2 Pyɛr 3:9 - Kálar Nzyɛ̌m : Ejwán é Sáá

⁹ Dâ Nzyɛ̌m, nye ábea le elóŋlo nkɛ́ʼ nyé mpʉ bʉ́ʉ́ bʉ̂r dí ejwɨʼ ó, nye álɨ̌ dira nkɛ́ʼ nyaá yɨ́. Nye ɨ́ buo bíhwó ɨ́ bɨ̌n, ebě, nyé agwɨ̂m ó, nyʉ́ʉ́ mʉ̂r dímɨɨ ɨ́ nkɔb bʉr. Gwɨ́má lémé wé, yé ó, bʉr bɨ́bɛ̂h túmaa mikoo e mebébe mɔ́ɔ́, le edwira míléme.

Kálara Zyɛ̌m Edwán é mpʉ̌n

⁹ Da, nye ábɛa le epɛʼ nʉm we é bɛn. Nkʉ bʉʉ bʉr, bé ebee ó, nye edira monkɛʼ me jɔʼ yiyɛh e l'encyoo, é we paʼ, nye sɔʼɔ ó, é buo bihbe e bɨn, ebe, nye agwɨm ó, nuu mʉr dimɨ é nkɔb bʉr. Gwɨma leme we, yé ó, bʉr bɨbɛh gwɨma mobebe mɔɔ, le edwir mɨleme.

2 Pyɛr 3:9 ပူးပေါင်းရင်းမြစ်များ

1 Timotɛ 2:4

Nyě kpɛ̌l ó, bʉr bɨ́bɛ̂h níʼee ɨ́ twǐʼ njʉ̌m dǐ, le egʉ́a mílɔ̌b mi dí tyeetye mí.

Rôm 2:4

Nzyɛ̌m nyɨɛ yɨ́ɛ sí lɛ̂ʼle gó mpam nyé ɨ́ ntʉʉʉ́. Nye ntémé á si bee misyóm myô, alwib. Nye á si bu dûhwo myê. Nzê go mû ó lɨ́ epyêh bísyɛ́ɛla byé byaá ɛ́? Nzê gó agʉ́ǎ bím émbɨa nyé á sâ go lɨ́ ɛ́? Embɨa lé, lé ɨ́ jala le edǐb lémé gô nzɨ̌ etúmǒ koo le mebébe mô, le edwirǎ léme.

Mɨngwiha 2:21

Me á si dwe nye jɔʼ ó, nye túmaa koo le bimolá nyé dí esɨ̂sa bí. Nó ó, nyé akpɛl édwirǎ léme.

2 Pyɛr 3:15

Jɔʼ yɨ́yɛ̂h bɨ́n béé ó, Tî gá wɨ́ná, nyé apǎ báʼǎ nze yɨ́, lɛ́yɨ́ɨ́ gá ɨ́ bijɔʼ byaá ó: «Nye ɨ́ buo bíhwó ɨ́ páʼ bʉ́ʉ́ ósyɛ̂l bé ébébe, lɨ́ esú ó, nye tíʼɨɨ bê.» Nó ntémé ó, mɨ́ɔɔ́ kpɛ̌l gá wɨ́ná Pɔ̂l á cɛma bɨ̌n yɨ́. Nye á cɛma nó ó, lɨ́ ocwóó Nzyɛ̌m á dwe nye wɨ́.

1 Timotɛ 1:16

Me ó b'á jɨ́ʼɔɔ nkoó, ebě, me ó b'á bu sahle. Yésʉs-Krîst á taare elɛ̂ʼle mpuo bíhwó nyé ó, ɨ́ jɔʼ nyé á dûhwo me yɨ́. Yé ó mveʼle nyé dí elɛ̂ʼle bʉ̂r bɨ́bɛ̂h o ngá dyɛ̂ʼwo e né ɨ́ melû me dí enze má bá. Bé ódyɛ̂ʼwo e né, ntɔ̂ʼ bǐ twǐʼ njʉ̌m dǐ.

Ebrœ̂ 10:37

«Ebě, yɨ́ lîʼ njɨ mâ jɔʼ tîtííǎ, mʉr nzê nyá, nyé opyâl; nye ádeʼ.

Rôm 9:22

Nzyɛ̌m á sâ syɛ́ɛla yaá ó, nye lɛ̂ʼlaa bʉr nkpaa nyé le nkul nyé. Sá tɨ̂ʼ ó bɨ́n dí ebee nyé lɨ́ ebuú sâ bíhwó ɨ́ nkǒ páʼ bʉ̂r o jálá le ejaʼra e nkpaa nyé bá yɨ́. Nye lɨ́ ekʉ́ dûhwo baá nyé bónó édímle bá. Nyé sí kpɛl ó, nyě ntɨ́ʼ ó bʉr, dû mpʉ nkpáa nyé dí yɨ́ nɛ́ɛ: gua, gó e wáǎ lɔ̌b tɨ̂?

1 Pyɛr 3:20

Bé á nyɛɛ be ó, asâ Nzyɛ̌m mejóʼo ɨ́ melú mé épíhe. Ɨ́ jɔʼ yaá, Nzyɛ̌m á bʉbóno ó e bíhwó, tó pyâl ɨ́ jɔ̌ʼ Nóe á sil ekpaʼ byɛ̂l yɨ́. Ɨ́ jɔʼ yaá, yé á jaa be ó njɨ mâ dœ́h é bʉ̂r, apʉgʉ́ buo, njɨ bʉr mwom, ó b'á tíʼe ɨ́ byɛ̂l waá tʉ́ŋlʉ̌. Bé á tíʼɔɔ ó, ɨ́ medíbé.

Rôm 13:11

Sáʼ gá nó, ebě, bɨ̌n bé lɨ́ egʉ́ǎ jɔʼ mɨ́ná gá mû tɨ̂ʼ yɨ́. Ɨ́ báánâ, yé ó jɔʼ bɨ́n jálá le ejɨma ɨ́ bijô yɨ́. Jɔ̌ʼ Nzyɛ̌m á boo pɛ̂h ó, nyě tǐʼ ó mɨ́ná gá yɨ́, yé mû ó kúno epyâl. Yé akǎ cɛrǎ mpʉ yé á nyɛɛ be ɨ́ jɔʼ mɨ́ná bé á nyɛɛ bûʼla gá yɨ́.

Rôm 13:12

Pum mû ó téme elaa; móhó lɨ́ esîhle. Mɨná bírɨɨ gá bisyɛ́ɛla bi dí esáŋɔɔ lɨ́ edúrʉ́ʉ́ bí. Mɨná bwáraa gá mimbór mí dɔ̂m lɨ́ esú ó, mɨná lwímlaa gá e myé ɨ́ móhó.

2 Pyɛr 1:4

Mɨná mû bi gá ó, menkɛ̌ʼ nyé á boo kɛʼ mɨná gá, maá me dí ɨ́ buo ódimé má. Ɨ́ jɔʼ mɨ́ná bûʼlá gá menkɛ̌ʼ maá yɨ́, mɨná bé lɨ́ ebi gá ntémé njwɨr mé Nzyɛ̌m tɨ̂. Bʉr ó sí yɨ̂, bé mû ó lɨ́ ebo, duho ɨ́ mpwaʼ bigwɨ́má bísâ. Nó mɨná bɨɛ bé ókpɛ́ɛ gá bigwɨ́má byaá.