2 Pyɛr 3:7 - Kálar Nzyɛ̌m : Ejwán é Sáá

⁷ Lwǐb mé Nzyɛ̌m gwár e gwár yaá ó dí ebaʼlě jʉ́o, le ejwoo le sí. Yé óbaʼle byé ó, tó pyâl ɨ́ móhó étíʼ é mílɔ̌b. Byé odíʼɔɔ. Minjéʼe-Nzyɛ̌m, myé ódwe ɨ́ móhó waá.

Kálara Zyɛ̌m Edwán é mpʉ̌n

⁷ Lwib mo Zyɛm gwar e gwar yaa ó ndɨ ebaʼle jobo, le ejyoo le si nwa. Yé ódɨ baʼle bye ó, to pyal é dobo le etiʼ e mɨlɔb. Byé òdiʼɔ. Bʉr o ndɨ adwaabe Zyɛm ɨ, bé ódim cyecye é moho waa.

2 Pyɛr 3:7 ပူးပေါင်းရင်းမြစ်များ

2 Pyɛr 3:10

Ɨ́ jɔʼ Tî Yésʉs óbáʼǎ nze yɨ́, nye ópyâl bʉ̂r ó, metwɨrâ, mpʉ̌ ndíblʉ̌. Jʉ́o le ejwoo le baántɛ́n, byé ótɨ̂l e duú ɨ́ buo buo. Bisá Nzyɛ̌m á komlo byé e tɨ̂ʼ bí, nye ódîʼ bíbyɛ̂h. Sí yɨ̂ʼ ti e bisá bíbyɛ̂h bi dí esumɔɔ tɨ̂ʼ bí, byé ódíʼɔɔ.

2 Pyɛr 3:12

Jɔʼ yɨ́yɛ̂h mɨ́ná dú gá kʉ̌ tyen waá yɨ́, mɨná bónó gá ó, móhó Nzyɛ̌m ngá báʼǎ nze wɨ́. Mɨná séá gá ntémé ó, syɛ́ɛ́ ngá sâ ó, nye kpâhwa nze yɨ́. Ɨ́ móhó waá ó, jʉ́o le ejwoo le baántɛ́n ngá jɔǎ siʼe, ntɔ̂ʼ dinwa. Bisá Nzyɛ̌m á komlo byé e tɨ̂ʼ bí, byé ójǎ siʼe, buma mínjʉl.

Mɨngwiha 21:1

Me á si bee edwán é jʉ́o le edwán é sí, ebě, jʉ́ó ésôʼ bé e sí ésôʼ, byé á be ó sí laa. Mâŋ, mé á bé akǎ be.

Mataos 24:35

Kʉ́ e sí, byé ólaa. Milɔ̌b myâm míɛ, myé ákóʼó síe.

2 Pyɛr 2:9

Yé bé Dâ Nzyɛ̌m á si nyɛɛ sâ bʉr baá nó wá, nó ntémé, nye ókʉ́ gʉ́ǎ mpʉ nyé ósyɛb bʉ̂r o dí egúmo e né bá ɨ́ mebʉ́blá yɨ́. Nye lɨ́ egʉ́a ntémé mpʉ nyé ókab ónzyɛ́h ó bʉ̂r bintɨ́ʼá, le egbâ bé ɨ́ mpila, lɨ́ ebónǒ móhó étíʼ é mílɔ̌b yɨ́.

Mataos 25:41

«Píe tɨ̂, nye ólɛ́ɛ e baá o dí nye ɨ́ páʼ mbó émyɛ̌l ó: “Pʉʼaa gá gúmó mé dí yɨ́, bʉr ó Nzyɛ̌m á boo syɛm bá. Tóʼ gá ɨ́ siʼe dí edúǒ kɔ́m ti e kɔ́m yɨ́, siʼě Nzyɛ̌m á boo tira lɨ́ esú mé sɔ́ŋ meleme, bé e beéngeles bé yɨ́.

Mɨngwiha 20:11

Nó ó, me nzě bee mécwɨ́ɨ́ mé jwɨ́ɨ ménɨ́nɨ́ɨ́, mé á be ɨ́ pumo pumo má. Me á si bee ntémé waá á be tɨ̂ʼ ndîndǐl nyá. Sí yɨ̂ ndu e jʉ́o, byé á si dîm ɨ́ míh mé.

Mataos 12:36

Me lɨ́ egwá kʉ́ nwâhle bɨ́n ó, ɨ́ móhó étíʼ é mílɔ̌b, bʉr, bé ótó kar lɨ́ esú lé ékǎn lɨ́lɛ̂h bé á lwilwib, abe e nyɔm lɨ́.

Yʉ̂d 1:7

Símsáá gá ntémé bʉr ó Sodôm, e Gómɔr ti e bʉr o b'á di ɨ́ bwá bínkana byé á be ɨ́ mepʉ́la mɔ́ɔ́ bá. Bʉr baá, bé á si bɛ́ma bé bʉr o tɨ̂ʼ lɨ́ esâ bímolá. Bé á si syɛŋa bijoó e mbi mʉ̂r bé dí abe lɨ́ ekœb ɨ́ joó wɨ́. Nó ó, bé á si ka bi bintɨ́ʼá ɨ́ siʼe dí edúǒ kɔ́m ti e kɔ́m yɨ́. Nzyɛ̌m á sâ bé syɛ́ɛla yaá ó, lɨ́ elɛ̂ʼle bʉ̂r bɨ́bɛ̂h mveʼle.

1 Timotɛ 6:9

Tó kœb ó, bʉr o b'á tíʼe ɨ́ milémé myɔ́ɔ́ ó, bé óbi bísâ ɨ́ buo buo bá, bé lɨ́ eduma ɨ́ mebʉ́blá. Bé lɨ́ eswam bé bʉr o tɨ̂ʼ enkɔ́máá ɨ́ twíí. Bé lɨ́ emɛ́rɔɔ ɨ́ mpila bígwɨ́má ɨ́ buo buo. Bʉr o dí edû bígwɨ́má byaá bá, bé dú ó, sá dí ajwɨ̂ʼ yɨ́, le yaá dí edulo mítúú ɨ́ nyʉ̂l mʉr yɨ́. Bé e mbi bígwɨ́má dí edímle mʉ̂r, le ejʉ̂ nyé wɨ́.

Filipi 1:28

Mě kpɛl éjóʼo ntémé ó, bɨ̌n bé akǎ jóʼo ékɛ̂n lɨ́ ontɨ̂m le obɨn bɨ́n. Mpʉ bé dí ebene bɨ́n, bɨ̌n bɨɛ l'akpɛ́ɛ bé yɨ́, yé ó dǐm éswie lɔ́ɔ́, ó bé ódîm. Ɨ́ páʼ wɨ́n wɨ́ɛ, yé ó jwɨʼ dí elɛ̂ʼle ó, bɨ̌n bé e twǐʼ njʉ̌m dǐ Nzyɛ̌m dí edwe yɨ́.

1 Yʉanes 4:17

Milémé gá míná, myé ólóno ɨ́ kpɛ̌l yé ɨ́ nzɨ̌ nyaá. Mɨná bé ónʉa gá pîm ɨ́ búʼó ɨ́ móhó étíʼ é mílɔ̌b ntémé, ebě, kʉ̌ tyen mɨ́ná dí edû gá ɨ́ sí yɨ̂ʼ wɨ́, wé nwɨɨla ó e waá wé nye mʉr tɨ̂.

2 Tesalonika 2:3

Mʉ̌r sá adímle bɨ́n e nzɨ̌ lwǐb míkóo ɨ́ nyʉ́ʉ́ nzɨ́ e nyʉ́ʉ́, ebě, móhó waá, wé ányɛɛ́ pyâl nó. Bʉr ɨ́ buo buo, bé ónyɛɛ́ gbɔba e Nzyɛ̌m. Mʉr dí egbah métié mé Nzyɛ̌m nyá, nyé okǎ tyɛ̂b ɨ́ teʼwó ɨ́ míh mé bʉ̂r ɨ́ ponó ɨ́ jɔʼ yaá. Nye ó ngá tyɛ̂b ésôʼ e bʉr o ngá dîm kɔ́m ti e kɔ́m bá.

Rôm 2:5

Jɔʼ yɨ́yɛ̂h gó dí esâ élele é léme, nkʉ̂ bene édwirǎ léme yɨ́, go náǎ ó, lɨ́ ebul bíbaa bí ébébě Nzyɛ̌m ngá niniʼe gó bí. Byé ókǎ láŋɔɔ ó, ɨ́ móhó Nzyɛ̌m ólɛ̂ʼle bʉ̂r ɨ́ buo buo nkpaa nyé wɨ́. Dʉ́o laá ntémé ó nyé ngá lɛ̂ʼle mʉ̂r nyɨnyɛ̂h mpʉ nyé dí etíʼe bʉ̂r milɔ̌b lɨ́ otîtyěl yɨ́.

Markus 6:11

Gúmó yɨ́yɛ̂h bʉ̂r, bé óbene bɨ́n, nkʉ̂ akpɛl éjôʼlo bɨ́n yɨ́, pɔʼá bɨ́n ngá pʉʼa tɨ̂ʼ wɨ́, bɨ̌n e kúró pím ónara bɨ́n ɨ́ mebo nyɨ́. Syɛ́ɛla yaá, yé ónwâhle bé ó, bé mû ó ɨ́ mebyaʼ.»

Mataos 11:24

Sá tɨ̂ʼ ó mé dí elɛ́ɛ bɨ́n ó, ɨ́ dʉ́ó Nzyɛ̌m ngá tíʼe bʉ̂r milɔ̌b yɨ́, Sidɔ̂n, yé ábuú dweŋɔɔ bíntɨ́ʼá mpʉ gô, Kapernáʉm.»

Mataos 11:22

Sâ yaá ó mé dí egwá kʉ́ lɛ́ɛ bɨ́n ó, dʉ́ó Nzyɛ̌m ngá tíʼe bʉ̂r milɔ̌b yɨ́, Tîr e Sidɔ̂n, bé ábuú dweŋɔɔ bíntɨ́ʼá mpʉ bɨ́n.

Mataos 10:15

Mě lɛ́ɛ́ bɨ́n lɨ́ otyeetye ó, ɨ́ dʉ́ó Nzyɛ̌m ngá tíʼe bʉ̂r milɔ̌b yɨ́, ntɨ́ʼá le mekpaa bʉ̂r o bínkana le mekwár maá ngá bi bí, byé óbe ó, laa byaá mé Sodôm e Gómɔr.»

Mɨngwiha 17:11

Nó ó tír waá, waá á boo be tɨ̂, waá mû akǎ be nyá nyɨɛ, nye ó njwɨ́ɨ mwom. Bé le ojwɨ́ɨ nzaangbá, bé ó sɔ́má gwár. Nyě tó ó, tó dwě dwêʼ.

Mɨngwiha 17:8

Tír gó á bee nyá, á boo be ó tɨ̂, jɔ̌ʼ myâ. Tó kœb ó, nyé akǎ be. Yɨ́ kǎ lîʼ tîtííǎ, nyé opah, duho ɨ́ bɨ́ dí sí ɨ́ kœ́ʼlɛ́ yɨ́. Nyé óduho tɨ̂ʼ nó, nyé odwe. Nzyɛ̌m á si cɛma míé mé bʉ̂r o nyé ngá tíʼ bá, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Sâ gwár, bʉr o míe dí anyɨ̂n ɨ́ mekaná mé twiʼ maá bá, bé óbuú kâm tír waá, ebě, bé óbee ó, nye á be ɨ́ nyɛɛ́ tíʼe, nye nzě dwe. Bé óbee nyé ntémé lɨ́ ebáʼǎ pah.

Yʉanes 12:48

Mʉr nyɨnyɛ̂h dí eso mê, akǎm lɛ́ʼlá wâm nyá, nyě e mʉr ngá tíʼě lɔ̌b wé nyá. Milɛ́ʼlá mé mû sí dwe bɨ́n mî, myé ó ngá tíʼě lɔ̌b wé ɨ́ móhó ésúʼlá é sí yɨ̂.

1 Korɛnt 3:13

Syɛ́ɛ́ mʉ̂r nyɨnyɛ̂h dí eséa yɨ́, yé ónyɨ̂n ɨ́ ponó ɨ́ dʉ́ó lé étíʼ é mílɔ̌b, ebě, nyɔ̌m sá yɨ́yɛ̂h, wé ónyɨ̂n ɨ́ sʉ́lʉ́lʉ́ ó, ɨ́ móhó waá. Nyɔm tɨ̂, wé nyɨ́nyɨ́n ó, ɨ́ siʼe ngá lɛ̂ʼlě nyɔ̌m syɛ́ɛla mʉ̂r yɨ́. Syɛ́ɛla yé sí dûhwo yɨ́ɛ siʼe yaá nó, lɛ́ɛ́, syɛ́ɛla yaá, yé á kʉ be ó e nyɔm lɨ́ esú mé Nzyɛ̌m.

Ebrœ̂ 12:29

Ebě, Nzyɛ̌m gá wɨ́ná, nye ó mpʉ̌ siʼe dí ɨ́ buú dúo yɨ́.