2 Timotɛ 3:16 - Kálar Nzyɛ̌m : Ejwán é Sáá

¹⁶ Mekaná mé Nzyɛ̌m mɨ́mɛ̂h, mê tɨ̂ʼ ó, ebě, Nzyɛ̌m á si dwe bʉr pɨʼ ecɛma mê. Mé e nyɔm lɨ́ esú lé élɛ̂ʼle mɨ́ná, le edwe mɨ́ná mebě ɨ́ jɔʼ mɨ́ná sâ ébébe yɨ́. Mé lɨ́ esɨ̂ʼ mɨ́ná, le etɨ́e mɨ́ná mpʉ mɨ́ná jálá le edi lɨ́ otîtyěl yɨ́.

Kálara Zyɛ̌m Edwán é mpʉ̌n

¹⁶ Mɨtila myaa mimyɛh, myé eduho ó boo Zyɛm. Myé e nyɔm é l'efu le edwe bɨna sikʉlʉ mpa, le edwe bɨna mobe é jɔʼ bɨna mu lé esa ebebe e. Myé eturo bɨna mɨlʉ, le etɨe bɨna mpʉ bɨna lé ejala le ekœʼ é l'ocɨcyel ɨ.

2 Timotɛ 3:16 ပူးပေါင်းရင်းမြစ်များ

Rôm 15:4

Yé á cɛmɔɔ nó ó, lɨ́ esú lé écɨ̂l mɨ́ná gâ, jwɨʼ gwár e gwár e mpʉ̌ sá yɨ́yɛ̂h, yé á cɛmɔɔ ɨ́ Mekaná mé Nzyɛ̌m yɨ́. Mekaná mé, mé lɨ́ ecɨ̂l mɨ́ná gâ, ó milémé gá míná nkʉ̂ lóno ɨ́ mpûʼla. Myé lʉ́lónó ɨ́ mpûʼla ó, ɨ́ lɔ̌b nkûl mékaná mé dí egbâ mɨ́ná gá ɨ́ miléme nyɨ́, le bíhwó mɨ́ná dí esâ gá nyɨ́.

Ebrœ̂ 4:12

Lwǐb mé Nzyɛ̌m, yé ó sá dí kublakúbla yɨ́. Yé e nkul! Yé ntémé, yé ɨ́ bábla, laa pâsoŋ dí njebá myoo mipáʼ mímbá yɨ́. Ɨ́ jɔ̌ʼ Nzyɛ̌m dí elwib yɨ́, lwǐb yé, yé lɨ́ ekʉ́ bánǎ syɛ̂h bípúno, tó kumo ɨ́ mebɨ̌l, ntɔ̂ʼ pin bítíl bí nyʉ̂l ɨ́ mebʉó. Yé lɨ́ ekpâhlǎ gúmó léme ndu e sísǐm dí edira yɨ́. Yé lɨ́ epahle le egbâ mbɔ́ʼ ɨ́ miléme ndu e bijwɨʼ gá bíná.

Markus 12:24

Yésʉs nzě yala e bé ó: «Bɨ̌n bê sí bɔ́ʼa le otyeetye, ebě, bɨ̌n bé agʉ́a Mékaná mé Nzyɛ̌m. Bɨ̌n ntémé, bé agʉ́a nkûl nyé.

2 Timotɛ 4:2

túnáá Mbɨambɨa Lɔ́ɔ. Diʼee ɨ́ cǎr ó, go túnaa wé ɨ́ bijɔʼ bi dí ejala e túnó waá bí, ti e byaá bi dí ajala e wé bí. Dwéʼ bʉ̂r mebě ɨ́ mebébe mɔ́ɔ́. Lɛ́ʼláá bé mebě mɔ́ɔ́. Gbáʼ bé pîm ɨ́ búʼó. Sáʼ nó e bíhwó, ti e milɛ́ʼlá mímpâ.

2 Timotɛ 2:25

Yé jala ó, nye gwâ tɨ́e bʉ̂r o dí edû nyé e megô bá, e njwɨr ɨ́ tala tala. Nyé sá nó wá, Nzyɛ̌m óbɛ̌m dib bé nzɨ̌ ó bé túmaa mikoo e misyóm myɔ́ɔ́, le edwira míléme. Bé ogʉ́a ótyeetye ɨ́ jɔʼ yaá.

Mɨlʉmlʉ 20:20

Bɨ̌n bé lɨ́ egʉ́a ó, me á bé alíʼa lɨ́ edwe bɨ́n milɛ́ʼlá mímyɛ̂h myé á be e nkul ebe bɨ́n e nyɔm mí. Me á lɨlɛ̂ʼle bɨ̌n ó, ɨ́ bigúmó bʉ̂r dí esisyɛŋa bí ti e mímbɛ̌r e mímbɛ̌r myɛ̂h.

Yʉanes 3:20

Mʉr nyɨnyɛ̂h dí esâ syóm nyá, nye lɨ́ ekpɛ́ɛ̌ njʉl. Nyé abe lɨ́ enze ɨ́ gúmó wé dí yɨ́, ebě, nyě kpɛ́ɛ́ ó, misyóm myé, myé ámû jaá gwíhǎ kʉ̌l.

Mataos 13:52

Nye nzě lɛ́ɛ e bé ó: «Lɛ̂ʼla metié nyɨnyɛ̂h mû mpʉ́n ɨ́ Mpóʼo mé Dâ Nzyɛ̌m nyá, nyě nwɨɨlá ó e mʉr mbɛ̌r dí etʉ̂to lɨ́ ekʉ̌m lé, nʉnʉa bísá byé tɨ̂. Yɨ̂ʼ jɔʼ, nyě nʉá ó bisá bídwân. Yʉ́ʉ́ jɔʼ, nʉa byaá bi myâ.»

Mɨlʉmlʉ 18:25

Nye á si bu lɛ́ɔɔ ɨ́ lɔ̌b mé Tî Yésʉs. Nye ntémé á si sâ sɨ́n lɨ́ edû mílɔ̌b mé Nzyɛ̌m. Nye á be lɨ́ elwib, le elɛ̂ʼlě lɔ́ɔ́ dí edumo e Yésʉs wɨ́, lɨ́ otîtyěl. Nzamedwah e mpʉ nyé á jaa duŋɔɔ ó, njɨ ndubó mé Yʉánɛs wé omér yɨ́.

Rôm 2:20

Gǒ lɛ́ɛ́ ntémé ó, go ó jálá le etwîn bígʉ́ʼ milʉ̂, le elɛ̂ʼle bwá ó ntwǒm. Gǒ lɨ́lɛ́ɛ́ ó, ngwɨ́á métié maá, wɨ́ dwe gó ocwóó le otyeetye wɨ́wɛ̂h.

Galásia 3:8

Bé á si boo cɛma ɨ́ Mekaná mé Nzyɛ̌m ó, bʉr o bíkûl biswîh, bé óbi nkâm ɨ́ míh mé Nzyɛ̌m ó, ɨ́ lɔ̌b búʼó yɔ́ɔ́. Mbɨambɨa Lɔ́ɔ́ wɨ̂, wé á nyɛɛ túnɔɔ ó, Abraham! Nzyɛ̌m á lɛ́ɛ e né ó: Me ósʉ bíkúl bíbyɛ̂h metyɛʼ mé mpóm ó, ɨ́ koo gô.

Ebrœ̂ 3:7

Sɨ́ǎ yaá ó, Sísǐm mé Nzyɛ̌m dí elɛ́ɛ ɨ́ Mekaná mé Nzyɛ̌m ó: «Bɨ́n sí jóʼo twíí mé Nzyɛ̌m mûh nɛ́ɛ:

1 Korɛnt 12:7

Mʉr nyɨnyɛ̂h, nyě e ndwéá Sísǐm mé Nzyɛ̌m wé á ntɨh nye ó, nye tôʼ kɛm bʉ̂r e tɨ̂ʼ wɨ́.

Mɨlʉmlʉ 20:27

Ebě, me á si dwe bɨ̌n metwɨ́ɨ́ mé Nzyɛ̌m mɨ́mɛ̂h, asol bɨ́n tɔʼ e sâ gwár dí tɨ̂ʼ yɨ́.

Yʉanes 10:35

Bɨ̌n bé lɨ́ egʉ́a ó, mɨná gá bé abe e nkul edímlě sâ gwár Mékaná mé Nzyɛ̌m á lɛ́ɛ yɨ́. Nzyɛ̌m á jébe “onzyɛ̌m” ó, baá bé á jóʼo lwǐb yé bá.

Mataos 26:56

Nó ó, syɛ́ɛla yɨ̂, yê ka syɛ́ɛ́ ó mpʉ ógwíha o mílɔ̌b bé á cɛma ó, yé díraa yɨ́.» Píe tɨ̂, ompʉ́n bɨ́bɛ̂h, bé ntɔ̂ʼ líʼe nyê, sîl ékpɛ́ɔɔ.

Mɨlʉmlʉ 1:16

«Bɨ́ɔɔ́ bâm! Okɛ́l bâm! Yé á jala ó, sá Sísǐm mé Nzyɛ̌m wé á lɛ́ɛ ɨ́ nzɨ̌ mé David yɨ́, yé díraa. Yé á be cɛmá ó, ɨ́ lɔ̌b mé Yʉ́das, mʉr á to le etɨ́e bʉr nzɨ̌ etó mɛ̂r Yésʉs nyá.

Mataos 21:42

Yésʉs ntɔ̂ʼ lɛ́ɛ e bé ó: «Yê cɛmá ɨ́ Mekaná mé Nzyɛ̌m ó: “Ekóʼ óswim ó mbɛ̌r bé á bene lɨ́, lé ó b'á ka sûʼla ekóʼ e dí esúʼo médwii me sɔ́ŋ lɨ́. Yé á syɛ́ɛ nó ó ɨ́ nkul mé Nzyɛ̌m. Yé ó sá mɨ́ná dí ekâm gá yɨ́!” Bɨ̌n bé á bé así láa pêh yaá?» Yésʉs nzě kɛl mékǎn mâʼ ó:

Rôm 4:23

Mekǎn maá, mé á bé acɛmɔɔ̌ njɨ lɨ́ esú lé, nye omér. Mé á cɛmɔɔ ntémé ó, lɨ́ esú gá lɨ́ná. Mɨ́ná bé ódyêʼ gá koo e Nzyɛ̌m nó,

Ebrœ̂ 11:1

Búʼó, yé ó sá gó dí ebúʼla ó, yé ósyɛ́ɛ, yɨ́ɛ dína apǎ syɛ́ɛlɨ yɨ́. Búʼó, yé ó sá gó dí egʉ́a ɨ́ léme ó, yé ó tɨ̂, yɨ́ɛ apǎ nyɨ̂n yɨ́.

Rôm 3:2

Yé e nyɔm ɨ́ menzɨ̌ mɨ́mɛ̂h. Sá ésôʼ dí e nyɔm yɨ́, yé ó, Nzyɛ̌m á taare edwe mingwíhá mílɔ̌b myé ó, bɨ̌n oYúden.

Mɨlʉmlʉ 28:25

Bê nzě bɔ́ʼa métwíí, ntɔ̂ʼ pyálɔɔ̌ kʉ̌l, ebě, Pɔ̂l á be ɨ́ lɛ́ɛ e bé ó: «Sísǐm mé Nzyɛ̌m, wé á kʉ be ó e nkam ɨ́ jɔʼ nyé á lwib e bimpám bín, cɨɨ e nzɨ̌ ngwíha milɔ̌b Ésayie yɨ́.

Markus 12:36

Ebě, David mʉr tɨ̂, e nzɨ̌ Sísǐm mé Nzyɛ̌m, á si kʉ lɛ́ɛ ó: ‘Dâ Nzyɛ̌m á lɛ́ɛ e Tî wǎm ó: Diʼee sí wâ, ɨ́ páʼ mbó éjʉ́m wâm. Go e bónó ɨ́ puuu náǎ, tó pyâl ɨ́ jɔʼ mé ósâ óntɨ̂m le obɨn bô ó, bé díʼee sí mebo mô yɨ́.’”

Mataos 26:54

Syɛ́ɛla yɨ̂, yɨ́ lóŋlǎ sá dí micɛmá ɨ́ Mekaná mé Nzyɛ̌m yɨ́. Yê cɛmá ó, yé ɨ́ jala le esyɛ́ɛ nó.»

Mataos 22:43

Yésʉs nzě lɛ́ɛ e bé ó: «David, nye mʉr tɨ̂, e nzɨ̌ Sísǐm mé Nzyɛ̌m, á jébe Mʉ̌r Nzyɛ̌m á lœm múló mé jwɨ́ɨ nyá ó, “Tî wǎm” ɨ́ yé? David á lɛ́ɛ ó: