2 Pyɛr 3:15 - Kálar Nzyɛ̌m : Ejwán é Sáá

¹⁵ Jɔʼ yɨ́yɛ̂h bɨ́n béé ó, Tî gá wɨ́ná, nyé apǎ báʼǎ nze yɨ́, lɛ́yɨ́ɨ́ gá ɨ́ bijɔʼ byaá ó: «Nye ɨ́ buo bíhwó ɨ́ páʼ bʉ́ʉ́ ósyɛ̂l bé ébébe, lɨ́ esú ó, nye tíʼɨɨ bê.» Nó ntémé ó, mɨ́ɔɔ́ kpɛ̌l gá wɨ́ná Pɔ̂l á cɛma bɨ̌n yɨ́. Nye á cɛma nó ó, lɨ́ ocwóó Nzyɛ̌m á dwe nye wɨ́.

Kálara Zyɛ̌m Edwán é mpʉ̌n

¹⁵ Cye yiyɛh bɨn dina lé ebee ó, Da Yesʉs, nye akpahbe ze e, dɨʼe lɛɛ ga é bɨjɔʼ byaa ó: «Nye é buo bihbe é nko paʼ bʉʉ osyɛl be ebebe é l'efu ó, nye dweʼ be tiʼ molu mo mpoʼ mɨmɛh.» É mbi waa ó mɨɔ kpɛl ga wina Pol a tile bɨn ɨ. Nye a tile no ó, é l'ocyoo Zyɛm a dwe nye e.

2 Pyɛr 3:15 ပူးပေါင်းရင်းမြစ်များ

Rôm 2:4

Nzyɛ̌m nyɨɛ yɨ́ɛ sí lɛ̂ʼle gó mpam nyé ɨ́ ntʉʉʉ́. Nye ntémé á si bee misyóm myô, alwib. Nye á si bu dûhwo myê. Nzê go mû ó lɨ́ epyêh bísyɛ́ɛla byé byaá ɛ́? Nzê gó agʉ́ǎ bím émbɨa nyé á sâ go lɨ́ ɛ́? Embɨa lé, lé ɨ́ jala le edǐb lémé gô nzɨ̌ etúmǒ koo le mebébe mô, le edwirǎ léme.

2 Pyɛr 3:9

Dâ Nzyɛ̌m, nye ábea le elóŋlo nkɛ́ʼ nyé mpʉ bʉ́ʉ́ bʉ̂r dí ejwɨʼ ó, nye álɨ̌ dira nkɛ́ʼ nyaá yɨ́. Nye ɨ́ buo bíhwó ɨ́ bɨ̌n, ebě, nyé agwɨ̂m ó, nyʉ́ʉ́ mʉ̂r dímɨɨ ɨ́ nkɔb bʉr. Gwɨ́má lémé wé, yé ó, bʉr bɨ́bɛ̂h túmaa mikoo e mebébe mɔ́ɔ́, le edwira míléme.

1 Timotɛ 1:16

Me ó b'á jɨ́ʼɔɔ nkoó, ebě, me ó b'á bu sahle. Yésʉs-Krîst á taare elɛ̂ʼle mpuo bíhwó nyé ó, ɨ́ jɔʼ nyé á dûhwo me yɨ́. Yé ó mveʼle nyé dí elɛ̂ʼle bʉ̂r bɨ́bɛ̂h o ngá dyɛ̂ʼwo e né ɨ́ melû me dí enze má bá. Bé ódyɛ̂ʼwo e né, ntɔ̂ʼ bǐ twǐʼ njʉ̌m dǐ.

1 Pyɛr 3:20

Bé á nyɛɛ be ó, asâ Nzyɛ̌m mejóʼo ɨ́ melú mé épíhe. Ɨ́ jɔʼ yaá, Nzyɛ̌m á bʉbóno ó e bíhwó, tó pyâl ɨ́ jɔ̌ʼ Nóe á sil ekpaʼ byɛ̂l yɨ́. Ɨ́ jɔʼ yaá, yé á jaa be ó njɨ mâ dœ́h é bʉ̂r, apʉgʉ́ buo, njɨ bʉr mwom, ó b'á tíʼe ɨ́ byɛ̂l waá tʉ́ŋlʉ̌. Bé á tíʼɔɔ ó, ɨ́ medíbé.

Jacques 3:17

Sá ésôʼ mɨ́ná jálá le elɛ́ɛ gá yɨ́ ó yɨ̂: ocwóó dí eduho kʉ́ wɨ́, wé abe ɨ́ mpúhlá le ebébe. Píe tɨ̂, wé ó sá dí esâ ó, bʉr tíʼaa ɨ́ mepyɛbla yɨ́. Wé ó sá dí elɛ̂ʼle mʉ̂r mpʉ nyé tálaa njwɨr, le edi e léme sulá sí yɨ́. Ocwóó waá ó dí esâ ó, mʉr jɨ́ʼɨɨ bʉ́ʉ́ bʉ̂r nkoó. Wé lɨ́ edwe mʉ̂r ngwɨ́á ésâ bísyɛ́ɛla bimpâ. Wé abe e nkɔ̌m ɨ́ gúú pâʼ. Wé abe e mikóo.

Lʉkas 21:15

Ebě, mɛm mʉr tɨ̂, me óboó dwe bɨ́n mekǎn le ocwóó, mbi dí ó, ontɨ̂m le obɨn bɨ́n, bé óbe, abe e nkul ekǎ yala, nkʉ̂ sóŋlo yɨ́.

Jacques 1:5

Nyʉ́ʉ́ mʉ̂r ɨ́ sɔ́má yɨ́n bé lɨ́ ejɨ ócwóó nó, nye jáʼaa Nzyɛ̌m wǎ. Nye ókʉ́ dwe nyé wǎ. Nzyɛ̌m dwídwé bʉ̂r ocwóó ó, dwě dwêʼ, abe e túú ɨ́ léme.

Mɨlʉmlʉ 15:25

Sá tɨ̂ʼ ó bɨ́h á syɛŋa léme ngwár, pɛ́hɔɔ bʉ́ʉ́ bʉ̂r, lómlɔɔ bɨ́n bǎ, bé e bɨ́ɔɔ́ ó kpɛ̌l bɨ́h: Banabâs, bé e Pɔ̂l yɨ́.

1 Korɛnt 2:13

Bɨ̌h dwé bɨ́n ó, milɛ́ʼlá myaá. Bɨ̌h bé alwib e mekǎn mé ócwóó ó sí yɨ̂, njɨ e mekǎn Sísǐm mé Nzyɛ̌m dí edwe bɨ́h má. Nó yaá ó bɨ́h dí ekala bɨ́n milɛ́ʼlá Sísǐm mé Nzyɛ̌m dí enyɛɛ́ dwe bɨ́h mí yɨ́. Sísǐm waá ntémé ó dí edwe bɨ́h mekǎn bɨ́h jálá le elwib má.

Éfɛsɔs 3:3

Nye á níŋle me ɨ́ syɛ́ɛ́ yaá ó, ɨ́ jɔʼ gwár e gwár nyé á dwe me pɨʼ lɨ́ esimá yɨ́. Nye á sâ nó ó, me nkʉ̂ pâʼla bɨ́n lwǐb ódîm yé. Bɨ̌n gʉ́á nó ó e nzɨ̌ bwá mékǎn mé dí ecɛma bɨ́n mâ.

1 Korɛnt 12:8

Sísǐm ntɨh nyâʼ mʉ̂r ndwéá ó, nye díʼee le ocwóó ɨ́ melab mé. Sísǐm ngwár waá, wé lɨ́ edwe nyʉ́ʉ́ mʉ̂r ngwɨ́á ɨ́ bisá nyé dí elwib bí.

1 Korɛnt 3:10

Metyɛʼ me mpóm mé Nzyɛ̌m ó b'á sâ ó, me séaa mpʉ swîm mimbɛ̌r yɨ́. Me á si tyêl nkan. Nyʉ́ʉ́ mʉ̂r nyɨɛ nzě sumo tɨ̂. Yé jala ó, mʉr nyɨnyɛ̂h sâʼ ocwóó ɨ́ mbǐ sumá nyé dí esumo wɨ́.

Mɨlʉmlʉ 7:10

Nzyɛ̌m nzě pɛʼ nyé ɨ́ mitúú myé mímyɛ̂h. Nye nzě sâ ó, nye díʼee le ocwóó, le ebi métyɛʼ me mpóm ɨ́ míh mé njwɨ́ɨ Egɨ̂ptɛn. Njwɨ́ɨ nyɨɛ ntɔ̂ʼ tyêl nyé lʉ́ mʉ̂r ɨ́ bʉr ó sí Egɨ̂ptɛn ndu e mbɛ̌r bʉ̂r mé Faraɔ̂ŋ wɨ́wɛ̂h.

Mɨlʉmlʉ 9:17

Nó nyé á nze mɔa, tó pyâl ɨ́ mbɛ̌r waá. Nye ntɔ̂ʼ kɛ̌l Saʉ̂l mebô. Nye e né ó: «Saʉ̂l, mɨ́ɔɔ́ wǎm, Tî Yésʉs á si pyâl go ɨ́ nzɨ̌ ɨ́ jɔʼ gó á be lɨ́ enze kâʼ yɨ́. Nye lómó mé ó, me sâʼ ó, go báʼa bee, le ntémé ó, go díʼee lwɨ́ŋlá e Sísǐm mé Nzyɛ̌m.»

2 Pyɛr 3:2

Mě gwɨ́m ó, bɨ̌n símsaa lɔ́ɔ́ ógwíha o mílɔ̌b mé Nzyɛ̌m bé á lɛ́ɛ ɨ́ melú mé épíhe wɨ́, ti e metié mé Tî Yésʉs, dí ntémé Tiʼbʉr gá wɨ́ná nyá. Metié maá ó bɨ́n á jóʼo ɨ́ nzɨ̌ bʉr o mílʉ́mlʉ́ bé má.