2 Timotɛ 2:14 - Kálar Nzyɛ̌m : Ejwán é Sáá

¹⁴ Símsáá bʉ̂r milɔ̌b mî: go e gbá bé mpéné ɨ́ míh mé Nzyɛ̌m ó, bé ayɨ́ kǎ gœ́a njɨ ɨ́ lɔ̌b mékǎn. Megô maá, mé abe e nyɔm. Mé ámû ndáma bʉ̂r o dí ejóʼo mégô maá bá miléme.

Kálara Zyɛ̌m Edwán é mpʉ̌n

¹⁴ Jɨmɨ bʉr bɨtoŋla é mɨlɔb mɨnɨ. Go à ntɛŋ be mɨnkɛla é mih mo Zyɛm ó, bé gwaʼa le elɨr bʉr é zi mogo mɔɔ, lé egœa njɨ é lɔb mokan. Mogo maa, mé abe e nyɔm.

2 Timotɛ 2:14 ပူးပေါင်းရင်းမြစ်များ

2 Timotɛ 2:23

Diʼeě e mpaŋ ncɛ́rá e bʉr o dí egœ́a mpʉ bígʉʼlʉgʉ́, nkʉ̂ baá o dí abe lɨ́ enʉa mílɛ́ʼlá bá. Go ɨ́ jala le egʉ́a ó, milɔ̌b myaá, myé jaá byâ sɔ̂ʼ ó njɨ bitɔm.

2 Timotɛ 4:1

Me lɨ́ edî gó ɨ́ hwɨ́m ɨ́ míh mé Nzyɛ̌m Sɔ́ŋ, bé e Yésʉs-Krîst: (Yésʉs waá ó múo nzě tíʼe míkublakúbla le odwe milɔ̌b nyá.) Myúú mímboʼlá mimbá, myé ó: nzéá nyé óbáʼǎ nze wɨ́, le Mpóʼo nyé ójwɨ́ɨ nyɨ́. Mě tyél gó etié ó, ɨ́ míé mé óboʼlo onâ baá ó:

Rôm 14:1

Beŋlaa gá mɨ́ɔɔ́ dína apǎ nʉa pîm ɨ́ búʼó nyá. Búʼó yé le yaá yɨ́n, byé ósyɛ́ɛla nó, apére gá mekǎn e né ɨ́ lɔ̌b bwá mílɔ̌b mi dí epahlɔɔ mímbi mimbi tʉ́ŋlʉ̌ Mbɛ̌r-Nzyɛ̌m mí.

Ebrœ̂ 13:9

Gwá di gá le ocwóó. Sá abîr gá ó, nyʉ́ʉ́ mʉ̂r mɛ́rɨɨ bɨ̌n lɨ́ okómó ɨ́ nzɨ̌ metwɨ́ɨ́ méswîh nyé dí edwe bɨ́n má. Ncwɨ́ncwɨ́a mé Nzyɛ̌m ó dí egbâ bʉ̂r pîm ɨ́ búʼó. Yé mbɨa ó, bɨ̌n bíʼee nkul tɨ̂. Mede bé dí elɛ́ɛ ó, mʉr, nye ɨ́ jala le ede lɨ́ esú lé édwě Nzyɛ̌m dúu tɨ̂ʼ má, mé abe e nyɔm ɨ́ páʼ bʉ̂r o dí ede mé bá.

1 Timotɛ 5:21

Mě lɛ́ɛ́ gó ɨ́ míh mé Nzyɛ̌m, le Yésʉs-Krîst, bé e mitwárá bééngeles ó, go bâʼlaa metwɨ́ɨ́ mâ. Gǒ sá asâ ménkɔ̌m ɨ́ jɔʼ gó tíʼé lɔ̌b yɨ́. Akʉ́a nyʉ́ʉ́ mʉ̂r ɨ́ nkɔb.

Mɨlʉmlʉ 15:24

Bɨ̌h cɛmá bɨ́n ó, ebe bɨ̂h jóʼó ó, bʉ́ʉ́ bʉ̂r, bé á si duho ɨ́ sɔ́má yɨ́h, tô kwá nyɨ́n. Mekǎn mɔ́ɔ́, mê nzě tɨ̂l bɨ́n mekʉ̌ sí. Abe ó, bɨ̌h bé á si lómo bé ó, bé sâʼ nó.

2 Pyɛr 1:13

Yé ó nó. Mě bee ó, yê tîtyěl ó, me símsaa bɨ̌n wǎ ɨ́ nzɨ̌ milɔ́ɔ́ myâm, tyé yɨ́yɛ̂h mé dína ɨ́ twǐʼ sí yɨ̂ʼ yɨ́, bɨ̌n nkʉ̂ kubla.

1 Timotɛ 6:13

Mě káálé ɨ́ míh mé Nzyɛ̌m, mʉr dí edwe bísá bíbyɛ̂h twiʼ nyá, ndu e maá mé Yésʉs-Krîst, mʉr á dwe nkam mbɨ̂mbɨá ɨ́ mpǒm mé Pɔ́ŋtus Pilátos nyá ó,

2 Tesalonika 3:6

Bɨ́ɔɔ́ bɨ́h! Okɛ́l bɨ́h! Bɨ̌h bé lɨ́ etɨ́e bɨ́n ɨ́ díé mé Tî Yésʉs-Krîst ó: bɨ̌n syɛ̂hlaa mɨ́ɔɔ́ wɨ́n nyɨnyɛ̂h dí esâ épɨ̂h nyá. Cɛraa gá e né, ebě, nyé anʉa métum bɨ́h á líʼe bɨ̌n e mé má, gbâ ɨ́ nkɔb.

2 Timotɛ 2:16

Syɛ́hláá olɛblɛ̂b o mpyóó ó dí abe e nyɔm ɨ́ búʼó wɨ́. Bʉr o dí egbâ ményʉ́l mɔ́ɔ́ ɨ́ nzɨ̌ nyaá bá, bé sóʼló bʉ̂r ó, bé sâʼ Nzyɛ̌m nkěh.

1 Timotɛ 4:8

Ebě, pɨ́ʼá nyʉ̂l wɨ́ɛ, wê mʉr tɨ̂, wé ó e mâ nyɔm. Edwáawǒ Nzyɛ̌m lɨ́ɛ, lé e nyɔm ɨ́ páʼ bísá bíbyɛ̂h, ebě, mʉr dí edwáawǒ Nzyɛ̌m nyá, nyɨ́ bi ménkɛ̌ʼ ɨ́ páʼ twiʼ, yaá báánâ, ti e yaá ngá tô dóló njʉ̌m dǐ e njʉ̌m dǐ yɨ́.

Éfɛsɔs 4:17

Nó sá mé múo nzě lɛ́ɛ bɨ́n, le eboʼlo ɨ́ díé mé Tî Yésʉs yɨ̂, yé ó: mʉr adû gá kʉ̌ tyen óhááden dí edû wɨ́. Bé jaá sâ nó ó, njɨ ebě, ocwóó wɔ́ɔ́, wé ó dwêh.

Galásia 1:7

Sâ gwár, lɨ́ otyeetye, yé abe e gúú Mbɨambɨa Lɔ́ɔ swîh. Sá dí tɨ̂ʼ yɨ́, yé ó bʉr o dí egwɨ̂m écéně Mbɨambɨa Lɔ́ɔ́ mé Krîst bá. Mekǎn mɔ́ɔ́, mé mû ó lɨ́ etɨ̂l bɨ́n mekʉ̌ sí.

Mɨlʉmlʉ 13:10

«Gua mwân mé sɔ́ŋ meleme, ntɨ̂m e mbɨn ɨ́ páʼ sá yɨ́yɛ̂h dí lɨ́ otîtyěl yɨ́! Go ó lwɨ́ŋlá e mikóo le bibɛr mimbi mímyɛ̂h. Nzê gó akǎ gwâʼ édwǐr mbɨambɨa menzɨ̌ mé Tî Yésʉs onzyɛ́h ónzyɛ́h ɛ̌?

Mataos 16:26

Mʉ̂r nʉ́á sí yɨ̂ʼ yɨ́yɛ̂h, kǎ tó dímlě twiʼ yé nó, wáǎ nyɔm nyé ngá kǎ lîʼ e wé wɨ́? Yáǎ sɔ̂ʼ mʉ̂r dí e nkul esyɛ́ɛla lɨ́ esú lé ébáʼǎ bǐ twiʼ yé?

2 Timotɛ 1:6

Sá tɨ̂ʼ ó gó dí ɨ́ jala le esímsǎ ndwéá Nzyɛ̌m á lómlo go, waá gó á bi ɨ́ kɛlá mé á kɛl go mebó mâm wɨ́. Nó ó, sáʼ ó, go súʼaa bʉr e ndwéá gô waá.

1 Timotɛ 1:6

Yé e bʉ́ʉ́ bʉ̂r o b'á sâ ebébe ɨ́ páʼ bísâ byaá bá. Bɨ́haá, bé á tyen megwǎl ó, lɨ́ olɛblɛ̂b bíbɨ́bla bí ólɛ̂ʼla, ntɔ̂ʼ dyɛ̂l ɨ́ mʉ́ʉ́ ménzɨ̌ meswîh.

1 Timotɛ 1:4

Go e lɛ́ɛ́ bé ó, bé ayɨ́ dû nzɨ́ bikɨkɛna. Bé sá ajóʼo ólɔ́ɔ o bíntán ó mímbɛ̌r mi bʉ̂r, sá dí abe le odumo yɨ́. Bisâ byaá, byé dulo ó nzyɛ́ɛ́lá mecwíí. Ɨ́ páʼ mé Nzyɛ̌m, byé abe e nyɔm. Mɨná nyɨɛ́ lóŋló syɛ́ɛ́ yé ó, ɨ́ nzɨ̌ búʼó yɨ́ná.

1 Tesalonika 4:1

Bɨ́ɔɔ́ bâm! Okɛ́l bâm! Bɨ̌h bé á si tɨ́e bɨ̌n mpʉ bɨ́n jálá le etíʼě mbǐ twǐʼ Nzyɛ̌m dí ekpɛl wɨ́ yɨ́. Bɨ̌n ntémé mû ó lɨ́ etíʼe nó. Damá jóʼo nó, bɨ̌h bé lɨ́ edî bɨ́n, le etɨ́e bɨ́n ɨ́ díé mé Tî Yésʉs ó, bɨ̌n tôʼ le esâ njɨ nó, ɨ́ buo buo!

Títos 3:1

Jɨ́mɨ́ɨ́ bʉ̂r bitɔŋlá ɨ́ milɔ̌b mî: bé díʼee ɨ́ jwɨ́ɨ́ bʉ̂r o dí e nkul jwɨ́ɨ bá. Bé sâʼ bé mejóʼo. Bé díʼee ntémé ɨ́ cǎr lɨ́ esú lé ésâ bísyɛ́ɛla bimpâ mimbi mímyɛ̂h.