2 Timotɛ 1:10 - Kálar Nzyɛ̌m : Ejwán é Sáá

¹⁰ Mpam nyaá á ka nyɨ̂n ɨ́ kpɛŋlɛm ó, lɨ́ epyál mé Yésʉs-Krîst, Tiʼbʉr gá wɨ́ná. Nyɨ́ teʼle nkûl eswie. Nye á lɛ̂ʼle mɨná ɨ́ nzɨ̌ Mbɨambɨa Lɔ́ɔ ntémé ó, mɨná bi gá twiʼ mpâ, yaá dí njʉ̌m dǐ e njʉ̌m dǐ yɨ́ ó, ɨ́ Krîst.

Kálara Zyɛ̌m Edwán é mpʉ̌n

¹⁰ Ncwɨncwɨa waa a ka nyin é kpɛŋlɛm ó, é l'epyal mo Yesʉs-Krɨst, Tiʼbʉr ga wina. Nyi gbah efie. Nyi lɛʼle bɨna é zi Mbɨambɨa Lɔɔ nteme ó, bɨna bé ebi tiʼ molu mo mpoʼ mɨmɛh é zyɛŋa wina boo Krɨst.

2 Timotɛ 1:10 ပူးပေါင်းရင်းမြစ်များ

1 Yʉanes 1:2

Etín é Twiʼ laá, lé á si nyɨ̂n ɨ́ sí yɨ̂. Bɨ̌h bé á si bee nye, bɨ̌h nzě táare éboʼlo, dumo e mʉr waá. Nó yaá ó bɨ́h dí etyɛ̂b kwá nyɨ́n le túnó dí edumo le Etín é Twiʼ wɨ́. Etín é Twiʼ, lé di ó njʉ̌m dǐ e njʉ̌m dǐ. Bé e Nzyɛ̌m Sɔ́ŋ ó b'á be. Nye nzě nyɨ̂n ɨ́ sí yɨ̂.

Rôm 16:26

yaá mû sí nyɨ̂n ɨ́ ponó yɨ́. Lɔ́ɔ waá, wé á boo be ó cɛmá lɨ́ mekaná mé ógwíha o mílɔ̌b. Bikúl bíbyɛ̂h, byé mû kǎ gʉ́a wé ó, dû mpʉ̌ Nzyɛ̌m á boo tyêl etié lɨ́ esú lɔ́ɔ́ yɨ́. Nzyɛ̌m dí njʉ̌m dǐ e njʉ̌m dǐ nyá, á lɛ̂ʼle byé lɔ́ɔ́ mé Yésʉs waá ó, byé nkʉ̂ dyɛ̂ʼwo e né, le esâ nyé mejóʼo.

2 Pyɛr 3:18

Tóʼ gá dóló le egwɨ́e ɨ́ mpam mé Tî gá wɨ́ná Yésʉs-Krîst, dí ntémé Tiʼbʉr gá wɨ́ná nyá. Bɨ̌n e gwɨ́é ntémé, ebě, bɨ̌n bɨ́ gʉ́a nyé ɨ́ pébébé. Nye omér ó dí ejala e kûm, táare ɨ́ jɔʼ yɨ̂, tó kumo ɨ́ twǐʼ njʉ̌m dǐ. Amɛn.

Títos 2:11

Nó ó, Nzyɛ̌m, nyɨ́ lɛ̂ʼle ɨ́ ponó ó, mpam nyé, nye ó lɨ́ esú lé étíʼ bʉ̂r bɨ́bɛ̂h.

1 Korɛnt 15:26

Ntɨ̂m e mbɨn epíhe nyé ókǎ gbah nyá, óbe ó Eswie, lé mʉr tɨ̂.

Rôm 2:7

Bâʼ bʉ̂r, bé sáá ó kûm, le dúu le twiʼ dí asíesie yɨ́. Bé lɨ́ edûhwǒ sɔ́ɔlʉ waá e bíhwó, lɨ́ esâ mímpaŋ bísyɛ́ɛla. Bé ó baá Nzyɛ̌m ngá dwě twǐʼ njʉ̌m dǐ bá.

2 Timotɛ 1:1

Yé ó mɛm, Pɔ̂l, mʉr milʉ́mlʉ́ mé Yésʉs-Krîst ɨ́ lɔ̌b gwɨ́má mé Nzyɛ̌m ó dí ecɛma gó mekaná mâ. Lʉ́mlʉ́ wâm, wé ó, me lɛ̂ʼlaa twiʼ nyé á kɛʼ mɨná gá yɨ́. Mɨná bé óbi gá twiʼ yaá ó, ɨ́ mpúhlá gá nyɨ́ná e Yésʉs-Krîst.

Éfɛsɔs 1:9

Nyě títyɛ́b mɨ́ná gá ɨ́ miléme ó, mɨná gʉ́ŋaa gá mitíʼá mí lémé wé, myaá myé á boo lɛ́ɔɔ ɨ́ lwǐb ódîm mí. Yé ó sá nyé á nyɛɛ jwɨʼ, kǎ sâ ɨ́ kpɛ̌l yé nye mʉr tɨ̂ʼ yɨ́.

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Mɨngwiha 22:17

Nó ó Sísǐm mé Nzyɛ̌m, bé e mʉmá mé Mâ Nteme, bé lɨ́ elɛ́ɛ ó: «Ntáʼ!» Nó ntémé ó, mʉr dí ejóʼo nyá, nye lɛ́yɨɨ ntémé ó: «Ntáʼ!» Mʉr dí ejóʼǒ dwéh médíbé nyá, nye ntâʼ. Waá kpɛ́l nyá, nye dáalaa medíbé mé twiʼ, abwâm.

Mɨngwiha 22:14

«Metyɛʼ me mpóm, mé díʼee e bʉr o dí ejwɨɨ míkán myɔ́ɔ́, myé mû ɨ́ púúm bá. Bɨ́haá ó dí e nkul enî ɨ́ nkana yaá. Bé ónî ó, cɨɔɔ ɨ́ mebé mé. Bé ntémé, bé ó jálá le ede mpúmó dí egúmo ɨ́ lɨ́ twiʼ nyɨ́.

Mɨngwiha 18:1

Píe tɨ̂, me nzě bee nyʉ́ʉ́ éngeles á duho ɨ́ jʉ́o kʉ́, á be e nkul jwɨ́ɨ ɨ́ buo buo nyá. Mentyɛnwa nyé á be e mé má, mé á si kʉn sí yɨ́yɛ̂h.

Mɨngwiha 2:7

Mekǎn Sísǐm mé Nzyɛ̌m dí elɛ́ɛ̌ Mbɛ̌r-Nzyɛ̌m má, mé ó ménɨ̌. Mʉr nyɨnyɛ̂h dí e megwǎl mé éjóʼo nyá, nye jóʼaa náǎ. Mʉr nyɨnyɛ̂h óntaa, búla le onkɔ́ɔ́ nyá, me ódwe nyé nkul epyâl ɨ́ Paradîs. Nyé odě bumó lɨ́ twiʼ.»

2 Pyɛr 3:2

Mě gwɨ́m ó, bɨ̌n símsaa lɔ́ɔ́ ógwíha o mílɔ̌b mé Nzyɛ̌m bé á lɛ́ɛ ɨ́ melú mé épíhe wɨ́, ti e metié mé Tî Yésʉs, dí ntémé Tiʼbʉr gá wɨ́ná nyá. Metié maá ó bɨ́n á jóʼo ɨ́ nzɨ̌ bʉr o mílʉ́mlʉ́ bé má.

2 Pyɛr 2:20

Mʉ̂r gʉ́á Tî gá wɨ́ná le Tiʼbʉr gá wɨ́ná Yésʉs-Krîst, le epʉʼa ɨ́ bibol bísyɛ́ɛla bí sí yɨ̂ʼ nó, nyé sí báʼǎ kǎ bîr ó, ebébe laá, lé nʉ́aa nkul ɨ́ twiʼ yé nó, twiʼ yé, yé ókǎ bébe, ntaa sʉ́ŋa, laǎ mpʉ yé á nyɛɛ bébe ɨ́ metááré yɨ́.

2 Pyɛr 1:11

Nó ntémé ó Nzyɛ̌m ósúʼo bɨ́n e menzɨ̌ mɨ́mɛ̂h lɨ́ esú ó, bɨ̌n níʼee ɨ́ Mpóʼo mé Tî gá wɨ́ná le Tiʼbʉr gá wɨ́ná Yésʉs-Krîst yɨ́. Mpóʼo nyaá, nye ódi ó njʉ̌m dǐ e njʉ̌m dǐ.

2 Pyɛr 1:3

Nzyɛ̌m á si gbâ nkul nyé lɨ́ edwe mɨ́ná gá sá yɨ́yɛ̂h dí e nyɔm lɨ́ esú ó, mɨná tíʼaa gá, le egúmo gá e né yɨ́. Nye á jébe mɨná gá ó, ɨ́ nzɨ̌ kûm nyé le mbɨambɨa njwɨr wé.

Ebrœ̂ 10:32

Símsáá gá mpʉ bɨ́n á be, ɨ́ jɔʼ bɨ́n á nyɛɛ bûʼla yɨ́. Bɨ̌n bé á nyɛɛ bi ó, twǐʼ Nzyɛ̌m dí egbâ bʉ̂r ɨ́ miléme yɨ́. Bɨ̌n nzě sia e mitúú ɨ́ buo buo e bíhwó.

Títos 3:4

Jɔʼ yaá ó Nzyɛ̌m, Tiʼbʉr gá wɨ́ná á ka lɛ̂ʼle mɨná mpam nyé yɨ́.

Títos 2:13

Mɨná bé ótíʼe nó ó, lɨ́ ebóno mʉ̂r dí egbâ mɨ́ná mpûʼla ɨ́ miléme, waá dí esʉ mɨ́ná metyɛʼ me mpóm nyá. Nye ó Nzyɛ̌m nɨ́nɨ́ɨ́: Tiʼbʉr gá wɨ́ná Yésʉs-Krîst, waá ngá báʼǎ lɛ̂ʼle nyé mʉr tɨ̂ʼ e kûm ɨ́ buo buo nyá.

2 Tesalonika 2:8

Jɔʼ yaá ó nyɨ́ɛ, mʉr dí egbah metié mé Nzyɛ̌m nyá, ókǎ nyɨ̂n ɨ́ kpɛŋlɛm yɨ́, Tî Yésʉs, nyé okǎ jʉ̂ nyé e ngúl num wé. Nye óteʼle mʉ̂r waá ó, ɨ́ nzéá nyé ónze wɨ́.

Éfɛsɔs 1:18

Nye bɛ́yɨɨ bɨ̌n mîh me dí ɨ́ milémé mín tʉ́ŋlʉ̌ má, ó bɨ̌n gʉ́ŋaa metʉ́m bʉ̂r ó Nzyɛ̌m á jébe bá, dí ebóno e né má. Bɨ̌n gʉ́ŋaa ntémé kûm nɨ́nɨ́ɨ́ bɨ́n ngá nʉa, jala e nkɔb líʼe nyɨ́n nyɨ́. Nyě komó ékʉ̌m laá ɨ́ buo buo ó, lɨ́ esú lé édwe bʉ̂r bɨ́bɛ̂h o dí egúmo e né bá.

Galásia 5:4

Bɨ̌n, bʉr o dí elɛ́ɛ ó, bɨ̌n bé óbi nkâm ɨ́ míh mé Nzyɛ̌m ɨ́ lɔ̌b mbaʼlá métié wɨ́n bá, bɨ̌n e Krîst, bɨ́ bɔ́ʼa! Bɨ̌n bɨ́ pɔʼǎ súm Nzyɛ̌m á gwa be ó, nye ósʉ bɨ́n metyɛʼ me mpóm mé yɨ́.

2 Korɛnt 5:4

Ebě, mɨná gá bɨɛ, bʉr o dína lɨ́ eswab ɨ́ bisaʼ bîʼ tʉ́ŋlʉ̌ bá, mɨná bé lɨ́ ekʉ́ jóno gâ. Yé aduho yɨ́ɛ e gwɨ́má épɛʼ nyʉ̂l bipúno nyɨ̂. Yê njɨ ó, mɨná bé lɨ́ ekpɛl éswam gá nyʉ̂l dwân. Nó ó, sá dí e nkul edwe yɨ́, twiʼ, yé ókʉ́ mine yé ɨ́ wʉlʉm.

1 Korɛnt 4:5

Ɨ́ tɨ̂ʼ ɨ́, alɨ̌ tíʼe gá lɔ̌b mé nyʉ́ʉ́ mʉ̂r ɨ́ jɔʼ yé dí apǎ pyâl jɔʼ élab yɨ́. Bónáá gá ó, Tî Yésʉs, nye ntâʼ. Nyé opyêl sá dí lɨ́ edúrʉ́ʉ́ yɨ́, tyen yé ɨ́ myɛ́n. Nyé ogwîh mípahlá mi dí misolá ɨ́ milémé mí bʉ̂r mí. Jɔʼ yaá ó Nzyɛ̌m ódwe mʉ̂r nyɨnyɛ̂h kûm jálá e né nyɨ́ yɨ́.

Rôm 6:6

Mɨná bé lɨ́ egʉ́a gá ó, ɨ́ jɔʼ bé á jʉ̂ Yésʉs-Krîst, lɨ́ ebomlo nyé e binzâŋ, le ebɨ́nɔɔ nyé ɨ́ kolôs kʉ́ yɨ́, Nzyɛ̌m á si bomlo metum me myâ gá mɨ́ná tɨ̂ʼ ntémé ɨ́ kolôs gwár yaá. Nye á sâ nó ó lɨ́ esú lé éteʼle nyʉ̂l dí egwɨ̂m mísyóm nyɨ́, le ntémé ó, mɨná ayɨ́ kǎ báʼǎ di gá bitúʼǎ lɨ́ esâ mísyóm myaá.

Rôm 3:31

Ɨ́ jɔʼ bɨ́h túnó búʼó gá yɨ́ná yɨ́, nzê bɨ̌h bé lɨ́ egbɛ́ɛ métié ɛ̌? Heʼé, yé abá be nó! Bɨ̌h lɨl métié maá ó, lɨlɨ́ɨ.

Mɨlʉmlʉ 13:23

Nyʉ́ʉ́ ntâ mé David waá á be ó Yésʉs, Tiʼbʉr gá wɨ́ná. Nye ó Nzyɛ̌m á tyêl ɨ́ kúl bʉ̂r o b'Ɨ́zraɛ̂l, lɨ́ edû mpʉ nyé á boo kɛʼ bé yɨ́.

Mɨlʉmlʉ 5:31

Nzyɛ̌m, nyɨ́ bɨ̂r nyé kʉ́, dil nyé ɨ́ mbó éjʉ́m wé ɨ́ ntuuu, tyêl nyé ɨ́ dǐ Tî, ti e dǐ Tiʼbʉr. Nye á sâ nó ó, lɨ́ esú lé édib bʉ̂r o b'Ɨ́zraɛ̂l nzɨ̌ etúmo míkoo e misyóm myɔ́ɔ́, le edwira míléme, ó nye pɛ́ʼɛɛ bibaa bí ébébe nyé á niʼe bé bí.

Yʉanes 20:31

Sá mé mû sí cɛma bɨ́n ɨ́ mekaná mâʼ yɨ́, yé ó, bɨ̌n bûʼlaa ó, Yésʉs ó dí Mʉ̌r Nzyɛ̌m á lœm múló mé jwɨ́ɨ nyá, nye ntémé, nye ó Mwân mé Nzyɛ̌m. Bɨ́n sí dyɛ̂ʼwo e né nó, bɨ̌n bé óbǐ twiʼ ɨ́ nzɨ̌ nyé.

Yʉanes 5:40

Sâ gwár, bɨ̌n bé akpɛl énze kwá nyǎm, lɨ́ enzě bǐ twiʼ.

Yʉanes 4:42

Bʉr baá, bê nzě lɛ́ɛ mʉ́má nɨ̌ ó: «Ɨ́ báánâ, bɨ̌h bé akǎ dyɛ̂ʼwo e né njɨ ɨ́ lɔ̌b lɔ́ɔ́ gô lɛ́ɛ́ bɨ́h wɨ́, ebě, bɨ̌h bʉr o tɨ̂, bɨ̌h bɨ́ jóʼǒ lwǐb yé le ekʉ́ gʉ́a ntémé ó, ɨ́ sí yɨ̂ʼ yɨ́yɛ̂h, nye ó dí bánǎ be Tiʼbʉr.»

Yʉanes 1:9

Njʉl waá wé omér ó b'á pan mpǎŋ myɛ́n. Wé lɨ́ epǎn myɛ́n ɨ́ sí yɨ̂, lɨ́ ekʉn bʉ̂r bɨ́bɛ̂h nzɨ̌ twiʼ.

Lʉkas 13:7

Nye nzě lɛ́ɛ e mʉr á bɨbaʼle pemé nyá ó: “Paá bee: yé mû ó mimbú mílɛ̂l gbaa mé lɨ́ enzě naǎ lɨ́ yɨ̂, lɨ́ enzě sáa mpúmó, akœ̌b sɔ̂ʼ. Mě lɛ́ɛ́ gó ó, go twɛ́lɨɨ yê. Yé lɨ́ edě sí, abe mé e nyɔm ɨ́ yé?”

Lʉkas 11:36

Nyʉ̂l nyǒ nyɨnyɛ̂h bé ɨ́ myɛ́n, yʉ́ʉ́ tîl l'akǎ lîʼ lɨ́ edúrʉ́ʉ́ nó, lɛ́ɛ́, go mʉr tɨ̂ʼ ntinɨ̂ mû ó ɨ́ myɛ́n tʉ́ŋlʉ̌. Yé ó mpʉ éláma e dí epan gó myɛ́n lɨ́.»

Lʉkas 2:11

Ɨ́ pum wɨ̂ʼ ɨ́ nkana mé David, Tiʼbʉr wɨ́n, nyɨ́ byɛ̂l! Nye ó Mʉ̌r Nzyɛ̌m á lœm múló mé jwɨ́ɨ nyá. Nye ó dí ntémé Tî gá wɨ́ná!

1 Yʉanes 4:14

Mɨná bɨ́ bee gá sá mɨ́ná tʉ́tó gá le eboʼlo yɨ́. Mboʼlá gá wɨ́ná, wé ó wɨ̂: Dâ Nzyɛ̌m á ntɨh Mwân wé ó, nye díʼee Tiʼbʉr ɨ́ sí yɨ̂ʼ yɨ́yɛ̂h.

2 Pyɛr 1:1

Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.

Mɨngwiha 20:14

Píe tɨ̂, eswie bé e kwár odwe, byé ntɔ̂ʼ guhɔɔ ɨ́ bɨ́ siʼe. Bɨ́ siʼe yaá ó dí gúmó bʉ̂r dí edwe éswie embá yɨ́.

2 Timotɛ 1:8

Nó, ajóʼo bá sôn ɨ́ lɔ̌b mboʼlá mɨ́ná dí eboʼlo, dumo e Tî gá wɨ́ná wɨ́. Ajéʼe mɛ̂m. Ajóʼo sôn ɨ́ lɔ̌b ménkara mé mû kɛ́ʼá e mé má. Go e dúhwó mítúú mi dí edweŋɔɔ mɨ́ná ɨ́ lɔ̌b Mbɨambɨa Lɔ́ɔ mí. Go e dúhwó e nkǔl Nzyɛ̌m dí edwe nyɨ́.

2 Timotɛ 4:1

Me lɨ́ edî gó ɨ́ hwɨ́m ɨ́ míh mé Nzyɛ̌m Sɔ́ŋ, bé e Yésʉs-Krîst: (Yésʉs waá ó múo nzě tíʼe míkublakúbla le odwe milɔ̌b nyá.) Myúú mímboʼlá mimbá, myé ó: nzéá nyé óbáʼǎ nze wɨ́, le Mpóʼo nyé ójwɨ́ɨ nyɨ́. Mě tyél gó etié ó, ɨ́ míé mé óboʼlo onâ baá ó:

2 Timotɛ 4:8

Yé jaá kǎ lîʼ mé ó, njɨ ebǐ káráá dí komá lɨ́ esú lâm yɨ́. Káráá yaá ó dí elɛ̂ʼle ó, mɨ́ bi nkâm ɨ́ míh mé Nzyɛ̌m. Tî Yésʉs, mʉr dí etíʼe mílɔ̌b lɨ́ otîtyěl nyá, ódwe mé yǎ lɨ́ elú lé épíhe. Nye ádwe yɨ́ɛ njɨ me e me. Káráá yaá, yé ódweŋɔɔ ntémé ó, bʉr bɨ́bɛ̂h o dí ekpɛl ébee nyé lɨ́ ebáʼǎ nze bá.