2 Timotɛ 2:8 - Kálar Nzyɛ̌m : Ejwán é Sáá

⁸ Sísímsáá Yésʉs-Krîst, nta mé David, á pah nyá, mpʉ̌ Mbɨambɨa Lɔ́ɔ́ wâm dí elɛ́ɛ yɨ́.

Kálara Zyɛ̌m Edwán é mpʉ̌n

⁸ Dɨʼe toŋlo Yesʉs-Krɨst, nta mo David a pàh ɛ, mpʉ Mbɨambɨa Lɔɔ wam lé elɛɛ ɛ.

2 Timotɛ 2:8 ပူးပေါင်းရင်းမြစ်များ

Mɨlʉmlʉ 2:24

Nzyɛ̌m nzě pɛh nyê, pɛʼ nyé ɨ́ mekpaa mé éswie, ebě, eswie, lé á bé agwá mɛ̂r nyé kɔ́m kɔm.

Rôm 2:16

Sá mé dí elwib wâʼ yɨ̂, yé ónyɨ̂n ɨ́ ponó, ɨ́ móhó Nzyɛ̌m ngá tíʼe bʉ̂r milɔ̌b wɨ́. Nye ósâ nó ó, ɨ́ nzɨ̌ mé Yésʉs-Krîst. Bisâ bi dí bʉr baá solá ɨ́ miléme bí, nye ólɛ̂ʼle byé ɨ́ kpɛŋlɛm. Mbɨambɨa Lɔ́ɔ mé dí etúno wɨ́, wé ó nó.

2 Tesalonika 2:14

Nzyɛ̌m á si jébe bɨ̌n ɨ́ túnó bɨ́h á túno bɨ̌n Mbɨambɨa Lɔ́ɔ wɨ́. Nye á sâ nó ó, bɨ̌n dwéŋɔɔ kûm, jala e nkɔb líʼe nyɨ́n ɨ́ jɔʼ Tî gá wɨ́ná Yésʉs-Krîst ngá nyɨ̂n ɨ́ diá kûm yé yɨ́.

Mataos 1:1

Bimpám mé Yésʉs-Krîst, byé ó bî: Yésʉs-Krîst á be ó mwân mé David, bé le Abraham.

1 Timotɛ 2:7

Nzyɛ̌m nzě tyêl mé ɨ́ bidǐ bibá: yaá lɛ́a lɔ́ɔ wé, ti e yaá mʉ̂r milʉ́mlʉ́ wé. (Mě lɛ́ɛ́ ó, otyeetye; mé alɛ́ɛ bíbɛr.) Me ó lɛ̂ʼla lɨ́ esú é bʉ̂r o dí abe óYúden bá, lɨ́ edwe bé metwɨ́ɨ́ ɨ́ nzɨ̌ búʼó yɨ́ná, le otyeetye mé Nzyɛ̌m.

1 Korɛnt 15:4

Nye á be ó sí debe. Nye nzě pah, duho lɨ́ odwe ɨ́ móhó lɛ̂l mpʉ Mékaná mé Nzyɛ̌m á boo lɛ́ɛ yɨ́.

Mɨngwiha 5:5

Nó ó, nyʉ́ʉ́ tɔ́má mʉr lɨ́ otɔ́má bʉ̂r baá á lɛ́ɛ e me ó: «Sá akǎ jɨ. Jwɛ́ʼɛ́ɛ, ngbampɨɨ, wɨ́ pyâl, duho lɨ́ onzweh mé Yʉ́da! Wé ó mâ nta mé David, waá á byɛ̂l mpʉ̌ ntoʼdu á pâh ɨ́ kǔm lɨ́ yé á twɛlɔɔ twɛlɨ́ɨ yɨ́ nyá. Wɨ́ɛ, wé á si ntaa sá yɨ́yɛ̂h. Wé ó b'á dweŋɔɔ nkul dí ó, wé pɛ́ʼɛɛ bisitâm nzaangbá byaá, bɛ́ɛ mékaná dí pílá má.»

1 Timotɛ 1:11

Lɛ́ʼlá mpâ waá, wé ó waá dí eduho ɨ́ Mbɨambɨa Lɔ́ɔ dí e kûm wɨ́. Nzyɛ̌m mɨ́ná dí esêʼle nyá, mʉr tɨ̂ʼ ó b'á tímle me lɔ́ɔ waá ó, me túnaa wê.

1 Korɛnt 15:1

Bɨ́ɔɔ́ bâm! Okɛ́l bâm! Me múo nzě jɨm bín bitɔŋlá ɨ́ Mbɨambɨa Lɔ́ɔ́ mé á túno bɨ̌n, waá bɨ́n á jóʼo wɨ́. Wé ntémé, wé ó waá dí bɨ̌n simá ɨ́ miléme wɨ́.

Rôm 16:25

Sâ bwaʼ nkûl Nzyɛ̌m dí e né nyɨ́ e! Nkul nyaá ó mû lɨ́ elɨl bɨ́n mpʉ̌ Mbɨambɨa Lɔ́ɔ́ mé dí elɛ́ɛ le etúno wɨ́ dí yɨ́. Mbɨambɨa Lɔ́ɔ waá, wé dumo ó e Yésʉs-Krîst. Wé lɨ́ edû ntémé lwǐb ódîm, yé á boo be solá,

Mɨlʉmlʉ 13:23

Nyʉ́ʉ́ ntâ mé David waá á be ó Yésʉs, Tiʼbʉr gá wɨ́ná. Nye ó Nzyɛ̌m á tyêl ɨ́ kúl bʉ̂r o b'Ɨ́zraɛ̂l, lɨ́ edû mpʉ nyé á boo kɛʼ bé yɨ́.

Mɨlʉmlʉ 2:30

Mpʉ̌ David á be ngwíha milɔ̌b yɨ́, nye á be ɨ́ boó gʉ́a ó, Nzyɛ̌m á si kɛʼ, ntaa mínkâl ó, nye ópɛ̂h nyʉ́ʉ́ mʉ̂r ɨ́ bʉr o mpóʼo nyé, dil nyé ɨ́ diá jwɨ́ɨ yé.

Lʉkas 24:46

Nye ó: «Mekaná mé Nzyɛ̌m, mé lɨ́ elɛ́ɛ ó, Mʉ̌r Nzyɛ̌m á lœm múló mé jwɨ́ɨ nyá, nye ɨ́ jala le esia e mitúú, dwe, nzě pah ɨ́ soo lɨ́ elú élɛ̂l.

2 Timotɛ 1:8

Nó, ajóʼo bá sôn ɨ́ lɔ̌b mboʼlá mɨ́ná dí eboʼlo, dumo e Tî gá wɨ́ná wɨ́. Ajéʼe mɛ̂m. Ajóʼo sôn ɨ́ lɔ̌b ménkara mé mû kɛ́ʼá e mé má. Go e dúhwó mítúú mi dí edweŋɔɔ mɨ́ná ɨ́ lɔ̌b Mbɨambɨa Lɔ́ɔ mí. Go e dúhwó e nkǔl Nzyɛ̌m dí edwe nyɨ́.

2 Timotɛ 2:7

Kʉ́ gwá baʼle ékǎn mê lɛ́ɛ́ gó lɨ̂, ebě, Nzyɛ̌m ódwe gó ocwóó ɨ́ mipáʼ mímyɛ̂h.