2 Pyɛr 3:11 - Kálar Nzyɛ̌m : Ejwán é Sáá

¹¹ Yé bé bisá bîʼ bíbyɛ̂h, byé ógbahɔɔ nó, wáǎ mbǐ kʉ̌ tyen bɨ́n jálá le edû wɨ́? Yé ó kʉ̌ tyen dí ejala e bʉr o dí tí, baá o dí egúmo e Nzyɛ̌m bá wɨ́.

Kálara Zyɛ̌m Edwán é mpʉ̌n

¹¹ É mpʉ yé ndɨ ó, bɨsa biʼ bibyɛh, byé ódim no e, dɨʼe pahle ga! Wáa mbi ebò e cyen bɨn lé ejala le ekœʼ œ? Ebò e cyen laa, lé ó laa ndɨ ejala e mɨsaŋ mɨ bʉr ɨ, bé e bʉr o ndɨ edwaabe Zyɛm ɨ.

2 Pyɛr 3:11 ပူးပေါင်းရင်းမြစ်များ

1 Pyɛr 1:15

Nzyɛ̌m, mʉr á jébe bɨ̌n nyá, nye ó tí. Sá tɨ̂ʼ ó bɨ́n jálá le edi bʉ̂r o dí tí bá, ɨ́ páʼ kʉ̌ tyen wɨ́n yɨ́.

Filipi 1:27

Sâ gwár, dúʼóó gá kʉ̌ tyen dí ejala e bʉr o dí ebúʼlǎ Mbɨambɨa Lɔ́ɔ́ mé Krîst bá wɨ́. Bɨ́n sá nó wá, me ókpɛl éjóʼǒ lɔ́ɔ́ búʼó yɨ́n ó, bɨ̌n dína ó ɨ́ mpúhlá e nzɨ̌ Sísǐm ngwár. Bɨ̌n bé lɨ́ egbâ nkûl lɨ́ edi e léme ngwár, le etye ɨ́ nzɨ̌ búʼó mpʉ̌ Mbɨambɨa Lɔ́ɔ dí elɛ̂ʼle yɨ́. Mě damá nze, nzě bee bɨ́n, nkʉ̂ ntémé di wâ, me ójóʼo yɨ́ɛ lɔ́ɔ́ tɨ̂.

1 Pyɛr 2:12

Diʼee gá e kʉ̌ tyen mpâ témé ohááden. Bé damá swêʼ bɨ́n, nkʉ̂ lɛ́ɛ ó, bɨ̌n bé ɨ́ bébe, bé óbánǎ bee bísyɛ́ɛla bimpâ bɨ́n dí esâ bí, ntɔ̂ʼ dwě Nzyɛ̌m kûm tɨ̂ʼ ɨ́ móhó nyé ónze mɨ́ná gá ɨ́ menɔɔlʉ wɨ́.

2 Pyɛr 3:12

Jɔʼ yɨ́yɛ̂h mɨ́ná dú gá kʉ̌ tyen waá yɨ́, mɨná bónó gá ó, móhó Nzyɛ̌m ngá báʼǎ nze wɨ́. Mɨná séá gá ntémé ó, syɛ́ɛ́ ngá sâ ó, nye kpâhwa nze yɨ́. Ɨ́ móhó waá ó, jʉ́o le ejwoo le baántɛ́n ngá jɔǎ siʼe, ntɔ̂ʼ dinwa. Bisá Nzyɛ̌m á komlo byé e tɨ̂ʼ bí, byé ójǎ siʼe, buma mínjʉl.

1 Timotɛ 6:11

Gua mʉr mé Nzyɛ̌m, gwá syɛ̂hle bísá bínɨ̌ bíbyɛ̂h. Dúʼóó njɨ bisyɛ́ɛla bi dí tîtyěl bí. Jwááwáá Nzyɛ̌m, le edyɛ̂ʼwo e né, le ekpɛl bʉ̂r. Diʼee mʉ̂r bíhwó. Talaa ntémé njwɨr.

Jacques 3:13

Wáa mʉ̂r ɨ́ sɔ́má yɨ́n dí le ocwóó? Wáa mʉ̂r dí egʉ́a mékaná, sâ bínzololo? Yé jala ó, mʉr waá gʉ́ŋaa elɛ̂ʼle ócwóó wé ɨ́ nzɨ̌ mbɨambɨa kʉ̌ tyen nyé dí edû yɨ́. Nye sâʼ bisyɛ́ɛla bimpâ. Nye díʼee le njwɨr dí ɨ́ tala tala wɨ́. Mpaŋ ócwóó ó tɨ̂ʼ wɨ́.

Filipi 3:20

Ɨ́ páʼ gá wɨ́ná, mɨná gá bɨ́ɛ bé ó bʉr o dí egúmo e jʉ́o kʉ́ bá. Mɨná mû ó lɨ́ ebóno gá Tiʼbʉr gá wɨ́ná. Nye ó dí Tî Yésʉs-Krîst, ngá duho ɨ́ jʉ́o kʉ́, nze kâʼ ɨ́ sí yɨ̂ʼ nyá.

2 Pyɛr 1:3

Nzyɛ̌m á si gbâ nkul nyé lɨ́ edwe mɨ́ná gá sá yɨ́yɛ̂h dí e nyɔm lɨ́ esú ó, mɨná tíʼaa gá, le egúmo gá e né yɨ́. Nye á jébe mɨná gá ó, ɨ́ nzɨ̌ kûm nyé le mbɨambɨa njwɨr wé.

1 Timotɛ 6:3

Tî gá wɨ́ná Yésʉs-Krîst á si kʉ líʼe mɨná gá e lɛ́ʼlá mpâ mɨ́ná dí edû wɨ́, bé le olɛ̂ʼla dí edwáawǒ Nzyɛ̌m bá. Mʉ̂r bé akam mílɛ́ʼlá mínɨ̌, kǎ tó dwe yɨ́ɛ milɛ́ʼlá míswîh nó, lɛ́ɛ́, nyɨ́haá nkɛ́ɛ́ ó nyʉ̂l.

1 Timotɛ 4:12

Anyamlě kam ó, mʉr pyéhee go ɨ́ lɔ̌b gó dína loʼo. Lɨlɛ́ʼláá óbûʼla mveʼle édû. Sáʼ nó e bisyɛ́ɛla bî: lwǐb yô, twiʼ yô, kpɛ̌l yô, búʼó yô, lɨ́ edwe nyʉ̂l nyǒ medile ɨ́ míh mé Nzyɛ̌m.

Mataos 8:27

Bʉr baá, bê nzě jóʼo ékɛ̂n ɨ́ buo buo. Bé ó: «Mʉr nyâ, nye wáǎ mbi, dí, nkúo e mâŋ, byé lɨ́ ebánǎ sâ nyé mejóʼo nyâʼ ɛ̌?»

Jacques 1:24

Le nyé dwír koo, le ntɔ̂ʼ nyé jɨ́há mpʉ nyê bé yɨ́.

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

1 Tesalonika 1:5

Ebě, ɨ́ jɔʼ bɨ́h á lɛ́ɛ bɨ̌n Mbɨambɨa Lɔ́ɔ́ mé Krîst yɨ́, bɨ̌n bé á bé anʉǎ lɔ́ɔ waá le epɨ̂h. Yé ó, ebě, ɨ́ jɔʼ yaá, Nzyɛ̌m á si lɛ̂ʼle bɨ̌n nkǔl nɨ́nɨ́ɨ́ nyé tɨ̂. Sísǐm wé, wé á si sulo ntémé ɨ́ bɨ̌n. Bɨ̌n bé á nze ka gʉ́a ɨ́ jɔʼ yaá ó, lɔ́ɔ waá, wé á kʉ be ó, tyeetye. Bɨ̌n bé lɨ́ egʉ́a ntémé mpʉ mɨ́ná bé á bɨbe gá yɨ́. Bɨ̌h bé á títíʼe nó ó, lɨ́ esú lé édi bɨ́n e nyɔm.

1 Timotɛ 6:6

Tó kœb ó, mʉ̂r dyɛ́nwá le edwě Nzyɛ̌m kûm, le edi e bisʉhʉʉ ɨ́ léme nó, mʉr waá ókʉ́ bi mínyɔm ɨ́ buo buo tɨ̂.

2 Pyɛr 1:6

Ɨ́ ngwɨ́á, bɨ̌n e kɛ́l émâr é léme. Lɨ́ emâr é léme, bíhwó. Lɨ́ bíhwó, kʉ̌ tyen mpâ.

Ebrœ̂ 13:5

Mʉ̌r sá alâʼ nyʉ̂l nyé lɨ́ enkpɔɔ é mɔnɨ́. Sohaa gá bím bísá bɨ́n dí ebi bí, ebě, Nzyɛ̌m á lɛ́ɛ ó: «Mé abe e nkul ejɨha gô, nkʉ̂ líʼe gó ɨ́ ntɛ̂ʼ.»

2 Korɛnt 1:12

Sá bɨ́h dí enkʉ́na tɨ̂ʼ yɨ́, yé ó yɨ̂: kʉ̌ tyen dí tîtyěl, waá bɨ́h dí edû e milémé míh mímyɛ̂h ɨ́ míh mé Nzyɛ̌m wɨ́. Mipahlá mílémé míh, myé boʼlo ó, bɨ̌h bé e mbɨambɨa kʉ̌ tyen. Ɨ́ kʉ̌ tyen waá, bɨ̌h jaá sâ ó, njɨ bím mpâm mé Nzyɛ̌m dí ekpɛl ó, bɨ̌h sâʼ yɨ́. Kʉ̌ tyen ngwár waá ó bɨ́h á bu dû kwá nyɨ́n, le ɨ́ sí yɨ̂ʼ yɨ́yɛ̂h wɨ́. Wé abɔma e milɛ́ʼlá bʉ̂r ó sí yɨ̂ʼ dí edwe bʉ̂r mí.

Rôm 13:11

Sáʼ gá nó, ebě, bɨ̌n bé lɨ́ egʉ́ǎ jɔʼ mɨ́ná gá mû tɨ̂ʼ yɨ́. Ɨ́ báánâ, yé ó jɔʼ bɨ́n jálá le ejɨma ɨ́ bijô yɨ́. Jɔ̌ʼ Nzyɛ̌m á boo pɛ̂h ó, nyě tǐʼ ó mɨ́ná gá yɨ́, yé mû ó kúno epyâl. Yé akǎ cɛrǎ mpʉ yé á nyɛɛ be ɨ́ jɔʼ mɨ́ná bé á nyɛɛ bûʼla gá yɨ́.

Rôm 13:12

Pum mû ó téme elaa; móhó lɨ́ esîhle. Mɨná bírɨɨ gá bisyɛ́ɛla bi dí esáŋɔɔ lɨ́ edúrʉ́ʉ́ bí. Mɨná bwáraa gá mimbór mí dɔ̂m lɨ́ esú ó, mɨná lwímlaa gá e myé ɨ́ móhó.

2 Pyɛr 3:10

Ɨ́ jɔʼ Tî Yésʉs óbáʼǎ nze yɨ́, nye ópyâl bʉ̂r ó, metwɨrâ, mpʉ̌ ndíblʉ̌. Jʉ́o le ejwoo le baántɛ́n, byé ótɨ̂l e duú ɨ́ buo buo. Bisá Nzyɛ̌m á komlo byé e tɨ̂ʼ bí, nye ódîʼ bíbyɛ̂h. Sí yɨ̂ʼ ti e bisá bíbyɛ̂h bi dí esumɔɔ tɨ̂ʼ bí, byé ódíʼɔɔ.