2 Pyɛr 3:10 - Kálar Nzyɛ̌m : Ejwán é Sáá

¹⁰ Ɨ́ jɔʼ Tî Yésʉs óbáʼǎ nze yɨ́, nye ópyâl bʉ̂r ó, metwɨrâ, mpʉ̌ ndíblʉ̌. Jʉ́o le ejwoo le baántɛ́n, byé ótɨ̂l e duú ɨ́ buo buo. Bisá Nzyɛ̌m á komlo byé e tɨ̂ʼ bí, nye ódîʼ bíbyɛ̂h. Sí yɨ̂ʼ ti e bisá bíbyɛ̂h bi dí esumɔɔ tɨ̂ʼ bí, byé ódíʼɔɔ.

Kálara Zyɛ̌m Edwán é mpʉ̌n

¹⁰ É dobo Da Yesʉs óbula ze e, nye ópyal bʉr ó, motwɨra, é mpʉ ndiblʉ. Jobo e l'ejyoo le ebantɛn, byé ójaa e bwaʼbwaʼ duu. Bɨsa bɨtwaʼa Zyɛm a cye, ntɔʼ me kʉ e si e tɨʼ ɨ, bibyɛh, byé ójɔa siʼe, ntɔʼ dinba. Si nwaʼ ndwe e bɨsa bibyɛh bʉr lé esa tɨʼ ɨ, byé óka gʉa gʉŋɔ.

2 Pyɛr 3:10 ပူးပေါင်းရင်းမြစ်များ

Mɨngwiha 21:1

Me á si bee edwán é jʉ́o le edwán é sí, ebě, jʉ́ó ésôʼ bé e sí ésôʼ, byé á be ó sí laa. Mâŋ, mé á bé akǎ be.

Mataos 24:35

Kʉ́ e sí, byé ólaa. Milɔ̌b myâm míɛ, myé ákóʼó síe.

2 Pyɛr 3:7

Lwǐb mé Nzyɛ̌m gwár e gwár yaá ó dí ebaʼlě jʉ́o, le ejwoo le sí. Yé óbaʼle byé ó, tó pyâl ɨ́ móhó étíʼ é mílɔ̌b. Byé odíʼɔɔ. Minjéʼe-Nzyɛ̌m, myé ódwe ɨ́ móhó waá.

Mɨngwiha 16:15

Bê nzě syɛŋa ntémé nó. Bé á syɛŋa ó, lɨ́ ebɨ̌m e dɔ̂m bé jɨ́jébé ɨ́ lwǐb ébrœ̂ «Armagedɔ̂n» yɨ́. Tî gá wɨ́ná, nyě lɛ́ɛ́ ó: «Paá bee gâ: me lɨ́ enze métwɨrâ, mpʉ̌ ndíblʉ̌. Mʉr dí ɨ́ mpʉ̂n, mikán mimbɔ́rá ɨ́ nyʉ̂l nyá, nye ó waá mé ósʉ métyɛʼ me mpóm nyá. Nyɨɛ, nye ábě suswáh. Nye ábeɔɔ ɨ́ nkɛŋlɛ̂m. Nye ásɔ́ma.»

1 Tesalonika 5:2

Ebě, bɨ̌n bʉr o tɨ̂, bé lɨ́ ekʉ́ gʉ́a ɨ́ pébébé ó, ɨ́ jɔʼ Tî Yésʉs óbáʼǎ nze yɨ́, nye ópyâl bʉ̂r metwɨrâ mpʉ míndíblʉ̌ dí eboó pipyâl ɨ́ mipum yɨ́.

Markus 13:31

Kʉ́ e sí, byé ólaa. Milɔ̌b myâm míɛ, myé ákóʼó síe.

2 Pyɛr 3:12

Jɔʼ yɨ́yɛ̂h mɨ́ná dú gá kʉ̌ tyen waá yɨ́, mɨná bónó gá ó, móhó Nzyɛ̌m ngá báʼǎ nze wɨ́. Mɨná séá gá ntémé ó, syɛ́ɛ́ ngá sâ ó, nye kpâhwa nze yɨ́. Ɨ́ móhó waá ó, jʉ́o le ejwoo le baántɛ́n ngá jɔǎ siʼe, ntɔ̂ʼ dinwa. Bisá Nzyɛ̌m á komlo byé e tɨ̂ʼ bí, byé ójǎ siʼe, buma mínjʉl.

Mɨngwiha 3:3

Ebe nó, símsáá gá milɛ́ʼlá bɨ́n á jóʼo ɨ́ mimbú mí píhe mí. Símsáá gá ntémé mpʉ bɨ́n á nyɛɛ nʉa myé yɨ́. Túmáá gá mikoo e mebébe mɨ́n. Bɨ̌n e dwírá míléme, le ebaʼle mílɛ́ʼlá myaá. Bɨ́n bé yɨ́ɛ ajɨmajɨma nɛ́ɛ: gʉ́ŋáá gá ó, me ónze ɨ́ sɔ́má yɨ́n. Sâ gwár, bɨ̌n bé ágʉ́ǎ jɔʼ mé ónze yɨ́. Me ónze ó, metwɨrâ, mpʉ̌ ndíblʉ̌.

Lʉkas 12:39

Ebě, bɨ̌n bé lɨ́ egʉ́a ó, yé bé mʉr mbɛ̌r á be ɨ́ gʉ́a éwalǎ ndíblʉ̌ á be ó, wé ópyâl lɨ́ nó, mpa nye á bé abîr ó, wé túbaa nye mbɛ̌r.

Mɨngwiha 20:11

Nó ó, me nzě bee mécwɨ́ɨ́ mé jwɨ́ɨ ménɨ́nɨ́ɨ́, mé á be ɨ́ pumo pumo má. Me á si bee ntémé waá á be tɨ̂ʼ ndîndǐl nyá. Sí yɨ̂ ndu e jʉ́o, byé á si dîm ɨ́ míh mé.

1 Korɛnt 5:5

bɨ̌n e tyén mʉ̂r waá kwá mé Sátan, ó Sátan ndámaa nye ɨ́ páʼ njwɨr myâ gá wɨ́ná. Ɨ́ páʼ sísǐm wé, nyé otiʼe ɨ́ móhó Tî gá wɨ́ná óbáʼǎ nze wɨ́.

Rôm 8:20

Bisá bíbyɛ̂h byaá, byé mû ó ɨ́ tyé dí dwêh yɨ́. Ntʉ byé á gbáa edi nó. Nzyɛ̌m mʉr tɨ̂ʼ ó b'á lɛ́ɛ ó, myé díʼee ɨ́ tyé yaá, tó pyâl ɨ́ tíl mélû yaá.

Yʉ̂d 1:6

Símsáá gá ntémé beéngeles o b'á be akpɛl édi ɨ́ mecwɨ́ɨ́ mɔ́ɔ́ bá. Bé á si kpɛ́ɛ bidǐ bimpâ byɔ́ɔ́, kǎ tó gbáŋɔɔ ɨ́ mpǐl. Nzyɛ̌m á si gbâ bé lɨ́ edúrʉ́ʉ́ tʉ́ŋlʉ̌, bé mû mikɛ́ʼá. Okuluu bɔ́ɔ́, bé ódi ó, kɔ́m ti e kɔ́m, atiɔɔtiɔɔ. Tɨ̂ʼ ó beéngeles baá dí ebónǒ tíʼá mílɔ̌b épíhe yɨ́.

2 Korɛnt 1:14

Bɨ̌n bɨ́ nyɛɛ́ gʉ́a bɨ́h pêh lɨ́ esú ó, bɨ̌n nkʉ́naa ɨ́ lɔ̌b wɨ́h ɨ́ móhó mé Tî Yésʉs. Bɨ̌h bɨɛ bé ónkʉ́na ɨ́ lɔ̌b wɨ́n ntémé ɨ́ móhó waá.

1 Korɛnt 1:8

Nye ntémé ó ngá gbâ bɨ́n pîm ɨ́ búʼó, tó pyâl ɨ́ mesíé, abe e sá ébébe nyé ónwâhle bɨ́n e tɨ̂ʼ ɨ́ jɔʼ Tî gá wɨ́ná, Yésʉs-Krîst ngá pyâl yɨ́.

1 Tesalonika 5:4

Bɨ́ɔɔ́ bâm! Okɛ́l bâm! Bɨ̌n bé ajéʼě lɔ̌b waá. Bɨ̌n bé átwɨrǎ móhó waá. Wé ápyâl bɨ́n mpʉ̌ ndíblʉ̌.

2 Pyɛr 3:11

Yé bé bisá bîʼ bíbyɛ̂h, byé ógbahɔɔ nó, wáǎ mbǐ kʉ̌ tyen bɨ́n jálá le edû wɨ́? Yé ó kʉ̌ tyen dí ejala e bʉr o dí tí, baá o dí egúmo e Nzyɛ̌m bá wɨ́.

Mɨngwiha 6:14

Jʉ́o, yé á si dîm ɨ́ mîh ɨ́ sɔ̌s, ɨ́ mpʉ mícɛmá dí edîm ɨ́ jɔʼ bé dí epíle mékaná yɨ́. Mecwɨ́ʼ mɨ́mɛ̂h ndu e mitíhé mímyɛ̂h, byé á si pʉʼa ɨ́ bigúmó byɔ́ɔ́, tóŋɔɔ ɨ́ bigúmo biswîh.