2 Timotɛ 1:12 - Kálar Nzyɛ̌m : Ejwán é Sáá

¹² Sɨ́ǎ yaá ó mé dí esia e mitúú yɨ́. Damá jóʼǒ mpʉ mé dí ebi mítúú mí tɨ̂ʼ yɨ́, mé ajóʼo bá sôn, ebe mé dí egʉ́a mʉ̂r mé á dyɛ̂ʼwo e né nyá. Mɨ́ bûʼla ntémé ó, nyě e nkul esâ ó, me bâʼlaa lɛ́ʼlá nyé á dwe me wɨ́. Nye óbaʼlě lɛ́ʼlá waá ó, tó pyâl ɨ́ móhó Yésʉs ngá báʼǎ nze wɨ́.

Kálara Zyɛ̌m Edwán é mpʉ̌n

¹² Ebe no ó me lé ebɔma-bɔma e mɨtuu ɨ. Dam be no, me ajoʼo ba fwon é lɔb tuu waa, ebe, me egʉa Zyɛm, waa me a jyɛʼ taa buʼo yam boo nye e. Mɨ kʉ gʉa nteme ó, nye ó e nkul esa ó, me gʉa baʼle sikʉlʉ nye a taare komo boo me e. Nye óbaʼle sikʉlʉ yaa ó, to pyal é dobo nye óbula ze e.

2 Timotɛ 1:12 ပူးပေါင်းရင်းမြစ်များ

2 Timotɛ 1:8

Nó, ajóʼo bá sôn ɨ́ lɔ̌b mboʼlá mɨ́ná dí eboʼlo, dumo e Tî gá wɨ́ná wɨ́. Ajéʼe mɛ̂m. Ajóʼo sôn ɨ́ lɔ̌b ménkara mé mû kɛ́ʼá e mé má. Go e dúhwó mítúú mi dí edweŋɔɔ mɨ́ná ɨ́ lɔ̌b Mbɨambɨa Lɔ́ɔ mí. Go e dúhwó e nkǔl Nzyɛ̌m dí edwe nyɨ́.

Yʉ̂d 1:24

Kûm, mpwaʼ, nkul le jwɨ́ɨ, byé díʼee e mʉr dí e nkul ekamle e bɨ̌n ó, bɨ̌n sá atwe, waá ntémé dí e nkul etyêl bɨ́n ɨ́ míh mé, abe e sá ébébe nyé óboʼlo bɨ́n e tɨ̂, le bisʉhʉʉ ɨ́ buo buo nyá.

1 Pyɛr 4:19

Ebe nó, baá Nzyɛ̌m á tíʼe ɨ́ lémé wé ó, nyě dwé ó bé mitúú bá, bé ɨ́ jala le etímle bé bʉr o tɨ̂ʼ ɨ́ mebó mé Kwihbʉr gá wɨ́ná, dí mʉr jálá le ebúʼlɔɔ nyá. Bé otô dóló le esâ bísyɛ́ɛla bimpâ.

2 Timotɛ 4:8

Yé jaá kǎ lîʼ mé ó, njɨ ebǐ káráá dí komá lɨ́ esú lâm yɨ́. Káráá yaá ó dí elɛ̂ʼle ó, mɨ́ bi nkâm ɨ́ míh mé Nzyɛ̌m. Tî Yésʉs, mʉr dí etíʼe mílɔ̌b lɨ́ otîtyěl nyá, ódwe mé yǎ lɨ́ elú lé épíhe. Nye ádwe yɨ́ɛ njɨ me e me. Káráá yaá, yé ódweŋɔɔ ntémé ó, bʉr bɨ́bɛ̂h o dí ekpɛl ébee nyé lɨ́ ebáʼǎ nze bá.

Ebrœ̂ 7:25

Sá tɨ̂ʼ ntémé ó nyé dí e nkul etíʼ bʉ̂r o ngá sîhlě bǎʼ e Nzyɛ̌m, cɨɨ ɨ́ nzɨ̌ nyé bá. Nyě jaá pɛʼ mébébe mɔ́ɔ́ ó mɨ́mɛ̂h. Mpʉ nyé dí njʉ̌m dǐ e njʉ̌m dǐ yɨ́, nó ntémé ó nyé dí e nkul ejɨʼla e Nzyɛ̌m lɨ́ esú lɔ́ɔ́ ɨ́ jɔʼ yɨ́yɛ̂h yɨ́.

1 Timotɛ 6:20

Nó ó, Timotɛ̂, baʼlaǎ lɛ́ʼlá Nzyɛ̌m á dwe go wɨ́. Go e syɛ́hlé ólɛblɛ̂b o mpyóó, bʉ̂r sɨ̂seʼle ó, «ngwɨ́á» wɨ́.

Rôm 1:16

Mé ajóʼo bá sôn ɨ́ Mbɨambɨa Lɔ́ɔ mé dí etúno wɨ́, ebě, wé ó nkul mé Nzyɛ̌m lɨ́ esú lé étiʼ mʉ̂r nyɨnyɛ̂h ngá bûʼla wé nyá, táare le oYúden, kala e baá o dí abe óYúden bá.

Mataos 24:36

«Ɨ́ lɔ̌b móhó waá le jɔʼ yaá, mʉr ngwár, nyé agʉ́a wê. Damá jóʼo bééngeles dí ɨ́ jʉ́o kʉ́ bá, bé agʉ́a. Damá jóʼo Mwân mé Mʉr, nye ntémé, nyé agʉ́a. Nzyɛ̌m Sɔ́ŋ nye omér ó dí egʉ́a.

1 Pyɛr 1:5

Nzyɛ̌m mû baʼle bícwiʼ bín ó e nkul nyé, ebe bɨ́n dí edyɛ̂ʼwo e né yɨ́. Nyě baʼlé mɨ́ná gá ó, lɨ́ esú lé édwe mɨ́ná gá twǐʼ njʉ̌m dǐ. Twiʼ yaá ó dí ebóno mɨ́ná gá yɨ́. Nye ólɛ̂ʼle bʉ̂r bɨ́bɛ̂h yǎ ó, lɨ́ elú lé ósûʼla lɨ́.

2 Timotɛ 1:18

Go lɨ́ egʉ́a ntémé mimbi bísyɛ́ɛla nyé á sâ bʉr Éfɛsɔs mí. Tî Yésʉs sâʼ ó, nye bíʼee njɨ́ʼá nkóó ɨ́ mebó mé ɨ́ móhó nyé óbáʼǎ nze wɨ́.

Filipi 3:21

Nye ódwir bísá ményʉ́l gá mɨ́ná mâ. Menyʉ́l gá mɨ́ná, mé ókǎ nwɨɨla e nyʉ̂l nyé, dí e kûm nyɨ́. Nyě e nkul egbâ bísá bíbyɛ̂h ɨ́ jwɨ́ɨ́ yé. Nó ntémé ó nyé dí e nkul edwe mɨ́ná gá menyʉ̂l maá yɨ́.

2 Timotɛ 2:9

Bʉr, bé á si kâʼ me menkara mpʉ̌ sá lɛ́ɛ́, me ó syɛ̂l ebébe. Mě jaá sia e mitúú ó, njɨ ɨ́ lɔ̌b Mbɨambɨa Lɔ́ɔ mé dí etúno wɨ́. Damá jóʼo nó, ntʉ̌ Mbɨambɨa Lɔ́ɔ́ mé Nzyɛ̌m wɨ́ɛ á káʼɔɔ.

Filipi 3:10

Sá mé dí egwɨ̂m yɨ́, yé ó, me gwâ gʉ́ǎ Krîst. Mě gwɨ́m ntémé ó, Nzyɛ̌m séaa ɨ́ me mpʉ nyé á séa e nkul lɨ́ epɛ̌h Yésʉs-Krîst yɨ́. Me síaa e mitúú mímpwár Krîst á bi mí. Eswie lâm nkʉ̂ nwɨɨla ntémé e laá lé.

Filipi 3:8

Yé ó nó! Me mû lɨ́ ebee bísâ byaá bíbyɛ̂h ó, byé ó dwêh, ebě, sá dí ɨ́ buú mbɨa yɨ́, yé ó, me dúʼoo Yésʉs. Me á si gwa sû mpǎŋ bisɔ̂ʼ, ebě, sá dí ɨ́ buú mbɨa yɨ́, yé ó, me gʉ́ŋaa Tî wǎm Yésʉs-Krîst. Ebe mé dí edyɛ̂ʼwo e né, me á si bîr bisá bíbyɛ̂h byé á nyɛɛ be e nyɔm ɨ́ páʼ wâm bí. Nó ó, me mû bee byé ó, mpʉ̌ sá jálá le emyahɔɔ̌ dwǐʼ yɨ́. Mě bír byé nó ó, jáŋá me nkʉ̂ bi mâm myɛ́na. Mé óbe ó Krîst.

1 Korɛnt 3:13

Syɛ́ɛ́ mʉ̂r nyɨnyɛ̂h dí eséa yɨ́, yé ónyɨ̂n ɨ́ ponó ɨ́ dʉ́ó lé étíʼ é mílɔ̌b, ebě, nyɔ̌m sá yɨ́yɛ̂h, wé ónyɨ̂n ɨ́ sʉ́lʉ́lʉ́ ó, ɨ́ móhó waá. Nyɔm tɨ̂, wé nyɨ́nyɨ́n ó, ɨ́ siʼe ngá lɛ̂ʼlě nyɔ̌m syɛ́ɛla mʉ̂r yɨ́. Syɛ́ɛla yé sí dûhwo yɨ́ɛ siʼe yaá nó, lɛ́ɛ́, syɛ́ɛla yaá, yé á kʉ be ó e nyɔm lɨ́ esú mé Nzyɛ̌m.

Yʉanes 17:15

Mé ajɨʼla ó, go pɛ́ʼɛɛ bé ɨ́ sí yɨ̂. Mě jaá jɨʼla ó, njɨ go kámlaa e bé ɨ́ páʼ mé Bɨ́bla mʉ̂r.

Mataos 12:21

Milémé mí bʉ̂r o dí abe óYúden bá, myé ólóno ɨ́ mpûʼla ó, ɨ́ lɔ̌b nkûl díé lé.

Rôm 9:33

Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Jwɛ́ʼɛ́ɛ́ gâ! Ɨ́ Síon, mɨ́ gbâ ébɔ̌ʼ ɨ́ nzɨ̌. Bʉr o ngá bɨm ébɔ̌ʼ laá bá, bé ócwe. Tó kœb ó, mʉr nyɨnyɛ̂h ngá dyêʼ koo le ekóʼ laá nyá, lé ákóʼó sâ ó, nye bíʼee esɔ́m tɨ̂.

1 Pyɛr 4:16

Sâ gwár, mʉr dí esia e bintɨ́ʼá ebe nyé dí krǐsten nyá, nyě sá ajóʼo bá sôn ɨ́ lɔ̌b bíntɨ́ʼá byaá. Nye gúmlaa njɨ Nzyɛ̌m le epɨr e díé mé Krîst.

Ebrœ̂ 12:2

Míh gá mɨ́ná, mé dwɛ́ʼɛɛ sɔ̂ʼ njɨ Yésʉs, ebě, nye ó b'á kar nzɨ̌ búʼó. Nye ntémé ó b'á swâhle nye. Nye á kam ó, nye síaa e mitúú, nye tyélɔɔ ɨ́ lɨ́ kʉ́, jʉ́ŋɔɔ. Nye á si pyêh sôn mʉ̂r dí ebɛb ɨ́ mbi éswie laá nyɨ́. Nye á kam ó, nye dwêʼ nó ó, nye nkʉ̂ bi bísʉhʉʉ̌ Nzyɛ̌m á boo komo nye bí. Ɨ́ báánâ, nye mû ó ɨ́ mbó éjʉ́m mé Nzyɛ̌m Sɔ́ŋ ɨ́ mecwɨ́ɨ́ mé jwɨ́ɨ.

Ebrœ̂ 2:18

Nyě e nkul ekɛm bʉ̂r ɨ́ bijɔʼ bé dí entaa mébʉ́blá bí, ebě, nye mʉr tɨ̂ʼ á be ó sí sia e mitúú ɨ́ jɔʼ nyɨ́ɛ á bóblɔɔ yɨ́.

1 Tesalonika 2:16

Mpʉ bɨ́h dí ekpɛl étô le elɛ́ɛ bíkúl bíswîh mpʉ̌ Nzyɛ̌m dí e nkul etíʼ bé yɨ́, oYúden bɨ́ɛ, bé lɨ́ ebene, ndu e l'ekamle bɨ́h lɨ́ esâ nó. Ɨ́ syɛ́ɛla yaá, bé mû ó sí lóŋlo bísyɛ́ɛla bí ébébe byɔ́ɔ́. Sá tɨ̂ʼ ó Nzyɛ̌m á ka lɛ̂ʼle nkpaa nyé ɨ́ páʼ wɔ́ɔ́ yɨ́.

Filipi 1:20

Mě e mpûʼla ɨ́ léme ó, me ákóʼó sɔ́ma bá ɨ́ yʉ́ʉ́ syɛ́ɛla yâm e yʉ́ʉ́. Me ntémé, mě e mpûʼla ó, me ótô le edû kʉ̌ tyen mpâ ɨ́ hwɨ́m, abáawǒ sɔ̂ʼ mpʉ mé á boo sɨsâ yɨ́, lɨ́ esú ó, bʉr tôʼ dóló le egúmlǒ Krîst. Mě damá tiʼe, nkʉ̂ ntémé dwe, bé ótô le egúmlǒ Krîst ɨ́ lɔ̌b wâm.

Mɨlʉmlʉ 21:13

Nyɨɛ nzě yala ó: «Bɨ̌n jɨ, le esáa étyeʼ mé nkul ɨ́ yé? Ebě, ɨ́ wâm pâʼ, me mû ó kʉmsá. Abě njɨ, kɛ́ʼá ménkara wé omér. Me ɨ́ cǎr ntémé ó, me dwêʼ ɨ́ Yerʉ́zalɛm lɨ́ esú é díé mé Tî Yésʉs.»

Mɨlʉmlʉ 13:50

OYúden bɨ́ɛ nzě tîtine bʉ́bá ó yébé wɔ́ɔ́, baá bé á be ɨ́ mimpǎŋ bídǐ bá ó, bé tíblaa Pɔ̂l, bé e Banabâs. Bé á tíne ntémé ó, mimpaŋ mi bʉ̂r ó nkana, soŋɔɔ bé e Pɔ̂l ó, bé pʉ́ʼaa ɨ́ sí yɔ́ɔ́.

Mɨlʉmlʉ 13:46

Nó ó Pɔ̂l bé e Banabâs, bé á lwib e bé ɨ́ kpɛŋlɛm, abáawo mʉ̂r ó: «Yé á jɨ ó, lɔ́ɔ́ mé Nzyɛ̌m, wé nyɛ́ɛ túnɔɔ kwá nyɨ́n, oYúden. Sâ gwár, bɨ̌n bɨɛ, bɨ́ beně lɔ́ɔ waá, bɨ̌n bɨɛ lɨ́ ebee ó, bɨ̌n bé ajala le ebǐ twǐʼ njʉ̌m dǐ. Yé bé nó wá, beyɨɨ gá, bɨ̌h bɨ́ laa, lɨ́ etó túnǒ lɔ́ɔ́ mé Nzyɛ̌m waá ɨ́ mesí mé bʉ̂r oswîh.

Mɨlʉmlʉ 9:16

Mɛm mʉr tɨ̂, me ólɛ̂ʼle nyé bím mítúú nyé jálá le esia e myé ɨ́ buo buo ɨ́ lɔ̌b wâm mí.»

Mɨlʉmlʉ 7:59

Jɔʼ bé á be lɨ́ elúmo nyé mekóʼ yɨ́, Étiene nyɨɛ nzě kɛn díé mé Nzyɛ̌m, lɨ́ elwǐb mbi wɨ̂: «Dâ Yésʉs, nʉaǎ sísǐm wâm!»

Yʉanes 6:44

Sɔ́ŋ wǎm á ntɨh me nyá, óbe, adulo mʉ̂r nó, mʉr waá, nyé abe e nkul enze kwá nyǎm. Me ópɛh waá nyé ngá dulo nyá ɨ́ móhó ésúʼlá é sí yɨ̂.

Lʉkas 23:46

Yésʉs ntɔ̂ʼ tíme kʉ́kʉ́. Nye ó: «Dâ ɛ̌, mɨ́ tímlě sísǐm wâm ɨ́ mebó mô!» Le nyé á sil elwib, le nyé ntɔ̂ʼ á sula swɨ̂h.

1 Tesalonika 5:4

Bɨ́ɔɔ́ bâm! Okɛ́l bâm! Bɨ̌n bé ajéʼě lɔ̌b waá. Bɨ̌n bé átwɨrǎ móhó waá. Wé ápyâl bɨ́n mpʉ̌ ndíblʉ̌.

Lʉkas 10:12

Mě lɛ́ɛ́ bɨ́n ó, dʉ́ó Nzyɛ̌m ótíʼe bʉ̂r milɔ̌b, dwe bé mebě yɨ́, bintɨ́ʼá byɔ́ɔ́, byé óbuú bwaʼ, laa byaá bi bʉ̂r ó Sodôm.»

Mataos 7:22

Ebě, ɨ́ móhó étíʼ é mílɔ̌b, bʉr ɨ́ buo buo, bé ólɛ́ɛ e me ó: “Dâ ɔ́, Dâ ɔ́, paá bee ɔ̌! Bɨ̌h bé á si gwîh milɔ̌b mé Nzyɛ̌m ɨ́ díé lô. Ɨ́ díé lô, bɨ̌h bé á si so meleme! Ɨ́ díé lô, bɨ̌h bé á be ó sí sâ mésimá ɨ́ buo buo!”

1 Korɛnt 1:8

Nye ntémé ó ngá gbâ bɨ́n pîm ɨ́ búʼó, tó pyâl ɨ́ mesíé, abe e sá ébébe nyé ónwâhle bɨ́n e tɨ̂ʼ ɨ́ jɔʼ Tî gá wɨ́ná, Yésʉs-Krîst ngá pyâl yɨ́.

2 Timotɛ 1:14

Baʼlaǎ lɛ́ʼlá gó á dweŋɔɔ wɨ́ e nzɨ̌ Sísǐm mé Nzyɛ̌m dí edi ɨ́ mɨná nyá.

2 Timotɛ 1:16

Tî Yésʉs lɛ̂ʼlaa mbɛ̌r bʉ̂r mé Onesíforos membɨa mɨ́mɛ̂h, ebě, nye á si bu cwɨ́a e me, nzɔʼ nzɔʼ. Nyé abá jóʼo sôn ebe mé dí ɨ́ mbʉʼ e menkara,

Títos 3:8

Lwǐb nɨ̌, yé ó yaá jálá le ebúʼlɔɔ yɨ́. Mě kpɛl ó, go nkʉ̂ gʉ́a dwe bʉ̂r milɛ́ʼlá mínɨ̌. Ɨ́ gúmo yaá ó bʉ̂r o b'á dyɛ̂ʼwo e Nzyɛ̌m bá, bé ósɨsâ bísyɛ́ɛla bimpâ yɨ́. Bisyɛ́ɛla byaá, byé e nyɔm ɨ́ nkǒ páʼ bʉ̂r bɨ́bɛ̂h.