2 Timotɛ 2:7 - Kálar Nzyɛ̌m : Ejwán é Sáá

⁷ Kʉ́ gwá baʼle ékǎn mê lɛ́ɛ́ gó lɨ̂, ebě, Nzyɛ̌m ódwe gó ocwóó ɨ́ mipáʼ mímyɛ̂h.

Kálara Zyɛ̌m Edwán é mpʉ̌n

⁷ Baʼla ekan me tile go lɨ, ebe, Da Yesʉs ódwe go ocyoo é mɨpaʼ mimyɛh.

2 Timotɛ 2:7 ပူးပေါင်းရင်းမြစ်များ

Jacques 1:5

Nyʉ́ʉ́ mʉ̂r ɨ́ sɔ́má yɨ́n bé lɨ́ ejɨ ócwóó nó, nye jáʼaa Nzyɛ̌m wǎ. Nye ókʉ́ dwe nyé wǎ. Nzyɛ̌m dwídwé bʉ̂r ocwóó ó, dwě dwêʼ, abe e túú ɨ́ léme.

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

Lʉkas 24:45

Nye ntɔ̂ʼ dib bé nzɨ̌ egʉ́ǎ sá Mekaná mé Nzyɛ̌m dí elɛ́ɛ yɨ́,

Yʉanes 14:26

Kɔmlʉ wɨ́n, nye ó Sísǐm mé Nzyɛ̌m. Sɔ́ŋ wǎm ólómlo bɨ́n wǎ ó ɨ́ díé lâm. Nye ólɛ̂ʼle bɨ́n sá yɨ́yɛ̂h le ejɨjɨm bɨ́n bitɔŋlá ɨ́ sá yɨ́yɛ̂h mé á lɨ̂lɛɛ bɨ̌n yɨ́.

Jacques 3:17

Sá ésôʼ mɨ́ná jálá le elɛ́ɛ gá yɨ́ ó yɨ̂: ocwóó dí eduho kʉ́ wɨ́, wé abe ɨ́ mpúhlá le ebébe. Píe tɨ̂, wé ó sá dí esâ ó, bʉr tíʼaa ɨ́ mepyɛbla yɨ́. Wé ó sá dí elɛ̂ʼle mʉ̂r mpʉ nyé tálaa njwɨr, le edi e léme sulá sí yɨ́. Ocwóó waá ó dí esâ ó, mʉr jɨ́ʼɨɨ bʉ́ʉ́ bʉ̂r nkoó. Wé lɨ́ edwe mʉ̂r ngwɨ́á ésâ bísyɛ́ɛla bimpâ. Wé abe e nkɔ̌m ɨ́ gúú pâʼ. Wé abe e mikóo.

1 Timotɛ 4:15

Sáʼ sɨ́n lɨ́ elóŋlo bísyɛ́ɛ́ byaá, le egbâ lémé gô tɨ̂ʼ ɨ́ dwííí. Nó bʉ̂r bɨ́bɛ̂h ngá beě mpʉ gó ótô e byé dóló yɨ́.

Kolosi 1:9

Sá tɨ̂ʼ ó bɨ́h jɨʼlá e Nzyɛ̌m lɨ́ esú lɨ́n, agwâʼ yɨ́. Táare ɨ́ móhó bɨ́h á jóʼo bé lɨ́ elwib, dumo e bɨ̌n wɨ́, nzě kumǒ kumáa mûh, bɨ̌h jɨʼlá e Nzyɛ̌m ó, nye lóŋlaa bɨ̌n pɨʼ dí ó, bɨ̌n gʉ́ŋaa sá nyé á tíʼe ɨ́ lémé wé yɨ́. Nye dwêʼ bɨ̌n ocwóó wɨ́wɛ̂h, le esâ ó, bɨ̌n gʉ́ŋaa milɛ́ʼlá Sísǐm mé Nzyɛ̌m dí edwe mí.

Yʉanes 16:13

Jɔ̌ʼ Sísǐm Ótyeetye ópyâl ɨ́ bɨ̌n yɨ́, nye ólɛ̂ʼle bɨ́n otyeetye wɨ́wɛ̂h. Nye álwib e nkul nyé nye omér. Nye ólɨlɛ́ɛ ó, sá nyé á pa jóʼo yɨ́. Nye ólɛ́ɛ bɨ́n sá yé ósyɛ́ɛ yɨ́.

Lʉkas 21:15

Ebě, mɛm mʉr tɨ̂, me óboó dwe bɨ́n mekǎn le ocwóó, mbi dí ó, ontɨ̂m le obɨn bɨ́n, bé óbe, abe e nkul ekǎ yala, nkʉ̂ sóŋlo yɨ́.

Ebrœ̂ 13:7

Sísímsáá gá otyɛ̂b bé ésôʼ bɨ́n, baá bé á lɨlɛ́ɛ bɨ̌n lɔ́ɔ́ mé Nzyɛ̌m bá. Símsáá gá kʉ̌ tyen wɔ́ɔ́ le ndumló bícwiʼ byɔ́ɔ́. Dyɛ́ʼwáá gá e Nzyɛ̌m mpʉ bé á sâ yɨ́.

Ebrœ̂ 12:3

Símsáá gá nye. Bɨ̌n e símsá mpʉ ósyɛ̂l o mísyóm bé á cɨ nye mekǎn mé ébébe, nyɨɛ njɨ lɨ́ edûhwo bé yɨ́. Sísímsáá gá nó, bɨ̌n nkʉ̂ be, akâr mítúú, nkʉ̂ tyɛʼ.

Ebrœ̂ 7:4

Paá dwɛ̂ʼ gá mpʉ nyé dí mpaŋ mʉ̂r yɨ́! Abraham, sɔ́ŋ kúl bʉ̂r o b'Ɨ́zraɛ̂l á dwe nye ɨ́ bisá nyé á búla e byé ɨ́ dɔm bí ó, nkɔb mpwár ɨ́ menkɔb kám.

Ebrœ̂ 3:1

Bɨ́ɔɔ́ bɨ́h le okɛ́l bɨ́h dí egúmo e Nzyɛ̌m bá, mɨná gá ó bé á bi gá nkɔb mpwár: njɨ́blɨ́ Nzyɛ̌m á ntɨh mɨná gá, duho ɨ́ jʉ́o kʉ́ wɨ́. Jwɛ́ʼɛ́ɛ́ gá sɔ̂ʼ njɨ Yésʉs mpʉ nyé dí yɨ́: nye ó mʉr milʉ́mlʉ́ mé Nzyɛ̌m, báʼǎ be ntémé njwɨ́ɨ opara gá wɨ́ná mpʉ mɨ́ná dí ekam gá yɨ́.

Filipi 4:8

Bɨ́ɔɔ́ bâm! Okɛ́l bâm! Me lɨ́ esûʼlǎ lɛ́ɛ bɨ́n ó nɛ́ɛ: pahlaa gá bisá bímpâ ndu e byaá bi dí e medile bí. Pahlaa gá bisâ bi dí tyeetye bí. Pahlaa gá bidimé bísɔ̂ʼ, le byaá bi dí tîtyěl bí. Pahlaa gá bisâ bi dí ɨ́ púpúpú le ebuú kpɛlɔɔ bí. Pahlaa gá milɔ̌b bʉ̂r dí egúmlo mí.

1 Korɛnt 12:8

Sísǐm ntɨh nyâʼ mʉ̂r ndwéá ó, nye díʼee le ocwóó ɨ́ melab mé. Sísǐm ngwár waá, wé lɨ́ edwe nyʉ́ʉ́ mʉ̂r ngwɨ́á ɨ́ bisá nyé dí elwib bí.

Mɨlʉmlʉ 7:10

Nzyɛ̌m nzě pɛʼ nyé ɨ́ mitúú myé mímyɛ̂h. Nye nzě sâ ó, nye díʼee le ocwóó, le ebi métyɛʼ me mpóm ɨ́ míh mé njwɨ́ɨ Egɨ̂ptɛn. Njwɨ́ɨ nyɨɛ ntɔ̂ʼ tyêl nyé lʉ́ mʉ̂r ɨ́ bʉr ó sí Egɨ̂ptɛn ndu e mbɛ̌r bʉ̂r mé Faraɔ̂ŋ wɨ́wɛ̂h.

Jacques 3:15

Ntʉ ócwóó wɨ́n waá dí eduho kwá mé Nzyɛ̌m. Sá ócwóó yaá, yé duho ó ɨ́ sí yɨ̂, ɨ́ bipúno bi bʉ̂r. Yé lɨ́ eduho ntémé kwá sɔ́ŋ meleme.

Lʉkas 9:44

«Bɨ̌n bɨɛ, bɨ̌n e kʉ́ gwá mɛ̂r gá ekǎn mé mû lɨ́ elɛ́ɛ bɨ́n ɨ́ báánâʼ lɨ̂: yɨ́ lîʼ njɨ mâ jɔʼ tîtííǎ, ó Mwân mé Mʉr bɛ́mɔɔ kwá bʉr o ngá jʉ̂ nyé bá.»

2 Timotɛ 2:6

Lóbila dí egwá séa yɨ́ ó jálá le enyɛɛ́ bi méde me dí epâh ɨ́ pemé má. Mé ó dí ejala e nkɔb nyé.

2 Timotɛ 2:8

Sísímsáá Yésʉs-Krîst, nta mé David, á pah nyá, mpʉ̌ Mbɨambɨa Lɔ́ɔ́ wâm dí elɛ́ɛ yɨ́.