2 Timotɛ 2:12 - Kálar Nzyɛ̌m : Ejwán é Sáá

¹² Mɨ́ná dúhwó gá mitúú nó, mɨná gá le onɔ́ɔ́ di ntémé ojwɨ́ɨ. Mɨ́ná kɛ́lá gá nye nó, nye ntémé kɛ́la mɨ́ná gâ.

Kálara Zyɛ̌m Edwán é mpʉ̌n

¹² ǃBɨna si dihbe ga mɨtuu wa, bɨna bé ódi ga nteme ó ojwɨɨ. ǃBɨna si lɛɛ ga ó, bɨna bé agʉa ga nye wa, nye ólɛɛ nteme ó, nye a baagʉa bɨna ga.

2 Timotɛ 2:12 ပူးပေါင်းရင်းမြစ်များ

Rôm 8:17

Yé bé mɨná gá mû ó bwân mé Nzyɛ̌m nó, go ó, mɨná gá ntémé bé ó bʉr o ngá bi ménkɔb kwá mé Nzyɛ̌m bá. Yé óbe ɨ́ páʼ gá wɨ́ná ó, jwɨʼ gwár e gwár e mpʉ̌ Krîst, mɨ́ɔɔ́ gá wɨ́ná, ngá bi mé ménkɔb yɨ́. Mɨ́ná gá le onɔ́ɔ́, bé ósia e mitúú mímpwár, lɨ́ esú ó, mɨná bíʼee gá kûm mpwár nó, mɨná bé ónʉa gá membɨa maá, jala e nkɔb líʼe gá nyɨ́ná.

Mataos 10:33

Sâ gwár, mʉ̂r ókɛ́la ɨ́ míh mé bʉ̂r ó, nyé agʉ́a mé nó, me ókɛ́la nyé ntémé ɨ́ míh mé Sɔ́ŋ wǎm dí ɨ́ jʉ́o kʉ́ nyá.»

Mɨngwiha 20:4

Píe tɨ̂, me á si bee mecwɨ́ɨ́ mé ójwɨ́ɨ, le bʉr o b'á be tɨ̂ʼ mindîndǐl bá. Nzyɛ̌m á si dwe bé nkul etíʼe bʉ̂r milɔ̌b. Me á si bee ntémé misísǐm mi bʉ̂r. Bé á tíʼɔɔ milʉ̂ ó, ɨ́ lɔ̌b mboʼlá dí edumo e Yésʉs wɨ́, ti e lɔ́ɔ́ mé Nzyɛ̌m. Bɨ́ɛ á bé adwe tír waá, bé e kpɛʼkpɛ̂ʼ mveʼle yé bɨ́bɛ̂h kûm. Bé á bé acɛmǎ jwɨʼ yé ɨ́ mempǒm mɔ́ɔ́ ti e lɨ́ koo ékœ̂h. Me á bee bé ó, bé osí pah. Bé e Yésʉs-Krîst, bé á si njwɨ́ɨbʉr ó sí tɔ́ɔ́sin mimbû.

Mɨngwiha 20:6

Metyɛʼ me mpóm, mé óbuú buo ó e bʉr o ngá nyɛɛ́ pah bá. Bé gúmó ó e Nzyɛ̌m nye omér. Bé ádwe éswie embá. Bé óbe ó opara o dí eséa ɨ́ míh mé Nzyɛ̌m, bé e Yésʉs-Krîst bá. Bé e Yésʉs-Krîst, bé ójwɨ́ɨ tâŋ mimbû tɔ́ɔ́sin.

Lʉkas 12:9

Sâ gwár, mʉ̂r ókɛ́la ɨ́ míh mé bʉ̂r ó, nyé agʉ́a mé nó, Mwân mé Mʉr ókɛ́la nyé ntémé ɨ́ míh bééngeles mé Nzyɛ̌m.

Mɨngwiha 5:10

Go á si dwir kúl bʉ̂r yô ntinɨ̂ opara, lɨ́ esú lé éséǎ Nzyɛ̌m wɨ́h syɛ́ɛ́. Bé ntémé ó ngá jwɨ́ɨ ɨ́ sí yɨ́yɛ̂h.»

Lʉkas 9:26

Mʉr nyɨnyɛ̂h jéʼé mê, jóʼo mílɛ́ʼlá myâm sôn nyá, Mwân mé Mʉr ójéʼe ntémé mʉr waá ɨ́ dʉ́ó nyé ngá nze ɨ́ mentyɛnwa mé, le maá me Sɔ́ŋ wé, le maá bééngeles mé Nzyɛ̌m yɨ́.

Mɨngwiha 2:13

“Me lɨ́ egʉ́ǎ gúmó bɨ́n dí edi yɨ́. Tɨ̂ʼ ó dí diá jwɨ́ɨ́ mé Sátan. Bɨ̌n bé lɨ́ edyɛ̂ʼwo e me. Damá jóʼo ɨ́ jɔʼ bé á jʉ̂ Antipâs yɨ́, bɨ̌n bé á bé agwâʼ ésâ nó. Antipâs ó dí egwá boʼlo mílɔ̌b myâm. Nye ntémé, nye á be ó mʉr ebúʼlɔɔ. Sá tɨ̂ʼ ó bé á mɛ̂r nye ɨ́ sɔ́má yɨ́n, jʉ́ŋɔɔ nyé yɨ́. Tɨ̂ʼ ntémé ó dí odiá mé Sátan.

Mɨngwiha 1:9

Yé ó mɛm Yʉánɛs, mɨ́ɔɔ́ wɨ́n. Mɨná gá bé ɨ́ mpúhlá e Yésʉs ó, lɨ́ esia e mitúú mímpwár. Mɨná gá óbɛ̂h bé ɨ́ mpóʼo Yésʉs dí ejwɨ́ɨ yɨ́. Mɨná gá óbɛ̂h ó dí e bíhwó nyé dí egbâ bʉ̂r ɨ́ miléme nyɨ́. Bé á mɛ̂r me, pɨrɔɔ mé wâʼ ɨ́ tíhé dí ejébɔɔ «Pátmos» wɨ́ ó, ebě, lɔ́ɔ́ mé Nzyɛ̌m le milɔ̌b mé Yésʉs mé dí eboʼlo mí.

Yʉ̂d 1:4

Bʉ́ʉ́ bʉ̂r, bɨ́ nî ɨ́ sɔ́má yɨ́n ɨ́ myaaa, bɨ̌n l'agʉ́a. Mekaná mé dí edwe bé mebě, le ekab bé bintɨ́ʼá má, mɨ́ boó cɛmɔɔ. Bɨ́ɛ bé ó minjéʼe-Nzyɛ̌m. Bé jaá gwɨ̂m ó, njɨ edirǎ nyɔm e mpam mé Nzyɛ̌m gá wɨ́ná, bé nkʉ̂ sâ bímolá nzam le ekomo. Bé ntémé, bé lɨ́ ekɛ́lǎ Yésʉs-Krîst. Nye omér ó dí Tyɛ̂b esôʼ le Tî gá wɨ́ná.

Filipi 1:28

Mě kpɛl éjóʼo ntémé ó, bɨ̌n bé akǎ jóʼo ékɛ̂n lɨ́ ontɨ̂m le obɨn bɨ́n. Mpʉ bé dí ebene bɨ́n, bɨ̌n bɨɛ l'akpɛ́ɛ bé yɨ́, yé ó dǐm éswie lɔ́ɔ́, ó bé ódîm. Ɨ́ páʼ wɨ́n wɨ́ɛ, yé ó jwɨʼ dí elɛ̂ʼle ó, bɨ̌n bé e twǐʼ njʉ̌m dǐ Nzyɛ̌m dí edwe yɨ́.

Markus 8:38

Bʉr ó myǎ wɨ̂, bé ó odûl bé ónzyɛ̌m oswîh. Mʉr nyɨnyɛ̂h jéʼé mê, jóʼo mílɛ́ʼlá myâm sôn témé osyɛ̂l o mísyóm ó myǎ wɨ̂ʼ nyá, Mwân mé Mʉr ójéʼe ntémé mʉr waá ɨ́ dʉ́ó nyé ngá nze ɨ́ mentyɛnwa me Sɔ́ŋ wé, pûhla e maá bééngeles dí ti bá yɨ́.»

Mataos 26:35

Pétrus ntɔ̂ʼ lɛ́ɛ e né ó: «Yé damá pyâl mé ó, mɨná e go dwêʼ sɔ́má, me ányamlě kɛ́la gô.» Bʉ́ʉ́ bɨ́bɛ̂h ntémé, bé á lwib ó nó.

Mɨngwiha 3:8

Me lɨ́ egʉ́ǎ sá bɨ́n dí esâ yɨ́. Me lɨ́ egʉ́a ó, bɨ̌n bé e bwá ó nkûl. Damá jóʼo nó, bɨ̌n bé á si baʼle lɔ́ɔ́ wâm. Bɨ̌n bé á bé akɛ́la mê. Jwɛ́ʼɛ́ɛ́ gâ, mɨ́ dib bɨ́n ebê, abe e mʉr dí e nkul ekamle bɨ́n lɨ́ enî tɨ̂.

Mɨlʉmlʉ 14:22

Bê nzě gbâ ómpʉ́n nkul ɨ́ miléme, le etɨ́e bé ó, bé tôʼ le edû búʼó gá yɨ́ná. Bé e bé ó: «Mɨ́ná bé ókpɛl gá enî ɨ́ Mpóʼo mé Nzyɛ̌m nó, mɨná bé ɨ́ jala le enyɛɛ́ sia gá e mitúú e mindɛ̌l ɨ́ buo buo.»

Markus 10:33

Nye ó: «Paá bee gâ: mɨná mû ó lɨ́ ebére gá Yerʉ́zalɛm. Mwân mé Mʉr óbɛ́mɔɔ kwá ojwɨ́ɨ o mpáh Nzyɛ̌m le olɛ̂ʼla o métié. Bé ótíʼě lɔ̌b wé ó, nye dwêʼ. Nye óbɛ́mɔɔ kwá bʉr o bíkûl e biloo.

Mataos 26:75

Jɔʼ yaá ó Pétrus á símsa sá Yésʉs á lɛ́ɛ e né ó: «Njʉ́m kúo dína apǎ kwâʼ, go ókɛ́la mé nzɔʼ lɛ̂l» yɨ́. Nye nzě tô kʉ̌l, ntɔ̂ʼ gɔ́na le ejɨ ɨ́ buo buo.

Mɨngwiha 1:6

Nye ó b'á liŋ mɨná gá bʉr o Mpóʼo nyé, le esâ ó, mɨná díʼee gá opara dí eséa e waá dí Nzyɛ̌m wé, waá dí ntémé Sɔ́ŋ wé nyá bá. Kûm e nkul, byé díʼee e né njʉ̌m dǐ e njʉ̌m dǐ. Amɛn.

Lʉkas 22:29

Mpʉ̌ Dâ á dwe me nkul jwɨ́ɨ ɨ́ páʼ Mpóʼo nyé yɨ́, mɛm ntémé, me mû ó lɨ́ ekab bɨ́n nkul jwɨ́ɨ ɨ́ Mpóʼo mpwár nyaá,

Lʉkas 22:30

lɨ́ esú ó, bɨ̌n dêʼ mede le menyoʼ ɨ́ téble wǎm, ɨ́ Mpóʼo mé ngá jwɨ́ɨ nyɨ́. Bɨ̌n bé ódi ɨ́ mecwɨ́ɨ́ mé ójwɨ́ɨ mɨ́n tɨ̂, lɨ́ etíʼe ménzweh mé Ɨ́zraɛ̂l kám e mebá milɔ̌b.»

Rôm 5:17

Mʉr ngwár pǎ nyɛɛ́ sâ syóm, eswie ntɔ̂ʼ jwɨ́ɨ bʉ̂r bɨ́bɛ̂h, tɨ̂ ɨ́ mʉr ngwár waá, á dwɛʼra e syɛ́ɛla nyʉ́ʉ́ mʉ̂r ngwár, Yésʉs-Krîst, á sâ yɨ́! Syɛ́ɛla yé yaá ó dí esâ ó, Nzyɛ̌m lɛ̂ʼlaa bʉr mpam, le edwe bé nkam edwɛ́na yɨ́. Bʉr o dí edweŋɔɔ nkâm ɨ́ nzɨ̌ nyé bá, bé lɨ́ ebi ntémé ó, twǐʼ njʉ̌m dǐ, ndu e l'edilɔɔ ɨ́ mecwɨ́ɨ́ mé jwɨ́ɨ́ yɔ́ɔ́.

1 Timotɛ 5:8

Nyʉ́ʉ́ mʉ̂r bé abaʼle mímbyɛ́l myé, kʉ́ buú be, baá ó mbɛ̌r bʉ̂r wé nɛ́ɛ: nye mʉr tɨ̂, nyɨ́ beně búʼó. Nye ɨ́ bébe, laa hááden.

Mɨngwiha 3:10

Sâ gwár, me á lɛ́ɛ e bɨ̌n bɨɛ ó, bɨ̌n dûhwaa. Bɨ̌n bé á si bana baʼle lɔ́ɔ́ wâm waá. Mpʉ bɨ́n á jóʼo me nó yɨ́, me óbaʼle bɨ́n, ebě, bɨ̌n bé ámû jaá nî ɨ́ bintɨ́ʼá mû lɨ́ epyâl ɨ́ mʉr nyɨnyɛ̂h ɨ́ sí yɨ̂ʼ bí.

Mɨngwiha 3:21

“Mʉr óntaa, búla le onkɔ́ɔ́ nyá, me ódwe nyé nkul ó, bɨ̌h e nɔ́ɔ́ díʼee diá gwár ɨ́ mecwɨ́ɨ́ mé jwɨ́ɨ́ yâm, ebě, mɛm ntémé, me á si ntaa, búla e wâm ónkɔ́ɔ́. Me á si di sí bǎʼ e Sɔ́ŋ wǎm ɨ́ mecwɨ́ɨ́ mé jwɨ́ɨ́ yé.”