2 Timotɛ 2:5 - Kálar Nzyɛ̌m : Ejwán é Sáá

⁵ Bʉ̂r obá sá nzwámlá nó, mʉr ngá bórɔɔ̌ káráá mpʉ myɛ́na nyá, óbe ó njɨ waá ngá sila nyʉ́ʉ́, dû mpʉ bé á pa tyêl metié mé éjwɨʼla ménkul maá yɨ́ nyá.

Kálara Zyɛ̌m Edwán é mpʉ̌n

⁵ É bʉr oba lé efwɛmla é mosiŋ ɨ, mʉr óbœrɔ epʉʼlʉ é lʉ ɨ, nye óbe ó waa ósil nuu, du é mpʉ motie mo duʼo yaa ndɨ ɨ.

2 Timotɛ 2:5 ပူးပေါင်းရင်းမြစ်များ

Mɨngwiha 3:11

Me mû ó kúno enze. Mɛ́rɨ́ɨ́ gá sá bɨ́n dí e yé yɨ́ ɨ́ kpɨ́ɨ́ɨ́, ebě, nyʉ́ʉ́ mʉ̂r ámû jaá dɛ̂ʼ bɨ́n káráá mé á gwa dwe bɨ̌n tâŋ myɛ́na yɨ́.

Jacques 1:12

Metyɛʼ me mpóm, mé díʼee e mʉr dí edûhwo mébʉ́blá nyá. Ebe mʉ̂r tɨ̂ʼ síl ébóblɔɔ nó, nye óbi myɛ́na me tɨ̂: twǐʼ Tî Yésʉs á kɛʼ bʉr o dí ekpɛl nyé bá yɨ́.

Kolosi 1:29

Sá tɨ̂ʼ ó mé dí eséǎ syɛ́ɛ́ yɨ̂ʼ yɨ́. Mě séá yé ó e nkul. Tó kœb ó, nkul mé dí eséa e né nyɨ́, nyě duhó ó, kwá mé Krîst. Nkul nyé nyaá ó dí eséa ɨ́ me tʉ́ŋlʉ̌ nyɨ́.

Ebrœ̂ 12:4

Mpʉ bɨ́n dí elwímla e njwɨr ébébe wɨ́n yɨ́, bɨ̌n bé apǎ gwá lwímla e wé mbɨ̂mbɨá. Sá tɨ̂ʼ ó étó é métié lɨ́n, dína apǎ tɔ́ba sí yɨ́.

Lʉkas 13:24

«Gbáʼ gá nkul lɨ́ enî lɨ́ ebê dí ɨ́ mána lɨ́. Mě lɛ́ɛ́ bɨ́n ó: bʉr ɨ́ buo buo, bé ógwɨ̂m énî tɨ̂, bɨ́ɛ abe e nkul.

Mɨngwiha 2:10

Ayɨ́ jóʼo gá bʉ́á ɨ́ lɔ̌b bíntɨ́ʼá bé ngá dwe bɨ́n bí. Paá bee gâ: Sɔ́ŋ meleme ómɛ̂r bɨ́n bʉ́ʉ́ bʉ̂r, gbâ bé ɨ́ mbʉʼ, lɨ́ edǐ bóblo bɨ́n. Bɨ̌n bé ósia e mitúú, tó kumo ɨ́ melû kám. Gwá baʼle gá búʼó, tó kumo lɨ́ eswie. Sá tɨ̂ʼ ó mé ódwe bɨ́n twǐʼ njʉ̌m dǐ yɨ́. Bɨ̌n bé óbi myɛ́na maá, mpʉ̌ nkɔ́ɔ́ dí ebórɔɔ̌ káráá yɨ́.

Ebrœ̂ 2:9

Sá mɨ́ná dí ekʉ́ gwá bee gá yɨ́, yé ó: ɨ́ mâ péh jɔʼ, Nzyɛ̌m á si nyɛɛ sul Yésʉs sí, beéngeles bá laa nyé ɨ́ dúu. Píe tɨ̂, nyɨ́ kǎ dil nyé káráá jwɨ́ɨ ɨ́ lʉ̂, lɨ́ edwe nyé kûm ndu e dúu, ebě, Yésʉs á si sia e mitúú, ntɔ̂ʼ dwe. Ɨ́ mbi waá ó Nzyɛ̌m á cwɨ́a e bʉr bɨ́bɛ̂h yɨ́, lɨ́ esâ ó, Yésʉs dwêʼ lɨ́ esú lɔ́ɔ́.

Ebrœ̂ 2:7

Ɨ́ mâ jɔʼ, go á si sul nye sí. Beéngeles, bé á si nyɨ̂n e dúu, laa nyé bá tîtííǎ. Píe tɨ̂, gʉ́ kǎ dil nyé káráá jwɨ́ɨ ɨ́ lʉ̂, lɨ́ edwe nyé kûm ndu e dúu.

Filipi 1:15

Yê tyeetye ó, bâʼ bʉ̂r, bé lɨ́ etúnǒ lɔ́ɔ́ mé Krîst ɨ́ lɔ̌b nzwíí, bɨ́ɛ lɨ́ edǐ pɨra e me, ebě, bé kpɛl ó, bé lwíbɨɨ, laa mê. Bʉ́ʉ́ bʉ̂r bɨ́ɛ tútúnó wé ó e mpǎŋ gwɨ́má.

1 Pyɛr 5:4

Ɨ́ jɔʼ «Mbɔ̂ʼlʉ bintemě nɨ́nɨ́ɨ́» ngá báʼǎ nze yɨ́, nye ótoŋlo bɨ́n ɨ́ syɛ́ɛ́ yɨ́n yaá, lɨ́ ebôr bɨ́n bikáráá bi dí ɨ́ buo kûm bí. Byé ódidi ɨ́ ntyɛ̌n ntɨ̂ ntyɛ̌n ó, mentyɛnwa me tɨ̂ʼ adímedime, tó kumo ɨ́ twǐʼ njʉ̌m dǐ.

Mɨngwiha 4:10

Jɔʼ yɨ́yɛ̂h bé á sɨsâ nó yɨ́, otɔ́má bʉ̂r mekám mébá le onâ baá, bé á si pipíʼa sí ɨ́ mpǒm mʉr á be ɨ́ mecwɨ́ɨ́ mé jwɨ́ɨ nyá, lɨ́ edwe mʉ̂r dí e twǐʼ njʉ̌m dǐ nyá kûm. Bé á be lɨ́ epɨpɛʼ bíkáráá bí gʉ̂l byɔ́ɔ́ ɨ́ milʉ̂, didyɛ́ʼɔɔ byé sí ɨ́ míh mé. Bé ó:

Mɨngwiha 4:4

Bidiá bí ójwɨ́ɨ mekám mébá e binâ, byé á be ó lɨ́ ebɔma mécwɨ́ɨ́ mé jwɨ́ɨ yaá ɨ́ nká. Otɔ́má bʉ̂r mekám mébá le onâ, bé á be ó tɨ̂, mindîndǐl, e mikán ɨ́ pumo pumo ɨ́ menyʉ̂l ndu e bikáráá bí gʉ̂l ɨ́ milʉ̂.