2 Timotɛ 2:11 - Kálar Nzyɛ̌m : Ejwán é Sáá

¹¹ Ekǎn lɨ̂, lé ó sá ébûʼlɔɔ: «Mɨ́ná púhlá gá e Krîst lɨ́ eswie lé nó, mɨná tíʼe gá ntémé e né jwɨʼ gwár e gwár yaá.

Kálara Zyɛ̌m Edwán é mpʉ̌n

¹¹ Lɔɔ wi, wé ó lɔɔ ebuʼla: «ǃBɨna si syɛŋa ga e Krɨst é l'efie le wa, bɨna bé óbi ga tiʼ molu mo mpoʼ mɨmɛh, bɨna ga e boo nɔɔ.

2 Timotɛ 2:11 ပူးပေါင်းရင်းမြစ်များ

Rôm 6:8

Yé bé mɨná gá e Krîst á si dwe sɔ́má nó, go ó, mɨná bé ɨ́ jala le egʉ́a gá ntémé ó, mɨná gá le nɔ́ɔ́, bé óbáʼǎ tiʼe gá sɔ́má.

1 Timotɛ 1:15

Lɔ́ɔ́ ébûʼlɔɔ, waá bʉ̂r bɨ́bɛ̂h jálá le ekam wɨ́, wé ó wɨ̂: Yésʉs-Krîst á nze ɨ́ sí yɨ̂ʼ ó, nye ntáa nzě tíʼ ósyɛ̂l o mísyóm. Nó ó, ɨ́ sɔ́má bʉ̂r o b'á sâ misyóm bá, mɛm ó b'á sahle.

Rôm 6:5

Yé bé mɨná gá le onɔ́ɔ́, bé á dwe ó, eswie egwár mpúhlá nó, lɛ́ɛ́, mɨná gá le onɔ́ɔ́, bé ópǎh jwɨʼ gwár ntémé.

2 Korɛnt 4:10

Bijɔʼ bíbyɛ̂h, bɨ̌h bé lɨ́ ejóno ɨ́ lɔ̌b éswie mé Yésʉs dí ɨ́ menyʉ́l mɨ́h lɨ́. Yê bɨ̌h nó ó, twiʼ mé Yésʉs nkʉ̂ nyɨ̂n ntémé ɨ́ menyʉ́l mɨ́h.

Yʉanes 14:19

Yɨ́ lîʼ bá tîtííǎ: sí yɨ̂, yé ákǎ bee mê. Sâ gwár, bɨ̌n bɨɛ óbee mê. Ɨ́ mpʉ mé dí kublakúbla yɨ́, nó yé lɛ́ʼlé ntémé ó, bɨ̌n bé ótiʼe ó tɨ̂ʼ yɨ́.

Títos 3:8

Lwǐb nɨ̌, yé ó yaá jálá le ebúʼlɔɔ yɨ́. Mě kpɛl ó, go nkʉ̂ gʉ́a dwe bʉ̂r milɛ́ʼlá mínɨ̌. Ɨ́ gúmo yaá ó bʉ̂r o b'á dyɛ̂ʼwo e Nzyɛ̌m bá, bé ósɨsâ bísyɛ́ɛla bimpâ yɨ́. Bisyɛ́ɛla byaá, byé e nyɔm ɨ́ nkǒ páʼ bʉ̂r bɨ́bɛ̂h.

1 Tesalonika 5:10

Nye ó b'á búra e mɨná gâ. Nye á sâ nó ó, mɨná bíʼee gá twǐʼ njʉ̌m dǐ, mɨná gá le onɔ́ɔ́. Mɨná damá di gá ɨ́ twiʼ, nkʉ̂ ntémé dwe, ɨ́ jɔʼ nyé ónze yɨ́, mɨná bé ótíʼe gâ, mɨná gá le onɔ́ɔ́.

1 Tesalonika 4:17

Nó ó, píe tɨ̂, mɨná gá, bʉr o dí ɨ́ twiʼ, baá bé á lîʼ mikublakúbla bá, mɨná bé óbére gá ɨ́ dwiné tʉ́ŋlʉ̌, tó swálɔɔ e bé gúmo gwár. Nzyɛ̌m ósyɛŋ mɨ́ná gá le onɔ́ɔ́ gʉ̂. Mɨná gá le onɔ́ɔ́ bé óbɔma e Tî Yésʉs lɨ́ ejwoo kʉ́. Mɨná gá le Tî Yésʉs, bé ódidi ó, njʉ̌m dǐ e njʉ̌m dǐ.

2 Korɛnt 13:4

Yê tyeetye ó, nye á si kam ó, bé bómlaa nye e binzâŋ le ebɨ́nɔɔ nyé ɨ́ kolôs kʉ́. Nye á jʉ́ŋɔɔ ó, ɨ́ lɔ̌b métyɛʼ mé á be ɨ́ nyʉ̂l nyé má. Tó kœb ó, nye mû ó lɨ́ etiʼe ɨ́ nkul mé Nzyɛ̌m. Bɨ̌h bé ɨ́ tyɛʼ ɨ́ mpúhlá nyɨ́h e Krîst ɨ́ báánâ. Sâ gwár, mɨná bé ótiʼe gá ɨ́ nkul mpwár nyé dí egbâ bɨ́n ɨ́ menyʉ̂l nyɨ́.

1 Timotɛ 3:1

Lɔ́ɔ́ wɨ̂, wé kʉ́ be ó kwahaá tyeetye: mʉ̂r sáá ó, nye díʼee tyɛ̂b esôʼ Mbɛ̌r-Nzyɛ̌m, pála ókrǐsten nó, nyě gwɨ́m ó, esú é syɛ́ɛ́ dí mbɨa lɨ́.