2 Timotɛ 2:3 - Kálar Nzyɛ̌m : Ejwán é Sáá

³ Gua ntémé, siaǎ e mitúú mpʉ mê. Diʼeě mpǎŋ nkɔ́ɔ́ dɔ̂m mé Yésʉs-Krîst.

Kálara Zyɛ̌m Edwán é mpʉ̌n

³ Gwɔɔ nteme, dihba mɨtuu mpʉ mo me. Diʼe mpaŋ nkɔɔ dɔm mo Yesʉs-Krɨst.

2 Timotɛ 2:3 ပူးပေါင်းရင်းမြစ်များ

Jacques 1:12

Metyɛʼ me mpóm, mé díʼee e mʉr dí edûhwo mébʉ́blá nyá. Ebe mʉ̂r tɨ̂ʼ síl ébóblɔɔ nó, nye óbi myɛ́na me tɨ̂: twǐʼ Tî Yésʉs á kɛʼ bʉr o dí ekpɛl nyé bá yɨ́.

2 Timotɛ 4:5

Sâ gwár, gua, máráá léme ɨ́ bijɔʼ bíbyɛ̂h. Júhwáá mítúú. Séáá syɛ́ɛ́ étúnǒ Mbɨambɨa Lɔ́ɔ. Lóŋláá syɛ́ɛ́ Nzyɛ̌m á tyêl go tɨ̂ʼ yɨ́ yɨ́yɛ̂h.

2 Timotɛ 1:8

Nó, ajóʼo bá sôn ɨ́ lɔ̌b mboʼlá mɨ́ná dí eboʼlo, dumo e Tî gá wɨ́ná wɨ́. Ajéʼe mɛ̂m. Ajóʼo sôn ɨ́ lɔ̌b ménkara mé mû kɛ́ʼá e mé má. Go e dúhwó mítúú mi dí edweŋɔɔ mɨ́ná ɨ́ lɔ̌b Mbɨambɨa Lɔ́ɔ mí. Go e dúhwó e nkǔl Nzyɛ̌m dí edwe nyɨ́.

Ebrœ̂ 10:32

Símsáá gá mpʉ bɨ́n á be, ɨ́ jɔʼ bɨ́n á nyɛɛ bûʼla yɨ́. Bɨ̌n bé á nyɛɛ bi ó, twǐʼ Nzyɛ̌m dí egbâ bʉ̂r ɨ́ miléme yɨ́. Bɨ̌n nzě sia e mitúú ɨ́ buo buo e bíhwó.

2 Timotɛ 2:10

Mě dúhwó mítúú mímyɛ̂h ó, lɨ́ esú é bʉ̂r Nzyɛ̌m á twâr bá. Nye á twâr bé ó, bé bíʼee twiʼ, ti e kûm dí edǐ njʉ̌m dǐ e njʉ̌m dǐ nyɨ́, ɨ́ nzɨ̌ mé Yésʉs-Krîst.

1 Timotɛ 1:18

Timotɛ̂, mwân wǎm, mě dwé gó metwɨ́ɨ́ mâʼ ó, lɨ́ edû lɛ́á ógwíha o mílɔ̌b dí elɛ́ɛ, dumo e go wɨ́. Gó óbaʼle métwɨ́ɨ́ mâʼ nó, go ólwímlǎ mbɨambɨa dɔm

2 Timotɛ 3:11

Go lɨ́ egʉ́ǎ mpʉ bé á tíble me, le edwe mé mitúú yɨ́. Bé á tíble me nó ó, Antiôs, Ikóniʉm, ndu e Lístra. Go lɨ́ egʉ́a mímbi bé á tíble me, mɛm njɨ lɨ́ edûhwo mí. Tó kœb ó, Tî Yésʉs á si dwih me ɨ́ tíblá yɨ́yɛ̂h.

2 Korɛnt 1:6

Bɨ́h síá e mitúú nó, syɛ́ɛla yaá, yé e nyɔm ɨ́ páʼ wɨ́n, ebě, yé ógbâ bɨ́n nkul ɨ́ miléme, le esâ ó, bɨ̌n tíʼaa. Bɨ́h bí nkûl ɨ́ miléme nó, yé óbe ó lɨ́ esú ó, bɨ̌n díraa nyɔm e bɨ̌h ɨ́ yʉ́ʉ́ jɔʼ. Milémé mín, myé ódirǎ nyɔm e menkɔ̌m mɨ́h ó, ɨ́ jɔʼ bɨ́n bɨɛ ngá sia e mbi mítúú mímpwár myaá yɨ́. Myé ó bɨ́n ntémé á nyɛɛ bee bɨ̌h lɨ́ esia e myé mí.

Ebrœ̂ 11:27

Ɨ́ búʼó yé, nye á si duhǒ sí Egɨ̂ptɛn, akpɛ́ɛ ébúʼ mé njwɨ́ɨ Egɨ̂ptɛn. Nye á kʉ tyɛ̂b ó, ɨ́ píʼi, le esâ mpʉ̌ sá lɛ́ɛ́, nye á bɨbee ó Nzyɛ̌m, mʉr dí abeɔɔ nyá.

Ebrœ̂ 6:15

Abraham á si dûhwo mpʉ̂n. Sá tɨ̂ʼ ó nyé á bi sâ Nzyɛ̌m á kɛʼ nye yɨ́.

1 Korɛnt 13:7

Kpɛ̌l, yé lɨ́ ebúblǒ sá yɨ́yɛ̂h. Mʉr dí e kpɛ̌l lɨ́ esú é bʉ́ʉ́ bʉ̂r nyá, nyě e nkul ebúʼla bísá byɔ́ɔ́ bíbyɛ̂h. Lémé wé, wé lɨ́ elóno ɨ́ mpûʼla ɨ́ jɔʼ yɨ́yɛ̂h. Nye lɨ́ etô dóló le ekpɛl bʉ̂r ɨ́ jɔʼ yɨ́yɛ̂h.

1 Korɛnt 9:7

Wáa mʉ̂r bisója dí eséǎ syɛ́ɛ́ bísója yé lɨ́ ejána nyé mʉr tɨ̂ʼ mɔnɨ́ ngɔ̂n nyá ɛ́? Wáa mbêl bilɨ́ dí ebe bílɨ́, ntɔ̂ʼ tine mpúmó dí egúmo tɨ̂ʼ nyɨ́ nyá ɛ́? Wáa pála bitab dí epála dáa e bítab lé, ntɔ̂ʼ kǎ bene éde médíbé mébêl mɔ́ɔ́ nyá ɛ́? Yé abe e mʉr!

2 Timotɛ 1:1

Yé ó mɛm, Pɔ̂l, mʉr milʉ́mlʉ́ mé Yésʉs-Krîst ɨ́ lɔ̌b gwɨ́má mé Nzyɛ̌m ó dí ecɛma gó mekaná mâ. Lʉ́mlʉ́ wâm, wé ó, me lɛ̂ʼlaa twiʼ nyé á kɛʼ mɨná gá yɨ́. Mɨná bé óbi gá twiʼ yaá ó, ɨ́ mpúhlá gá nyɨ́ná e Yésʉs-Krîst.

2 Timotɛ 2:9

Bʉr, bé á si kâʼ me menkara mpʉ̌ sá lɛ́ɛ́, me ó syɛ̂l ebébe. Mě jaá sia e mitúú ó, njɨ ɨ́ lɔ̌b Mbɨambɨa Lɔ́ɔ mé dí etúno wɨ́. Damá jóʼo nó, ntʉ̌ Mbɨambɨa Lɔ́ɔ́ mé Nzyɛ̌m wɨ́ɛ á káʼɔɔ.

Filemɔŋ 1:2

Bɨ̌h cɛmá ntémé ó, kɛ́l gá wɨ́ná Apía, ndu e Arkípɔs, bʉr o mɨ́ná gá le onɔ́ɔ́ dí elwímla dɔ̂m empwár ɨ́ lɔ̌b búʼó bá, ti e Mbɛ̌r-Nzyɛ̌m dí enzě gwɨ̂hlǎ jɔʼ yɨ́yɛ̂h ɨ́ mbɛ̌r gô wɨ́.

Mɨlʉmlʉ 23:31

Bisója ntɔ̂ʼ sâ sá nyé á lɛ́ɛ bé yɨ́. Byé ntɔ̂ʼ nʉǎ Pɔ̂l, tô e né ɨ́ pum waá, tó pyâl Antipatrîs.