2 Timotɛ 1:5 - Kálar Nzyɛ̌m : Ejwán é Sáá

⁵ Mě sá ntémé ó, sîsimsǎ búʼó yô dí abě mbáʼrá e mikóo yɨ́. Yé ó mbǐ búʼó ngwár e ngwár nyɔ́ŋ mpám gǒ Lɔyîs, bé e nyʉ̌ŋ Eníke, bé á be e yé yɨ́. Me lɨ́ ekʉ́ gʉ́a ɨ́ lémé wâm ó, mbǐ búʼó waá ó dí go ntémé ɨ́ léme wɨ́.

Kálara Zyɛ̌m Edwán é mpʉ̌n

⁵ Me esa nteme ó, toŋlo-toŋlo buʼo yo ndɨ eduho é mo si ɨ. Yé ó mbi buʼo ngwar e ngwar nyɔŋ mpam go Lɔyis bé e nyʉŋ Enike, bé a be e ye e. Mɨ kʉ gʉa nteme ó, mbi buʼo waa ó ndɨ go nteme é leme.

2 Timotɛ 1:5 ပူးပေါင်းရင်းမြစ်များ

1 Timotɛ 1:5

Ɨ́ metwɨ́ɨ́ ménɨ̌, ndumló tɨ̂, wé ó, mɨná kpɛ́laa gâ. Kpɛ̌l yaá, yé dúhaa ɨ́ miléme mi dí ɨ́ sɔ́ɔ́ɔ́ mí, le ɨ́ mipahlá míléme mi dí ɨ́ pyɛɛɛ mí. Kpɛ̌l yaá dúhaa ntémé ɨ́ mpǎŋ búʼó yɨ́ná dí abě mbáʼrá e mikóo yɨ́.

Mɨlʉmlʉ 16:1

Pɔ̂l nzě pyâl Dɛ́rbe, ndu e Lístra. Nyʉ́ʉ́ mpʉ́n mé Tî Yésʉs á be ó gʉ̂, díé lé Timotɛ̂. Nyɔ̌ŋ á be ó silě Yúden. Nye á be ntémé ó, nye mû krǐsten. Sɔ́ŋ wé nyɨɛ á be ó mʉr Grɛ̂s.

1 Timotɛ 4:6

Gó sí dwe bɨ́ɔɔ́ bô milɛ́ʼlá mîʼ nó, go bě mpǎŋ syɛ̂l mesâ mé Yésʉs-Krîst! Go ódwidwe mílɛ́ʼlá ɨ́ nzɨ̌ nyaá ó, ɨ́ milɔ̌b mí búʼó gá yɨ́ná, ti e mpǎŋ lɛ́ʼlá gó á jóʼo wɨ́.

2 Timotɛ 3:15

Símsáá ntémé mpʉ gó á boo táare egʉ́a Mékaná mé Nzyɛ̌m, duho lɨ́ ontwǒm gô yɨ́. Mekaná maá, mé e nkul ecɨ̂l mɨ́ná. Ocwóó waá, wé lɛ́ʼlé mɨ́ná ó, edyɛ̂ʼwo e Yésʉs-Krîst. Búʼó yaá ó dí etíʼ mɨ́ná.

Rôm 15:14

Bɨ́ɔɔ́ bâm! Okɛ́l bâm! Mɛm mʉr tɨ̂, me lɨ́ egʉ́a mbɨ̂mbɨá ó, bɨ̌n bé ó lwɨ́ŋlá e mpam. Bɨ̌n bé lɨ́ egʉ́a bísá bíbyɛ̂h. Le ntémé ó, bɨ̌n bé e nkul edwidweela métwɨ́ɨ́ páʼ nyɨ́n.

Ebrœ̂ 6:9

Bʉr ó kpɛ̌l bâm, bɨ̌h damá lwib nó, mě e mpûʼla ɨ́ léme ɨ́ lɔ̌b wɨ́n ó, sá dí mbɨa, laa méswomlʉ le medíʼe yɨ́, yé ó bɨ̌n dóló. Sâ yaá, yé ó twǐʼ njʉ̌m dǐ.

2 Timotɛ 1:12

Sɨ́ǎ yaá ó mé dí esia e mitúú yɨ́. Damá jóʼǒ mpʉ mé dí ebi mítúú mí tɨ̂ʼ yɨ́, mé ajóʼo bá sôn, ebe mé dí egʉ́a mʉ̂r mé á dyɛ̂ʼwo e né nyá. Mɨ́ bûʼla ntémé ó, nyě e nkul esâ ó, me bâʼlaa lɛ́ʼlá nyé á dwe me wɨ́. Nye óbaʼlě lɛ́ʼlá waá ó, tó pyâl ɨ́ móhó Yésʉs ngá báʼǎ nze wɨ́.

2 Korɛnt 6:6

edile e nyʉ̂l lɨ́h, ngwɨ́á wɨ́h, bíhwó nyɨ́h, mpam nyɨ́h, bisyɛ́ɛla bɨ́h dí esâ e nzɨ̌ Sísǐm mé Nzyɛ̌m bí, kpɛ̌l yɨ́h dí abě mbáʼrá e mikóo yɨ́,

Rôm 8:38

Yé ó nó. Mɨ́ kʉ́ gʉ́a ó, damá be éswie, damá bě twiʼ, damá be bééngeles, damá be mísísǐm mí édúrʉ́ʉ́ mi dí e jwɨ́ɨ mí, damá be ɨ́ báánâ, damá be ɨ́ bijɔʼ bi dí enze bí, damá be báányâ-nkul,

Rôm 4:21

Nye á kʉ gʉ́a ó, Nzyɛ̌m á be ó e nkul edwe nyé sá nyé á pa kɛʼ nye yɨ́.

Ebrœ̂ 11:13

Bʉr baá bɨ́bɛ̂h, bé á dwe ó, bɨ́ɛ lɨ́ edyɛ̂ʼwo e Nzyɛ̌m. Jɔʼ bé á dwidwe nó yɨ́, bé á bé apǎ bǐ sá nyé á kɛʼ bé yɨ́. Sâ gwár, bé á bee nkɛ̌ʼ nyaá ó, nye dína ká ká lɨ́ ejaa. Bê nzě soho nyê. Bé bʉr o tɨ̂, bé á si gʉ́a lɨ́ otyeetye ó, bé ó ojwóo ti e milaa-nkpǎʼ ɨ́ sí yɨ̂.

Rôm 14:14

Ɨ́ mpúhlá nyɨ́h e Tî Yésʉs, me lɨ́ egʉ́a ntémé ó, ntʉ̌ dœʼ yé mʉr tɨ̂ʼ dí e nkul elœ̌ʼ lémé mʉ̂r. Sâ gwár, mʉr dí edě dœʼ yaá, nyɨɛ lɨ́ ejwɨʼ ó, yé ólœ̌ʼ lémé wé nyá, yé ó tyeetye: dœʼ yaá, yé ó lwǎʼ ɨ́ lémé mʉ̂r waá.

Rôm 14:5

Bâʼ bʉ̂r, bé jwɨʼ ó, myúú mímóhó, myé lɨ́ elaa myúú ɨ́ dúu ɨ́ míh mé Nzyɛ̌m. Bʉ́ʉ́ bʉ̂r bɨ́ɛ jwɨjwɨʼ ó, mimóhó mímyɛ̂h, myé ó mbi ngwár ɨ́ mbeá wé. Bisyɛ́ɛla bi mʉ̂r nyɨnyɛ̂h, byé ɨ́ jala le eduduho ó, lɨ́ otîtyěl o mípahlá mí lémé wé.

Mɨlʉmlʉ 26:26

Njwɨ́ɨ̌ Agrípa á si lɛ́ɔɔ bísá bî. Nó mě e nkul elwib ɨ́ hwɨ́m ɨ́ míh mé. Mě bûʼlá ó, nye lɨ́ egʉ́ǎ syɛ́ɛla yaá yɨ́yɛ̂h, ebě, bisyɛ́ɛla bi tɨ̂, byé á bé asyɛ́ɛ ɨ́ mesǒ.

Yʉanes 1:47

Jɔ̌ʼ Yésʉs á bee Natanaɛ̂l lɨ́ enzě nko nyé á be yɨ́, nye ó: «Beyɨɨ gá nyɛ̂r Ɨ́zraɛ̂l ɨ́! Nyé abe e mikóo.»

1 Pyɛr 1:22

Njóʼá bɨ́n á jóʼo otyeetye wɨ́, wê nzě pubo bɨ́n ɨ́ páʼ ébébe. Mejóʼo bɨ́n á dwe Nzyɛ̌m má, mɨ́ lɛ̂ʼle bɨ́n mpʉ bɨ́n jálá le ekpɛla, kpɛ̌l dí ápurapúra yɨ́. Yé ó yaá mpâ dí eduho bɨ́n ɨ́ miléme, yaá dí abě mbáʼrá e mikóo yɨ́.