2 Timotɛ 1:7 - Kálar Nzyɛ̌m : Ejwán é Sáá

⁷ Ebě, Sísǐm Nzyɛ̌m á ntɨh mɨná gá wɨ́, wé adwe mɨ́ná gá bʉ́á. Wé ó sísǐm nkûl, sísǐm kpɛ̌l ti e waá bíhwó.

Kálara Zyɛ̌m Edwán é mpʉ̌n

⁷ ebe, sisim Zyɛm a ntɨh bɨna bɛɛ ɛ, wé abe sisim bʉa. Wé ó sisim nkul, sisim kpɛl, sisim bihbe.

2 Timotɛ 1:7 ပူးပေါင်းရင်းမြစ်များ

Rôm 8:15

Bɨ̌n e Sísǐm mé Nzyɛ̌m ó mû. Nyé abě mbǐ sísǐm dí e nkul edil bɨ́n ɨ́ dǐ ótúʼǎ, nkʉ̂ waá ngá sâ ó, bɨ̌n báʼa jóʼo bʉ́á wɨ́. Nye ótyêl bɨ́n ɨ́ tyé bwán mé Nzyɛ̌m. Nye ó dí edwe mɨ́ná gá nkul ó, mɨná jébaa gá Nzyɛ̌m kʉ́kʉ́ ó: «Abba, Dâ!»

1 Yʉanes 4:18

Bʉ́á, bé e kpɛ̌l, byé abe e nkul epûhla. Mílémé gá míná, myé ólóno ɨ́ kpɛ̌l yé nó, kpɛ̌l yaá, yé ópɛʼ mɨ́ná gá bʉ́á ɨ́ miléme. Ányâ-bʉ́á, nyě bʉ́bónó ó, njɨ bintɨ́ʼá. Lémé wé, wé apǎ lóno ɨ́ kpɛ̌l mpâ.

Galásia 5:22

Sâ gwár, Sísǐm mé Nzyɛ̌m, nyě e byé bísyɛ́ɛla nyé dí esâ ɨ́ mɨná gá bí. Byé ó dí: kpɛ̌l, bisʉhʉʉ, mepyɛbla, bíhwó, njɨ́ʼá nkóó, mpam, edira ménkɛ̌ʼ,

Yʉanes 14:27

«Mepyɛbla ó mé líʼé bɨ́n e mǎ nɨ̌. Mepyɛbla mâm ó mé dwé bɨ́n nɨ̌. Mé adwe bɨ́n mǎ mpʉ bʉ̂r ó sí yɨ̂ʼ dí edwe bɨ́n bisɔ̂ʼ, kǎ sûʼlǎ dɛn byé yɨ́. Bisɨ́ǎ bî, byé ayɨ́ tɨ̂l bɨ́n mekʉ̌ sí. Ayɨ́ jóʼo gá bʉ́á.

Lʉkas 10:19

Jóʼláá gâ: me á si dwe bɨ̌n nkul etíbe ónyʉ́a ndu e bibámlwál. Mɨ́ dwe bɨ́n nkul entaa ménkul mɨ́mɛ̂h me ntɨ̂m e mbɨn gá wɨ́ná. Sá ébébe, yé abe e nkul epyâl ɨ́ bɨ̌n.

Mɨlʉmlʉ 1:8

Bɨ̌n bé óbi nkûl ɨ́ jɔ̌ʼ Sísǐm mé Nzyɛ̌m ngá sulo bɨ́n ɨ́ menyʉ̂l yɨ́. Nó ó bɨ́n ngá boʼlo mílɔ̌b myâm, táare ɨ́ Yerʉ́zalɛm, le ɨ́ mekwár mé sí Yʉ́da mɨ́mɛ̂h, ndu e maá mé sí Samarî, tó pyâl ɨ́ medumo mé sí mɨ́mɛ̂h yɨ́.»

Rôm 5:5

Lémé mʉ̂r, wé óbe, wé mû sí lóno ɨ́ mpûʼla nó, mʉr waá, nye ájóʼo bá sôn ɨ́ lɔ̌b mpûʼla nyé, ebě, Nzyɛ̌m á si lɛ̂ʼle mɨná gá mpʉ nyé dí ekpɛl mɨ́ná gá kpɛ̌l ápurapúra yɨ́. Nye á lɛ̂ʼle mɨná gá nó ó e nzɨ̌ Sísǐm wé, nyé á ntɨh mɨná gá wɨ́.

Ebrœ̂ 2:15

Nye á dwe ntémé ó, nye pɛ́ʼɛɛ mɨná gá lɨ́ okómó. Ebě, mɨná bé á nyɛɛ lɛŋ gá bicwiʼ gá bíná ó, kɛ́ʼá lɨ́ okómó. Mɨná bé á didi gá ɨ́ menkara mé ókómó waá ó, ɨ́ kpɛ́ɛ́ éswie.

Mɨlʉmlʉ 20:24

Mɛm bee yɨ́ɛ ó, twiʼ yâm, yé abe mé dimé sɔ̂ʼ. Nyɔm wâm, wê njɨ ó, me swímɨɨ ɨ́ duo bíjʉ́ʉ́, tó pyâl lɨ́ odumo, le eswâhlě syɛ́ɛ́ Tî Yésʉs á líʼe me e yǎ yɨ́: yé ó, etúnǒ Mbɨambɨa Lɔ́ɔ́ mé Nzyɛ̌m.

1 Korɛnt 2:4

Lɛ́ʼlá wâm ndu e lwibá mílɔ̌b mé Nzyɛ̌m wâm, byé á bé abe bílwǐb bi dí ɨ́ tɨ́ŋ le ocwóó ó sí yɨ̂ʼ bí. Sá yé á tíne bɨ̌n ó, bɨ̌n bûʼlaa lɛ́ʼlá waá yɨ́, yé á be ó, bisyɛ́ɛlǎ Sísǐm mé Nzyɛ̌m wé á sâ e nkul nyé bí.

Lʉkas 24:49

Nó ó, me ótáare éntɨh bɨ́n sá Sɔ́ŋ wǎm á kɛʼ bɨ̌n yɨ́. Diʼee gá wâʼ ɨ́ nkana yɨ̂, lɨ́ ebóno dʉ́ó nyé ngá sul bɨ́n nkul ngá duho ɨ́ jʉ́o kʉ́ nyɨ́ yɨ́.»

Mɨlʉmlʉ 10:38

Bɨ̌n bé lɨ́ egʉ́a ntémé mpʉ̌ Nzyɛ̌m á lœm Yésʉs, mʉr Nazarɛ̂t, Sísǐm wé, le edwe nyé ánɨ̂nɨ̂n nkul yɨ́. Bɨ̌n bé lɨ́ egʉ́a ntémé mpʉ̌ Yésʉs á tye mésí e mésí, lɨ́ etô le esâ émbɨa, le etiʼ baá bɨ́bɛ̂h bé á jɨjaʼra e mpél mé sɔ́ŋ meleme bá yɨ́, ebě, bé e Nzyɛ̌m ó b'á be.

1 Pyɛr 1:22

Njóʼá bɨ́n á jóʼo otyeetye wɨ́, wê nzě pubo bɨ́n ɨ́ páʼ ébébe. Mejóʼo bɨ́n á dwe Nzyɛ̌m má, mɨ́ lɛ̂ʼle bɨ́n mpʉ bɨ́n jálá le ekpɛla, kpɛ̌l dí ápurapúra yɨ́. Yé ó yaá mpâ dí eduho bɨ́n ɨ́ miléme, yaá dí abě mbáʼrá e mikóo yɨ́.

Mɨlʉmlʉ 21:13

Nyɨɛ nzě yala ó: «Bɨ̌n jɨ, le esáa étyeʼ mé nkul ɨ́ yé? Ebě, ɨ́ wâm pâʼ, me mû ó kʉmsá. Abě njɨ, kɛ́ʼá ménkara wé omér. Me ɨ́ cǎr ntémé ó, me dwêʼ ɨ́ Yerʉ́zalɛm lɨ́ esú é díé mé Tî Yésʉs.»

Kolosi 1:8

Nye ó b'á lɛ́ɛ bɨ̌h kpɛ̌l Sísǐm mé Nzyɛ̌m wé á dwe bɨ̌n lɨ́ esú é bɨ́ɔɔ́ gá bɨ́ná yɨ́.

Mɨlʉmlʉ 6:8

Étiene á be ó mʉ̌r Nzyɛ̌m á sʉ metyɛʼ me mpóm, gbâ nyé ntémé nkul ɨ́ léme nyá. Nye á bɨbe ó lɨ́ esâ bísá bí ékâm ti e mesimá témé bʉr.

Mɨlʉmlʉ 9:22

Saʉ̂l nyɨɛ á jaa lɨ̂lɛɛ bé sɔ̂ʼ ó, njɨ lɔ́ɔ waá e nkul nyɨnyɛ̂h. OYúden bé á didǐ Damâs bá, bé á bé agʉ́a ékǎn bé cɨ́ʼee. Nye á si kʉ lɛ̂ʼle bé ó, Yésʉs ó dí Krîst: Mʉ̌r Nzyɛ̌m á lœm múló mé jwɨ́ɨ nyá.

Lʉkas 8:35

Bʉr nzě dua ɨ́ mekwár mɔ́ɔ́, lɨ́ enzě beɔɔ̌ sâ syɛ́ɛ́ yɨ́. Jɔʼ bé á pyâl gúmó Yésʉs á be yɨ́, bé kǎ kœb ó, mʉr á dwihɔɔ meleme nyá, nye mû ndîndǐl le mikán ɨ́ nyʉ̂l, le pɨʼ nyé nyɨnyɛ̂h. Nye á be ó bǎʼ e mekʉ̌ mé Yésʉs. Bʉr o b'á nze bá, kʉ́ nzě kámɔɔ nyê.

Mɨlʉmlʉ 26:25

Nó ó, Pɔ̂l á yala e né ó: «Dâ ɛ̌, mé abě gʉ̌. Mekǎn mé dí elɛ́ɛ má, mé ó tyeetye; mé ó tîtyěl.

Lʉkas 15:17

«Nye zě tiʼe lɨ́ ogʉ̌ wé, ntɔ̂ʼ táare lɛ́ɛ ɨ́ lémé wé ó: “Osyɛ̂l o mésâ mé dâ, bé ɨ́ twíha mede. Mɛm lɨ́ enzě dwe nzâ wâ!

Mɨlʉmlʉ 26:11

Jɔʼ yɨ́yɛ̂h, me á si tíble bé ɨ́ mempáh mínjɨʼla mɨ́mɛ̂h. Me á tíne bé ó, bé sâʼ búʼó yɔ́ɔ́ nkěh. Ebúʼ mé á kpaa ɨ́ lɔ̌b wɔ́ɔ́ lɨ́, lé á sâ ó, me tíblaa bê, tó pyâl ɨ́ binkana mésí méswîh.»