2 Pyɛr 3:3 - Kálar Nzyɛ̌m : Ejwán é Sáá

³ Sá ésôʼ, gwá gʉ́a gá sɨ̂: ɨ́ melú mé ósûʼla má, yé óbe ó e bʉr o ngá kpɛl étíʼě mpʉ bígwɨ́má byɔ́ɔ́ dí etíne bé yɨ́ bá. Bé óbe ó bʉr ó pyêh,

Kálara Zyɛ̌m Edwán é mpʉ̌n

³ Sa efoʼ, gʉa mɛr ga sa yi: é jɔʼ esie e mbi jɔʼ yi, lé óbe kunokuno le epyal ɨ, bʉr, bé óbe lé ekœʼ ebò e cyen mpʉ bɨgwɨma byɔɔ lé etine be e. Bé óbe ó bʉr o pyeh,

2 Pyɛr 3:3 ပူးပေါင်းရင်းမြစ်များ

Yʉ̂d 1:18

Bé á lɛ́ɛ bɨ̌n ó, mbi wɨ̂: «Ɨ́ melú mé ósûʼla má, yé óbe ó e bʉr ó kpêʼle ngá dû mpʉ bígwɨ́má byɔ́ɔ́ dí etíne bé yɨ́ bá. Bigwɨ́má byɔ́ɔ́, byé kʉ́ lɛ̂ʼle ó, bé lɨ́ ejéʼě Nzyɛ̌m.»

2 Pyɛr 2:10

Nye ódwe bíntɨ́ʼá, ntaa sʉ́ŋa ó, bʉr o dí elóŋlǒ njwɨr myâ gá wɨ́ná bá, bɨ́ɛ ntémé lɨ́ epyêh bʉ̂r o dí e jwɨ́ɨ bá. Bé jaá mɨmɛɛla ó, njɨ e bé bʉr o tɨ̂, le bijwɨʼ mílémé myɔ́ɔ́. Bibɨ́bla bí ólɛ̂ʼla mê lɛ́ɛ́ bɨ́n bî, byé ajóʼo bʉ́á lɨ́ epya mísísǐm mí édúrʉ́ʉ́ mi dí e jwɨ́ɨ mí.

Yʉ̂d 1:16

Bʉr baá, bê ɨ́ jɔʼ yɨ́yɛ̂h ó, lɨ́ elwib ɨ́ bébe bébe dumo e Nzyɛ̌m. Bê ɨ́ jɔʼ yɨ́yɛ̂h ó, lɨ́ etítíne nkɔ̂b nyé dwídwé bé nyɨ́. Bé jaá dû ó, njɨ bigwɨ́má byɔ́ɔ́. Bé lɨ́ elwib bílwǐb bí jáálé. Bé lɨ́ edwáawo bʉ̂r mempǒm, bɨ́ɛ lɨ́ egʉ́a ó, bé e nkul edira wɔ́ɔ́ nyɔm tɨ̂.

2 Korɛnt 4:2

Bɨ̌h bé asâ bísyɛ́ɛla mésǒ bi dí edulo sôn bí. Bɨ̌h bé acéně sɔ̂ʼ ɨ́ milɔ̌b mé Nzyɛ̌m bɨ́h dí elɛ̂ʼle mí. Bɨ̌h jaá dwe ó, njɨ mpǎŋ lɛ́ʼlá dí tyeetye wɨ́. Ɨ́ mbi waá ó bɨ́h dí esâ ó, mʉr nyɨnyɛ̂h béyɨɨ bɨ̌h mbɨ̂mbɨá yɨ́. Bɨ̌h sá nó ó, ɨ́ míh mé Nzyɛ̌m.

2 Pyɛr 1:20

Bɨ̌n e gʉ́á sɨ̂: yé abe e mʉr á gwîh milɔ̌b mé Nzyɛ̌m ɨ́ lɔ̌b gwɨ́má yé ánta nye. Ogwíha o mílɔ̌b, bé á gwigwîh milɔ̌b myé ó, lɨ́ edû mpʉ̌ Sísǐm mé Nzyɛ̌m, wé á lɛ̂ʼle bé yɨ́. Ogwíha o mílɔ̌b pǎ nyɛɛ́ dû gwɨ́má mé Nzyɛ̌m, á dwɛʼra e mʉr ókǎ pâʼla míngwíhá mílɔ̌b myɔ́ɔ́ nyá! Sá bé á nyɛɛ gwîh, nzě cɛma yɨ́, mʉr nyé ajala le epâʼla yé mpʉ̌ gwɨ́má lémé wé dí yɨ́.

2 Timotɛ 3:1

Gwá gʉ́ǎ sɨ̂: ɨ́ melú mé ósûʼla má, yé óbe ó e bijɔʼ ɨ́ kɔbla kɔbla.

1 Yʉanes 2:18

Bwán bâm, esúʼlá é sí yɨ̂ʼ mû ó ɨ́ nérénére. Bɨ̌n bé á si boo jóʼo ó, Ntɨ̂m e mbɨn mé Krîst, nye ɨ́ jala le enze. Ɨ́ báánâ, ontɨ̂m le obɨn mé Krîst, bé mû ó, sí buo. Nó ó mɨ́ná dí egʉ́a gá ó, yɨ́ kumo lɨ́ esúʼlá é sí yɨ̂ʼ yɨ́.

Yʉanes 12:48

Mʉr nyɨnyɛ̂h dí eso mê, akǎm lɛ́ʼlá wâm nyá, nyě e mʉr ngá tíʼě lɔ̌b wé nyá. Milɛ́ʼlá mé mû sí dwe bɨ́n mî, myé ó ngá tíʼě lɔ̌b wé ɨ́ móhó ésúʼlá é sí yɨ̂.

Ebrœ̂ 1:2

Ɨ́ yɨ̂ʼ jɔʼ mpʉ mélú mé mpóʼo sí yɨ̂ʼ mû lɨ́ ekɔ́a yɨ́, nye mû kǎ lwib e mɨná gá ó, cɨɨ ɨ́ nzɨ̌ Mwân wé. Nye ó waá Nzyɛ̌m á kɛʼ ó, nye ónʉa bílíʼé bí sí yɨ̂ʼ bíbyɛ̂h nyá. Nzyɛ̌m á kuho kʉ́ e sí ndu e l'ekomlǒ sá yɨ́yɛ̂h dí tɨ̂ʼ yɨ́ ó, ɨ́ nzɨ̌ nyé.