2 Pyɛr 3:2 - Kálar Nzyɛ̌m : Ejwán é Sáá

² Mě gwɨ́m ó, bɨ̌n símsaa lɔ́ɔ́ ógwíha o mílɔ̌b mé Nzyɛ̌m bé á lɛ́ɛ ɨ́ melú mé épíhe wɨ́, ti e metié mé Tî Yésʉs, dí ntémé Tiʼbʉr gá wɨ́ná nyá. Metié maá ó bɨ́n á jóʼo ɨ́ nzɨ̌ bʉr o mílʉ́mlʉ́ bé má.

Kálara Zyɛ̌m Edwán é mpʉ̌n

² Me egwɨm ó, bɨn toŋla mɨsaŋ mɨ ogwiha o mɨlɔb, le mokan bé a bɛa lɛɛ molu pihe e, ndwe e mɨtiʼa Tî ga wina le Tiʼbʉr ga wina a nʉa ɛ. Mɨtiʼa myaa ó bɨn bé a joʼo é zi mɨlʉmlʉ mye e.

2 Pyɛr 3:2 ပူးပေါင်းရင်းမြစ်များ

Yʉ̂d 1:17

Bʉr ó kpɛ̌l bâm, símsáá gá mekǎn bʉ̂r o mílʉ́mlʉ́ mé Tî gá wɨ́ná Yésʉs-Krîst á lɛ́ɛ má.

2 Pyɛr 2:21

Yé á gwa mbɨa bʉr baá ó, mpa bé á bé apǎ dyɛ̂l ɨ́ nzɨ̌ dí elɛ̂ʼle bʉ̂r kʉ̌ tyen dí tîtyěl wɨ́ nyɨ́, laa ó, bé osí dyɛ̂l tɨ̂ʼ nɛ́ɛ: bé ntɔ̂ʼ kǎ bwóolo ntúʼó, túmǒ koo e metié me dí tí, maá Nzyɛ̌m á tyêl má.

Lʉkas 1:70

Nyɨ́ sâ mpʉ nyé á boo lɛ́ɛ mélú mé épíhe ɨ́ nzɨ̌ ogwíha o mílɔ̌b bé, bʉr o dí ti bá yɨ́.

Lʉkas 24:44

Nye nzě lɛ́ɛ e bé ó: «Bisyɛ́ɛla bî, byé ó byaá mé á boo lɛ́ɛ bɨ̌n ó, byé ósyɛ́ɛ bí. Mɨná dína lɨ́ etye gá sɔ́má, me á boo lɛ́ɛ bɨ̌n ó, sá yɨ́yɛ̂h dí cɛmá ɨ́ Mekaná mé Nzyɛ̌m, lɨ́ mekaná métié mé Moyɨ̂z, le maá mé ógwíha o mílɔ̌b, le lɨ́ oSâm mé David, dumo e me yɨ́, yé ódira nó.»

Mɨngwiha 19:10

Ejóʼo mé á kʉ jóʼo nó yɨ́, me ntɔ̂ʼ kúrwo sí, píʼe mpóm ɨ́ bibwǎh ɨ́ mpǒm nyé, lɨ́ edwe nyé kûm. Nye nzě lɛ́ɛ e me ó: «Sá asâ nó. Me ntémé, me ó syɛ̂l mesâ mé Nzyɛ̌m mpʉ bɨ́n e bɨ́ɔɔ́ bô dí nɨ̌. Mɨná bɨ́bɛ̂h, bé lɨ́ ebúʼla gá lɔ́ɔ́ Yésʉs á túno wɨ́. Gúmláá sɔ̂ʼ njɨ Nzyɛ̌m.» Lɔ́ɔ́ Yésʉs á túno wɨ́, wé ó b'á dwe ogwíha o mílɔ̌b nkul Sísǐm ó, bé lwíbɨɨ.

Éfɛsɔs 2:20

Bɨ̌n bé ó mpʉ̌ poro bé á lúmo ɨ́ mbɛ̌r yɨ́. Nkan mbɛ̌r nyɨɛ, nye ó bʉr o mílʉ́mlʉ́ mé Yésʉs, bé le ogwíha o mílɔ̌b mé Nzyɛ̌m. Yésʉs-Krîst mʉr tɨ̂ʼ ó dí medwii me sɔ́ŋ.

Mɨlʉmlʉ 28:23

Bê nzě tyêl móhó, bé e boo nɔ́ɔ́, bé á be ó, bé óbɔma wɨ́. Jɔ̌ʼ móhó waá, wé á pyâl yɨ́, bé ntɔ̂ʼ nze e bʉr ɨ́ buo buo, nzě kœb nyé ɨ́ gúmó nyé á didi yɨ́. Táare ɨ́ mɛ́n, tó pyâl ɨ́ bíí kʉ̌ʼ, Pɔ̂l nzě túnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le esáa ó, nye dúlaa bê, ó bé bûʼlaa lɛ́ʼlá dí edumo e Yésʉs wɨ́. Nye á nʉnʉa milɛ́ʼlá myaá ó, ɨ́ metié mé Moyɨ̂z le mekaná mé ógwíha o mílɔ̌b.

Mɨlʉmlʉ 10:43

Ogwíha o mílɔ̌b bɨ́bɛ̂h, bé á si lwib, dumo e né. Bé á lɛ́ɛ ó, mʉr nyɨnyɛ̂h ódyêʼ koo e né nyá, Nzyɛ̌m ópɛʼ bíbaa nyé dí eniʼe ɨ́ lɔ̌b mísyóm myé bí. Nye ósâ nó ó, ɨ́ lɔ̌b mé Yésʉs.»

Mɨlʉmlʉ 3:21

Báánâ, nye ɨ́ jala le edi ɨ́ jʉ́o kʉ́, ɨ́ di di di, tó pyâl ɨ́ jɔ̌ʼ Nzyɛ̌m óbáʼǎ tyêl bísá bíbyɛ̂h ɨ́ bityé byɔ́ɔ́ mpʉ nyé á boo kɛʼ, duho myâ yɨ́. Nye á kɛʼ nó ó, cɨɨ e nzɨ̌ ogwíha o mílɔ̌b bé, baá dí egúmo e né bá.

Mɨlʉmlʉ 3:18

Tó kœb ó, Nzyɛ̌m á lóŋlo ekǎn nyé á lɛ́ɛ ɨ́ minum mí ógwíha o mílɔ̌b bɨ́bɛ̂h lɨ́ ó, cɨɨ e nzɨ̌ syɛ́ɛla yɨ́n yaá. Nye á lɛ́ɛ ó, yé jɨ ó, mʉr nyé á lœm múló mé jwɨ́ɨ nyá nkɛ́yɨɨ mitúú mpʉ́nʉ̌.

Lʉkas 24:27

Nye nzě nyɛl épâʼlǎ sá yɨ́yɛ̂h yé á be cɛmá ɨ́ Mekaná mé Nzyɛ̌m, dumo e né yɨ́, táare lɨ́ mekaná mé Moyɨ̂z, kumo e maá ógwíha o mílɔ̌b bé, bé á cɛma má.

1 Yʉanes 4:6

Nó ó, mɨná bɨɛ dumo gá ó e Nzyɛ̌m. Mʉr dí egʉ́ǎ Nzyɛ̌m nyá, nye lɨ́ esâ mɨ́ná gá mejóʼo. Mʉr dí aduho kwá mé Nzyɛ̌m nyá, nyé asâ mɨ́ná gá mejóʼo. Nó ó mɨ́ná dí e nkul edweʼe gá mbɔ́ʼ páʼ Sísǐm Ótyeetye, ndu e sísǐm bíbɛr yɨ́.

2 Pyɛr 3:15

Jɔʼ yɨ́yɛ̂h bɨ́n béé ó, Tî gá wɨ́ná, nyé apǎ báʼǎ nze yɨ́, lɛ́yɨ́ɨ́ gá ɨ́ bijɔʼ byaá ó: «Nye ɨ́ buo bíhwó ɨ́ páʼ bʉ́ʉ́ ósyɛ̂l bé ébébe, lɨ́ esú ó, nye tíʼɨɨ bê.» Nó ntémé ó, mɨ́ɔɔ́ kpɛ̌l gá wɨ́ná Pɔ̂l á cɛma bɨ̌n yɨ́. Nye á cɛma nó ó, lɨ́ ocwóó Nzyɛ̌m á dwe nye wɨ́.

Galásia 6:2

Nkɛ́yɨ́ɨ́ gá mimbeʼ mi bʉ́ʉ́ bʉ̂r. Bɨ́n sá nó wá, lɛ́ɛ́, bɨ̌n bɨ́ dû étié Krîst á líʼe mɨná e lé lɨ́.

Éfɛsɔs 3:5

Ɨ́ mimbú mí píhe, mimyǎ mi bʉ̂r ɨ́ buo buo, bé á bé agʉ́a épâʼlǎ solá lɔ̌b waá. Ɨ́ báánâ, Nzyɛ̌m mû kǎ gwîh wé ó e nzɨ̌ Sísǐm wé. Sísǐm mé Nzyɛ̌m nyɨɛ, nyě gwíh wé ó, kwá bʉr o mílʉ́mlʉ́ mé Yésʉs-Krîst, bé le ogwíha o mílɔ̌b mé Nzyɛ̌m. Bé gúmó ó e Nzyɛ̌m.

1 Timotɛ 6:14

go bâʼlaa etié énɨ̌. Sá antaa lé ɨ́ jɔʼ gwár. Diʼee mʉ̂r dí, abe e nkul edweŋɔɔ mébě nyá, tó pyâl pyáláa ɨ́ móhó Tî gá wɨ́ná Yésʉs-Krîst óbáʼǎ nze wɨ́.

2 Pyɛr 3:16

Nyě cɨcɛmá bɨ́n milɔ̌b mimpwár myaá ó, ɨ́ mekaná mɨ́mɛ̂h nyé dí ecɛma má. Ɨ́ mʉ́ʉ́ mékaná, nye á cɛma ó, bisâ bi dí elára bʉ́ʉ́ bʉ̂r bí. Bʉr o dí anʉa mílɛ́ʼlá, baá o dí le ocábcab bá, ɨ́ jɔʼ bé láá mɨ́haá mékaná yɨ́, bé lɨ́ edwir mílɔ̌b mi tɨ̂ʼ gúú mbi swîh. Yé ó mpʉ bé dí eboó sɨsâ ntémé ɨ́ jɔʼ bé láá byúú bípéh Mékaná mé Nzyɛ̌m yɨ́. Bʉr baá, bé guŋlo ó, mempɨ́ mɔ́ɔ́ bé bʉr o tɨ̂ʼ ngá lʉ́ŋa, ntɔ̂ʼ dwe tɨ̂ʼ má.