánaá ɨ́ bwaʼ bwaʼ nzě duho ɨ́ jʉ́o kʉ́, nkaŋa bʉ̂r ɨ́ menyʉ̂l. Mé á be ɨ́ dile dile, etánaá egwár lɨ́ epyâl ókílo mekám ménâ e metɛ̂n. Bʉr ntɔ̂ʼ báʼǎ nzě pyǎ Nzyɛ̌m ɨ́ lɔ̌b ntɨ́ʼá yaá. Ebě, metánaá mé ábwaʼbwâʼ maá, mé ó b'á bu ntɨ̂ʼ bʉr, laa byúú bíntɨ́ʼá bíbyɛ̂h.

Jacques 2:8

Yé kʉ́ jala ó bɨ̌n dúʼoo etié me Njwɨ́ɨ gá wɨ́ná. Lé lɨ́ elɛ́ɛ ó: «Kpɛlɨɨ mɨ́ɔɔ́ gǒ mʉr mpʉ gó dí ekpɛl gó mʉr tɨ̂ʼ yɨ́.»

1 Timotɛ 3:3

abě nyʉnyóʼ, abe mʉ̂r esweha. Nye ɨ́ jala le ebe ó e lémé mpâm, abe ányâ-bitɔm, abe e nzɔ́ɔ́ bísâ.

1 Timotɛ 1:20

Ɨ́ sɔ́má bʉ̂r yaá, yé ó Iménaus ndu e l'Alɛ́kzaŋdros. Bé ó mé á dwe Sátan ó, nye lɛ̂ʼlaa bé túú, bé nkʉ̂ gwâʼ ésâ Nzyɛ̌m nkěh.

Mɨlʉmlʉ 5:36

Yé dína ó agúm pǎ lɛŋ mélû, Tœdâs á be lɨ́ etô le enkʉ́na ɨ́ nye mʉr tɨ̂. Nye ó, nyɨɛ nye ó mpaŋ mʉ̂r. Kúnókúno e bʉr minter minâ bánǎ dúŋɔɔ nyê. Ádwií nɛ́ɛ: jóʼo bé jʉ́ nyê. Bʉr bɨ́bɛ̂h o b'á pa dudû nye bá, bé ntɔ̂ʼ bʉ́la. Lɔ̌b wé ntɔ̂ʼ gœ̂ʼ náǎ.

Lʉkas 16:14

OFarizyɛ̂n, bé á be ó lɨ́ ejóʼo mílɔ̌b myaá mímyɛ̂h, ntɔ̂ʼ táare épya nyê, ebě, bé á be ɨ́ buú kpɛ̌l mɔnɨ́, ntaa sʉ́ŋa.

Mɨngwiha 16:9

Jɔʼ bʉ̂r, bé á díʼe nó yɨ́, bé á si tô dóló le epyaŋɔɔ̌ Nzyɛ̌m, nyɨɛ mʉr á dwe bé bintɨ́ʼá byaá nyá. Bé á bé akam étúmo míkoo e mebébe mɔ́ɔ́, nkʉ̂ dwira míléme, le edwe nyé kûm.

Mɨngwiha 13:1

Myɔ́ɔ́ waá ntɔ̂ʼ tó tyɛ̂b ɨ́ pɨ̌n mâŋ. Nó ó, me á si bee tír lɨ́ epâm ɨ́ medíbé mé mâŋ. Nye á be ó e milʉ̂ nzaangbá ndu e bintóo kám. Bikáráá bí dúu, byé á be ó mipɛná ɨ́ bintóó bíbyɛ̂h. Ɨ́ lʉ́ wɨ́wɛ̂h, bé á si cɛma yʉ́ʉ́ bɨ́bla díe, lé á sâ Nzyɛ̌m nkěh lɨ́.

2 Korɛnt 5:15

Nye á si búra e bʉr bɨ́bɛ̂h lɨ́ esú ó, bɨ́bɛ̂h tíʼaa. Tyé yɨ́yɛ̂h bé dína ɨ́ twiʼ yɨ́, bicwiʼ byɔ́ɔ́, byé ɨ́ jala le ebe e nyɔm ó, lɨ́ esú é mʉ̂r á pa búra e bé, ntɔ̂ʼ pah nyá. Bé akǎ jala le esáa myɔ́ɔ́ mínyɔm.

Mataos 15:6

Ɨ́ jɔʼ bɨ́n sá mbi waá yɨ́, bɨ̌n kʉ́ gbah náǎ ó, etié mé Nzyɛ̌m lɨ́ esú lé édû mín mílɛ́ʼlá ó tɨ̂ʼ yɨ́!

Lʉkas 6:35

Sâ gwár, ɨ́ wɨ́n pâʼ, kpɛlɨɨ gá ontɨ̂m le obɨn bɨ́n. Sáʼ gá bé embɨa. Kʉlɨɨ gá bʉr mɔnɨ́, akǎ bûʼla ó, bé óbwóolo bɨ́n yǎ. Bɨ̌n bé ókʉ́ bi myɛ́na tɨ̂! Nó ó bɨ́n óbe bwán mé Nzyɛ̌m dí Lʉ́ bísá bíbyɛ̂h nyá yɨ́, ebě, nye lɨ́ ecwɨ́a e bʉr o dí adwe nyé nzyǒo bá ti e bʉr ó jélé.

1 Timotɛ 1:9

Mɨná bé lɨ́ egʉ́a ntémé ó, metié maá, mé á bé atyélɔɔ lɨ́ esú lé ótîtyěl ó bʉ̂r. Mé á tyélɔɔ ó, lɨ́ esú é bʉ̂r bâ: ogbah o métié, baá o dí egbɔba le otyɛ̂b bé ésôʼ bɔ́ɔ́ bá, minjéʼe-Nzyɛ̌m, osyɛ̂l o mísyóm, bʉr o dí esâ Nzyɛ̌m nkěh bá, baá o dí agúmo e Nzyɛ̌m bá, ojʉ̂l bé ósɔ́ŋ, ojʉ̂l bé ónyɔ̌ŋ, le ojʉ̂l o bʉ̂r,

2 Pyɛr 2:10

Nye ódwe bíntɨ́ʼá, ntaa sʉ́ŋa ó, bʉr o dí elóŋlǒ njwɨr myâ gá wɨ́ná bá, bɨ́ɛ ntémé lɨ́ epyêh bʉ̂r o dí e jwɨ́ɨ bá. Bé jaá mɨmɛɛla ó, njɨ e bé bʉr o tɨ̂, le bijwɨʼ mílémé myɔ́ɔ́. Bibɨ́bla bí ólɛ̂ʼla mê lɛ́ɛ́ bɨ́n bî, byé ajóʼo bʉ́á lɨ́ epya mísísǐm mí édúrʉ́ʉ́ mi dí e jwɨ́ɨ mí.