2 Timotɛ 1:8 - Kálar Nzyɛ̌m : Ejwán é Sáá

⁸ Nó, ajóʼo bá sôn ɨ́ lɔ̌b mboʼlá mɨ́ná dí eboʼlo, dumo e Tî gá wɨ́ná wɨ́. Ajéʼe mɛ̂m. Ajóʼo sôn ɨ́ lɔ̌b ménkara mé mû kɛ́ʼá e mé má. Go e dúhwó mítúú mi dí edweŋɔɔ mɨ́ná ɨ́ lɔ̌b Mbɨambɨa Lɔ́ɔ mí. Go e dúhwó e nkǔl Nzyɛ̌m dí edwe nyɨ́.

Kálara Zyɛ̌m Edwán é mpʉ̌n

⁸ Ebe no, ajoʼo fwon é lɔb sa bɨna ndɨ eboʼlo ga, tiibe e Da Yesʉs ɨ. Laa ó, go joʼa mboʼla waa fwon, fuo dihbe yɛɛ mɨtuu lé entɨhɔ bɨna é lɔb Mbɨambɨa Lɔɔ ɛ. Go à dihbe é zi nkul Zyɛm lé edwe e. Ajoʼo nteme me fwon, mɛm ndɨ mbʉʼ we e.

2 Timotɛ 1:8 ပူးပေါင်းရင်းမြစ်များ

Rôm 1:16

Mé ajóʼo bá sôn ɨ́ Mbɨambɨa Lɔ́ɔ mé dí etúno wɨ́, ebě, wé ó nkul mé Nzyɛ̌m lɨ́ esú lé étiʼ mʉ̂r nyɨnyɛ̂h ngá bûʼla wé nyá, táare le oYúden, kala e baá o dí abe óYúden bá.

Markus 8:38

Bʉr ó myǎ wɨ̂, bé ó odûl bé ónzyɛ̌m oswîh. Mʉr nyɨnyɛ̂h jéʼé mê, jóʼo mílɛ́ʼlá myâm sôn témé osyɛ̂l o mísyóm ó myǎ wɨ̂ʼ nyá, Mwân mé Mʉr ójéʼe ntémé mʉr waá ɨ́ dʉ́ó nyé ngá nze ɨ́ mentyɛnwa me Sɔ́ŋ wé, pûhla e maá bééngeles dí ti bá yɨ́.»

2 Timotɛ 4:5

Sâ gwár, gua, máráá léme ɨ́ bijɔʼ bíbyɛ̂h. Júhwáá mítúú. Séáá syɛ́ɛ́ étúnǒ Mbɨambɨa Lɔ́ɔ. Lóŋláá syɛ́ɛ́ Nzyɛ̌m á tyêl go tɨ̂ʼ yɨ́ yɨ́yɛ̂h.

Mɨngwiha 12:11

Bɨ́ɔɔ́ gá bɨ́ná ntémé, bɨ́ ntaa nyé ɨ́ nkul ɨ́ nzɨ̌ metié mé Mâ Nteme, ti e mboʼlá bé á boʼlo, dumo e Yésʉs wɨ́. Bé á bé alíʼa lɨ́ ebîr bícwiʼ byɔ́ɔ́. Bé á si jʉ́ŋɔɔ ɨ́ lɔ̌b mboʼlá wɔ́ɔ́ waá.

2 Timotɛ 2:9

Bʉr, bé á si kâʼ me menkara mpʉ̌ sá lɛ́ɛ́, me ó syɛ̂l ebébe. Mě jaá sia e mitúú ó, njɨ ɨ́ lɔ̌b Mbɨambɨa Lɔ́ɔ mé dí etúno wɨ́. Damá jóʼo nó, ntʉ̌ Mbɨambɨa Lɔ́ɔ́ mé Nzyɛ̌m wɨ́ɛ á káʼɔɔ.

2 Timotɛ 1:12

Sɨ́ǎ yaá ó mé dí esia e mitúú yɨ́. Damá jóʼǒ mpʉ mé dí ebi mítúú mí tɨ̂ʼ yɨ́, mé ajóʼo bá sôn, ebe mé dí egʉ́a mʉ̂r mé á dyɛ̂ʼwo e né nyá. Mɨ́ bûʼla ntémé ó, nyě e nkul esâ ó, me bâʼlaa lɛ́ʼlá nyé á dwe me wɨ́. Nye óbaʼlě lɛ́ʼlá waá ó, tó pyâl ɨ́ móhó Yésʉs ngá báʼǎ nze wɨ́.

Éfɛsɔs 3:1

Nó, mɛm Pɔ̂l, mʉr dí mbʉʼ ɨ́ syɛ́ɛ́ mé Krîst ɨ́ lɔ̌b nyɔm wɨ́n, bʉr o dí abe óYúden bá nyá...

Filipi 3:10

Sá mé dí egwɨ̂m yɨ́, yé ó, me gwâ gʉ́ǎ Krîst. Mě gwɨ́m ntémé ó, Nzyɛ̌m séaa ɨ́ me mpʉ nyé á séa e nkul lɨ́ epɛ̌h Yésʉs-Krîst yɨ́. Me síaa e mitúú mímpwár Krîst á bi mí. Eswie lâm nkʉ̂ nwɨɨla ntémé e laá lé.

Lʉkas 9:26

Mʉr nyɨnyɛ̂h jéʼé mê, jóʼo mílɛ́ʼlá myâm sôn nyá, Mwân mé Mʉr ójéʼe ntémé mʉr waá ɨ́ dʉ́ó nyé ngá nze ɨ́ mentyɛnwa mé, le maá me Sɔ́ŋ wé, le maá bééngeles mé Nzyɛ̌m yɨ́.

2 Timotɛ 1:16

Tî Yésʉs lɛ̂ʼlaa mbɛ̌r bʉ̂r mé Onesíforos membɨa mɨ́mɛ̂h, ebě, nye á si bu cwɨ́a e me, nzɔʼ nzɔʼ. Nyé abá jóʼo sôn ebe mé dí ɨ́ mbʉʼ e menkara,

Éfɛsɔs 4:1

Nó, mɛm mʉr dí mbʉʼ mé Tî Yésʉs nyá, mě jɨʼlá e bɨ̌n ó, bɨ̌n dúʼoo mbɨambɨa kʉ̌ tyěn Nzyɛ̌m á jébe bɨ̌n ó, bɨ̌n dúʼoo wɨ́.

Mɨngwiha 1:9

Yé ó mɛm Yʉánɛs, mɨ́ɔɔ́ wɨ́n. Mɨná gá bé ɨ́ mpúhlá e Yésʉs ó, lɨ́ esia e mitúú mímpwár. Mɨná gá óbɛ̂h bé ɨ́ mpóʼo Yésʉs dí ejwɨ́ɨ yɨ́. Mɨná gá óbɛ̂h ó dí e bíhwó nyé dí egbâ bʉ̂r ɨ́ miléme nyɨ́. Bé á mɛ̂r me, pɨrɔɔ mé wâʼ ɨ́ tíhé dí ejébɔɔ «Pátmos» wɨ́ ó, ebě, lɔ́ɔ́ mé Nzyɛ̌m le milɔ̌b mé Yésʉs mé dí eboʼlo mí.

Yʉ̂d 1:24

Kûm, mpwaʼ, nkul le jwɨ́ɨ, byé díʼee e mʉr dí e nkul ekamle e bɨ̌n ó, bɨ̌n sá atwe, waá ntémé dí e nkul etyêl bɨ́n ɨ́ míh mé, abe e sá ébébe nyé óboʼlo bɨ́n e tɨ̂, le bisʉhʉʉ ɨ́ buo buo nyá.

1 Pyɛr 1:5

Nzyɛ̌m mû baʼle bícwiʼ bín ó e nkul nyé, ebe bɨ́n dí edyɛ̂ʼwo e né yɨ́. Nyě baʼlé mɨ́ná gá ó, lɨ́ esú lé édwe mɨ́ná gá twǐʼ njʉ̌m dǐ. Twiʼ yaá ó dí ebóno mɨ́ná gá yɨ́. Nye ólɛ̂ʼle bʉ̂r bɨ́bɛ̂h yǎ ó, lɨ́ elú lé ósûʼla lɨ́.

2 Timotɛ 2:3

Gua ntémé, siaǎ e mitúú mpʉ mê. Diʼeě mpǎŋ nkɔ́ɔ́ dɔ̂m mé Yésʉs-Krîst.

1 Tesalonika 3:4

Jɔʼ bɨ́h á be páʼ nyɨ́n yɨ́, bɨ̌h bé á si baʼa lɛ́ɛ e bɨ̌n ó, bɨ̌h bé ósia e bintɨ́ʼá. Yé ntémé, yé á si pyâl nó mpʉ bɨ́n dí egʉ́a yɨ́.

Filipi 1:7

Yé jala ó, me pâhlaa lɔ̌b wɨ́n ɨ́ mbi waá, ebě, me lɨ́ ecwɨ́a e bɨ̌n ɨ́ buo buo. Nzyɛ̌m á si cwɨ́a e mɨná gá óbɛ̂h jwɨʼ gwár. Damá jóʼǒ mpʉ mé dí mbʉʼ yɨ́, damá jóʼǒ mpʉ mé dí eboʼlǒ Mbɨambɨa Lɔ́ɔ́ mé Nzyɛ̌m yɨ́, metyɛʼ me mpóm mé Nzyɛ̌m, mé lɨ́ eswɨɨ ɨ́ mɨná gá ó tɨ̂.

Éfɛsɔs 3:13

Sá tɨ̂ʼ ó mé dí ebene ó, bɨ̌n jóʼaa mebúʼ ɨ́ mitúú mé dí esia e myé lɨ́ esú lɨ́n mí yɨ́. Lɨ́ otyeetye, myê bɨ̌n ó sá bɨ́n jálá le enkʉ́na tɨ̂ʼ yɨ́.

Rôm 16:25

Sâ bwaʼ nkûl Nzyɛ̌m dí e né nyɨ́ e! Nkul nyaá ó mû lɨ́ elɨl bɨ́n mpʉ̌ Mbɨambɨa Lɔ́ɔ́ mé dí elɛ́ɛ le etúno wɨ́ dí yɨ́. Mbɨambɨa Lɔ́ɔ waá, wé dumo ó e Yésʉs-Krîst. Wé lɨ́ edû ntémé lwǐb ódîm, yé á boo be solá,

1 Yʉanes 4:14

Mɨná bɨ́ bee gá sá mɨ́ná tʉ́tó gá le eboʼlo yɨ́. Mboʼlá gá wɨ́ná, wé ó wɨ̂: Dâ Nzyɛ̌m á ntɨh Mwân wé ó, nye díʼee Tiʼbʉr ɨ́ sí yɨ̂ʼ yɨ́yɛ̂h.

2 Timotɛ 4:17

Tî Yésʉs ó b'á kɛm me, le egbâ mé pîm ɨ́ búʼó. Nye á sâ nó ó, nye nkʉ̂ swâhlě túnó waá ɨ́ nzɨ̌ nyǎm, le esâ ó, bʉr o bíkúl bíbyɛ̂h nkʉ̂ jóʼo wê. Nó ntémé ó mé á pɛʼɔɔ ɨ́ nǔm ngbampɨɨ yɨ́.

Filipi 4:13

Mě e nkul esâ bísá bíbyɛ̂h nó ɨ́ nzɨ̌ mé Krîst, mʉr dí edwe mé nkul nyaá nyá.

Rôm 9:33

Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Jwɛ́ʼɛ́ɛ́ gâ! Ɨ́ Síon, mɨ́ gbâ ébɔ̌ʼ ɨ́ nzɨ̌. Bʉr o ngá bɨm ébɔ̌ʼ laá bá, bé ócwe. Tó kœb ó, mʉr nyɨnyɛ̂h ngá dyêʼ koo le ekóʼ laá nyá, lé ákóʼó sâ ó, nye bíʼee esɔ́m tɨ̂.

Mɨlʉmlʉ 5:41

Nó mpʉ bʉ̂r o mílʉ́mlʉ́, bé á duho ɨ́ bʉ̌m nɨ́nɨ́ɨ́ yɨ́, bɨ́bɛ̂h, bé ntɔ̂ʼ lóno ɨ́ bisʉhʉʉ, ebě, Nzyɛ̌m á bee ó, bé ó mbi bʉ̂r o jálá le esáŋɔɔ bísá bí ésɔ́m ɨ́ lɔ̌b díé mé Yésʉs bá.

Mɨngwiha 19:10

Ejóʼo mé á kʉ jóʼo nó yɨ́, me ntɔ̂ʼ kúrwo sí, píʼe mpóm ɨ́ bibwǎh ɨ́ mpǒm nyé, lɨ́ edwe nyé kûm. Nye nzě lɛ́ɛ e me ó: «Sá asâ nó. Me ntémé, me ó syɛ̂l mesâ mé Nzyɛ̌m mpʉ bɨ́n e bɨ́ɔɔ́ bô dí nɨ̌. Mɨná bɨ́bɛ̂h, bé lɨ́ ebúʼla gá lɔ́ɔ́ Yésʉs á túno wɨ́. Gúmláá sɔ̂ʼ njɨ Nzyɛ̌m.» Lɔ́ɔ́ Yésʉs á túno wɨ́, wé ó b'á dwe ogwíha o mílɔ̌b nkul Sísǐm ó, bé lwíbɨɨ.

Mɨngwiha 1:2

Yʉánɛs waá, nye ó mboʼlo lɨ́ esú é sá yɨ́yɛ̂h nyé á bee yɨ́. Nyě boʼló ó, dumo e lɔ́ɔ́ mé Nzyɛ̌m, ti e twiʼ mé Yésʉs-Krîst.

1 Korɛnt 1:6

Ebě, bɨ̌n bé á si bûʼla sá bɨ́h á boʼlo, dumo e Yésʉs-Krîst yɨ́.

Yʉanes 19:35

(Mʉr dí eboʼlo bísyɛ́ɛla bínɨ̌ nyá, nye ó mʉr á bě sí kʉ́ bee byé nyá. Sá nyé dí eboʼlo yɨ́, yé kʉ́ be ó tyeetye. Nye ntémé, nye lɨ́ egʉ́a ó, nyě lɛ́ɛ́ ó otyeetye, ó bɨ̌n bûʼlaa.

Kolosi 1:24

Báánâ, me mû ó e bisʉhʉʉ ɨ́ léme ɨ́ lɔ̌b mítúú mé dí esia e myé lɨ́ esú lɨ́n mí. Mitúú Yésʉs-Krîst á be asia e myé mí, míɛ ó mɛ̂m dí ekǎ sia e myé ɨ́ bipúno byâm bî. Mě jóʼó mégunwa me tɨ̂ʼ ó, lɨ́ esú é nyʉ̂l mé Krîst, dí Mbɛ̌r-Nzyɛ̌m nyɨ́.

Éfɛsɔs 4:17

Nó sá mé múo nzě lɛ́ɛ bɨ́n, le eboʼlo ɨ́ díé mé Tî Yésʉs yɨ̂, yé ó: mʉr adû gá kʉ̌ tyen óhááden dí edû wɨ́. Bé jaá sâ nó ó, njɨ ebě, ocwóó wɔ́ɔ́, wé ó dwêh.

2 Korɛnt 6:7

túnó bɨ́h dí etúno ótyeetye wɨ́, nkǔl nɨ́nɨ́ɨ́ mé Nzyɛ̌m, bisá bí mɔ̂m bɨ́h dí elwímla dɔ̂m lɨ́ esú lé ótîtyěl mé Nzyɛ̌m e tɨ̂ʼ bí, bîʼ le ejʉ̂m, byúú le emyɛ̌l,

Rôm 8:36

Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: «Ɨ́ lɔ̌b mé Nzyɛ̌m ó bɨ́h bé lɨ́ ejʉ́ŋɔɔ ɨ́ dʉ́ó lɨ́lɛ̂h yɨ́. Ɨ́ míh mé bʉ̂r, bɨ̌h bé ó mpʉ bínteme múo tó tíʼɔɔ bí.»

Yʉanes 15:27

Bɨ̌n bɨɛ ntémé, bé óboʼlǒ lɔ̌b wâm, ebě, mɨná gá ó b'á be, duho ɨ́ menyɛ̌l.

1 Timotɛ 2:6

mʉr á pa dwe twiʼ yé lɨ́ etáǎ góo, le edwih bʉ̂r bɨ́bɛ̂h ɨ́ mpila ébébe nyá. Nó ó, lɔ́ɔ waá, wé á ka lɛ́ɔɔ ó, ɨ́ jɔʼ wé á jala le elɛ́ɔɔ yɨ́.

Kolosi 1:11

Bɨ̌h jɨjɨʼlá e né ntémé ó, nye tyɛ́bɨɨ bɨ̌n ɨ́ miléme, ó bɨ̌n séaa bisyɛ́ɛ́ bí nkûl mimbi mímyɛ̂h e nkul ɨ́ buo buo nyé dí e né nyɨ́. Bɨ̌n sɨ̂sea nó ó e bíhwó, le esia e mitúú, ti e bisʉhʉʉ.

2 Timotɛ 1:10

Mpam nyaá á ka nyɨ̂n ɨ́ kpɛŋlɛm ó, lɨ́ epyál mé Yésʉs-Krîst, Tiʼbʉr gá wɨ́ná. Nyɨ́ teʼle nkûl eswie. Nye á lɛ̂ʼle mɨná ɨ́ nzɨ̌ Mbɨambɨa Lɔ́ɔ ntémé ó, mɨná bi gá twiʼ mpâ, yaá dí njʉ̌m dǐ e njʉ̌m dǐ yɨ́ ó, ɨ́ Krîst.

2 Timotɛ 2:8

Sísímsáá Yésʉs-Krîst, nta mé David, á pah nyá, mpʉ̌ Mbɨambɨa Lɔ́ɔ́ wâm dí elɛ́ɛ yɨ́.